راح صقيقي وراحت حلاة الدنيا -_- - نادي الهلال السعودي - شبكة الزعيم

محب الجنه الخرج · #1 14/07/2010, 03:55 PM

السلام عليكم

واخبار الحلوووين والحلواااات <<<<<<<<ايقاف 10 ايام

آآآآه عالايقافات يامرة صكني الوليد لبى قلبه بايقاف عشر اياام عن الشبكة لا اقرا ولا ادخل مره

بغيت انجن خخخخخخخخخخخخخخخخخخخخخخخ

بس عاااتي خذنا مناعة ضد الايقافات لاصاروا الكبار اصدقاك محد يقدر يقولك شي

بس المشكلة محد منهم يقدر يخلي الصورة رقم 23 حقت التصويت تفوووز

<<<ترا مايلمح مرة

ايه صح

خلونا نخش بالموضوع

بعض الاوقاات كنت اقرا مواضيع بعض الاعضاء الي صقيقه راااح واختفى واللي صقيقه تزاعل وياااه والي واللي واللي

بس الصدق الصدق

توني احس ان الصديق جزأ لايتجزأ من الدنيا

طبعا مو اي صديق

بعض الاصدقاء ودك تفداه بروحك

وبعض الاصدقاء لاشفته تلطمت

طبعا بحكي لكم عن صديقي

هذا صقيقي خالد من اهل حايل (بقعاء)

ابوه بالشرطة العسكرية ومن عهد الجاهليه ابوه منقوول للخرج
الولد اوول ماتعرفت عليه كنت باولى ابتدائي وكاان من عمرره اتحداك تشوفه وماتستانس

هالادمي مجنوووون وااخر همه الدنيا وكلام النااس

طبعا الولد ع نياته ووسيع صددر ومايزعل الا لاغلطت ع اهله

درس معي الابتدائية وكانت مواقفه كثيييرة اوووي

اذكر مررة كنا بالفسحة وكان يلعب مع العيال والساحه فيها مظلة كبيرة وجاا الولد لانه كااان نحييف حييييل وكان يبي يتخبئ ورا العموود الكبير حق المظلة الحديد

ودخل وليته مادخل
نشب ورا العمود لاهو اللي طلع ولا هو الي رجع

ويقعد يحااول ويجون الطلاب يحاولون يسحبونه وماقدروا لين مادرا الوكيل
ويجيه باللي ويسحبه شووي ويجلده شوووي
عاااد مدرري اذكر ان الفسحة خلصت وهو ناشب ورا العموود والمدرسين متجمعين عليه

هذا احد مواقفه بالابتدائية

وكبرنا ووصلنا المتوسطة ونقل هو لحارتنا وصاار بيتهم قداام بيتنا
وصرت يوم اروح له ببيتهم ويوم ببيتنا ونتبادل اشرطة سوني 1
وع هالمنوال
كاان معنا واحد بالمتوسطة كان معي بالفصل وكنت اسولف معه

ويوم جااات اخر ايام ثالث متوسط جاا واحد حنووسة ولعب عليه وقال له علاوي يقول فيك كيت وكيت
ويجي ولد الذين ويسوي لي زحمة بالمدرسة ويهااوش وانا مدري وش السالفة المهم اتذكر اني تهاوشت معه
وجا اخر يوم اختبارات ويجي خالد لي
قال ياعلاوي انا بروح له وبقول له انا مالي دخل انا صديقكم ثنينكم لاتزعل مني

وانا عارف نية خالد كان ناوي يراضي بيننا

المهم راح وشويات ويجيني للحارة ويقول ولد الذين المعفن ومدري ايش
قلت وش في
قال يقول ان كاني تبي امشي معك واصير صقيقك
رح لعلي وقل له يالحساوي يالشيعي وعاادي ارضى عليك

ويقولي خالد والله انا ياعلي انا عقب كلامه ذا بسحب عليه ومالي دخل فيه

ومررة كان عندنا مدرس انقليزي مسيكين مريض مايقدر يلف رقبته
كان خالد اخرر كرسي ورا وانا ثاني كرسي قداام

