بسسم آلله الرحمن الرحيم..





هلا ومسسهلآ فيكم..

عآآآد زمان مأطلقت لأصابعي العنـان ..لكي تنثر لكم الأبـدآآع ..

وزمآآآآن ماخشيت المنتدى لظروف درااسسه..خبركم أبي هندسسه وطب>>

على طآآآري الدرآسه..أذكر أول مارحت اسجل في ثانويتي الله يذكرها بالخير..ولبى ايام الثانويه بسس

صصح مالي أيام عطل الا وربي اني اششتقت لها..

تعرفون أخوانا في الله المصاريآآ يحبون ((الدع)) واآغلبهم كذا وهم والله من جنب القده..
تبي تتبعون وانتم تعدون هالفيسس

اهم شي..دخلت على المرششد اول ماقبلوني وبدأ أخونآ في الله بعمليه ((الدع)) وجمعها الدعدعه..

الدعدعه:هي عباره عن شخص يتكلم ويمدح نفسه ..وهو كل الي يقوله من كلام هو يمثل عكسه وليس نفسسه

اهم شي هالمصري أنطلق لي..اسمع انت وهو.>>معي أخوي

انا لمى أقول للطالب ماتبصش يمين وشمال بيقول حااضر يأستآز وأنا لما أمشي في الممر الاول الشعب كله بيروح للمر التاني..

وأخوكم في الله مسوي له عمليه سللللكت شنيعه .

السلكت:هو ان تهوم الشخص الذي امامك بأنك مندمج بالسسالفه ..وانت تبي الفكه بسس

اهم شي الأخ مسستمر وأنا وأنا وأنا وأنا ..وانا سلللكت سسللكت..كان هالكلام على بدايه عام دراسي..

الا طرررررررررخ>>صوت فتحه الباب

دخل واحد من الطلاب..وقال أسسمع يأستاد علي فالحرام مأخش فصل 3-3 انا بأروح للفصل الثوني 3-4 ومالي شغل فيك..تسسمع

طررررع>>صكه الباب

ناظرني ووجه معرق

قلت اقول ياسيد زمانك ..اشوه الجدول وقلي اي فصل اداومبه يابو سسيب
عاد وش دخل الموضوع هذا بالعنوان أنا أقولكم

هالمرشد الله يذكره بالخير..كان نادرا ماتشوفه والجوال ب بأذنه فصصرنا نسميه أبو رضضعه ..

تعريف الرضع:هو مكالمه الشاب لمايسيمه بمعشوقته او حبيبته بالأحرى الي لاعبن عليهـا

الحين..نخش بالموضوع دووغري






الررضع..

ياعآآلم بسس أنا أبي أفهم..

هل الشباب كلهم كذ1..؟

او البنات كلهم كذ1..؟

او كل واحد منهم يلعب على الحححبل..؟

اذكر قصصه لكم صارت قدامي..

واحد من الشباب الله يفتح على قلبه..بسس يرن جوالي ..وهو ماغير يصصصمت..بسس الحقيقه ازعجنا..

قلتله يأبو فلان رد عليه وقله مشغول..

قال لا النار اذا شبت ماطفيها على طوول..أبيها تووووولع .. ابيها خاتم..؟

طبعا أنا أستفهامات..ضغطت ستارت >>كنى نلعب كووره سوني

قلت وش الي نار وتولع ..وحريقه ومطافي جوك يابطل..؟

قال أبد ذي وحده اسمها هند..
قلت :ايوه

قال:مخررفن فيها خررفنه..

قلت :انا أخبر الخرفنه من البنات للعيال ..

قال: ههههاي ياقدمك.

قلت:طيب كيف تعرفت عليها ..

قال:قيمز>>لعبه البلياردو..

اهم شي سردلي قصته..

والله العظيم والله العظيم ياعآآلم أنها تصررف عليه..!!!!!!!

ماودي العن عليه لأني والله الذي لاالاه الا هـو ..أني أكره مأشوف هالنوعيات من الشباب او البنـات

ولا تلقى البنت أول يآآآآي ذابت وراحت فيها..

