صباحكم / مسائكم ورد كويس
(
كعادة مواضيعي اللتي هي كويسة لااعتقد ان يوجد به اي فائدة تذكر)
تعديل مهم جداجداجدا
ياليت تشوفون هالموضوع وتصوتون لمالك صديقي الكويس
ممثل شبكة الزعيم [ مالـك ] في مسابقة ( فنك رسالة ) *مسابقة تصوير , نتشرف بتصويتكم !
وبعدها تعالوا لاتروحون باقي فيه هرج وااااجد تقرونة واللي عنده زواج ياليت يدق يكنسله لانه مطول وهو يقرا
عليه يدك ياهوه ماسمع ماسمع ماسمع يادوب ماسمع
ترر رااراراارااراارارااراارار ياهييييييييييييييييييييه
ياللاله يالالاه ياليتني خدامها عند اهلها
ياللاله يالالاه ياليتني خدامها عند اهلها
ايووووووووواااه ايووووووووووواااه ايواااااه ايوااااه ايواااه
ترارارااراراارارااراراارارارااراراراارارااراراراراار
ياللاله يالالاه (كلام مشفر
)
ايووووووووواااه ايووووووووووواااه ايواااااه ايوااااه ايواااه
ياللاله يالالاه وانا اشرب الماء واحسبه ريق سلمى
ياللاله يالالاه وانا اشرب الماء واحسبه ريق سلمى
ياللاله يالالاه ياريق سلمى ياعسل في فؤادي
ياللاله يالالاه ياريق سلمى ياعسل في فؤادي
طبعا بداية ماكتبت الكلام اللي فوق عشان تقولون ماشاء الله على التفاني فالحب
لكن كتبته عشان اقولكم كم هي جميلة ايام الاختبارات بعيدا عن الازعاج
واقصد ازعاج المشرف فالقاعه لما يكون لابس زبيرية او يكون جواله جديد ومسوي كاشخ فيه الشايب
لما يكون لابس زبيرية اعزكم الله واكرمكم الله وكثر الله خيرك >>حشى توك قايم من على مفطح
ماراح تقدرون تفكرون ولا تسمعون الا شي واحد
تشششيت تشششيت تشششيت تشششيت
تشششيت تشششيت تشششيت تشششيت
الا وهو صوت الزبيرية الجميل
وانت مسكين محووس وماتدري تطلع جوالك تبرشم ولالا
وهو مازال يتمشى بين الكراسي يعني يادرج ورا ماوتوقف في مكان وتخلينا نركز نكتب زي الناس
واذا تكرم ووقف يوقف بجنب واحد مطلع جواله شارية من يومين ويبي يقول لاخوياه شوفوني توني شباب
وفالاخير يجلس يجرب النغمات فوق راسي
يعني انت شايب وش دخلك تطلع بلاك بيري ابي اعرف انا .؟!
مثل خالي الله يصلحه طق ال50 وامس شايفه ولاقيه يكلم بعد
يعني وش تبي من جد وش تبي اذا تبي شي جديد ولا تبي تجدد شبابك ياخي اعرس
اما تطلع جوال وتسبب زحمة وتقهرعيالك لا والف لا
هذا الخال اللطيف العفيف
كل شهرين الى ثلاث شهور مغير جواله والمشكلة الشريحة هي نفسها ماغيرها من طلعها على ايام الكاتل ذاك ابو انتل
وهو من تقاعد وهذي حالته ليه يغير بالاجهزة مادري يعني نعرف الشيبان بعد التقاعد يامسجد ولا شغل اراضي وعقارات الا خالي جامع الهوايتين اراضي وجوالات
والمشكلة مايبيع اي جهاز كان معه وبدت معه مع اول جهاز غيره كذا موب بسبب انه خرب عليه الا وهو الرهيب
وبدا يصفط بجنبها الاجهزة النورس المسكت المملكة الفيصيلة الباندا الشيطان 82 95 97 وقريبا البلاك بيري لاني ماتوقع انه راح يعرف يستخدمه ولما شفته يكلم فيه اتوقع انها مجرد نزوة بالغلط
وصافطها عنده بالدرج وكل يوم يشيك عليها بحكم ان هالدرج يحط فيه البوك
وطبعا اكيد مستغربين مثلي ليه مايبيعها ومو انا وانتوا حتى عياله ترا مايدرون ليه واذا سألوه قالهم فيها ارقام مهمة
يعني مجرد سياسة تجميع زي امي
والي ماكتفت انها تعلمها لخالي حتى علمتها لاخوي
وشعارها المثل الجنوبي (دس ضرس بوك وتحتاية)
دس معناها خبئ
ضرس مايحتاج معروفه لاتشككوني في عروبتي
بوك اللي هو يور فاذر
و حرف عطف
تحتاية معناها تحتاجة
