بسم الله الرحمن الرحيم
السلام عليكم ورحمة الله وبركاته
الغشاشين والغشاشات مع ان مافي غشاشات ( كلهم دوافير ) الله يعطينا نص تحملهم على مسك الكتاب بالساعااااااااااااااات
مصطلح / اللي ما يغشش الآخرين ( نذل ) واناني ولا يحب إلا نفسه .
جمله صارت جزء من ثقافتنا ، صار الغش في الامتحان شيء حلو !

مامر علي من خلال دراستي طالب يغشش عن اقتناع ياخايف يزعل خويه او يخاف ينصاد بسبب واحد يغششه وهو حال كل شيء


تنوعت طرق الغش خلال التاريخ الطلابي منها : -
الحديث مع الزملاء ، واحضار البراشيم ، والكتابة على السراويل واليدين والرجلين ، واحضار مسجل وتمديد الاسلاك مع الظهر إلى الاذن ، وسابقا البيجر ، والآن الجوال هو احدث وسيلة مستخدمة في الغش .
وتعددت طرق الاتصال من خلال الايماءات بين الطلاب .. وتراوحت بين الغمز ، وتشويت الكرسي إللي قدامك ، والنظرات بالعيون وكأنهم يغازلون بعض ، الهمس .

وكثير كثير كثير .....


مواقف عن الغش ~> ( منقوله )

إقتباس فضائح واعترافات مسعول كبير :