غير الي عايشات الدور بقوه ..وتسسمع لأبو نوره

لايعرف الشوق الا من يكابده..ولا تلقى سماعات الجوال بأذنها 24 ساعه تسمع لراشد ويلاه..!!




طبعا ماراح أدعي المثاليه أو اكون زي أسلوب الدعاه وأقول ..هم أقليات ولله الحمد ولا يوجد منهم الكثير

الا والله هم ذرررررر وياكثثرهم...طيب يعني بعدين أنت فاهمين وش [اول من الغبنه..؟

يعنيي للدرجه ذي عندنا بنات يصرفون على ناس..للأسف تقدر تسميهم وأنتم بكرامه..كـلاب..تحت مسمى حب

يابنت ياخيتي..حب مين والناس نايمين

اي حب الي رضع بالجوالات بالساعات وحنحنه وضحك..وحب..؟

حب مين..؟ أي حب.؟ وبأي زمان..؟ وبأي مجره .؟ تلقى حـب زي هالي أنتم عايشين فيه..؟

يعني للدرجه هذي عقليه البننت..؟

وهذي قصصه..أذكر في احد الأسواق كنت رايح مع الوالده الله يطول بعمرها..

ولفت نظري بنتين بمواقف سيارات..ناظرتهن من بعيد وقربت بأششوف هالثنتين وش جايبهن هنا

الا اسمع وحده منهن تقول للثانيه ..ويييي شوفيه شوفيه .. والله وسيم..الاهو قايلي معه ججمس اسسود..

شوي الا راحن يركبن معه

يلعن ابو زمن البنت ارخصت فيه صوتها وسمعته للي يسوى ومايسوى
يلعن ابو زمن البنت ارخصت شرفها وخلت الي يسوى والي مايسوى يتكلم فيها
يلعن ابو زمن البنت تخون فيه أهلها ..ومعطينه ثثقه ماهيب قدها..

والله مدري وين أبدا ولا وين أنتهي..

هذا كلامي بس عن البنات اعرج على الشباب بأعطيهم حقهم..

اي حب .. وأي خرط يوم أنك تللحق البنت .. وترقمهـا((طبعا هي راضيه بالشي ولا مب راضيه أنت البلا والجلا))

واذا كلمتها..عطيتها ..من أنواع وأشكـال الكلام العسسول..

عاد بنت مايحتاج كلمتين .. وهي رايح في العجه..

الله يآخذ الرجوله الي عايشين فيها..

رجوله تبتلي بنت..وتلعب عليهـا..وأخرتها تآآخذ غرظك وتمشي..

وبكل وساعه وجه..تقول ..هذي.........لي ولغيري..قبحححححح الله وجهك..

اي رجوله الي أنت تمثلها وتبع اي دين..؟

اي رجوله..انك تتكلم في اعراض الناس ..وتخررب بيوت..؟

اي رجوله واي رجوله واي رجوله..

قسم بالله تتعب وتنغبن وودك تصيح بدال الدمع دم من هالأششياء الي قاعد تشوفهـا..

نبي مطر وحنى كذا..؟

نبي رحمه..ونبي نتوفق ..ونبي الله ييسر امورنا..ونبي الله يرحمنا برحمته ..وحنى ذي فعايلنا..؟

ربنـا غفور رحيم..لكن شديد العقاب..

هذا غيض من فيض ..

مــآآدري الى وين حنى متجهين..والى متى تبي تضل كذ1..؟

لكن مأقول الا الله يسستر علينـا..وعلى كل مسلم..

سُبْحَانَكَ اللَّهُمَّ وَبِحَمْدِكَ ، أَشْهَدُ أَنْ لا إِلهَ إِلَّا أَنْتَ أَسْتَغْفِرُكَ وَأَتْوبُ إِلَيْكَ


كان معكم من خلف المستطيل البوردي

!!هلالي الرس!!

