بسم الله الرحمن الرحيم السلام عليكم ورحمة الله وبركاته , وبعد
الكل يعلم أن السبت تبداء أختبارات الفصل الدراسي الثاني لطلاب التعليم العام
وأن أول يوم اختبار مادة الرعب الرياضيات ,,
لكن لماذا تكون رعب وخوف و و و و
انا معلم رياضيات لم أتوقع كل الأتصالات على الجوال من ابناء العموم والخوال
يريدوني أن أدرس اولادهم ..
هل من المعقول أن ادرس ابنه المنهج كامل ب 3 ساعات ؟؟
أين ابنك مدة 3 اشهر ..
هل كان يدرس كل يوم في ايام الدراسة الماضية .. الجواب اكيد لا
لاننا للاسف سعوديين..
أنا ادرس طلاب مصريين هل تعلمون أن الدرس يعرفونه قبل شرحه .. لماذا ؟؟
لانها ثقافه شعب .........
نصائح للطلاب خصوصاً للرياضيات : 1 - أعتمد على نفسك بعد أعتمادك على الله في المذاكرة وحل المسائل . 2 -لا تقل الرياضيات صعبة ,,, فانها تصعب اكثر بل قل أنها سهله لكي تسهل عليك .
3 -استخدم الورقة والقلم لحل المسائل فالقراءة فقط لا تكفي في الرياضيات . 4 - اكتشف حل المسائل بنفسك ولا تعتمد على اي شخص اخر . 5 - الجو المناسب للمذاكرة خصوصا في هذه الاجواء الحارة . 6 - عدم السهر . 7 - لا تتابع مباريات كأس العالم .
سؤال : لماذا تكره الرياضيات ؟ هل كنت تذاكر يومياً .
سبب حبي للرياضيات : الهوايه ,, حب للحسابات . المدرس حسين الحسين درسني في مرحلة أول متوسط الله يذكره بالف خير حببني بالرياضيات . والدي كان يحمسني على الدراسة بين المغرب والعشاء لحل بعض المسائل .
الحمد لله طلابي حببتهم بالرياضيات واصبحت سهله بنظرهم مع أني كنت متعبهم من اول السنه لكن في الاسبوع الماضي يشكروني لان الرياضيات اصبحت سهلة بنظرهم .. ممكن لاني شاب قريب من عمر الطلاب
سؤال : لماذا تكره الرياضيات ؟ هل كنت تذاكر يومياً؟؟؟؟؟؟؟؟؟ .
شوف حبيبي بحكم إني متخرج من الثانويه من 4 سنوات وعندي بكالريوس في العطاله قد مروا علي انوا واصناف المدرسين في ذي المـادهـ اللي اكرها في الله ولا يهونون مدرسينها
اللحين الرياضيات لطلاب الصعوبه مو بسبب منهج لا بسبب المدرس نفسه اذكر يوم اني كنت بثاني ثانوي اللي يدرسنا رياضيات كان مصري في الأختبارات النهائيه كتب الأسئله المدرس الثاني سوداني تروح تكلم الادراهـ يمين شمال يقولون اذا ما عجبكـ الوضع خذ ملفكـ و اضرب الباب عشانها مدرسه حكوميه
بثاث ثانوي الاختبارات من الوزارهـ وخذ انواع التفحيط اتذكر جبت 10 من 30 في اختبارات الوزارهـ لمادة الرياضيات
الشي الثاني حالياً مايسمى المعدل التراكمي (( ثاني وثالث )) والرياضيات الدرجه بـ 6 درجات والاسئله من المدرسه عاد المدرس الحبيب يكتب الأسئله على حسب مزاجه اذا كان متهاوش مع ام العيال رص الطلاب بذيكـ الاسئله واذا مروق احلى من العســل
ومو كل المصاريه دوافير كانوا يدرسون معنا ناس افشل من السعوديين ولكن منهجنا هنا مقارنه بمنهجهم في مصر خلاهم يبرزون
اخيراً قبل مانعاتب الطــلاب لازم نمسكـ المدرسين ونعطيهم ثقافة توصيل المعلومه وكيف تتعامل مع الطلاب ولا تجعل المادهـ اسلوب للإنتقام من بعض الطــلاب
يمكن الرد راح لبعيد عن النقاط اللي كانت بموضوعكـ ولكن حقدي الدفين لهذي المادهـ يخليني اكتب اكثر من كذا ...
