06/07/2010, 07:14 PM
|
 | زعيــم مميــز | | تاريخ التسجيل: 06/04/2006 المكان: بلجرشي الوطن والروح
مشاركات: 2,746
| |
مكتبة الملك فهد بجدة... والغول والعنقاء والخل الوفي
بصراحة كل ما قلت هانت جد علم قديم يعني كل ما قلنا نبغى نتطور تطلع لنا حاجة تسد النفس تخلي الواحد يدور في النت على محاولة هجرة إلى أمريكا عشان يفتك منكم ومن الأشياء اللي تفقع المرارة يعني ما أدري متى راح تتطورون وتصيرون مثل بريطانيا وأمريكا وألمانيا..؟؟ يا اخوان بلاش لا تتطورون وتصيرون مثلهم طيب متى راح تتطورون وتصيرون مثل الصومال والسنغال والهند وبنغلاديش..؟؟ كل هذه الدول اللي فوق عندهم مكتبات عامة واحنا اللهم لا شماته عندنا في كل زاوية سوق ولا يوجد مكتبة واحدة عشان الدشير يتسكعون وأنتم يا حكومة يعني بالقوة إلا تبغونا نصير إرهابيين يعني بدل ما تشجعوا الثقافة والعلم والتكنولوجيا تخلونا صيع بدون أي التزامات ونسرح ونمرح إلى أن يغوونا شياطين الإنس من إرهابيين ويخلونا نفجر نفوسنا في بنغالي ولا في وايت صرف صحي..؟؟ ثم ما هو ذنب الأبرياء أمثالي أجلس أدور على مكان أتسكع فيه بالحلال وما أحصل يعني أنا ما عندي هواية الترقيم وأخاف من جمس الهيئة يقفطني طيب فين أروح يعني أروح لمين على قول شعبان عبد الرحيم..؟؟ في جدة وعند ميدان الدراجة يوجد ست أسواق " نعم أيها القارئ المُندهش دهشة مبرحة 6 أسواق عداً ونقداً " يعني إذا بتعد الأسواق الموجودة في جدة تجدها تتجاوز 799364321 مليون سوق..!! ومقابل كل هذه الأسواق وميادين الشيطان ما في مكتبة واحدة..!!!!! مكتبة عامة واحدة فقط لا يوجد..؟؟ لا وفرحانين في الاستاد الرياضي اللي راح تبنونه في جدة واللي يكلف ستة مليار يعني ستة مليار عشان جلد منفوخ وما فكرتم في مكتبة تخلصوها أنا نفسي أعرف مين المستشار الذكي في الحكومة وعند الملك اللي جالس يجيب له الاستشارات الغريبة هذه يا أخوان يوجد في جدة مكتبة اسمها مكتبة الملك فهد نعم الملك فهد الله يرحمه بدأ الشغل فيها من أيام الملك فهد وإلى الآن ما انتهت الناس بنوا مدن كاملة في هذه المدة واحنا إلى الآن محتارين في مكتبة وحدة تخدم مدينة كاملة..؟؟ خذوا الموقع هذا عشان دراسة احتياجاتكم ومدري ايش حسبي الله على اللي مانيب قايل بقطع الاتصال قبل ما أقول كلام مو طيب ... بعدين يودوني أبو زعبل http://www.smart-survey.co.uk/v.asp?i=21880lynwn
اخر تعديل كان بواسطة » الهلالي دائماً في يوم » 07/07/2010 عند الساعة » 10:04 AM |
الوضع الشجري
