#1  
قديم 04/11/2002, 02:54 PM
الصورة الرمزية الخاصة بـ الغريب
عضو إدارة الموقع الرسمي لنادي الهلال
تاريخ التسجيل: 25/12/2000
المكان: السعودية- الرياض
مشاركات: 3,091
@@ قــــــــال ما قـــــال @@



يعني وش نقول ؟!!!

رئيس النادي المكلف يازينه ينفي على الأقل ماتطلع الفضايح !!!!!

الحين وشلون ياأشهر إداري هلالي تبري المدرب وبعدين تقول نقدر نفوز على القادسية بدون مدرب ؟!!!!!

يعني ( لاشيء ) أفضل من ماتورانا !!!

أجل وش رايكم نجرب ( لاشيء ) ؟!!!!!

وبعدين وشلون خسارتك من القادسية مقبولة ؟!!!

ماتدري ياالغالي إن الهلال كان متقدم والقادسية شقلبتها على راسك أنت ومدربك ؟!!

وتقول ( مقبولة ) ؟!!!

أجل ( زعيم على إيه ؟!!! )

أكبر مصيبة قد تحل على كيان أو منشأة ما أن تكون إدارتها أول من لايقدرها حق قدرها !!!!



يظل الهلال كبيرا بك أو بدونك وملايينك التي أصبحت توزعها على كل الأندية عدا النادي الذي عرفك بالناس وعرف الناس بك لسنا بحاجتها إن كانت ستختلط بقذارة المنة ووسخ الغرور والتكبر !!!!

قال إيش ( حتى يتم التعرف على الرئيس القادم ) !!!!

وأنت بتدعم الهلال وإلا الرئيس ؟!!!!

على فكرة ضف ولدك معك ترى له سنتين وهو ( يمطرس ) بالتصاريح ( بلوشي ) واللي يتكلم ( بلوشي ) ( مايلزمنوشي ) !!!!!!





الله !!! اش ذاذي !!! عجيبة !!!

من يوم كأس المؤسس ؟!!

وتو الموضوع يبان ؟!!!

يعني استقبال وتصوير ودعاية وبالأخير ( فاشوش ) ؟!!!!

أموت على هالنوعية من ( أعضاء الشرف ) !!!!

عموما كثير منهم كذا واسألو ( النعيمة ) و ( التيماوي ) و ( البيشي ) ووووو !!!!

بس على فكرة هالموضوع يخلينا فعلا نعيد النظر بكثير من أعضاء الشرف اللي مسوين ( ضجة ) و( دعاية ) !!!!

اللي قاهرني هاليومين واحد من أعضاء الشرف بالهلال مسوي فيها ( متواجد ) ويلاحق هاللاعبين من الأندية الثانية لين إنك تقول ( وين نبي نحطهم ؟!! ) وبالأخير مثل خوينا راعي الأراضي ( باشراحيل ) كله يطلع ( فاشوش ) لا والمشكلة ليته بس كذا إلا يدل الأندية الثانية على اللاعبين ويسويلهم دعاية وينسحب عن الصفقة لمصلحة أندية ثانية !!!!


عموما الأخ ( باشراحيل ) إذا ثبت عليه ماكتب أعلاه ولم تسحب منه العضوية فأرجو من هيئة أعضاء الشرف أن يقبلوني عضو شرف ووعد مني أعطي كل لاعب أرض بالزلفي تطل على ( الكسر )



عاد تبون الجد ؟!! الفكرة مصرقعة !! بس !!! ودي أضحك شوي وأعلق عليها

يعني ودي أعرف من المذيعين اللي بيستعين فيهم الهلال في هالقناة ؟!!!!

الله !!!

تخيلوا معي إن الهلال قرر يستعين بلاعبينه اللي مايبيهم ومن باب قطع الأعناق ولاقطع الأرزاق .........

تركي القحطاني في برنامج ( تركي شو ) وعرض رائع لانبراش بالرأس يقوم به هذا اللاعب الذي طالما زرع الفرحة في نفوس الجماهير ( غير الهلالية )

تركي الشايع مع برنامج ( أشعار وشعراء وشعر ) عرض مثير لآخر قصائد الشعراء وآخر قصات الشعر مع تحليل لكيفية ( لطس ) الشعر بالزيت

عبدالله الجمعان يشترك في تقديم أكثر من برنامج منها برنامج ( الله يخلف !! ) وبرنامج ( احترنا ياالمدفعجي معاك ) :sad:

طبعا رئيس النادي لازم يشارك عشان كذا نبي نعطيه برنامج ( النفي والنفي الآخر )

أما الإداري السابق ( المصيبيح ) فسيقدم برنامج مسابقات عنوانه ( الخطأ وين ؟!! ) ومن المتوقع ألا يستطيع أي من المتسابقين الإجابة على أسئلته لأنه مافيه خطأ بس المشكلة هم مصرين إن فيه خطأ !!!!!


