راح صقيقي وراحت حلاة الدنيا -_-
 

السلام عليكم


واخبار الحلوووين والحلواااات <<<<<<<<ايقاف 10 ايام

آآآآه عالايقافات يامرة صكني الوليد لبى قلبه بايقاف عشر اياام عن الشبكة لا اقرا ولا ادخل مره

بغيت انجن خخخخخخخخخخخخخخخخخخخخخخخ

بس عاااتي خذنا مناعة ضد الايقافات لاصاروا الكبار اصدقاك محد يقدر يقولك شي :s2:

بس المشكلة محد منهم يقدر يخلي الصورة رقم 23 حقت التصويت تفوووز :ap:<<<ترا مايلمح مرة


ايه صح

خلونا نخش بالموضوع :ga:

بعض الاوقاات كنت اقرا مواضيع بعض الاعضاء الي صقيقه راااح واختفى واللي صقيقه تزاعل وياااه والي واللي واللي :cry:

بس الصدق الصدق

توني احس ان الصديق جزأ لايتجزأ من الدنيا :smilie47:

طبعا مو اي صديق

بعض الاصدقاء ودك تفداه بروحك :smilie47:

وبعض الاصدقاء لاشفته تلطمت :to:

طبعا بحكي لكم عن صديقي

هذا صقيقي خالد من اهل حايل (بقعاء):smilie47: ابوه بالشرطة العسكرية ومن عهد الجاهليه ابوه منقوول للخرج
الولد اوول ماتعرفت عليه كنت باولى ابتدائي وكاان من عمرره اتحداك تشوفه وماتستانس :ga:
هالادمي مجنوووون وااخر همه الدنيا وكلام النااس :smilie47:

طبعا الولد ع نياته ووسيع صددر ومايزعل الا لاغلطت ع اهله

درس معي الابتدائية وكانت مواقفه كثيييرة اوووي

اذكر مررة كنا بالفسحة وكان يلعب مع العيال والساحه فيها مظلة كبيرة وجاا الولد لانه كااان نحييف حييييل وكان يبي يتخبئ ورا العموود الكبير حق المظلة الحديد :laugh:
ودخل وليته مادخل
نشب ورا العمود لاهو اللي طلع ولا هو الي رجع :ap:

ويقعد يحااول ويجون الطلاب يحاولون يسحبونه وماقدروا لين مادرا الوكيل
ويجيه باللي ويسحبه شووي ويجلده شوووي
عاااد مدرري اذكر ان الفسحة خلصت وهو ناشب ورا العموود والمدرسين متجمعين عليه :s2:

هذا احد مواقفه بالابتدائية :rose:

وكبرنا ووصلنا المتوسطة ونقل هو لحارتنا وصاار بيتهم قداام بيتنا
وصرت يوم اروح له ببيتهم ويوم ببيتنا ونتبادل اشرطة سوني 1
وع هالمنوال
كاان معنا واحد بالمتوسطة كان معي بالفصل وكنت اسولف معه

ويوم جااات اخر ايام ثالث متوسط جاا واحد حنووسة ولعب عليه وقال له علاوي يقول فيك كيت وكيت
ويجي ولد الذين ويسوي لي زحمة بالمدرسة ويهااوش وانا مدري وش السالفة المهم اتذكر اني تهاوشت معه
وجا اخر يوم اختبارات ويجي خالد لي
قال ياعلاوي انا بروح له وبقول له انا مالي دخل انا صديقكم ثنينكم لاتزعل مني :smilie47:
وانا عارف نية خالد كان ناوي يراضي بيننا

المهم راح وشويات ويجيني للحارة ويقول ولد الذين المعفن ومدري ايش
قلت وش في
قال يقول ان كاني تبي امشي معك واصير صقيقك
رح لعلي وقل له يالحساوي يالشيعي وعاادي ارضى عليك :ranting:

ويقولي خالد والله انا ياعلي انا عقب كلامه ذا بسحب عليه ومالي دخل فيه :smilie47:


ومررة كان عندنا مدرس انقليزي مسيكين مريض مايقدر يلف رقبته
كان خالد اخرر كرسي ورا وانا ثاني كرسي قداام