والمشكلة الشخص الوحيد اللي يتأثر بهالشي هو انا محدثكم من قلب الحدث
طبعا تقولون وش تبي انت وانا اقولكم هم يقهروني بهالسياسة ولذا ابدأ بسياسة فك التجميع
وطبعا ماتبدا معي سياسة فك التجميع الا بوقت الاختبارات وطبعا تعرفون في مثل هالايام
اصير كأني حامل مدري ليه احس اني اتوحم كل شوي تمسك معي على شي
ولا يقولون بعد اعرس وانت تدرس طيب تخيلوا البنت حملت وانا جت عندي اختبارات بنفس الوقت نصير الاثنين كلنا نتوحم بنفس الوقت ؟
ووتبدا معي سياسة فك التجميع بطلوعي الى السطح
طبعا سطحنا الوالد الله يرحمه سوى غرفتين الاولى مع موافقه البلدية اما الثانية مع رفض البلدية
لذا ماتوفقنا فالثنتين وكلها مالها اي فايدة بالتاريخ لانها كلها مستولين عليها امي واخوي
مجمعين فيها قش واشياء ما لاهلها داعي ولو اني اعرف اني ماراح يتفقع وجهي كان انزل لكم صورها
ياخي قسم بالله اشياء بس مسببة زحمة مثل عندكم بالغرفة الاولى مكيف فريون و4 دفايات وحدة منها ذيك الحمراء ام الغاز مدري القاز مدري وش ينحط فيها
وطبعا كلها مافي امل تشتغل اجدد شي فيها المكيف من 7 سنوات موجود وفيه بعد فانوس قديم زي حق وضحى ومدري مين
والحمد لله هالغرفة موب مفروشة ولا كان صار فيها بلاوي اكثر
والغرفة الثانية مفروشة للاسف
وبكذا تلاقي اشيا مالها داعي بقوووة ومنثرة على الارض
نبدا باكثر عدد الا وهي الحافظات >>ركزوا موب الحفاظات رجاء عدم الخلط بينها
مثل ذي
واللي فالصور هذا يسمونة عريكة وهي اللي تسويها امي واضافة لها عيش واشياء كذا مدري كيف بس طعمها بعضه كويس وبعضه يمشي الحال
وطبعا هنا انا كل سنة اتفاهم مع امي عليها وكل ماقولها خلونا ننضف الغرفة ونرتبها تقولي وش عليك كنها على راسك
وغيرها طبعا من ادوات المطبخ فيه الاشياء ذي حقت العصير وحدة حديد باليد حقت البرتقال ووحدة جديدة بكرتونها
وفيه برضوة اشياء من بيتنا القديم من اول ماتزوج ابوي الله يرحمه امي الا وهي عدة الطبخ الصح
ثلاث قدور كبيرة على كلام امي انها مقاسات الاكبر ياخذ ذبيحتين والثاني ذبيحة ونص والثالث ذبيحة
على ايام امي كانت بشبابها وكانوا يطلعون البر وكذا مافيه الا قوة طبخ امي وخالاتي وعماتي وكذا
وطبعا اذا سألتها متى ااخر مرة طلعتوا البر لاني ماذكر ان امي تطبخ كل ماطلعنا ناخذ معانا من اقرب بخاري
تجاوبني امي وبكل تحطيم اخر مرة طبخنا فيها قبل لااحمل فيك
يعني بالعربي انت من جيت وانت خربت علينا الوناسة
وطبعا لسى موجودة القدور ولاتبي ترميها والسبب انها مو فوق راسي وطبعا من غير عدة السيارات الله يخلي اخوي الميكانيكي هو ووجهه ايام مراهقته كان يسمعني محمد سليم وخبيتي ويهوى انه يفكك في الددسن
جلس يلعب فيه لين بعناه قبل 5 سنوات تشليح
وباقي ااثاره بالسطح فيه اصطبين لليسار واللوحة الامامية القديمة >>كان فاكها يعني مهايطي
وعندك مفكات ومفاتيح عجل ومفتاح حق كابرس وحنا بحايتنا ماشرينا كابرس لذا اشك بان اخوي كان حرامي واعتزل
وغيرها بلاوي بلاوي اشياء غبيه وغريبة مدري وش تبي ياناس
ومايحتاج الملابس ماراح اتكلم عن الحريم والملابس لانها بتاخذ 500 صفحة وانا ماخلصت
ولا بعد امي تجمع من هالبخور مدري ليه قبل يومين يمكن جايين عندنا جيرانا القديمين اللي كانوا يسلمون علي وانا بزر اخر سنة شافوني فيها وانا العب مع بنتهم
الا على البركة تراها تزوجت وجحدتني والمشكلة انا كنت العب معها عروسة وعريس وعلى انها ام عيالي وكان اخوها السبيكة اكبر منها ويمثل انه ولدنا
