مباراة المانيا وصربيا اللي أثر على المانيا الطرد المجاني من كلوزه ، غير ان المانيا من بداية المباراه مو ذيك السيطره اللي شفناها قدام استراليا .. المنتخب الصربي عرف كيف يحد من خطورة الالمان بالرغم من تهديد مرمى صربيا بأكثر من لقطه .. ارجع واقول الطرد أثر كثير على المانيا وبعده جا هدف صربيا اللي حسم المباراه ، اللحين المانيا تملك 3 نقاط ومازال الأمل موجود بالتأهل وكذلك صربيا .


سلوفينيا وامريكا ، نفس اللي حصل مع المانيا شفناه مع امريكا .. مستوى غير عن اول مباراه لكل منتخب منهم .. امريكا صمدت قدام انجلترا في اول مباراه وتعادلت معه وجارته حتى النهايه والعكس صار قدام سلوفينيا وقهر نشوف سلوفينيا متصدره المجموعه ، بس هالمجموعه فيها اثاره وبنشوف فيها حماس في المباريات الجايه وأتوقع تأهل امريكا وانجلترا .


مباراة انجلترا والجزائر افضل مباراه اليوم ، استمتعت فيها كثير رغم انها مافيها اهداف .. الجزائر لعبت بطريقه حلوه وتشبه طريقة كوريا الشماليه قدام البرازيل .. حذر في اغلب المباراه لكن في الهجوم كان خطير وهدد مرمى انجلترا بأكثر من مره ، وحتى المنتخب الانجليزي لولا الحظ كان سجل على الاقل هدف واحد وضمن الـ 4 نقاط مع منتخب سلوفينيا في نفس المجموعه لكن التعادل كان عنوان المباراه .. آداء الجزائر كان جيد جدا اليوم ، بقي لها مباراه مع امريكا وأعتقد انها صعبه جداً لأن المنتخب الامريكي مو منتخب سهل والدليل انه رجع من بعيد قدام سلوفينيا وسجل هدفين بعد ماكان خسران وعلى فكره .. لهم هدف صحيح 100% بس ماحسبه الحكم المالي ومافيه سبب منطقي عشان يلغى الهدف !! .. يعني اللعبه كانت فاول واوفر وماكان فيه لا تسلل ولا مخالفه على دفاع سلوفينيا وكله احتكاك عادي بين اللاعبين لكن مدري وش شاف الحكم والغى الهدف !!! .



للمره الألف .. مبدعين الله لايضركم