رســالــة جــوال ّّّّّ خــلــتــهــا تــمــســك مــعــي صــح...(محتوى الرساله) - نادي الهلال السعودي - شبكة الزعيم

صـمـت · #1 17/07/2010, 06:18 AM

السلام عليكم ورحمة الله وبركاته

يوم الخميس الموافق 1431/8/3 هـ
الساعه (6:15 صـ) السادسه و الربع صباحا تقريبا

وانا فاضي جالس ادوج على السياره ...ومشغل المكيف حق السياره وحاطه على اربعه...

طبعا اكيد من الحر..<<يعني فيه احد يشغل المكيف عشانه برد مثلا؟؟

والشله الفاسده ادقق عليهم جوال اللي مقفل جواله
و اللي يرد علي وصوته تقول ددسن اربعه وثمانين مفقوعه كنداسته لانه راد وهو نايم واللي اصلا موب في الرياض
وانا منفقعه مرارتي النت خربان (يقطع) لانكم تعرفون اس تي سي حياة اسهل لا خلا ولا عدم

وانا جالس افرفر في شوارع الرياض في ذالحر و في ذالشموس الا و الجوال يرن

دن دن دن دن<<يبي يكتب نغمة نوكيا

المتصل: محمد الـفلاني
* * * * * * *055
انا: هلا والله بالخوي<<<ماصدق يلقى احد صاحي في ذالصبح

محمد: هلابك انت كيف حالك شخبارك عساك طيب

انا: والله بخير وسلامه انت اللي عطنا اخبارك وعلومك وش مسوي في ذالعطله

محمد: والله فيما يسرك مع الاهل والاقارب

انا: الحمدلله ... الا اقول وش مسوي مع ذالحر..؟؟ ما اقول الا نعنبوها حاله بس

محمد: اي حر..؟؟ ليه كم درجة الحراره..؟؟

انا: حلوه ذي اي حر.. ليه ماتحس..؟؟ انت ضب.. درجة الحراره من الاربعين لفوق

محمد: الضب انت وخشتك ... الا ولله الحمد براد وامطار وفله ما بعدها فله

انا: يامريض شفيك ... انهبلت ... الظاهر ضربت فيوزاتك من ذالحر..؟!!

محمد: انا مريض..؟؟ ثواني بدزلك رساله وعطني رايك..!!

انا: وشي رسالته.؟؟ الامطار و البراد هههههههه

محمد: تضحك..؟؟ برسلك صوره ... اقول الوسائط عندك مضبوطه..؟؟

انا: لا موب مضبوطه بس عادي ارسل وانا اشوفها على النت من موقع الاتصالات

محمد: خلاص انا بسكر الحين وبرسلك اربع صور للجو..!!

انا: الله عاد يذالجو كله شموس وحدب و قوايل .. يلا ارسل خل نشوف اخرتها معك

محمد: بس اذا جتك الصور دق علي وعطني رايك ... يلا مع السلامه

انا: مع السلامه

طبعا انا جالس انتظر الصور و انا ميت من الضحك اقول وش بيرسل ذالمهبول..

وافكر هو من جده امطار و براد في الرياض..؟؟

عاد مثل ماتعرفون رسالة الوسائط تاخر شوي... بعد ساعتين تقريبا

الجوال
(ديد ديد) جت الصور اللي هو مرسلها انا على طول رحت فتحت اللاب توب عشان اشوفها
على موقع الاتصالات

شووي اشوف الصوره وانا مفتح عيوني شوي وتطلع من مكانها
v

v

v

أبــهــا الــبــهــيــا

الله يالامطار و الجو بس اه بس ماشاء تبارك الله

انا اول شي ما دريت وين الصوره فيه يعني وين ملتقطها فيه لكن اتصلت عليه وفهمت الموضوع منه

اثر الولد فالها في البراد و الجو و الامطار و حنا هنا في ذالحر و الشموس تقول ضبان

عاد المقصد من عنوان الموضوع (رسالة جوال خلتها تمسك صح)

ان حنا و الاهل كنا ناوين نطلع لجده بعد ثلاث ايام يعني ناخذ لنا اسبوعين نتونس هناك

بس بعد الصوره هذي تغيرت الوجهه من الغرب الى الجنوب من جده الى ابها

وان شاء الله بنكون بعد ثلاث ايام في ابها البهيا باذن الله الله لا يعوق بشر

طبعا ندور الامطار و الاجواء الاوروبيه وان شاء الله ان قدرنا الله بلتقط لكم كم صوره وراح اوافيكم بها في المنتدى

ولو اني مالي في التصوير لكن تكرم عيونكم ...