وكان دايم يلوح علي ورق لاراح المدرس ويكتب فيها قصايد ولا طلباات

الين يووم

جاا مشررف
وجلس ورا عند الجدار

المهم ان خالد نسى المشرف ويقوم يلوح علي ورقة مدري وش كان مكتوب فيها
طبعا شافه المشرف

ويقووم يسولف مع المدرس بالانجليزي وحنا ماحنا فاهمين شيء

شووي مادرينا الا المدرس شايلني انا وياه وجلد

عقبها تااب يلوح اوراق عنده ولا عند غييره

جاات الثانوية وزادت محبتي لهالادمي

لدرجة انه دخل طبيعي (علمي) وهو مايحب المواد العلمية بس عشاان نبقى سووا

وجا ثاني ثانوي ووصلت مرحلة نفسيتي فيها تعبت الين كنت برتاح سنة واكمل السنة اللي عقبها وكااان ناوي يعتذر معي عشان نبقى سوا

وتخرجنا من الثانووي

وكان هو مثل ابووه يحب العسكرية

بس سحب عالعسكرية ومراسليها ودخل التقنية لاني انا مااصلح للعسكرية ابد بس عشااان نبقى سوا

طبعا اذكر المواقف الللي صارت لنا بالكلية كثيررة
منها اول يوم بالكلية
هو معه شهادة ICDL ويبي يعادلها وماحنا عارفين نروح عند مين وكنا ندوور المدير ومالقينا الا الوكيل وندخل عنده على بالنا زي المدارس
وكان قاعد مع العميد وكم شخص يفطرون بالصبح ولعن سابع سابعنا يوم دخلنا عليهم وخربنا عليهم مناقشاتهم وفولهم

ومررة كنت انا وخالد ومعنا واحد جااين الكلية وكان علينا محاضرة بالالكترونيات غثيثة احسب وقيس واشبك
المهم وحنا نمشي بالسيب يقول خالد عيال وش رايكم نسحب عالمحاضرة
طيب وين نرووح
قال نتكي ببو هيثم
قلنا قدااام
طبعا هالكلام والقاعة تقريبا قدامنا
وحنا راجعين ونمر على احد القاعات اللي قزاز ويشوفوني المهندس انا والعيال طالعين
المهم انا ماعلمتهم

يوم جاا عقب يومين

كان فيه كوووز ويفرقنا المهندس حطهم مع بعض وانا خلاني الحالي
وانا اقعد اشبك وافصل
راح لهم
قال ياخالد ليه ماجيت المحاضرة الماضي انت وياه ويا علي
قام ينصب عالمهندس الرويلي

والله ياابن اخي بنشر علينا الكفر وقعدنا نصلحه وراح الوقت ومدري ايش وبدلنا وسخة

قال اهاا
جااني قال علي

ليه ماجيت مع العيال المحاضرة الماضية
طبعا لاني شايفه وشايفني يوم نريوس
قلت ابد جيت ويوم دخلت المبنى جاااني شغل ضروري وماقدرت احضر
الا وخالد ورا قاعد ياشر لي

انا مافهمت وش يقصدون العيال بتاشيرهم وقاعد اناظرهم

الا المهندس ملتفت عليهم وزعلااان منهم على كذبهم

يالبى قلبه لمهندس الرويلي والله ياهو حبييب

المهم
ان خالد ماقدر يكمل بالتقنية لانه مايحب الدراسة ويبي يضمن نفسه
وسجل قبل شهر تقريبا بالامن العاام

والحمدلله انقبل

والان هو بالدورة بالمدينة المنورة

وابوه تقاعد من العسكرية وبيروحون بقعاء

وبذلك انا فقدت اعز اخوياااااي اللي عشت معه طووول عمررري

طبعا يوميا يكلمني بالخفاء من هناااك

بس قسم بالله من عقب ماراح
ماعاد شفت احد كان لاضااق صدررري القاه يمي

ماعاااد شفت احد فاهمني وفاهم عليه

ماعاد شفت احد قلبه ابيض ويساعدني ويقولي خل ذا وامش مع ذاك غيرره

العيال تنزل من واحد وتركب مع واحد وتقعد مع واحد والاغلبية مامشى معك الا لحاجة بنفسه يبي يقضيها ويرووووح

