نظام ساهر انتشرت بنوده في البلاك بيري اهم بند المخالفه ماتتسجل على امير او وزير او

دبلوماسي صراحه شي يقهر وبعدين بعض الشوراع مثل التخصصي السرعه 70 وانت متجه

جنوب قبل كبري الامام سعود فيه باص يعني مو معقول امشي 70 لا في زحمه ولا في شي المكان

هذاك ليش الظلم ثاني شي اللي داخل من الشرقي على الشمالي او من الشمالي على الملك فهد من

فوق الكبري السرعه 60 كيف امشي 60 في كبري ابغى اعرف واخرتها اليوم الصباح كنت

بتهاوش مع واحد عشان اني ماشي 60 وانا داخل من الشرقي على الشمالي يقول ليه ماشي

بشويش طيب ساهر اتورط عشانه وفيه غيره كثير نفس الوضع صراحه اكبر ظلم

إقتباس الرسالة الأصلية كتبت بواسطة Al Suwalih 9 يبوي الكلام فقش مع احترامي الشديد لك تقول ما يعرف فلان ولا علان انا مرة كنت واقف عند صراف ويجيك واحد صاحب سمو ملكي يستفسر عن كيفية سداد المخالفة وانا قلت شكله ولد واحد من الاسر الكبيرة لكن يوم شفت اسمه هاهاها طلع صاحب سمو ملكي عليه مخالفتين وحدة سرعة والثانية وقوف على خط المشاة ويقول انها من نظام ساهر جته رسالة على جواله

عزيزي لم اعتد الكذب والله الحمد

لكن هذا من موظفين ساهر وهو اقرب مني ومنك للاحداث المتواجده في عملهم !!!

لكن مارأيك في الفقره السابعه لعلك تمتع ناظريك بها

وهذا نموذج فقط والخافي اعظم واعظم


انظر للبند رقم 7





منورين جميعا

اهلاً وسهلاً فيك ..

اخي .. انا كنت موظف بنظام ساهر واعرف كل مايحدث .. وكل ماذكرت يغالط الحقائق ..

نظام ساهر هو نظام للحد من السرعه التي ادت الى فقدنا لاحباب وغالين ليس لهم ذنب بالحادث ..

الامر الاخر نظام ساهر تم الاعلان عنه قبل البدء فيه بشهرين الا ان الناس ما اعطته ذاك الاهتمام

الا بعد ماوقع الفاس بالراس .. وهذا ماهي غلطة ساهر ..

الامر الاخر هناك فقره خطاً مليون بالميه .. هناك احد سائقي الامراء وصلت عدد
مخالفاته الى 20 الف لانه كان يروح ويجي بنفس الطريق اكثر من مره بالشهر ..
والسياره باسم الامير ..

وكذلك البرنامج لا يستهدف المواطن بشكل مباشر .. والدليل ان له 10% سرعه فوق السرعه
القانونيه .. بمعنى ان المواطن ان سار 130 , والسرعه القانونيه 120 لن يخالف ..

وفي حال انه اخذ مخالفه وهو لم يسير بنفس السرعه المخالفه او اقل من 10%+ السرعه
يحق له الاعتراض ..

انا مع النظام .. رغم اني الان لست موظف بساهر الآن .. ولكن النظام حد من السرعه بشكل كبير .. واتحدى من ينكر هذا الشي ..

اتمنى ان يتم التاكد قبل نشر اي اشاعه .. فهذه ذمه ..
دمت بخير

إقتباس وكل ماذكرت يغالط الحقائق ..

عزيزي انا لم اذكر بل موظف ساهر هو اللى ذكر اتمنى ترجع تقرى الموضوع بتمعن ,

إقتباس الامر الاخر هناك فقره خطاً مليون بالميه .. هناك احد سائقي الامراء وصلت عدد مخالفاته الى 20 الف لانه كان يروح ويجي بنفس الطريق اكثر من مره بالشهر .. والسياره باسم الامير ..

اذا كان التعمميم اللى صادر كما هو موضح وبشكل سري وعاجل خطاء بناء على ماذكرت فهذي ليست

غلطتي بل غلطت وزاره الداخليه انما انا ناقل تعميم موضح امامي ليس الا ,,

عموما نورت الموضوع وشرفت

عزيزي حوار عقلاني اشكر لك المداخله ,,

لكن اتمنى منك عدم الدعاء عليهم بل قل ربي يهديهم مجرد نصيحه ياعزيزي ,,

كل الود للجميع ,,

نظام رائع و ضبط الناس و مشاهم صح

مشكور على موضوعك الحسااس
ونا اشوف انه ماعطوا النضام حقه من
الاعلانات والتوعيه وانه المفروض مايطبق كاااملا
مثل يطبق فى البدايه السرعه ,,وهكذا
مو يتصيدون لنااس ويكون هناك لوحات تبين السرعه
ولا تكون خلف الاشجار ولا تكون باينه
ودمتم بود

إقتباس الرسالة الأصلية كتبت بواسطة الكلاسيكي وكذلك البرنامج لا يستهدف المواطن بشكل مباشر .. والدليل ان له 10% سرعه فوق السرعه القانونيه .. بمعنى ان المواطن ان سار 130 , والسرعه القانونيه 120 لن يخالف .. وفي حال انه اخذ مخالفه وهو لم يسير بنفس السرعه المخالفه او اقل من 10%+ السرعه يحق له الاعتراض ..

معليش مشرفنا العزيز

انا اخذت مخالفة من كاميرا لبن وكنت ماشي 130 والسرعه المسموحة 120
لاهنت ابيك تعطيني طريقة الاعتراض وكيف راح اعرف كم كنت ماشي بالاساس وهم بالمخالفة ماحددوا لي السرعه ولا حتى الشارع مثل مايذكرون فالاعلام
وماتوقع في ذاك اليوم اني قابلت كاميرا غيرها وكيف راح اعرف

معليش اعذرني بس بما انك كنت موظف ياليت تفيدنا وقيمة القسيمة نعشيك فيها ولا تروح للمرور


سوري على المداخلة الثانية بس ابي اعرف وش وضعي

تحياتي

إقتباس الرسالة الأصلية كتبت بواسطة leader ksa شي معروف هدفهم زيادة (الدخل) لااكثر ولااقل وهالساهر نظام اعلامي 100% واقولك اول شي سووه حطوا 4 باصات عند جامعة الملك سعود يعني شوفونا ونشروها بالايميلات عشان يعطون هالبرنامج سمعه وبعدها قاموا حطوا كاميرا وحدة عند نادي الشباب وبس ونشروا الباصات وسط البلد عند السرعات المنخفضة عشان تجيهم قسايم والا بالعقل والمنطق ان اكثر الحوادث المميتة والمؤثرة على المواطنين اللي هم خايفين عليهم تجي على طريق الثمامة والدايري الشمالي والملك عبدالله من شرق لانها شوارع وسيعه ويقدر الواحد يوصل فيها لسرعه تتعدى السرعه القانونية بالضعف ولا يعني طريق 60 الملز ولا الناصرية وش يجي عليه غير الحكات وان صار طاح الصدام لكن بالشمالي والثمامة موتر منقلب موتر متقطع مليون قطعه واللي فيها ماتقول غير الا الله يرحمهم وبعدها على كلام واحد من اخوياي يقول انهم مركبين كاميرات على طريق خريص بس مادري لاني مامر منه واللي اعرفها كامرتين بس اللي عند نادي الشباب ووحدة جديدة على طريق مكة قبل كوبري لبن وهذي اخذت منها مخالفة والكاميرات اللي قالوها على الايميلات مخرج 6 والملك فهد والدوايري كلها مافيه ولا كاميرا منها وانا محدث المعلومات وتجيني المخالفات بعد يومين من المخالفه ولاجتني ولا وحدة على اني مالتزم بالسرعه وكنت ناوي انزل مقاطع عاليوتوب بهالخصوص واوري الناس نظام ساهر اللي يتكلمون عنه بس خايف من اللي يسمع كلامي ويتوفى ولا يصير له شي ويتعلق برقبتي وطبعا من ضمن هياطهم يقولون سوف يقضي على التفحيط وانا لين قبل امس الاحق فيهم لسى مثل ماهم ماقضوا على شي ولا راح يقضون الاغلب مشرطن اللوحات ولا فاك اللوحة الاماميه وخلاص واللي قرا كلامي هذا اقوله لاتسرع وان اسرعت فأنا برئ منك بس نظام ساهر بجميع استراتيجياته ماله الا مهمة وحدة جمع الاموال اما المحافظة على الحياة كان يكفيهم التعاون مع mbc لنشر التوعيه في مسلسلاتها ويكفيهم عن 10 الاف كاميرا اعلنوا عنها وفالاخير ماشفنا الا ثنتين والباقي على باصات وبرادو فضي

بيض الله وجهك + 1

بالمختصر :
تبي تضحك على الحكومه ؟
تعال السعوديه واشتغل مقاول ,

تبي تضحك على الشعب ؟
تعال السعوديه

حسبي الله ونعم الوكيل

حسبي الله ونعم الوكيل

الكلام لا يصدق ولا يكذب.
نظام ساهر أعتقد أنه فعال جداً. والشعب على درجة كبيرة من الوعي خصوصاً في طريق مثل خريص.
( طريق خريص إذا أنت جاي من خط الدمام إلين توصل مخرج 13 السرعة 110.
وإلى مخرج الملك فهد 80. ومن بعده طريق مكة 120. )
" حسبما أرى. الشعب كلّه داري بالسرعات ^.^ "

إقتباس الا بالعقل والمنطق ان اكثر الحوادث المميتة والمؤثرة على المواطنين اللي هم خايفين عليهم تجي على طريق الثمامة والدايري الشمالي والملك عبدالله من شرق لانها شوارع وسيعه ويقدر الواحد يوصل فيها لسرعه تتعدى السرعه القانونية بالضعف ولا يعني طريق 60 الملز ولا الناصرية وش يجي عليه غير الحكات وان صار طاح الصدام لكن بالشمالي والثمامة موتر منقلب موتر متقطع مليون قطعه واللي فيها ماتقول غير الا الله يرحمهم

نسبة الحوادث المميتة تصل إلى 60% في الشوراع المحدد سرعتها بين 60 و 80.

شدتني عبارة " أصحاب السمو الملكي " !!
طيب؛ صاحب السمو " غير الملكي " هل يشمله القرار؟
بعدين البنود تتكلم عن الأبواك، والمخالفات الورقية. وساهر ما يشتغل بالطريقة هذي!
ويتكلمون عن مركز سعد. ومركز سعد ما عنده كاميرات " على خط الدمام! " ..
الزبدة .. ساهر براء من هـ التعميم