ألف ألف مبروووووووووووووك الوصول لنصف النهـائي و بأذن الله نحقق العاشرة

مبرووووووك لراؤول

الف الف الف مممبروك ,
لآعبينآ قدروآ يطلعون بآلنتيجه .. لكن مآقدروآ ع الحكم

مبروووك رآؤول الآرقآم القيآسيه ,

الف الف مبرووووووووووووووك


صور من اللقاء

مبروك الفوز والتاهل

سامي خظيره نجم المباراه بدون منازع ماشاء الله عليه

تعجبني حركته ,, ويعجبني التحامه ..

يارب نشوف الروح هذي موجوده يوم السبت ,,

النهائي ان شاء الله بين الريال .. والمان

إقتباس الرسالة الأصلية كتبت بواسطة عاشق s.ramos غوآرديولآ : سـ نتوآجد في نهآئي التشآمبيونز يب يتجآهل مدريد : إن انتصرنآ اليوم فـ سـ نصل لـ ويمبلي غوآرديولآ ينضم لـ قآئمة المهآيطين : روزيل : سـ ننتصر في نهآئي الكأس بنتيجة 5 - 0 جآسبآرت : كآن على روزيل أن يقول أننآ سـ نفوز بنتيجة 14 - 0 فآلديز : آخر مرة فآز علينآ الريآل كآن في ألوآن ولآ أبيض و أسود ؟ اشهآر الأيدي في إشآرة لـ نتيجة 5 - 0

إقتباس الرسالة الأصلية كتبت بواسطة Hilali 3asal نعرف جوارديولا من وصوله لبرشلونه وتصريحاته الموزونة ولا يمكن انه يتكلم بمثل هالتصريح ويتجاهل مباراة السيمي فاينل ضد منافس تقليدي ... القصة انه في المؤتمر الصحفي قبل مباراة شاختار صحفي أوكراني سأله سؤال وكان فيه خطأ في الترجمة ووصل السؤال لبيب انه الفريق اللي يفوز على شاختار يوصل للنهائي ، ورد عليه جوارديولا يعني انه إذا فزنا في مباراة الغد سنكون في النهائي في ويمبلي ، وبعد كذا رجع وقال اتمنى ان نصل الى نصف النهائي وبعدها ينتظرنا الكثير من العمل للوصول الى النهائي و ( هـنـا ) المصدر للمؤتمر الصحفي كامل .

مبروك الفوز

بس ماش المستوى ما يطمن صراحة ... شفت ربكة ريال الشامبينز حق السنوات الاخيرة
حتى من لاعبين خبرة وكبار ... الشخصية شخصية الريال ما ظهرت في هاللقاء
مسكنا الكورة في آخر الدقايق بعد ما تعب توتنهام وبدى ينال منهم اليأس وبدو يفكرون
في ديربيهم قدام ارسنال .... ممكن يكون الفريق يفكر في الكلاسيكو وماهو في حضوره
الذهني الكامل لكن يبقى ان الفريق عاش ربكة ما تبعث على الاطمئنان وهدد مرمانا
كثير وضاع عليهم بلنتيين تقريبا لكن جيد ان هالاخطاء ظهرت في هالاختبار الصعب
علشان تفتح عيون مورينهو والفريق على مثل هالاخطاء لتدارك ما يستطيعون تداركه
قبل كلاسيكو السبت والكلاسيكو الاثر اهمية حق الكاس يوم الاربعاء .




