مشكلة في المسنجر ماعمرها صارت - نادي الهلال السعودي - شبكة الزعيم

حبوه الهلالي · #1 08/07/2010, 10:17 AM

سلام شباب جهزو الفشار والسنتوب لان سالفتي شوي طويله

انا عندي مشكله صراحه اول مره تصير في العالم او يمكن صارت بس مالقيت لها حل

صار لي سنه ونص او اكثر وانا ادور لها عن حل ولا القى

مشكلتي ياحلوين

ان المسنجر تبعي من اسجل ايميلي والباسورد عشان ادخل المستجر يشبك اوكيه

لكن المشكله لمن اطفي الجهاز واشغله واجي افتح المسنجر القاه حاذف كل شي ول يوم ادخل الايميل والباسورد من جديد

وهذي سالفتي ويا هالمسنجر

لايجي احد ويقولي اضغط على ايقونه حفظ الايميل والباسورد

ضغطها وللحين اضغطها مازال عندي امل بنسبة 00.1

المهم حتى رحت للخيارات داخل المسنجر وخليته حفظ وفتح المسنجر مع بداية التشغيل

وكل هالاشياء سويتها وصراحه صار لي سنه ونص وانا ادور على حل وزهقت

وجيت الحين اقط موضوع ومانا متوقع ان في حل بس حطيته للمشاركه يمكن القا واحد ينافس بيل قيتس ويعرف للمشكله ويحل المشكله لي بس بدون فرمات

واذا صلح لي المشكله راح اعزمه على عشا بخوش مطعم (مطعم هرفي وحدك ب 25 ريال لايزيد

ولا احد يجي يقولي احذفه وركبه من جديد لاني سويت وركبت القديم الثامن ونفس المشكله ورجعت ركبت الاخير وحذفته وركبته من جديد وهذي سالفتي

المهم ياشباب الي يعرف الحل لايبخل علي انا هلالي زيي زيكم

" MOHAMMED " · #2 08/07/2010, 12:27 PM

..
اول شي تأكد انك حددت خيار [ تذكر بياناتي ]
في واجهة الماسنجر الرئيسي ( قبل تسجيل الدخول )

ثاني شي إذا فعلا مفعل الخيار .. تابع معي
[ تأكد ] ان ماعندك شريط اداوت الياهو بعد تنصيب الماسنجر
لانه يُسهم في مسح بيانات تسجيل الماسنجر ..

ثالث شي ياطويل العمر كان مانفع الحليّن السابقين :
في ياطويل العمر اداة تحل هالمشكله ان شاء الله
وحجمها صغير جداً ..
[ من هنا التحميل ]

أغلق الماسنجر من جوار الساعة نهائياً ومن ثم
شغل الأداة واضغط الزر Fix .

وسلامة قلبــ

ــك

..

حبوه الهلالي · #3 08/07/2010, 12:35 PM

اخوي مشكور اولا على ردك يالغلا وتجاوبك السريع

وثاني شي انا ماعندي تول بار واذا عندي دائما امسحهم لان اعرف ان يسببون مشاكل

وثاني شي دائما احط خيار احفظ بياناتي ولا فيه فايده وانا راح اجرب البرنامج وراح اعطيك خبر بنجاح الموضوع ولا لا

مشكور غلا

حبوه الهلالي · #4 08/07/2010, 12:59 PM

مشكور استاذ محمد على البرنامج صراحه عجزت سنه ونص ومحد قدر يساعدني غيرك ياحلو

وزي ماوعدتك لك عشوة من مطعم هرفي بقيمة 25 وتوصل ل 50

وانت بس امر متى تبي العشوه وانا بالشرقيه وان شاء الله تكون من الشرقيه عشان اوفي بوعدي

ودمت بود اخوي وعساك عالقوه