وكان دايم يلوح علي ورق لاراح المدرس ويكتب فيها قصايد ولا طلباات

الين يووم

جاا مشررف
وجلس ورا عند الجدار :naughty:
المهم ان خالد نسى المشرف ويقوم يلوح علي ورقة مدري وش كان مكتوب فيها
طبعا شافه المشرف :s5s:

ويقووم يسولف مع المدرس بالانجليزي وحنا ماحنا فاهمين شيء :rg:

شووي مادرينا الا المدرس شايلني انا وياه وجلد :ap:


عقبها تااب يلوح اوراق عنده ولا عند غييره

جاات الثانوية وزادت محبتي لهالادمي

لدرجة انه دخل طبيعي (علمي) وهو مايحب المواد العلمية بس عشاان نبقى سووا

وجا ثاني ثانوي ووصلت مرحلة نفسيتي فيها تعبت الين كنت برتاح سنة واكمل السنة اللي عقبها وكااان ناوي يعتذر معي عشان نبقى سوا

وتخرجنا من الثانووي

وكان هو مثل ابووه يحب العسكرية

بس سحب عالعسكرية ومراسليها ودخل التقنية لاني انا مااصلح للعسكرية ابد بس عشااان نبقى سوا

طبعا اذكر المواقف الللي صارت لنا بالكلية كثيررة
منها اول يوم بالكلية
هو معه شهادة ICDL ويبي يعادلها وماحنا عارفين نروح عند مين وكنا ندوور المدير ومالقينا الا الوكيل وندخل عنده على بالنا زي المدارس
وكان قاعد مع العميد وكم شخص يفطرون بالصبح ولعن سابع سابعنا يوم دخلنا عليهم وخربنا عليهم مناقشاتهم وفولهم :ap:

ومررة كنت انا وخالد ومعنا واحد جااين الكلية وكان علينا محاضرة بالالكترونيات غثيثة احسب وقيس واشبك
المهم وحنا نمشي بالسيب يقول خالد عيال وش رايكم نسحب عالمحاضرة
طيب وين نرووح
قال نتكي ببو هيثم
قلنا قدااام
طبعا هالكلام والقاعة تقريبا قدامنا
وحنا راجعين ونمر على احد القاعات اللي قزاز ويشوفوني المهندس انا والعيال طالعين
المهم انا ماعلمتهم

يوم جاا عقب يومين

كان فيه كوووز ويفرقنا المهندس حطهم مع بعض وانا خلاني الحالي
وانا اقعد اشبك وافصل
راح لهم
قال ياخالد ليه ماجيت المحاضرة الماضي انت وياه ويا علي
قام ينصب عالمهندس الرويلي :smilie47:
والله ياابن اخي بنشر علينا الكفر وقعدنا نصلحه وراح الوقت ومدري ايش وبدلنا وسخة :s2:
قال اهاا
جااني قال علي :naughty:
ليه ماجيت مع العيال المحاضرة الماضية
طبعا لاني شايفه وشايفني يوم نريوس
قلت ابد جيت ويوم دخلت المبنى جاااني شغل ضروري وماقدرت احضر
الا وخالد ورا قاعد ياشر لي :to:
انا مافهمت وش يقصدون العيال بتاشيرهم وقاعد اناظرهم :s2:
الا المهندس ملتفت عليهم وزعلااان منهم على كذبهم

يالبى قلبه لمهندس الرويلي والله ياهو حبييب :smilie47:

المهم
ان خالد ماقدر يكمل بالتقنية لانه مايحب الدراسة ويبي يضمن نفسه
وسجل قبل شهر تقريبا بالامن العاام :ba1:
والحمدلله انقبل :smilie47:
والان هو بالدورة بالمدينة المنورة :smilie47:
وابوه تقاعد من العسكرية وبيروحون بقعاء :cry:

وبذلك انا فقدت اعز اخوياااااي اللي عشت معه طووول عمررري :smilie47:

طبعا يوميا يكلمني بالخفاء من هناااك

بس قسم بالله من عقب ماراح
ماعاد شفت احد كان لاضااق صدررري القاه يمي :ba1:
ماعاااد شفت احد فاهمني وفاهم عليه :cry:

ماعاد شفت احد قلبه ابيض ويساعدني ويقولي خل ذا وامش مع ذاك غيرره :smilie47:

العيال تنزل من واحد وتركب مع واحد وتقعد مع واحد والاغلبية مامشى معك الا لحاجة بنفسه يبي يقضيها ويرووووح :cry:

او يبي يقضي وقته معك

ماعاااد فيه صديق وفي مثل خالد :smilie47:

قسم بالله بسبته حبيت الشمال وحايل واهل الشمال الحبيبين بسبته <<<بيستانس العضو يا(20)سر :d

اااااه ليت كل الناس مثل خالد :smilie47:

صدق لاقالوا رب اخ لم تلده امك :smilie47:

هلا والله وغلا اخوي ..:smilie47:

ما عليه اصبر وانا اخوك وهذي الدنيا تجمع وتفرق .. :razz:
ومصيركم بتتفرقون الحين او تالي سواء وظيفة او زواج .. ولا ناوين تقعدون مع بعض بعد الزواج .. ؟! :d
وبعدين كلها مسألة وقت وتنساه .. وتقول يالله كيف كنت متحمل غثاه كل هالوقت .. !!:d
قصتك ذكرتني بواحد من اخوياي كان معي من اولى ابتدائي الى ثالث متوسط ..:wub:
وبعدها تفرقنا فجأة وصار لنا كم سنة ما نعرف عن بعض شئ .. :(
بس هو ما يقصر بين فترة وفترة يسير على بالحلم .. :d:smilie47:

يعطيك ربي الف عافية اخوي ,, :smilie47:

كلام كبير يا صديقي ...

بتتعود على انك تفقد اكثر من خالد

كذا الدنياء ماتدووم .:yes:

اللة يعينك أخوي

وهذا حال الدنيا تجمع وتفرق

وإنشاء اللة بتلقى أحسن منة

بسم الله عليكم الله يحفظكم ويخليكم لبعض :smilie47:
وإن شاءالله تشوفه قريب :smilie47:
هذا حال الدنيا =')
يعطيك العافيه :smilie47::rose:
* ليتك تغير عنوان الموضوع وما تكتب راح =)

أجمل مافي الحياة أن يكون لدى الإنسان ( صديقاً مخلصاً ) صافي النية لايبحث عن مصلحته الشخصية فقط ولاتغيره الأيام ، وهو من تشكي له همومك بعد الله وتبوح له بأسرارك .
ومن أصعب المواقف عندما يفارقك هذا الصديق أو الصديقة مهما اختلفت الأجناس ويختفي من حياتك.
وأنا اعتبر أن من يفقد مثل ذلك الصديق لن يجد لحياته طعما أو لونا بدونه

نقلت هذي الابيات لكم



الله يا ألمْ صابِني لحظة فراق الصديق
في عذابَه فـاق كِـل جروح الحبيبه

مالي صاحبٍ مثله في إحساسه رقيق
وماأصدق أنا فيه ولابه شك أو ريبه

ومدري ليه صاحبي ماكان علي شفيق
يدري بقلبي عليل ويزيد عليه تعذيبـه

عمرٍ مشيتَهْ معاه واليوم توهْنِي الطريق
يـوم ودع صاحبـي نفـسٍ لَهْ قريبـه

شَـبْ قلبي نار وصاح فِيـني حريـق
قِلْت ياقلبي ودعه بُكره ما تقدر تجيبـه

أدري ساكنٍ فيك ياقلبي مسكن شقيـق
ودموعي هلت يومه فقد زين الشبيبـه

هذا نصيبك وانكتب تصير بأسبابه غريق
وأعز الناس يحرمك من عوده وطيبـه

مـن بعـد ليـالـي كـايـن لــه بـريــق
تطفي شموعه في حياتك ولاعاد تدريبه

والله يعيني على فراق صديقتي المخلصة نـــ :smilie47: ـــورة

حزنتي عليكممممم الله يجمعكم في الاخره كما جمعكم في دنياه

مصير الحي يتلاقا

تحياتي

:cry::cry:

هذي الدنيـــــــــآ لابد ماتفارق احبابك..كلنا مرينا بتجربتك بس وش نسوي..مالنا الا الصبر

وباذن الله تفرقون بالدنيآ لكن تجتمعون بالاخره بجنات النعيم يااااااحي ياقيوم,,

الله يجمعكم ياااااااااااااااااااااااااااااااااااااااااااااااارب
في جنات الفردووووووووووووووس

هلا هلا بالولد الخرج...فقدتك واللهي :)