سبيكة سبيكة سبيكه < مربوش كل تفكيره تشتيت يورط المدافعين بتمرياته باوقات
زنقه ما ادري شلون صبرنا عليه موسم كامل ... لكنه جيد كبديل





بالفعل افضل لاعب من فريقنا
ثقل في الميدان وافتكاك كور والتحامات ومسانده هجومية ودفاعية
اكثر ما اعجبني يوم مسك مكان الونسو وقد يتحكم بالرتم بكل روعة



/

إقتباس بخصوص نوري شاهين تراه يلعب محور بنفس موقع الونسو بالضبط

ايه صح يلعب محور هجومي ويتقدم كثير لدرجة انه يلعب خلف المهاجمين
احيانا صدق ترا موب ترقيعه لي



تحية للجميع

كرستيانو رونالدو " لاعبوا برشلونة ليسوا من عالم آخر "



بعد الفوز على توتنهام قال رونالدو عن اللقاء " انها خطوة مهمة جدا , نحن في قمة
التصنيف الان وهو ما كان يجب من البداية , لقد اقتربنا من النهائي ولكننا الان سنواجه
اصعب فريق في دوري ابطال اوربا "

كريس ليس خائفا من مواجهات البرسا " مباريات السبت والاربعاء ينبغي ان ننظر لهما
على انهما مباريات مختلفة , لاعبي برشلونة ليسوا من عالم آخر , انهم مثلنا , من
افضل اللاعبين في العالم , من يخطئ بشكل اقل هو من سينتصر "

عن الـ 5-0 التي حدثت في الدوري قال " كل شيء وارد , من يضحك اخيرا يكون هو
الافضل , وآمل ان يكون ريال مدريد هو من يضحك اخيرا " اما عن امكانية تعرضه
للايقاف في نصف النهائي في حال اخذ انذار قال " لا افكر كثيرا في هذا الامر على
ارغم من انني اعرف انني من المعرضين للخطر "

Cristiano no se asusta: "El Barça no es de otro mundo" - tottenham 0 - real madrid 1 - AS.com

إقتباس الرسالة الأصلية كتبت بواسطة Visca El Barca الف مبروك الفوز .. واحسن شي اني ارد عليكم بعد الفوز بالعقل وبالمنطق جوارديولا مايتكلم كذا ولا يهايط ! جوارديولا لو كان بيلعب قدام شالكه مثلا والذهاب خلص 8-0 مايقول كذا ! وهذا كل الي صار ! والايادي الخمسة هذا جاء توضيح عنها من الي سوو الاعلان انفسهم ! الاعلان كان يتكلم عن حملة لاولمبياد الي بيكون في مدريد على ماظن ! يعني ماله علاقه في مدريد وبس ! اما فالديز فـ الله يهداهـ والباقين ماعليهم شرهه بس حبيت اوضح وآسف ع الازعاج !

هلا ياصاحبي < ياخي ماودك تقولنا بأسمك خخ ترا استحي من كثر مااانسخ خخخ ! ..

الموضوع مهو موضوع غوارديولا قال او قصد ! .. الموضوع كله ان الماركا والاس قاعده تشحن لاعبين الريال وجمهوره نفسيا وقاعد تعدهم عشان يكونوا متوافقين ضد البرسا نفسيا ! ..

الشيء ذا قلناه اكثر من مره ! .. بس مدامك برشلوني ممكن مااركزت عليه كثير خخ ! ..
ان لاعبين البرسا عارفين تقاليد الكلاسيكو ! .. ومتشربين من حقد كتلونيا ! .. وقاعدين يلعبون المباره ذا على انها اكبر من مجرد مباره ! ..
انت تتكلم عن فريق تقريبا فيه 7 الى 8 لاعبين اساسين من مدرسه اللاماسيا ! .. يعني فكر كتلونيا مغروز فيهم ويأثرون على البقيه ! ..

اتوقع انك شايف فريقك كيف يكون يوم يلعبون ضد مدريد ! .. واتوقع انك تشوف مدريد كيف يكون لما يلعب قدام برشلونه ! ..
وتشوف فرق الامكانيات الي تظهر كبيييره بين الفريقين مع ان الفريقين يملكون اسماء تقارب بعض ! ..
انيستا تشافي .. كاكا الونسو ! ..
ميسي .. رونالدو ! ..
دي ماريا .. بيدرو ! ..
البنز .. فيا ! ..
كاسياس .. فالديز ..
بيول وبيكيه ! .. كرفهاليو وبيبي ! ..
الفيس ! .. راموس ! ..
ادريانو او ابيدال ! .. مارسيلو او اربيلوا ! ..