او يبي يقضي وقته معك

ماعاااد فيه صديق وفي مثل خالد

قسم بالله بسبته حبيت الشمال وحايل واهل الشمال الحبيبين بسبته <<<بيستانس العضو يا(20)سر

اااااه ليت كل الناس مثل خالد

صدق لاقالوا رب اخ لم تلده امك

**نــواره** · #2 14/07/2010, 04:47 PM

اصبرر ، اصبر
برجع لك انت وهالاشياء اللي تضيق الخلق مع هالعصر

|||

جيييت

وشو ذآ الله يصلحك

الله ييجمعكم بالقرريب العااجل

ما تدري يمكن وظيفتك تصير بـ نفس مكآن وظيفته

حااسسه بهآلششعور وقسسم

احمد ربك انك تقدر تروح له وتشوفون بعض فيس تو فيس

موب حنا يالبنات خلف الله علينا ، والله لو يطق الششوق لهاا و تمسسك حببل بتنتحر قدام اهلك تبي تروح لها قالوا انتحري

الله يووفقك ، ويوفقه

و يجمعكم بجنآته

PeaCe

Blue Sun · #3 14/07/2010, 05:16 PM

هلا والله وغلا اخوي ..

ما عليه اصبر وانا اخوك وهذي الدنيا تجمع وتفرق ..

ومصيركم بتتفرقون الحين او تالي سواء وظيفة او زواج .. ولا ناوين تقعدون مع بعض بعد الزواج .. ؟!

وبعدين كلها مسألة وقت وتنساه .. وتقول يالله كيف كنت متحمل غثاه كل هالوقت .. !!

قصتك ذكرتني بواحد من اخوياي كان معي من اولى ابتدائي الى ثالث متوسط ..

وبعدها تفرقنا فجأة وصار لنا كم سنة ما نعرف عن بعض شئ ..

بس هو ما يقصر بين فترة وفترة يسير على بالحلم ..

يعطيك ربي الف عافية اخوي ,,

...][ هلالي الخبر ][... · #4 14/07/2010, 05:16 PM

كلام كبير يا صديقي ...

بتتعود على انك تفقد اكثر من خالد

كذا الدنياء ماتدووم .

عاشق فريقي الهلال · #5 14/07/2010, 05:30 PM

اللة يعينك أخوي

وهذا حال الدنيا تجمع وتفرق

وإنشاء اللة بتلقى أحسن منة

هلاليه برشا · #6 14/07/2010, 05:41 PM

بسم الله عليكم الله يحفظكم ويخليكم لبعض

وإن شاءالله تشوفه قريب

هذا حال الدنيا =')
يعطيك العافيه

* ليتك تغير عنوان الموضوع وما تكتب راح =)

мιѕѕ ∂ισя · #7 14/07/2010, 06:04 PM

أجمل مافي الحياة أن يكون لدى الإنسان ( صديقاً مخلصاً ) صافي النية لايبحث عن مصلحته الشخصية فقط ولاتغيره الأيام ، وهو من تشكي له همومك بعد الله وتبوح له بأسرارك .
ومن أصعب المواقف عندما يفارقك هذا الصديق أو الصديقة مهما اختلفت الأجناس ويختفي من حياتك.
وأنا اعتبر أن من يفقد مثل ذلك الصديق لن يجد لحياته طعما أو لونا بدونه

