امسح الدمعه ترى ضعفك قوي
انهزم قدام ضعفك ياغلاي

امسح الدمعه بعمري لو تبــي
عطني احزانك وخذ مني هناي

امسح الدمعه قبل تقضي علي
دمعتك تغرق صباحي في مساي

لاتروع مثل روعات الظبي
روعتك ياروعة أيامي بلاي

كل ليلمع نهارك ينجلي
يابدايات الهوى يامنتهاي

ياوطن قلبي وغربة ناظري
يا احتياري ياصوابي ياخطاي

يابنات الفكر غني وارقصي
عند خلي وانشدي له من غناي

وسعي صدر الحبيب واطربي
طربتي له كلما ذعذع هواي

سايق الخير ساقك يم عاشق جمالكـ
لو تأخرت ابأصبر لو هي الفين عام

اسفرت وانورت من يوم شعشع هلالكـ
فز قلبي لفزك ياظبي العدام

انزل القلب وامر مابه الا حلالكـ
واشهد انه حظيظ اللي غدا لك مقام

مايسد بمكانك غيرك احدٍ بدالكـ
بانيٍ لك قصور وباني ٍ لك خيام

عقب رمضى زماني جيت ادور ظلالكــ
بل ريقي بقربك عقب طول الصيام

كل شيٍ تبسم يوم لا مس دلالكـــ
كل نارٍ كوتني منك صارت سلام

تستاهـل الحـب نجـديّـهـ
رفيعـة الشـأن عجّـابـه

العيـن يـا عيـن بحريّـهـ
لقلـوب الاحبـاب نهّايـه

والجيـد يـا جيـد ريميّـهـ
تجفل من الـزّول لعّابـه

والرّيح يا ريح وسميّهـ
نبت الخزامي تثنَّـى بـه

صفيت مع صافي النيهـ
يوم الذي صابني صابه

معاد لي روحـة أوجيـهـ
وقف هوانا علـى بابـه