وفي الختام اتمنى الموضوع يكون عجبكم ويكون خفيف على قلوبكم

وان شاء الله تكون الصوره عجبتكم

محبكم ّّّ{ صــمــت }ّّّّّ ّّّ

اذكروا الله · #2 17/07/2010, 06:29 AM

يالبييييييييييه ياابها معرررررررررررروفه

ونحنا بعد اياام معكم بس انتظروناااااااا

نـوف الهلال · #3 17/07/2010, 07:35 AM

لبى ابها واهل ابها ولبى الجنوب كلها تجنن <<< محد يمدح نفسه

رحله سعيده ان شالله
تمت سرقه الصوره #_#

حمد البذالي · #4 17/07/2010, 07:42 AM

بإذن الله يوم الأربعاء ماشي لأبها

وبجيب لكم الصور الطيبة بإذن الله

الله يعين على القطة بس

مَاهِينُورْ · #5 17/07/2010, 07:59 AM

وعليكم السلام ورحمة الله وبركاته

أهلاً صمت

موضوع رائع ,, أعجتني المقدّمة , الحوار مشوّق ما شاء الله p:

سبحان الله العلي العظيم

لو ماهي موجودة الهايلوكس كان قلنا الصورة بدولة غربية أو شرق آسيوية

ما شاء الله تبارك الله , يااا لله الجنّة

الله يبااارك لهم ويرزقنا ..

إقتباس

ان شاء الله بنكون بعد ثلاث ايام في ابها البهيا باذن الله

الله يحفظكم ويستر عليكم وتاصلون بالسلامة

شكراً صمت وننتظر صور من رحلتكم تنافس صورة صديقك ^^ ..

قناص سدير 20 · #6 17/07/2010, 08:08 AM

ماشاء الله تبارك الله .
اقول من يعزمّ يروح معي للسوده ؟

وليد القحطاني · #7 17/07/2010, 08:10 AM

5 ايام ونحن هناك بإذن الله ..
وانتظرو موضوعي صور فطورك وسحورك خخخخخخخخ
سبحان لازم ينكتب الموضوع وانا في خميس مشيط خخخخخخخخخخ
الحمد لله راح نبتعد عن الحر قليلا

الصورة رائعة يالغالي وارسل لي شوي من البراد اللي عندك ض1

سلاااااام

صـمـت · #8 17/07/2010, 09:00 AM

إقتباس

الرسالة الأصلية كتبت بواسطة اذكروا الله


	يالبييييييييييه ياابها معرررررررررررروفه ونحنا بعد اياام معكم بس انتظروناااااااا

حياك مرورك عطر الموضوع

وتوصولون بالسلامه ان شاء الله

إقتباس

الرسالة الأصلية كتبت بواسطة نـوف الهلال


	لبى ابها واهل ابها ولبى الجنوب كلها تجنن <<< محد يمدح نفسه رحله سعيده ان شالله تمت سرقه الصوره #_#

مشكوووره اختي مرورك عطر الموضوع ومشكوره على دعائك

الصوره فداك ماحطيتها الى لكم

إقتباس

الرسالة الأصلية كتبت بواسطة حمد البذالي


	بإذن الله يوم الأربعاء ماشي لأبها وبجيب لكم الصور الطيبة بإذن الله الله يعين على القطة بس

مشكور اخوي مرورك نوور الموضوع

تروح وترجع بالسلامه وحلو انك بتكفيني بتنزيل الصور لاني والله مالي في التصوير

إقتباس

الرسالة الأصلية كتبت بواسطة مَاهِينُورْ


	وعليكم السلام ورحمة الله وبركاته أهلاً صمت موضوع رائع ,, أعجتني المقدّمة , الحوار مشوّق ما شاء الله p: سبحان الله العلي العظيم لو ماهي موجودة الهايلوكس كان قلنا الصورة بدولة غربية أو شرق آسيوية ما شاء الله تبارك الله , يااا لله الجنّة الله يبااارك لهم ويرزقنا .. الله يحفظكم ويستر عليكم وتاصلون بالسلامة شكراً صمت وننتظر صور من رحلتكم تنافس صورة صديقك ^^ ..