الفرق مهوو كبير ( مع اعترافي انه فرق الانسجام واللعب مع بعض والتشرب من التكتيكات ينصب لصالح البرسا ! ) .. لكن ماتوصل للدرجه اننا نشوف فروقات كبيييره ونتائج احيانا تكون اكبر ! ..

العله كلها في الدافع النفسي ! .. وهنا الفرق بيننا وبينكم ( ارجع واقول غير الانسجام الي من صالح البرسا ! ) ..
لاعبينكم يدخلون المباره على انها حرب من عرف تقاليد كتلونيا الانفصاليه ( غير طبعا وجود مورينهو خخخ ) ! .. ولاعبيننا داخلين على انها مباره عاديه ! ..

عندك بيول بيكيه بيدرو تشافي انيستا وميسي عارفين وش معنى المباره ذي ! .. غير الريال الي عنده كريستيانو الي ماله سنتين مع الفريق ودي ماريا الي جاي من بنفيكا واوزيل الي جاي من المانيا وعده لاعبين ماايعرفون وش يعني الكلاسيكو ذا وايش اهميته خارج نطاق المباره ! ..

الماركا عارفه الشيء ! .. عشان كذا قاعده تستفز في جمهور الريال قبل حتى لاعبينه ( الي ااتوقع ان اي لاعب بعد الخمسه عرف انها مهي مجرد مباره ! ) ! ..

واتوقع كمان انت شايف جمهور النوكامب كيف لما يأتي الريال ! .. وتشوف جمهور السنتياغو لما يأتي البرسا لمدريد ! ..

الملعب لوحده يتكلم ! ..
ملعب فريقك يقول لفريقنا انتم ماابتطلعون من هنا الا بعد ماانعلم عليكم خخ ! .. وملعبنا يقول للاعبينكم يووه ذا تشافي المحترم خل نصفق له اوه ذا انيستا الي سجل لنا في نهائي كأس العالم اوه شوف الفريق ذا كيف يلعب وكيف يمتع خخ ! ..
الفرق واضح ! .. ملعب يلعب مع فريقك ! .. وملعب مهيئ وعادي لفريقك ! ..

عشان كذا اقولك من الان ! ..
مدريد قبل الخمسه بيكون غير مليون مره عن مدريد بعده ! .. البرنابيو بيلعب معنا ! .. وبتشوف فروق مهي كبيره بيننا وبينكم ! ..
لانه وقتها زي ماانتم داخلين على انها حرب ! .. نحن ندخل على انها مجزره ! ..

وكل ذا بيكون من بركات الاس والماركا خخخ ! .. وحتى من بركات الخمسه ! .. لانها غيرت من فكر الفريق وقاعده تغير من فكر مدريد نحو برشلونه ! ..

استعدوا للطحن خخ ! < بدينا بالهياط لا شعوريا خخخ ..



مبروك التأهل رسميا ! ..

وزي ماقلنا ! .. 20 دقيقه بدون ماتتلقى هدف كفيله انها تأهلك ! ..

مااعندي شيء اقوله عن المباره الا حاجتين ! ..

تبا لك ياامورينهو اولا خخخخ ! .. ليه ماااشركت كاكا كأساسي خخ ! ..

وتبا لك يااكرفهاليو يااادرج خخ ! .. وش الدخله الغبيه والكرت الاغبى كمان خخ ! ..

على كثر مانقهرت ! .. على كثر ماقلت يالله على الاقل ماابنشوف راموس كظهير ايمن ضد البرسا خخ ! ..
لان راموس ضد البرسا في الظهير الايمن يكون شربه غير لما يكون كقلب دفاع ! ..

عموما لسه بدري الكلام عن مباره البرسا في الابطال ! ..

موفقين يارب ومبروك التأهل ! .. وعقبال العاشره ياارب ! .

قفله :

فهد ! .. ولكم باك يااااركبه خخخ ! ..