أعضاء شرف النادي سيتناوبون على تقديم برنامج ( إزهلها !!!! ) وهو برنامج يعتمد على مناقشة قضية لمدة خمسين سنة وبعد انتهاء هذه المدة يقررون إذا ماكانوا سيتخذون قرارا أو أنهم سيمددون مدة مناقشة القضية !!!!

مترجم النادي سيقدم برنامج ( خفايا الطب ) وفيه يعرض عددا من القضايا الطبية الجريئة ويناقش كيفية التعامل معها !!!!;)

أما جمهور النادي فهو مدعو لحضور الحفلة الغنائية التي سيقيمها النادي وسيقدم فيها عدد من الأغاني التي تواكب مشاعر الجماهير مثل :

( ظالم ظالم ظالمني !! ) وأغنية ( ابتعد عني ماأحبك وش تبيبي ؟!! ) وأغنية ( طال السكوت !! )

وعدد آخر من مثل هذه النوعية التي تعكس حال جمهور الهلال !!!!:sad:

تحياتي ,,,,
  #2  
قديم 04/11/2002, 03:02 PM
موقوف
تاريخ التسجيل: 27/10/2002
المكان: البلد الذي علمني في الصغر .... وازجل علي الخدمات الوفيـــــــرة ... وتنفست هواءه العليل واضاءني نوره الضافي الجميل ... واعجبتني طبيعته .... انه ... المملكة العربية السعودية .... بلد الحرمين الشريفين ومهبط الوحي .... ومنبع الاسلام .... ...... .....
مشاركات: 192
يا رجال وسع صدرك .......
  #3  
قديم 04/11/2002, 03:47 PM
مشرف سابق في منتدى الإتصالات
تاريخ التسجيل: 03/10/2001
المكان: الريـــــــاض
مشاركات: 6,236
مساء الورررررررررررررررررررررررررررررررررد


والله ياغريب حيرتني معاك

أحيان ودي أبكي على حال هالنادي

وأحيان ودي أضحك على أعضاء القرف

وأولهم راعي رونالدوا بخ بخ بخ

=====>>>>>> على فكرة ضف ولدك معك ترى له سنتين وهو ( يمطرس ) بالتصاريح ( بلوشي ) واللي يتكلم ( بلوشي ) ( مايلزمنوشي ) !!!!!!

فاشوش أنبراشي

تشكراتي
  #4  
قديم 04/11/2002, 04:08 PM
زعيــم نشيــط
تاريخ التسجيل: 06/12/2001
المكان: الرياض
مشاركات: 575
اما ارض بالزلفي وعلى الكسرررررررررررررررررر والله شىء ولا بلبنان
اقول وسع صدرك ومش حالك الدنيا كلها نصب بنصب واحنا الغلابة اللي نصدق
من تكلم ويا قلب لا تحزن
  #5  
قديم 04/11/2002, 04:50 PM
زعيــم مميــز
تاريخ التسجيل: 31/01/2002
المكان: نادي الهلال
مشاركات: 2,890
إقتباس
إقتباس من مشاركة سراب الدمع

مساء الورررررررررررررررررررررررررررررررررد


والله ياغريب حيرتني معاك

أحيان ودي أبكي على حال هالنادي

وأحيان ودي أضحك على أعضاء القرف

وأولهم راعي رونالدوا بخ بخ بخ

=====>>>>>> على فكرة ضف ولدك معك ترى له سنتين وهو ( يمطرس ) بالتصاريح ( بلوشي ) واللي يتكلم ( بلوشي ) ( مايلزمنوشي ) !!!!!!

فاشوش أنبراشي

تشكراتي

  #6  
قديم 04/11/2002, 06:42 PM
زعيــم مميــز
تاريخ التسجيل: 29/04/2002
المكان: العاصمة الحبيبة
مشاركات: 4,645
هلا بك يالغريب وحياك الله ....

والله ما ندري وش نسوي الشق اكبر من الرقعة يابعدي وما باليد حيلة

لكني ملاحظ في الاونة الاخيرة ان التريقة على نادينا صارة بزيادة شوي يعني ما بزينا جيران القمر وفريق جوازات ابوهيا نبزى ( اي ماهضمناهم ومانزلولنا من زور ) جمهورنا اللي والله ما ينلام على حال فريقة السي واللي يفشل ......
بداية من مباراة الرائد وحضور الـ 800 مشجع الى الهزيمة من القادسية بعد ان كان متقدم ..الى الى ... ويالله ياشباب عليكم الحساب .....


