تراكم غثيتونا ببرشلونة وريال مدريد
حتى هنا !!!!!!!!

وهالالمان

ماينعطون وجه

يعني مايكفيهم هدف واحد او هدفين

لازم 4


وقهر ان كلوزة يحطم الارقام بمنتخب التانغو

سبحان الله اذا فازوا الارجنتين قلت هيقواين اسطورة الارجنتين
وإذا انهزم الارجنتين حملت ميسي الخسارة
تناقض عجيب

هارد لك

للأسف الأرجنتين كسرت القاعده اللي تقول اللي يسجل أول ينهزم

4 - 0 !

والله قويه

قاعدتك هذي بلها واشرب مويتها خخخخخخخخخخخخ

سووها الالمان واربعه الله لايبلانا

خخخخخخخخخخخخخخخخخخ

والله المانيا مسخرت الارجنيتن بشكل مهوب طبيعي خخخخخ

بس بقول شي ..

ميسي لعب 5 مبارايات ولا سجل ولا هدف

وفي آخر مباراة سنتر 5 مرات ههههههههه

حبيبي اسباب خسارة الارجنتين واضحه

ماردونا واختياراته في بعض الاعبين وتغيراته المتأخره وفي نفس الوقت كلها غلط

وهذي اهم الاسباب لخسارة اليوم

1_ زانيتي : اليوم صراحه الارجنتين يلعب بدون ظهيير ايمن وشفنا كيف الاهداف الاربعه كلها من الجهه هذي

2_كامبياسو : شفنا اليوم النص كيف فاضي صدقوني ماينفع محور واحد اللي هو ماسكيرانو لازم معه واحد يغطيه خاصه اذا كان قدامه (مولر _ شتايقر _ خضيره _اوزيل )

3_ ريكيلمي : بصراح لو ريكلمي موجود كان اختلف منتخب الارجنتين 180 درجه ميسي لاعب كبير لكن مستواه في مركز صانع اللعب غير عن مستواه اذا لعب مهاجم او جناح

4_ دييقو ميليتو هداف الانتر في جميع بطولاته هذي السنه سجل في نهائي التشاميونز وسجل في الكاس والدوري له بصمته كيف لاعب مثل هذا يجلس احتياط !!

هذي اهم 4 اسباب لخسارة الارجنتين

على العموم تستاهل المانيا التأهل واذا وصلوا النهائي اتمنى لهم الفوز لأنهم الفريق الوحيد اللي لعب كل الادوار النهائيه مع فرق كبيره

وبالتوفيق لاسبانيا اليوم .

^^^

صراحه المقارنه بين منتخب الارجنتين والبرتغال قريبه

البرتغال عندها دفاع قوي وحارس كويس بعكس الارجنتين

اللي عندها دفاع خايس وحارس غبي !! وهجوم قوي

لاتكتب والمباراه للحين ماخلصت عشان ماتقول كلام تندم عليه

الصراحه مارادونا حتى مدرب حواري ماينفع

واللي يقهر بعد مهايطي درجه اولى على ايش مدري

ودي يستقبلونه الشعب الأرجنتيني بجزم ( كرمكم الله )

بالتوفيــــــــق للأسبان

إقتباس الرسالة الأصلية كتبت بواسطة شبيه التايب ^^^ صراحه المقارنه بين منتخب الارجنتين والبرتغال قريبه البرتغال عندها دفاع قوي وحارس كويس بعكس الارجنتين اللي عندها دفاع خايس وحارس غبي !! وهجوم قوي

كريستيانو قدم مستويااات افضل من ميسي !!


معليش يعني في البطوله هذي كريستيانو ماسوى اي شي لمنتخبه ميسي صنع وصراحه اليوم الشوط الاول واول 10 دقايق من الشوط الثاني ميسي كان يتحرك ويصنع وكان هو اللي يربط بين الدفاع والهجوم على العموم انا ما ابرر لميسي بسس ميسي في كاس العالم افضل من كريس وبمراحل

وعلى العموم كل واحد اخيس من الثاني بسس فيه نقطه ابيك تعرفها والاعضاء يعرفونها بعد طريقة اللعب الان تختلف عن قبل بكثيير الفريق اللي يلعب لعب جماعي هو اللي يوصل بعكس اول اللي طقها والحقها عشان كذا ماتطلب من ميسي او كريس انه يجيب كاس العالم مع منتخبين فاشليين في وقتهم الحالي