إقتباس دكتور جامعي : يقول عملت في السلك الاكاديمي كمحاضر شديد في موضوع الغش ولا اتهاون فيه اطلاقا .. وكان بعض الطلاب يرى تناقضا بين شخصيتي المرحه اثناء المحاضرة ، وشدتي اثناء الامتحان فكان يسألني بعض الطلاب سؤالاً محرجاً .. ( استاذ : بالله عليك ما عمرك غشيت ؟؟ وليش شاد علينا كذا ) ؟؟ فيكون جوابي الدائم والذي ينقذني من هذه الورطه بالاجابة - ( نعم غشيت ) لكن الاستاذ اكتشفني واخذت صفر بالامتحان !!! وتعلمت درساً لن انساه طوال حياتي وهو ان الغش في حال اكتشافه يؤدي إلى الصفر فمن كان منكم يريد ان يتعلم هذا الدرس بنفس طريقتي فليغش عندي. ويضيف الدكتور : برايي أن كثير ممن يجلس على مقاعد الدراسة يغش بغض النظر عن الامتحان ومن الامتحانات التي ضحكت فيها اثناء غش الطلاب ولم اعاقب أحد : عقد في مقر عملي مسابقة على وظيفه وكان المتقدمين يتنافسون على الوظيفه ومع ذلك يغشش بعضهم البعض .. كيف تغشش واحد ينافسك على الوظيفة؟!!! >>>>> ماشاء الله على الذكاء . وهذا يدل اننا تشربنا الغش واصبح جزء من تكويننا الفسيولوجي . ومن المتناقضات ان المدرسين عندما يرسلون لاخذ دورة تربويه بعد الجامعة يقومون بالغش من بعضهم البعض مع انهم قبل ايام كانوا يعاقبون من يغش .. وكذلك مدراء المدراس عندما يجلسون على مقاعد التدريب في دورات مدراء المدارس نجد انهم يغشون من بعضهم البعض. من المواقف الطريفه بالغش الموقف الأول : ( اثناء دراستي بالسنوات الأولى بالكليه ) لي صديق محترف غش .. يميل شماغه وعيونه بجهه اخرى ويسبب ربكه بالامتحان بكثرة طلب الموية بصوت عالي مـــــــــويه لو سمحت !! كان يراقب علينا واحد مصري وكل شوي يجي عند صديقي ويقول له ايه مالك تعبان يا ابني ؟؟ حاسس بحاقه ! قال : صديقي ابد ما فيني إلا العافية .. اخاف انت اللي تعبان!؟ فجأه بعدها بدقيقة .. المصري خبط على راسه اغمي عليه !! قلت في نفسي خوينا عطاه عين الطبييعي في مثل هالموقف ان كل الطلاب يسرعون لانقاذ المراقب لكن اللي صار العكس كل الطلاب ما همهم المراقب ..ولا أحد جاب خبره. ما تسمع في القاعة إلا .. السؤال الأول أ .. السؤال الثاني .. يالله يالله دامه طايح … يالله قبل لا يقوم .. وطلاب يقومون من مكانهم يشوفون الاجابه على الهواء مباشرة في اوراق زملائهم وكأنهم يقولون خلوه شوي مهوب ضاره لين نغش كم سؤال >>> نذاله. فجأه دخل استاذ سعودي .. واول ما دخل قاموا الطلبة كلهم وقالوا .. اغمى عليه مسكين.. اغمى عليه .. بسرعه جيبوا دكتور .. وفي انفسهم يقولون ( وش جابك الله لا يجيبك ).. في هذا الموقف إذا فكرت فيه الآن.. حسيت اننا تعدينا مرحلة ان الغش شيء مشروع إلى مرحلة ان الغش والنجاح بطرق غير مشروعه اغلى من حياة انسان . الموقف الثاني : احلى موقف كان فيه زميل لي بيني وبينه اشارات في أسئلة الصح والخطأ وهي انه بعد نصف الوقت يقوم يكح كحات متتالية ومتفقين ان الصح ( يرفع كعب رجله عن الارض ، والخطأ يرفع مقدمة رجله ) ونبدأ من رقم واحد .. وبين كل رفعة كعب أو مقدمة رجل ..خمس ثواني . في مرة كنا نعرف ان الامتحان سيكون فيه صح وخطأ فقلت له : بصراحه ما ذاكرت .. فخلك القائد اليوم .. قال اوكي . وزعت الاسئلة وفيها ( 120 فقرة ) صح وخطأ .. وسؤالين مقالية . وبعد نصف الوقت كح الرجال والتفت علي فاعطيته الاشارة بالبدء .. مثل ما اتفقنا .. وبدأ يرفع كعب رجله وينزله ويرفع مقدمة قدمة وهات … ارفع نزل .. وبعد اربعين فقرة وانا متابع معه حسيت اني ما ني مقتنع بالاجابات حقته ( فسفهته ) ورحت احل الاسئلة المقالية .. والرجال ( يدّهر ) يرفع وينزل وينزل ويرفع .. تقول جيزاني في فرقة الفنون الشعبية وبعد ان استمر فترة طويله وهو يرفع وينزل .. تعب وبدأ يعرّق ويلهث .. قام التفت علي علشان يشوف انا متابع أو لا !؟ … فلقاني قاعد احل في أسئلة ثانية .. وبشكل لا شعوري وبصوت عالي بالقاعة قال : روح الله يشغلك في نفسك .. انا مت ضحك .. المراقب انتبه له واعتقد انه يبي يغش مني وما قدر ..قام اتجه له وسحب ورقته انا مت ضحك اكثر .. قلت للمراقب والله ما غش مني شيء ..وفعلا الرجل ما غش مني شيء .. فنقله لمكان ثاني والشرار يتطاير من عيونه .. ويأشر لي باصابعه بس شوي ! بعدين اتفاهم معك ! بعد الامتحان وانا ميت ضحك .. دمعت عيوني من الضحك في الامتحان .. لاني شغلته وتركته وكأني حاط فيه بطاريات انرجيزر عيا يوقف … وصرت القرد اللي يطبّل في دعاية انرجيزر واتخليه يقول تدوم وتدوم وتدووووم . الموقف الثالث : مره كان فيه واحد ما اعرفه قدامي .. سألني سؤال : وقلت له كذا وكذا .. قال : هاااااااااااه … ايش ؟؟ ما سمعت قلت : كذا وكذا .. قال ايش ؟ قلت له : نظف آذانك بعدين تعال غش . الموقف الرابع : فيه واحد من الشباب محترف غش بالبراشيم وكان ( ملغم الورقه براشيم ) ..وحاطها بين الصفحات في دفتر الاجابه وراح سلّم الورقه بعد ما حس انه حل بشكل ممتاز لكنه ارتكب خطأ يوديه في ستين داهيه وهو انه نسى البراشيم بالورقه . وبالفعل رسب ….وعلى نفسها جنت براقش.

طبعاً اجي بنسبة لي ...

الي يقهرك في مرحلة الثانويه وغيرها من المراحل في اختبارات الشهريه انت تذاكر بساعات احياناً 4 ساعات وتتعب وتعطل نفسك وحالتك حاله وغيرك مايدري وش السالفة جاء وقت الاختبار حط الكتاب بدرج وجلس ينقل مااقول يغش

وانا مذاكر وتاعب اخذ درجه اقل لاني في شيء نسيته وهذاك مايدري وش هي المادة اصلاً فلذلك وبصرااااااااااحه اتجهت لي هالاتجاه في الاختبارات الشهريه بس

والله مااتجهت له الا من الغبنه الي تجيني ماذاكر ويطلع من الاختبار مبسوط ودرجة كاملة وانا مذاكر اطلع من الاختبار مهموم ومااخذت الدرجة الكاملة


مواقف في الغش بنسبة لي : -

كان علينا اختبار مادة سخيفة وقلت مايحتاج افتحها اذا رحت المدرسة اكتبها في غلاف الدفتر واحطه على الطاولة وابدأ انقل <<<
كتبت البرشومه وحطيتها تحت غلاف الدفتر ( ابوسلك الشفاف) يعني الكلام يبين للي يركز في الدفتر فقط <<< مايفهمها الا الي مجربها

المهم ضبطت اوضاعي قبل ماابدا الاختبار جاء المدرس يقول احد عنده كتاب ادب ومن دلاختي قلت انا
وجاء جنبي واخذ الكتاب وتطلع البرشومه من الدفتر وااااااااااااااااضحه
شافها المدرسه حتى الادب ماكمل وهو يفتحه سكره وقال اوكيه نبدأ الاختبار بعدهااااااااااا حسيت نفسي وجهي طمام ولا رومان << اي شيء فيه احمر

كملت الاختبار وعدت على خير



عارف الشباب عندهم مواقف كثير بمناسبة العطله الفله والوناسه وخلونا نوسع صدورنا وصدوركم بمواقفنا ومواقفكم اطرحوها ولاتخلون شيء بقلبكم



والف مبروك لناجحين مقدماً وهاردلك لراسبين معليك الشريط هذا ماقدرت تختمه اشتر الجزء الي بعده


كل الاحترام والتقدير

إقتباس وتشويت الكرسي إللي قدامك

مآحد سوآها اليوم ابد هههههههههههههههه الله يرجني
موآقف الغش تضحك كثير والله
وبعضها تجي عفويه . .
تسلم

المواقف كثيرة بس الله يتوب علينا

هذا موقف طآزه !

يوم السبت الماضي علي إختبار فيزياء ( ثانويه عامه ) , وجمبنا ثاني ثانوي عليهم انجليزي.
خلص وقتهم هم - منتصف الوقت - وفيه طالب ماطلع جآلس يحل ! , ومدرسنا هذا ذيب -راعي دورات نفسيه وحركات - الزبده , شآف تحركات غريبه من الطالب ! ويهجم عليييييييييييييييييه , الطالب لما طب عليه المدرسسس من الخررششششه بللللللع البرشششآمه !!! والمدرس قفلت معه , قم قم قم لو أنك مابلعتها خليتك !! وينفضه نفض وطلع منه براشيم وآآجد , وثم لم يتمالك الطالب نفسسسه وفر هاربا من القاعه بنفسس حزينه ودبّست البراشيم مع الورقه ..

واكلها أكلة طيبه ! ..