المهم يوم جو عندنا الا الاخت الموقرة امي تطلع علينا ذاك البخور في حياتي ماقد شميت ريحة مثله
توقعت انها شاريتة اخر مرة راحت السوق الا اجي واشوف العلبة الاقيها قديييييمة ومكتوب عليه بخور ام عبدالله
بالقلم ذاك الناشف المخطط اسود واصفر ابو نص
وسألت امي قالت والله هذا انه اعطتني اياه جارتنا ام عبدالله وانا حاس مخي وراح وجاء ولا عرفت من هي وسألتها طلعت من جيرانا اللي الظاهر مالحقوا على ولادتي اصلا
يعني بخور ومعتق لو درا عنه اخوي كان ياخذه معسل
واللي يقهرني فوق كذا ان امي كل 6 شهور كذا لازم تنظف البيت من الى وتشوف كل هالاشياء وترجعها مكانها
سؤال فيه احد مثل حالتي مع امي واخوي
طبعا يمكن الكثير نسى الموضوع وانا واحد منكم مادري وش دخلني بالموضوع هذا
انا كنت اتكلم عن جمال ايام الاختبارات صحيح انها مذاكرة وتعب بس بالنسبة لي
وناسة ويمكن اغلب وقتي اذا كنت مذاكر تلاقيني برا البيت ويكون مزاجي اما طق ولا خبيتي
اول شي تخف الزحمة وبقوة يعني دوران على كيفك
طبعا الا اذا شفت كراون فكتوريا ولا قراند ماركيز قدامك راح تسد نفسك على طول وتصير مثل هذا
لانها السيارة الوحيدة المسببة للزحمة في شوارع الرياض اصحابها هم الوحيدين اللي يدقون فرامل والطريق فاضي
واكثر سيارة تلاقي راعيها يغير فحمات واكثر سيارة ينسب راعيها ولو واحد فكر فيهم انه يدخل كتاب جينيس اتوقع بيقدر وراح يلاقي شي بسيط الا وهو عدد مرات الفرملة فالدايري
طبعا لايجيني واحد ويدافع لان هالشي ما شفته صح الا لما قالوا لي اخوياي
وكنت ادافع لين ماتأكدت انهم صح وانا الغلط
واي واحد يشكك في هالمعلومة يمسك الدايري في اي وقت ويشوف والشوارع الداخليه ماحد يقفلها غيرهم
بس موب منهم من الوكالة اللي مصممتها حاطة لهم مرتبة سرير موب سيارة الواحد ينسدح وينام وهذي حلاتها صراحة فالسفر شف لك اي واحد من اخوياك مع منها واركب معه ماراح تحس بالوقت
وهذي فايدتهم الوحيدة فالحياة
ومن ضمن جمال ايام الاختبارات الا وهي انك تكون مواصل مو للمذاكرة بس عشان تدور بدري وقت المدارس والدوامات
يعني اطلع من بيتنا الساعة 6:15 واشوف اثنين يدورون من حقين الثانوي شوفوني معي سيارة
وشوي اروح ادور لي بقالة اخذ لي منها فطور سفري
وشوي تجيك بنت شكلها بالثانوي وتشوفها حاطه 67 شباصة منها 37 وردية والباقي مشكل
وبعدها امسك شارع رئيسي وشوف المداومين وخصوصا اصحاب الكراون والماركيز تلاقيهم طاقين البلوتوث عند الاشارة خصوصا اذا كان سنة اكبر من 45
ولا اذا كان حدود الـ30 هذا تلاقيه طاق الكوبرا ومسوي انا الذي هو ارسم واحد فالحياة
ياخي الساعة 6 ونص من اللي بيطالع فيك غيري
وشوي تروح تدور تلاقي الحبيبه يكلمون عاد انا يرفعون ضغطي اللي يكلمون الصباح
انا يبي لي ساعه كاملة بعد ماصحى ماكلم بالجوال ونص ساعه عالاقل عشان اتكلم مع اي واحد معاي >>صراحة اهنيني على جوي
وبعد مايخلصون مدارس روح دور عند الثانوي تشوف الناس القويين كل واحد معه سيارة
واذا كانوا اخوياك صاحيين خذ لك واحد شبهه وروح دور عند اقرب ثانوية
وهبل فيهم اذا شفت واحد يفحط ولا يستهبل ولا اذا كنت لحالك لامانع انك تخوفة وتخليه يحسب ان بحث
ويمكن يمكن يجونك 3 افيوات وجيب ويحدونك بس لاتقولهم اني انا اللي قلت لك
طبعا اللي بيسال بتكون 2 افيو بحث والباقي للهيئة وعاد لاتسألوني ليه
بعدها روح ارجع لحارة اختنا صاحبة 67 شباصه تلاقيها توها جايه مع خويتها وجالسة تركض بالشارع