يا هلا وغلا ،،
سالفة الرضـع والتشبيك الخايس هذا منتشــرة أكــيد ،، وبشكل مقزز !!
هذاك الــيوم بـ ممشى الملك عبدالله واحد يتميلح ويسولف بالجوال مع البنية ويطوّل صوته ومسوي فيه أنا الرجل الرياضي ،، ألا شــاهت الوجوه بسس :@:@ ،، !!
أعتقد أن الشباب التنح اللي عندنا أرهقته متابعة الأفلام وحاب ينقل التجربة لكنه فاهم الدعوة بالمشششقلب بالحييييل ..

احمد ربك اللي عافاك من هـ المصايب ،، وادع لهم بـ الهدايــــة

إقتباس هذا كلامي بس عن البنات اعرج على الشباب بأعطيهم حقهم.. اي حب .. وأي خرط يوم أنك تللحق البنت .. وترقمهـا

متأكد مالك علاقة بـ سلطان بن فهد ..

إقتباس يا هلا وغلا ،، سالفة الرضـع والتشبيك الخايس هذا منتشــرة أكــيد ،، وبشكل مقزز !! هذاك الــيوم بـ ممشى الملك عبدالله واحد يتميلح ويسولف بالجوال مع البنية ويطوّل صوته ومسوي فيه أنا الرجل الرياضي ،، ألا شــاهت الوجوه بسس :@:@ ،، !! أعتقد أن الشباب التنح اللي عندنا أرهقته متابعة الأفلام وحاب ينقل التجربة لكنه فاهم الدعوة بالمشششقلب بالحييييل .. احمد ربك اللي عافاك من هـ المصايب ،، وادع لهم بـ الهدايــــة

يآآخي وش نسوي..؟

عاآآآآلم قسسم بالله مدري وش تحسس فيه...شرفني مرورك ..حبي

إقتباس متأكد مالك علاقة بـ سلطان بن فهد ..

ههههههههههههههههههههههههههههههههههههههههههه

كنت اتمنى .. ان لي علاقه بطويل العمر

إقتباس الله يعطيك الف عافيه موضوعك رائع جداً اسمحولي يالبنات اقسم بالله انكم دلوخ والل الذي لااله الا هو ان فيه بنت تحول لود عمي قدامي بدون مايطلبها تحول و24 ساعه تزعجه وهو مايدانيها بس بكلمتين يخليها تدور هنا البنات اهطف خلق الله انا ماقلت هالكلام الا من تجربه عشتها وشفتها البنت تصدق ع طول يحسبون باقي فيه حب والله يالرجال مايلحقك الا عشان شغله يسويها ويسحب عليك وانتي تحولين ومدري وشو الرجال غلط الي يسوونه بس ثق ثقه تامه ان اي بنت تصدق ع طول والاهل الي مربين بناتهم والله ماتصير هالحركات

اخوي جررح..انت بكلامك القيت اللوم على البنـات..طيب .الشاااب له دور كبير بالي قاعـد يحصل ولا تنسى ان البنت..عاطفيه..وبالأمور هذي ..ماتحكم عقلها الا من رحم ربك

شرفني مرورك وشاكر لك مرورك..

منور ياقلبي

!!هلالي الرس!!

إقتباس الرسالة الأصلية كتبت بواسطة !!هلالي الرس!! يآآخي وش نسوي..؟ عاآآآآلم قسسم بالله مدري وش تحسس فيه...شرفني مرورك ..حبي ههههههههههههههههههههههههههههههههههههههههههه كنت اتمنى .. ان لي علاقه بطويل العمر اخوي جررح..انت بكلامك القيت اللوم على البنـات..طيب .الشاااب له دور كبير بالي قاعـد يحصل ولا تنسى ان البنت..عاطفيه..وبالأمور هذي ..ماتحكم عقلها الا من رحم ربك شرفني مرورك وشاكر لك مرورك.. منور ياقلبي !!هلالي الرس!!

اذا البنت هطفه شنسوي هذي غريزه بالانسان بس ثق ثقه تامه الي متربيه مستحيل تسوي هالشغلات

ماقول الا الحمدالله الذي عافانا مما ابتلاهم

وانا اخووك وربي انك جبتها ع الجرح

ياما وياما اقابل شباب من هالنوعيات يارب رحمتك بس

هلالي الرس .. نورت المنتدى يالغالي والله يكتب لك القسم الي فيه الخير يارب


شكرا

لي باك

--------------------------

هلآلي الرس ياهلآ والله ومنور

,

كـ ظاهره من هالبنت وهالولد عشان يصير بينهم اي شيء سواء مكالمات او شيء اكبر , الدين والعادات ترفض هالشيء عندنا , ولحد الآن ما اختلفنا

,,

لكن ماقلت لنفسك ليش البنت تروح وتدور لها واحد يقولها كلمه حلوه ويعطيها من ( الرخيص ) تلقاها مهملة في البيت سواء من أبوها او اخوها , والاخ له دور كبير , ياخي اطلع يوم انت واختك تمشوا تعشى انت وياها يوم

عشان ماتروح تدور احد يسوي هالشيء معها , طبعاً هذا مايبرر للبنت , لكن لازم نفعل الاسباب عشان نحافظ على بناتنا واخواتنا

,,

موضوع صديقك ابو ( تولع ومطافي ) الله يهديه , ولآزم يدري مثل ماصار كذا مع بنت الناس جايز يصير مع اهله

مثل ماتعرف عليها في لعبه تكون في حدود اللعبه وسواليف لا اكثر , مثل اللي صاير معنا في المنتدى

,

والله يهدي الجميع ويهديني

مميز هلآلي الرس ومشكور ولآهنت , ولاتحرمنا الطله

إقتباس الرسالة الأصلية كتبت بواسطة جرح المودهـ اذا البنت هطفه شنسوي هذي غريزه بالانسان بس ثق ثقه تامه الي متربيه مستحيل تسوي هالشغلات

طيب البنت هطفه..والشاب وشو..نبي منزه ..ماعليه غلط..يعني كل السبب من الشباب ..البنات عليهن الغلط..هذي وجه نظرك صح..؟

للرفع..................................................!

والله ياانك متحمس حماس مب طبيعي
يااخي اسلوبك مايصلح كلش وكلامك عقلاني لكن بنفس الوقت اسلوبك ابد مو كويس
لعنت الدنيا ولعنت الزمان وشوي لاتقول الله يلعن كل من يكلم بنات
انا ماادافع عنهم
لكن في شي اسمه اسلوب راقي تقدر تأثر الي يقراء كلامك
يااخي اقلها دعيت لهنوعيه بالهدايه مو جلست تتكلم عليهم كلاب ومدري وش
وترانا وانا اخوك في اخر الزمان وشي طبيعي تشوف الفتنه لكن الرجل الصالح يقدر يقي نفسه
مااقول الا الله يهديك ويهدي جميع شباب المسلمين


حاولت افهم الفائده من موضوعك وش لكن مااعرفت, قلت يمكن موضوعك يكون نصيحه لكن اول مره اشوف نصيحه كلها تلعين وسب, قلت يمكن قصه والفائده منها لكن جلست تتهم اعراض خلق الله وخليت ان البنت ركبت مع راعي جمس وماتعرف منهو راعي الجمس مع انه يمكن اخوها

عشقي هلالي..

الحين هن يضحكن .ويقول معي جمسس والثانيه تقول وسيم..كل ذا واخوها.زطيب اخوها واعديه قدام العالم..مب بمواقف ..ورى السوق



شاكر للجميع مرورهم

هلالي الرس اول شي اعجبتني غيرتك ع بناتنا وشبابنا

وياليت منك عشر بس تكون الدنيا بخير

ثاني شي ياليتك تحذف اللعن لانه راجع عليك وحرام انت شخص كويس

ثالث شي شدني هالشي

إقتباس هل الشباب كلهم كذ1..؟ او البنات كلهم كذ1..؟

وش هلاختراعات والحركات يا كاجول
ذكرتني هنيدي لا بغا يكشخ

تحياتي

أم متعب شاكر لك اطرائك ومرورك