19/06/2010, 12:47 AM
|
 | زعيــم مميــز | | تاريخ التسجيل: 25/07/2007 المكان: яỉчαḋн сỉтч
مشاركات: 1,685
| |
|
لكل طالب وطالبة <<<<< نصائح هامة
السلام عليكم ورحمة الله وبركاته  بقي اقل من 7 ساعات وتبدأ الامتحانات النهائية للفصل الدراسي الثاني وبعض طلاب الجامعات مثلي  قد بدأت اختباراتهم بالفعل بحكم خبرتي الطويلة في مجال الاختبارات <<<<<<احم احم حبيت اعطيكم بعض النصائح اللي تفيدكم باذن الله المذاكرة احبائي كل واحد وله اسلوبه في المذاكرة لكن بعض الناس يحس بعدم الرغبه في المذاكره او يجيه النوم وقت المذاكرة نبدأ بالمكان لاتذاكر ابداااا في غرفة النوم ايضا لاتذاكر في مكان يوجد به تلفزيون حتى وان كان مغلق الوقت : بعض الناس يمسك الكتاب ومايفكه الا بعد مايخلص وهذا اكبر الاخطاء ولذلك نلاحظ ان بدايه المذاكره تكون المعلومة سهلة الثبات ولكن في الفصول الاخيرة تبدا الصعوبه وهذا بسبب ارهاق المخ ذاكر فصل وبعد خذ لك راحه رح شيك على نتيجة المباراة او رح شم هواء وبعد كذا ارجع  يقول العلماء يفضل ان يأخذ الطالب بعد كل 40 او 45 دقيقة من المذاكرة راحة لمده 10 دقائق ايضااا اختيار الوقت المناسب للمذاكرة المذاكرة اخر الليل ممنوعة لان ما لها اي فايده وافضل وقت هو بعد صلاة الفجر ايضا السهر للمذاكرة هو من اكبر الاخطاء لان المخ في فترة الليل مقفل بالعربي الغـش ياجماعة تذكرون المثل الساخر اللي يقول برشام يعزك ولادافور يذلك  والله ياجماعة ان البراشيم ذل واسألوا مجرب البراشيم تخليك في خوف وقلق غير طبيعي ولو صادك دكتور او مدرس راحت عليك وتروح تتطلبه يسامحك وتتذلل عنده ذاكر وافتك من البراشيم وذل الدوافير  وقبل كذا كلنا نعرف حديث الرسول صلى الله عليه وسلم :من غشنا فليس منا لحظة الامتحان هذي اللحظة اهم لحظة عندماا تستلم الورقه طبعا انت داخل ومذاكر لكن فجأة لما تستلم الورقة ضاع كل شي بدايه هدي نفسك خذ نفس المعلومات في الحقيقة ماضاعت لكن انت اللي ضعت والسبب الخوف المبالغ فيه خذ لك 10 دقايق اقرا الاسئلة وخل مخك يحمي اي سؤال من خلال قرائتك متأكد من حله ابدا فيه مباشره لاتخلي ولا فراغ جاوب اكتب اي شي ممكن تكون رميه من غير رامي راجع مراجعة دقيقة وياما في المراجعااات نلقى اشياء نسيناها بعد الخروج من الامتحان اول ماتطلع مع الباب انسى كل شي وفكر في الاختبار الجاي وانا من عادتي اول ما اطلع من الاختبار علطول على السيارة وارجع بيتنا ملاحظة هااااااااامة طبعا قريت في بعض الفتاوى انه لايجوز تخصيص ادعية معينه بوقت معين او زمن معين لانه من البدع لكن اول ماتجلس سم بالله واقرأ ايه الكرسي والدعاء المشهور اللهم لاسهل الا ماجعلته سهلا مع اطيب تمنياتي بالتوفيق للجميع اخوكم: ابو حمود |
الوضع العادي