اهلا اخوي ماهينور
مرورك عطر و نور و حلى الموضوع
وهذا من ذوقك الراقي و الرفيع

وان شاء الله اقدر اجيبلكم صور لاني الصراحه مالي في التصوير واخاف اصور واجيب العيد

إقتباس

الرسالة الأصلية كتبت بواسطة قناص سدير 20


	ماشاء الله تبارك الله . اقول من يعزمّ يروح معي للسوده ؟

حياك اخوي مرورك عطر الموضوع ونوره

إقتباس

الرسالة الأصلية كتبت بواسطة وليد القحطاني


	5 ايام ونحن هناك بإذن الله .. وانتظرو موضوعي صور فطورك وسحورك خخخخخخخخ سبحان لازم ينكتب الموضوع وانا في خميس مشيط خخخخخخخخخخ الحمد لله راح نبتعد عن الحر قليلا الصورة رائعة يالغالي وارسل لي شوي من البراد اللي عندك ض1 سلاااااام

حياك اخوي مرورك حلا و زين الموضوع يالغلا وتروح وترجع بالسلامه

والله يكافينا حر الرياض و السعوديه كلها

اشكر الزوار ايضا على المرور العطر

HooO 20OooH · #9 17/07/2010, 10:13 AM

ماشاء الله عـ الجو روعهـ .. خيالـ أمطار وغيوم وووووو .. ماشاء الله ... تسافرونـ بالسلامهـ إن شاء الله وترجعونـ سالمينـ ياربـ
.. تحياتيـ

HILALYA ]~ · #10 17/07/2010, 11:24 PM

..

ذكروني ياجواء الرياض

..
نفس الشي بس حنا بدال الرصاصي اللي بالصورة ابيض

..
الله يوفقكم ويوصلكم بالسلامه ..

اختك ..

بلو كادي · #11 18/07/2010, 02:35 AM

ماشاء الله يأبها الله يعطينا مما عطاكم

...

....تروحون وترجعون بالسلامة ..

...

9متيمة الزعيم9 · #12 18/07/2010, 02:51 AM

يالبييييييييييييييييييييه ياأبها يازينها ويازين جوها

احسن مكان للسياحة للي يبون البرااااد

يالله ان شاء الله تنبسطون انته ويا العايلة

إنتر هلال · #13 18/07/2010, 06:03 AM

حلوووه ابها والله يسهل عليكم وان شااء الله تنبسطوون يارب

وانا منفقعه مرارتي النت خربان لانكم تعرفون اس تي سي حياة اسهل لا خلا ولا عدم

.................................................

(ديد ديد) جت الصور اللي هو مرسلها انا على طول رحت فتحت اللاب توب عشان اشوفها
على موقع الاتصالات

...........................

مب تقوول النت خرباااان !!!

ومب كنت بالسيااره

كيف عجزت افهم لحست مخي ..

صـمـت · #14 18/07/2010, 07:38 AM

إقتباس

الرسالة الأصلية كتبت بواسطة إنتر هلال


	حلوووه ابها والله يسهل عليكم وان شااء الله تنبسطوون يارب وانا منفقعه مرارتي النت خربان لانكم تعرفون اس تي سي حياة اسهل لا خلا ولا عدم ................................................. (ديد ديد) جت الصور اللي هو مرسلها انا على طول رحت فتحت اللاب توب عشان اشوفها على موقع الاتصالات ........................... مب تقوول النت خرباااان !!! ومب كنت بالسيااره كيف عجزت افهم لحست مخي ..

يحقلك يلحس مخك لاني الصراحه ماوضحت

بس المقصد من ان النت خربان مو انه يعني مايشتغل لا...
انا اقصد انه يقطع وانا ما ادخل الا البالتوك منها دردشه وسوالف و وناسه
واذا دخلت كل شوي يقطع علي فهمت ولا اوضح اكثر...ولعيونك ببدل كلمة خربان بكلمة يقطع

يازينك و يازين مرورك و وردك