احلى مادة بالنسبة لي ايام المدرسة كانت الرياضيات لانها مافيها حفظ وتخلي الواحد يفكر غير كذا كانت اقل مادة اخذ فيها وقت لما ادرسها يومي
ماانسى لمدرساتي فضل كبير بعد الله ماقصرو ابد كنا ناخذ اكبر عدد من المسائل لين نتشبع
اتذكر طريقتي بالمذاكرة كنت اكتب خطوات الحل كاملة مع المدرسة واذا ملاحظه قالتها اكتبها عشان لو بعدين مريت عالمساله بعد فترة وماعرفت كيف جا الناتج اقرا طريقة الحل
طريقة الورقة والقلم وقت المذاكرة مرررة ناجحة الواحد اذا حلها بيده مابينساها
اخس ماده عندي الرياضيات في الثانويه والمتوسطه..! لكن صراحه الحين اول ترم عندي رياضيات صرراحه حبيت الرياضيات واتحمس له..
لان كنت مااحب الرياضيات بسبب المدرسين والاجواء..
لكن صراحه اشكر استاذي خالد الدوسري من كل قلبي صراحه حببني برياضيات..!!
الله يوفق جميع الطلاب في الاختبارات.!!
لهذي الدرجه رعب تسمى
انا اشوف انه على حسب المدرس الا يدرس الماده
اذا كان هو فاهم في الاساس وعنده اسلوب جميل لتوصيل الفكره
للطلاب فبالتالي تكون الماده من اسهل المواد
اما العكس وياكثرهم فهو يعمق احساس الطالب بكره الماده
وعدم محبتها
الرياضيات بالنسبة لي السهل الممتنع تقريبا سهلة وصعبة
لكنها متشعبة طرق الحل فيها متنوعة هذا شي يعقدني اوقات
لكنها يعتمد فهمها على طريقة شرح المادة من قبل المعلم/ة
الرياضيات اصبحت في نظرنا كخليجيين صعبه... لو ماده الوطنيه يغيرون اسمها ويخلونها رياضيات ومحتوى الكتاب نفسه ماتغير, بيطلع الكتاب مكروه من الطلاب,,, اعتقد ان كلمه( الرياضيات صعبه) ماراح تتغير عندنا
جميل ماذكرت ,, والمواد العلمية الفهم ماينفع مذاكرتها نظري نهائي ,, لازم ورقة وقلم أقلها الواحد يعود نفسه عالحل عشان وقت الاختبار يكفيه الوقت مايكون بطيء بالإجابة ,,
** وزي ماذكرت لازم تكون فاهمها أول بـ أول ,, مشوار تفهم كتاب كامل بيوم واحد حتى لو قدرت , ضغط نفسي ,,
** أوقات يكون المدرس عائق بدليل طلابك مدحوك ماشاء الله لأنك ساعدتهم ,, بس مو معناها نرمي البلى عالمدرس ,, لأن عن نفسي في كثير درسوني رياضيات وكانوا وع ومع هذا اعتبرها ماده حلوة الحمد لله ,,
يعني اللي حاط بباله الشيء الفلاني صعب وماراح انجح فيه بالعربي يقعد يعقد نفسه بـ يصير له اللي يبغى ,, صعبها تصعب سهلها تسهل ,, على قولتهم : مشاكلك كبرها تكبر صغرها تصغر ,,
اقول ليت كل المواد رياضيات مدري ليهـ احبهـ مع اني داخله ادبي يوم انا بالثانوي بس كنت منحاشه من الاحياء ماااااااااحبه وكنت اعشق الرياضيات والكمياء < اعتراف خطير
فعلا سالفة الرياضيات راس مالها وراثه الكل يعظّم امرها وانها صعبهـ ويبي لها ويبي لها وهي كلها " شوية " تركيز " ويمشي وضعك زي الحلاوه
,,
,,
,,
اذا حصلت عليهـ ارسلهـ لي 
مع اني مذااكره يمكن غباء او دلاخه سمه اللي تبي بس هالمااده بغييضه 
الوضع المتطور