بلاه وش هالبزاره عندكم يالعيال

ثالث متوسط وللحين حتسي مبزره:)

::::::::::::::::::

ياحليله صديقك حتى انا حبيته ياحظك فيه والله:)

الله يقربكم لبعض اكثر واكثر:(<<اخاف تقلبون جنس ثالث:)


لا تقطع يالخرجاوي

تحياتي

ياشيييخ :(

الله يجمعكم على خير يااارب :(

وربي ضآآآق صدري عشانكم :(

اشكرك كلكم على رفع معنوياتي في ذهاب اعز اصدقااي :smilie47:

بس كني ملاحظ ان اكثر اللي مأثرين بمسالة ذهاب الاصدقاء هم البناات :rose:

نواره :rose:
هلا والله ببنت المدرس حقي بالابتدائية :d
قولي له يسلم عليك علاوي ابو طاقية كبيرة بس الله يستر لايصير من اللي كانوا يجلدوني :d

عالعموم يارب ان يتحقق حلمي انا وخالد ونشتغل سوا بنفس مكان العمل

شكرا لك ع ردك :rose:

Blue sun :smilie47:

يااخي والله ماقد توقعت اني بيجي وقت ويروح هو مكان وانا مكااان

توقعت ان اقل شي اني بجلس بنفس المنطقة اللي هو فيها

انت خويك يسير عليك بالحلم وانا يسير علي لارقدو اخوياه وصفا له الجو :smilie47:

مشكور اخوووي ع ردك :rose:

هلالي الخبر :smilie47:

والله انت ماقلت الا الصدق

الان اخوياي يوم قرب يتخرجون كلن راح يدور له واسطه بمكان يقبل تخصصه وشهادته
واغلبهم باماكن بعيدة :to:

انا ماهمني اروح لهم باماكنهم بس

ماعاد هو زي اول كل يووم اقابلهم ونضحك سوا :cry:

مشكور حبيبي ع ردك :smilie47:

عاشق فريقي الهلال :smilie47:

شكرا لك ع ردك :rose:
وليت الدنيا جمعت ولافرقت :cry:

هلاليه برشا :rose:

ان شاء الله اشوفه قريب الربوع الجاااي بينتهي من 45 يوم وعنده اجازة 10 ايام ثم بيرجع عقبها للدورة يكمل :s5s:

سنة كاملة الله يعينني ع فرقاه :cry:

شكرا لك ع ردك اختي هلاليه برشا :rose:

هـــ روحي ـــوى :rose:

اي والله صدق هذا هو اجمل مافي الحيااة :smilie47:

الحياه مالها طعم بدونه :smilie47:

شكرا لك ع ردك :rose:

هلاليه-9 :rose:

انتم يالبنات تحسدون صراحة ع الاحساس والوفاء لبعض اكثر من الشباب

ومشكور اختي على دعاك ومرورك وردك :rose:

classic 2010 :smilie47:

اشكرك على ردك وان شاء الله نتلاقى ونرجع زي ماكنا :smilie47:

مشكور ع ردك :rose:

دلع القصيم :rose:

نعم انا عااارف ان مالي الا الصبر :cry:

بصبر وبصبر والله يعدي هالسنة ع خييير :s5s:

ونرجع نتلاقى :yes:

مشكورة اختي ع ردك :rose:

متابعه بجنون :rose:

الله لايفرقك مع حبيبتك وتبقون سوا احلى 2 :d

والتواصل يومي بس الله يستر لايمسكون الجوال معه :to:

شكرا لك ع ردك :rose:

اذكروا الله :smilie47:

آآآآآآآمين :yes:

شكرا لك ع دعائك :rose:

ام متعب التميمي :smilie47::rose:

ماتفقدين عزيز وغالي يارب :yes:

انا موجود بس انتي اللي مارديتي ع موضوعي السابق مو عوايدك العادة اي موضوع القى لك بصمة انتي و نوارة :d:smilie47:

مشكورة اختي ام متعب على احساسك وشعورك بفقدان صقيقي :smilie47:

بس لاتخافين احنا الشباب نحب بعض وحنا عقولنا نظيفة :d <<<<يصير خير :naughty:

شكرا لك ع ردك ومرورك :rose:

هلالي الشرقية 14 :smilie47:

الله يسمع منك دعائك :yes:

ومشكوور اخوي ع ردك وصدق احساسك :rose: