ويستمر مسلسل التعتيم و الترقيع من قبل الاعلام على حقيقة درجة الحرارة بالرياض + صورة تكذب جميع الجرايد ... - نادي الهلال السعودي - شبكة الزعيم

أزرق هلالي أصـيـل · #1 16/07/2010, 04:54 PM

السلام عليكم ورحمة الله وبركاته ..

كلنا ملاحظين و شايفين الحر الشديد الي حنا فيه وكلنا شايفين الجرايد تتكلم عن درجة الحرارة وانها وصلت اواخر الاربعينات وكلام كله لف و دوران ...... الخ

مابي اكثر كلام وبخلي الصورة تتحدث فقطط..

هيا بالله وش ردة فعلكم بعد الصورة هذه ؟ وكمان حنا مقبلين ع رمضان

في الدول المتقدمة ان وصلت درجة الحرارة الخمسين او قاربتها حذرت الدول مواطينها وتمنعها عن العمل على الاقل .

اما هنا بالسعودية يستمر مسلسل الترقيع و اخفاء الحقيقة عن المواطن .
الكل يدري انه ان وصلت درجة الحرارة 50
تتوقف الدوائر الحكومية والمدارس ... الخ

طيب وش ذنب الغلابة الي يداوم لك بالظهر و الي ماخذ ترم صيفي و لاحتى هنود البلدية الي بنص القايلة يكنسون بالشوارع ؟
قسم بالله الشمس هذه خطيرة و تستطيع ان تسبب لك سرطان الجلد زي السلام عليكم

ما اقول لكم الا استعملوا واقيات الشمس و لحد يطلع من بيته بالنهار و ان بغيت تطلع
البس نظارات شمسية ع الاقل
( وينصح بانها تكون نظارات ray ban لانها الموضة

)

و ياحظ الي مصيف بالطايف و لا ابها بس

ووللمعلومية فقط درجة الحرارة الان الان الان 47 درجة مئوية

غبنة

!. مجنون في زمن العُقلاء .! · #2 16/07/2010, 05:16 PM

وعليكم السلام ورحمة الله وبركاته

ما أعتقد ان درجة الحراره صحيحه 100%

على اعتبار ان المقياس تحت اشعة الشمس مباشرة

المقياس السليم يكون على حرارة الهواء بعيدا ً عن اشعة الشمس

رُبما تُلامس الخمسين

ولكن لا تصل للستين

مسفر الحمالي · #3 16/07/2010, 05:19 PM

من جد حررررر

الله يصبرنا

عاد حنا داخلين على رمضان <<<<<<<<< (( جاك الموت ياتارك الصلاة ))

مجنون الزعيم(9) · #4 16/07/2010, 06:16 PM

وسعو صدوركم

يعني بالله بتفرق الحراره بالنسبه لك لاصارت 45 ولا 50

.. والله ماتدري
الجسم تكيف على الحر خلاص

..

الا ماتحسون ان الرياض هالايام فيها رطوبه

..<- برى

HILALYA ]~ · #5 16/07/2010, 06:23 PM

..

ابد اللي يبي يسوي تان والاش ..
يدهن نفسه بفازلين ويطلع بالحوش 5 دقايق لا هو محترق

..
الحمد لله ما فيه طلعات الحين

.. قدام المكيف ويالله من فضلك

..

#6 16/07/2010, 06:35 PM

الحمدالله والشكر على هالأعلام التعبان ..عقول يبغىلها فرمته

الله يعين الموظفين واللي عندهم ترم صيفي توهقوا

مشكور اخوي ..

فَيْلَـسُــ زَمَانَهُ ـــوفْ · #7 16/07/2010, 06:47 PM

أيه تعتبر عآدية عندنآ تعودنآ

أنصح الجميع أنه يستدهن بزيت ويطلع بالشمس

ترآه مآرآح يكون له شي إلا بس مآرآح تفرقون بينه وبين البطآطس المقلي المحترق

T H U N A Y A N · #8 16/07/2010, 08:06 PM

،

ديوان الخدمة المدنية ماعندهم لائحة تنص على عدم العمل في درجات الحرارة العالية !!!
ومكتب العمل كل سنة يحذر المؤسسات من تشغيل العمال في درجات حرارة عالية في شهري 7 ،8 لكن يبقى التنفيذ والرقابة وعدم الوعي في الاساس من قبل العامل او صاحب العمل

موضوع سابق لمتابعـة درجات الحرارة
:: [ درجـــات الحرارة في محافظات ومناطق المملكــة . . . مباشرة من هنا ] ::

،

9هلالي قصيمي9 · #9 16/07/2010, 08:36 PM

مانقول الا الله يعيين
حنا بالشرقية الصباح مبكر الساعه 6 ونص وانت رايح للدوام درجة الحرارة 40

غير الرطووبة

وبالظهر اعووذ بالله احيانا 52 واحيانا 50
ومن جد مايكسر خاطرك الا الضعوف عمال البلدية واللي يشتغلون بالبنيان
ماقول الا يارب ارحمنا برحمتكـ
هذي ديرتنا وش نسوي

♥ N E V E S ♥ · #10 16/07/2010, 08:41 PM

هنا كل شي ترقيع !

مانقول غير حسبي الله ونعم الوكيل

~SaKaB · #11 16/07/2010, 08:58 PM

والمشكلة اللي تمسك معه غلط ويروح كورنيش الدّمام بهـ الرّطوبة

يا قسم رجعت الغرفة غآآرق

الله يحرّم وجوهنا على جهنّم ..

عادل بن ساعد · #12 16/07/2010, 10:58 PM

هلا أخوي

’’
الحقيقة بأن الحر هالأيام شوي مرتفع و خصوصاً
أننا على مقربة من الشهر المبارك,, أسأل الله
أن يقينا لهيب و حر نار جهنم يا رب ,,

قـنـاص الـعـربـيـ@ · #13 17/07/2010, 12:33 AM

والله من جد رمضاااان ...

لكن الله يكون بااالعووون ,,,

الضحى · #14 17/07/2010, 12:39 AM

سبحان الله الحر يذكرنا بالقبر وضمته وشدة حره

وبالنار وشدتها ..اللهم أجرنا من النار وأحبابنا وجميع المسلمين . البارحة كنا في

إستراحة قريبي خارج الرياض مسافة 60كم كان الجو جداً حار ونحن بعد المغرب

وبعد العشاء هبت عاصفة ومعها رذاذ مطر وغبار شديد والحر مازال مشتعل لمدة عشر دقائق.

الكل يقول أول مرة يصير هذا الأمر ..الله المستعان على كل حال .

خرجنا من الإستراحة الساعة 12 وكان الجو حار .

أوَار · #15 17/07/2010, 02:12 AM

و أصبحنا على هيئة " ضبان " !
يارب براد الجنّة