والله عورني راسي من كثر هالمشاكل ..... وين البندول آه آه آه



تحياتي للجميع...
  #7  
قديم 04/11/2002, 08:29 PM
أمين عام مجلس الجمهور الهلالي بالشرقية سابقا
مشرف اللجنة الإعلامية سابقا
تاريخ التسجيل: 12/01/2001
المكان: الرياض
مشاركات: 5,143
الله يقطع سوالفك يا الغريب ..

اتوقع الجمعان راح نشوفه في برنامج " ابغى العب كل يوم "

بس الحقيقة الوليد بن طلال بدا يبعد عن النادي .. ولا نحاول ننكر ان الهلال تاثر بغيابه ..

فالهلال .. فعلا تاثر بغياب الوليد .. وملايين الوليد .. ولكن تاثره هذا سيدفعه للوقوف لوحده ودون معونة الوليد ..
  #8  
قديم 05/11/2002, 01:06 AM
الصورة الرمزية الخاصة بـ صدى الامس
عميد المجلس العام
وعضو سابق بلجنة تطوير المجلس العام
تاريخ التسجيل: 26/02/2001
مشاركات: 4,222
يا حيا الله الغريب ...

فواز المسعد لا تستغرب بكره ينفي هالتصريح هذا ..
وكلامه متناقض .. تحس في قلبه كلام كثير بس خايف ومايدري وش يصرح ..
الله يخلف على زعيمنا ..

بالنسبة لأراضي لبنان ..
أثر الدعوه خرطي بخرطي .. وصكوك وتصوير وخذ يا فلاشات ومقابلات والدعوه كلها ....
أثر بعض الناس أهون منا ;) .. يصرحون بمكافئات وجحيد موب أراضي ;) ..
الله يستر لا يطلع لنا الجمعان بكره ويقول بسافر للبنان على شان أرضه اللي هناك

القناة من وين طلعت لنا ؟؟؟؟
الحين عقود ما قدروا يوفرونها ..يبون قناة كاملة


تحياتي لك ..
  #9  
قديم 05/11/2002, 01:58 PM
زعيــم فعــال
تاريخ التسجيل: 12/08/2000
مشاركات: 421


يقطع ابليسك يالغريب ضحكتني من جد

والله حال الهلال ينبكي عليه هاليومين بس يالله فشششششششششششش خلــقـك

الله يعدي هالموسم على خير

يعطيك العافيه اخوي الغريب
  #10  
قديم 05/11/2002, 05:11 PM
موقوف
تاريخ التسجيل: 06/03/2001
المكان: المملكةالعربيةالسعودية
مشاركات: 298
Exclamation

عزيزي الغريب

السلام عليك وعلى جميع أعضاء شبكتنا الغراء وزوارها،،،
إقتباس
يعني وش نقول ؟!!!

سؤال في غير مكانه كل هذا وتسألنا وش نقول؟؟
إقتباس
يعني ( لاشيء ) أفضل من ماتورانا !!!

من اللي قالكم إن ماتورانا شيء هو لا يعدو عن كونه ( مخلوق ) يأكل ويشرب فقط وحتى هذه الميزة لا يدرك لها معنا
إقتباس
أجل وش رايكم نجرب ( لاشيء ) ؟!!!!!

الفترة الماضية ونحن نجرب لا شيء
إقتباس
أجل ( زعيم على إيه ؟!!! )

هذا أسهل سؤال يمكن أن يطرح طبعا زعيم على روحه
إقتباس
يظل الهلال كبيرا بك أو بدونك وملايينك

لا أعتقد ذلك ياعزيزي بدليل مشاكل تجديد العقود وأبرزها ما حدث مع الكبتن المشهور واللاعب المخلص الوفي ابن النادي البار ســــــــــامي الجابر
إقتباس
لسنا بحاجتها

ترى الثقل زين
إقتباس
وأنت بتدعم الهلال وإلا الرئيس ؟!!!!