وبسسسس



سلآم

انا الي قدامي باللجنه دافور واذا ابي اخذ من تعريف ولا حل مسئله
يبي لي ساعه عشان يتكرم وينقلني سوال ولا سؤالين بــــس
بس انا اخت نصيحه من خويي ( برشام يعزك ولا دافور يذلك )

وابشركم اليوم اخت الشهادهـ ناجح بفضل الله ولا ابشركم جبت
بالفيزيااا والاحياء 28 من 30والمواد الثانيه مثلها<<< مهب مصدق الاخ

نــســـــيـــــــــت اقولك لكم موقف " أحمَ أحـمَ
امس كان علينا فترتين نحو ومكتبه خويي الدلخ جايب براشيم
وحل الختبارالاول نحو ونسا االبراشيم جوا الدفتر الختبار حق نحو
مهو اذا كان عليك اختبار مثل الرياضيات والنحو يعطونك ورقه الاختبار و
ودفتر تحل فيه الاجابه هذا خوينا نسى البراشيم بالادفتر الاجابه وبين الفترتين
تذكر وجاني قال دبرني انا يوم سلمت الاجابه نسيت البراشيم جوا الاوراق الاختبار
ورحنا للمدرس قلنا قلنا له السالفه مدرس قال انا صححت الاسئله ولقيت براشيم جوا
الملف الي تجمع فيه الاجابات طايحه من الاوراق ورميتها بزباله وقلنا يعطيك العافيه ورحنا
وخويي بغى يروح فيها بس الله فكه

^^^

ههههههههههههههههه والله يااخويك تحفه

الي يغبنك في الغش شيء واحد يخون فيك خويك !

صار لي موقف قلت لو اشوف خويي بيرسب معصي اغششه

كنت ذاك اليوم مذاكر وتعباااااااااان على المذاكره وكان الكتاب طويل بالمرة طويل وتعبت وذاكرت زين

ويجيب المدرس اسئلة سهله واجلس احل وحط على احد الاسئلة 5 درجات وحليته صح ومن ثم خويي يأشر لي انه السؤال هذا ماحله ومايعرف الاجابة تخيل من طيبتي وحسن اخلاقي

حليت الورقة كامله وسلمتها ( اختبار شهري ) وجلست اعلمه وهو غبي تكلم بصوت قوي يقول مااسمعك تخيل صادني المدرس وانا اعلمه وخويي بدل مايكون معي قلب علي

يقول حرام عليك الغش ومدري ايش وانا حليت كل شيء بسبب هالسؤال وحبيت لخويي الخير

فخصم علي المدرس 5 درجات يعني اخذت 5 من 10

واخر شيء هو ياخذ 10 من 10 والسبب طفارته ولقافته فطلعت من الاختبار وقلت له والله لو ترسب ماني معلمك شيء ماانت كفو وكنت قاافل بالمرة ومعصب حتى كلمه اسف ماقلي ولا شيء كأني انا الغلطان

5 درجات والمادة حصتين ومعدل يعني 10 درجات بسببه الله لايرده

إقتباس الرسالة الأصلية كتبت بواسطة هلالي كايدكم يا هلا وغلا بالغالي : فهد يا خي وينك .. لك وحشة والله .. أما عن الغش .. الله يغفر ويتوب .. لي عودة بكل تأكيد .. الله يسعدك يارب .. تحيتي لك ..

والله لك وحشه اكثر ان شاء الله لي جلسه معك

انا اليوم آآآه بس من هاليوم

علينا آدب وجانا مراقب اعوذ بالله
انا الي ورايي دافور نسبته ما تقل عن 99

المهم حصلت فرصه اغش واطالع ورا وانقل سؤال الا واحد يقول يا ولد
قلت رحنا في خبر كان
\
\
\
\
\
\
\
\
\
\
\

























الا طلع واحد من الصبيان الله لا يوفقه مشغل مقطع بجواله هههه
والمراقب مسكين ما قال لي شيء وانا اقول هالمراقب ما يعطيك نفس طلع ...