حرامي !؟ وترغب في صقل وإستثمار موهبتك .... سيدا على السعودية - نادي الهلال السعودي - شبكة الزعيم

ابو طـــــلال · #1 09/06/2010, 02:35 AM

عندك موهبة ( السرقة ) و ( الإستغلال ) وتحس إن عندك ( براعة ) في لطش أخيك المسلم ... ونهبه

سيدا على أول طيارة للسعودية وعلشان تثبت جديتك في العمل المذكور تعال بجواز سفر ( مزور )

وأول ماتجي ... طلّع إقامة ( مضروبة ) وخلك سائق عوائل وإنت بالفيزه ( سباك ) بس مايمنع إنك بعد الظهر ( تطقطق ) توصيل طلبات لإحدى المطاعم ( المخالفة ) من الرخصة للعمال كلهم أوراقهم ( لك عليها ) في مطعم يشتري ( دجاجه ) من مكان ( إعدام الدجاج ) طبخة ليتم تقديمة للمستهلك السعودي ..

السائق المذكور ... صاحب الفيزه المضروبة والمسجل فيها ( سباك ) يشتغل بين ( العشاوين ) يعني بين المغرب والعشاء يركب دش ويفك شفرات .. هالعمل يستمر إلى قبل آذان العشاء بخمس دقائق ... لرفع آذان العشاء على مسامع أهل الحي اللذي قام هذا المؤذن ( المخالف ) بتركيب صحون لاقطه تبث قنوات فاضحة وفك شفرة أطلق القنوات الإباحية ...

هذا ( المخالف ) مشكلته في كفيله ( المتخلف ) واللى يقبض آخر الشهر هالمقسوم .. و ( الساكت عن الحق شيطان أخرص ) آخر شي يفكر فيه

شفوا بالله هالصورة ... كم حرامي يمشي بين هالأعداد الهائله ... وكم مخالف ... وكم قوّاد ... وكم قاتل ... لاقدرالله هالعمّال يصيرون على قلب واحد ... وش يسوون فينا ؟! لكن ربي لاطف فينا ومفرق شملهم وإلا كان ( علوووم )
البطحاء :

صورة مع التحية لوزير الطاقه البلجيكي >>> ماله دخل

=-=-=-=-=-=-

IN U.A.E ONLY

جتني صور على إيميلي فيها إساءه لبلد مسلم وعزيز وجار غالي كانت بعنوان في الإمارات فقط ..

هالبلد معروفة بطيبة أهلها وكرمهم وتباهيهم في بلدهم وهذا حق مشروع ...

كنت حاب أعرضها للي يقارن بين دبي والسعوديه ... من عيالنا ويستنقصون ديرتهم وطبعاً مستحيل أعرض الصور لإحترامي لأعضاءنا الكرام خصوصا من أهل البلد الجار .. وعلشان مايعتبرونها إساءه ومقارنة أو شماته مثل ماالبعض يحاول وتعب وهو يحاول ... ويضرب من تحت الحزام

في دبي ... دار الحي (بعض ) من الشباب يجمع له ألفين ويروح للإمارات وتحديداً لدبي ينبهر في أشياء لاتبهر ولاتشرف ... الامور اللى تشرف وتستاهل مايتطرقون لها ... القطه ( ألفين ) وبثلاثين ريال كاميرا ويقعد يومين ويصور ( 8000 ) صورة حتى بنفس الشكل وتلقى نفس اللّباس ويحتري بس متى يجي علشان ينزل صور بالمنتدى ويقعد يحلل ويتباها في هالروحه وتبداء المقارنه بين دبي وبين السعوديه ... لدرجة إنه فيه إنبراشات وهواش بين أبناء البلد الواحد كله علشان إعجابه في تطور تلك المدينه واللّى ماقعد فيها يمكن ولا ( 48 ) ساعه .. كان فيها ثلاث ساعات بس ( صاحي )

يعني دخلت ( مرقص ) أو ( ديسكو ) وإنبسطت ... اوكيه الله يوسع صدرك بالعافيه ورضى الرحمن ولو إني إشك إنك أرضيك ربك في روحتك ..

شفت حريم ( متبرجات ) من المطار لين الفندق وإنت يابعد حيي مستانس ومسفهل تقول في نفسك ( هذي والله العيشه ) ... طبعا هذا شي يخصك

في كل بلد جانب مضيء وجانب مظلم ... يعني حبه فوق .. حبه تحت

في بعض البلدان حبه فوق ... وحبوب عدد كيس الرز ( تحت ) وفيه بلدان العكس ..

لن أظطر بإذن الله لعرض الصور ... المخيبه للآمال

وذلك لإثبات كلامي

إنتهي الموضوع بخيره وشره ....... بس رجاء لأحد يطلع خارج مسار الموضوع علشان ماأتعاقب انا ياصاحب الموضوع ( المميز ) وينحذف الموضوع بكبره وماتنحذف الردود الخارجه عن مسارها !!

( مهيك سهل )؟

اخوكم الصغير ابو طلال