طبعا هنا مالك الا شي واحد تسوية انك توقف وتنزل تنسدح بالشارع تضحك
ياعليهم طلعات هالبنات يعني ابي اعرف وش الوناسة يوم انكم تتسابقون في هالحر ؟
وشوف هالطلعه الثانية صدق بجاحة
وطبعا فيه شي احب اقوله لكم مظاهركم مهمة ياكويسين
ولايهمك من يقول المظاهر لاتهم وانما داخل الانسان ومدري وشو
انا بالنسبة لي خلال تعاملي فالجامعة لي 3 سنوات عرفت كيف اني اخلي الدكاترة يتجاوبون معي من خلال مظهري فقط لاغير
يعيدون لي اختبار
او يختبروني اذا ماختبرت
او يشيلون عني الحرمان
اول شي مهما كان طلبك وانت رايح له لاتروح له وانت فاتح واحد من ازارير ثوبك
قفلها ورسم عند اقرب مراية وطبعا المفترض يكون ثوبك وشماغك مكوي وحالتك كويس والا لو تأجلها يكون احسن
والتشخيصة اللي تسويها بشماغك الاحسن انها ماتكون رسمية حيل ولا تكون مضبوطة يعني لو ترميها وراك شوي وتبين له انك يعني جاي مسرع يكون شي كويس
ثانيا يكون بيدك كتب ومعاها دفتر عشان يكون وضعك تمام
ويكون في جيبك قلم مايهم قلم رسمي ولا ابو ريال وتخلي قلم ثاني في يدك او مع الدفتر وتخلي في يدك اليمين
عشان تشيلها وتحط بيدك اليسار وتسلم على الدكتور
طبعا بتقولون هذا خبل ولا ملحوس وانا اقولكم جربتها مع الحس دكتور مايتسامح مع البشرية ومشت معاه هالطريقة
وشال عني 8 غيابات مع انه هو مغيبني ثنتين منها وانا حاضر بحكم انه شايب واخر ترم له ولا المفروض انه متقاعد من زمان
وطبعا هالنظام يمشي مع اغلب الشيبان وبعض الشباب على حالته اذا كان نظامه نظام شيبان سوي معاه نفس الطريقة
اما اذا كان تشوفه مزكرت وكل شي تمام ومهتم بشكله فانت لاتروح له الا وكأنك رايح لعرس والعطر يشمونه اللي فالكليه كلها والصراحة ماقد جربتها شخصيا لكن واحد من الشباب مجربها
فالمظهر مهم مهم مهم
على وزن فقط فقط فقط
والشي الثاني للشباب بس وحقين الدوران ومظهرهم مع التفتيش والدورية
اذا كنتوا اكثر من شخص وفيه واحد مطلع يده مع القزازة خله يدخلها الله لايهينه لان كل العسكر يكرهون هالحركة
ويعتبرونها حركه حنس
وهم فعلا يسوونها بس يمكن يسويها شخص عادي في حالة وحدة اذا كان الموتر مظلل وهو جالس ورا لحاله
والشي الثاني قفل ازارير ثوبك نفس الشي واذا كنت حنيس وتلبس الاشمغة الملونة سودا وبنية ومدري وشو
شيلها عنك واذا كنت كول والعسكري حنس شيل اللي في يدك وشعرك والاشياء اللي تلبسها
واذا جيت للعسكري ابتسم في وجهه موب ممكشر وتطالع فيه باحتقار وتبيه يمشيك
طبعا اذا سويت هالحركات ولا فادت معك ولسى يسحبون عليك الدكاترة وتاخذ انواع المخالفات اجل المشكلة في وجهك موب في نصايحي
اخر شي
من جد شد حيلك
مثل كل ابو دايم مواضيعي تغث لذا نقول لكم خذوا هالقصيدة
من صد عن عيني سلى عنه بالي
إلا أنت لا صديت ما عنك أسلى
كل الظروف أن رحت وأن جيت غالي
مع الزمان يزود حبك ويحلى
أنت الحبيب اللي له القلب مالي
لا غيرك أحد صار في العين يملى
مثل الذهب حبك بعمر الليالي
يزود ما يرخص على كل عمله
أن حل صوتك أو خيالك طرالي
انسى الهموم وضيقه الصدر تجلى
إن غبت طيفك ما يفارق خيالي
وإن شفت زولك قلت أهلا وسهلا
هذا المثل ماهو بدايم يقالي
بعض العرب لا غاب يا ناس يغلى
حب الجنون أهواك يا راس مالي
يا عل من هو لامني فيك يبلى لبى قلبه ربوحتنا الاطخم
لايغرونك جمهور راشد ابو خدود
تحياتي
- وحنّآ الكعب 
,,
انا اطلع مبكر احينا عشان افتكـ من هالعاهات 
الوضع العادي