نقلت هذي الابيات لكم

الله يا ألمْ صابِني لحظة فراق الصديق
في عذابَه فـاق كِـل جروح الحبيبه

مالي صاحبٍ مثله في إحساسه رقيق
وماأصدق أنا فيه ولابه شك أو ريبه

ومدري ليه صاحبي ماكان علي شفيق
يدري بقلبي عليل ويزيد عليه تعذيبـه

عمرٍ مشيتَهْ معاه واليوم توهْنِي الطريق
يـوم ودع صاحبـي نفـسٍ لَهْ قريبـه

شَـبْ قلبي نار وصاح فِيـني حريـق
قِلْت ياقلبي ودعه بُكره ما تقدر تجيبـه

أدري ساكنٍ فيك ياقلبي مسكن شقيـق
ودموعي هلت يومه فقد زين الشبيبـه

هذا نصيبك وانكتب تصير بأسبابه غريق
وأعز الناس يحرمك من عوده وطيبـه

مـن بعـد ليـالـي كـايـن لــه بـريــق
تطفي شموعه في حياتك ولاعاد تدريبه

والله يعيني على فراق صديقتي المخلصة نـــ

ـــورة

هلاليه-9 · #8 14/07/2010, 06:25 PM

حزنتي عليكممممم الله يجمعكم في الاخره كما جمعكم في دنياه

classic 2010 · #9 14/07/2010, 10:18 PM

مصير الحي يتلاقا

تحياتي

ملامح يوسفيه.. · #10 15/07/2010, 02:20 AM

هذي الدنيـــــــــآ لابد ماتفارق احبابك..كلنا مرينا بتجربتك بس وش نسوي..مالنا الا الصبر

وباذن الله تفرقون بالدنيآ لكن تجتمعون بالاخره بجنات النعيم يااااااحي ياقيوم,,

متابعة بجنون · #11 15/07/2010, 02:34 AM

..

وعليكم السلام ورحمه الله وبركاته

كلام كبير وصدق فرقــ ااا الصديق صعبه
الله لايفرقني بصديقتي بعد ماجمعنا .

.
والدنيا كذا وأنا آختك تجمع وتفرق ..

/

وإن شاء الله إذ ماجمعتكم الدنيا مثل مافرقتكم تجمعكم الآخرة
آهم شيء التواصل " لاتقطعون بعض

..
عوافي أخوي

اذكروا الله · #12 15/07/2010, 04:33 AM

الله يجمعكم ياااااااااااااااااااااااااااااااااااااااااااااااارب
في جنات الفردووووووووووووووس

ام متعب التميمي · #13 15/07/2010, 05:43 AM

هلا هلا بالولد الخرج...فقدتك واللهي

إقتباس


	رح لعلي وقل له يالحساوي يالشيعي وعاادي ارضى عليك

بلاه وش هالبزاره عندكم يالعيال

ثالث متوسط وللحين حتسي مبزره

::::::::::::::::::

ياحليله صديقك حتى انا حبيته ياحظك فيه والله

الله يقربكم لبعض اكثر واكثر

<<اخاف تقلبون جنس ثالث

لا تقطع يالخرجاوي

تحياتي

هلالي الشرقيه 14 · #14 15/07/2010, 06:02 AM

ياشيييخ

الله يجمعكم على خير يااارب

وربي ضآآآق صدري عشانكم

محب الجنه الخرج · #15 15/07/2010, 08:37 AM

اشكرك كلكم على رفع معنوياتي في ذهاب اعز اصدقااي

بس كني ملاحظ ان اكثر اللي مأثرين بمسالة ذهاب الاصدقاء هم البناات

نواره

هلا والله ببنت المدرس حقي بالابتدائية

قولي له يسلم عليك علاوي ابو طاقية كبيرة بس الله يستر لايصير من اللي كانوا يجلدوني

عالعموم يارب ان يتحقق حلمي انا وخالد ونشتغل سوا بنفس مكان العمل

شكرا لك ع ردك

Blue sun

يااخي والله ماقد توقعت اني بيجي وقت ويروح هو مكان وانا مكااان

توقعت ان اقل شي اني بجلس بنفس المنطقة اللي هو فيها

انت خويك يسير عليك بالحلم وانا يسير علي لارقدو اخوياه وصفا له الجو

مشكور اخوووي ع ردك

هلالي الخبر

والله انت ماقلت الا الصدق

الان اخوياي يوم قرب يتخرجون كلن راح يدور له واسطه بمكان يقبل تخصصه وشهادته
واغلبهم باماكن بعيدة

انا ماهمني اروح لهم باماكنهم بس

ماعاد هو زي اول كل يووم اقابلهم ونضحك سوا

مشكور حبيبي ع ردك

عاشق فريقي الهلال

شكرا لك ع ردك

وليت الدنيا جمعت ولافرقت

هلاليه برشا

ان شاء الله اشوفه قريب الربوع الجاااي بينتهي من 45 يوم وعنده اجازة 10 ايام ثم بيرجع عقبها للدورة يكمل

سنة كاملة الله يعينني ع فرقاه

شكرا لك ع ردك اختي هلاليه برشا