يبي يدعم الهلال اللي يبي يشهر الرئيس المنتظر وصراع الأقوياء والجبابرة يكون مدروس ( وفق خطط علمية مدروسة )
إقتباس
على فكرة ضف ولدك معك

أقول لو نركد ونثقل شوي يكون أحسن وبعدين إلى راح هو وولده من يبقى؟؟؟؟؟؟؟
إقتباس
تخيلوا معي إن الهلال قرر يستعين بلاعبينه اللي مايبيهم ومن باب قطع الأعناق ولاقطع الأرزاق

طيب والكبتن الكبير واللاعب المخلص ( ســــــــامي الجابر ) ليش ما يعرف يقدم برامج مع العلم إنه نجم من نجوم اللإعلام و اللإعلان فلو تكرمت وقمت بإعداد برنامج له تحت عنوان (( ماطل ..... ماطل .....حتى....................... ))
إقتباس
أما الإداري السابق ( المصيبيح ) فسيقدم برنامج مسابقات عنوانه ( الخطأ وين ؟!! ) ومن المتوقع ألا يستطيع أي من المتسابقين الإجابة على أسئلته لأنه مافيه خطأ بس المشكلة هم مصرين إن فيه خطأ !!!!!

لا وأنت الصادق لأن موضوع طرح الأسئلة من المصيبيح هو الخطأ ،، على فكرة أخوي الغريب ترى فيه مقدم للبرنامج حق المصيبيح أحسن من المصيبيح نفسه

ختاما كل عام وأنتم بخير ونسأل الله أن يبلغنا رمضان وأن يعيننا على صيامه وقيامه
  #11  
قديم 05/11/2002, 05:46 PM
زعيــم متواصــل
تاريخ التسجيل: 13/03/2002
مشاركات: 134
.

يعطيك العافيه ..

مقال مصرقع ..

بس عاد الاالكسر

ترى ابعلم عليك اللي أنت خابر ..

.
  #12  
قديم 05/11/2002, 07:08 PM
موقوف
تاريخ التسجيل: 27/04/2002
المكان: بالعشاش وتحت الجسور
مشاركات: 110
هلا هلا بنبط الشارع الهلالي الي يطلع على حاره الرياضه

اول شين مبروك عليك الشهر وثاني شين مبروك تجاوزك دوره السكانر

كاالعاده موضوع ممتاز على لسان كل الهلالين

إقتباس
يقبلوني عضو شرف ووعد مني أعطي كل لاعب أرض بالزلفي تطل على ( الكسر )

تصدق !!!!!!!!!!

اول ما قريت الخبر " اربٌ كني " والحقيقه العنوان " وهـٌ قني " الموضوع كله " خوٌ فني " على مستقبل الزعيم !!

الله يستر بس

لكن ما عندك يا بعد حيي اراضي بين " الجبلين " اجا وسلمى عندنا في حايل ؟؟؟؟؟;)

مع السلامه يا بعد حيي
  #13  
قديم 05/11/2002, 07:36 PM
زعيــم متألــق
تاريخ التسجيل: 08/03/2001
المكان: مسقط رأس كل هلالي((رياض العز))
مشاركات: 1,125
اقول للوليد وولده ... ((لولا الهلال ما عرفكم احد))
وسلامي...
  #14  
قديم 07/11/2002, 01:45 AM
الصورة الرمزية الخاصة بـ الغريب
عضو إدارة الموقع الرسمي لنادي الهلال
تاريخ التسجيل: 25/12/2000
المكان: السعودية- الرياض
مشاركات: 3,091
الأخ أحب شبكة الزعيم :

أكثر من كذا ؟!!!

ــــــــــــــــــــــــــــــــــــ

سراب الدمع :

وشر البلية مايضحك :sad:

ــــــــــــــــــــــــــــــــــ

الأخ الماهر :

لاتنسى إن الدبابات البحرية بالكسر أرخص من لبنان !!!

ـــــــــــــــــــــــــــــــــــــ
  #15  
قديم 07/11/2002, 09:53 AM
زعيــم مميــز
تاريخ التسجيل: 16/04/2002
المكان: الشـــــــرقيه
مشاركات: 2,306
ياشيخ وس صدرك واذكر الله
   

 

أدوات الموضوع
طريقة عرض الموضوع

قوانين المشاركة
غير مصرّح لك بنشر موضوع جديد
غير مصرّح لك بنشر ردود
غير مصرّح لك برفع مرفقات
غير مصرّح لك بتعديل مشاركاتك

وسوم vB : مسموح
[IMG] كود الـ مسموح
كود الـ HTML مسموح
Trackbacks are مسموح
Pingbacks are مسموح
Refbacks are مسموح



الوقت المعتمد في المنتدى بتوقيت جرينتش +3.
الوقت الان » 05:32 PM.

جميع الآراء و المشاركات المنشورة تمثل وجهة نظر كاتبها فقط , و لا تمثل بأي حال من الأحوال وجهة نظر النادي و مسؤوليه ولا إدارة الموقع و مسؤوليه.


Powered by: vBulletin Version 3.8.7
Copyright ©2000 - 2024, Jelsoft Enterprises Ltd

Google Plus   Facebook  twitter  youtube