الله يعطيك العافيه على الجهـد المميــز

ان شاء الله تساعد الغير مشتركين بالجزيرة

الله يععععين بس ,
و المشكله انه ما جاء الا وقت كأس العالم ..

و بـ أققققوى اختبار شبه سقطت ,

صدقت والله فيما قلته ولكن أعتقد أن التشويش من دولة وأنا أستغربت من الانقطاع اليوم في مباراة البرازيل

ولكن تبقى البرتقالية الأفضل

إقتباس الرسالة الأصلية كتبت بواسطة التايب فاعل العجايب الله يععععين بس , و المشكله انه ما جاء الا وقت كأس العالم .. و بـ أققققوى اختبار شبه سقطت ,

للأسف سقطت بقوة وتلاعبت باعصابنا مرات عديده

مثل ما تقول هالموضوع فضفضه لعل وعسى يوصل صوتنا لحل الفوضى الكبيرة بالنقل !!!

تحياتي يالغالي ..

طيب هم عطووك تردداااات ثانية على النايل سات وشفيك معصب كلها عط التردد افقي او عموودي وبحط اوكي
ما يحتااج بنقااالي تجيبة لكن انا عندي على الترددات الجديدة مافي اي تشويش
الله يعينك

وبالتوفيق للسامبا

إقتباس الرسالة الأصلية كتبت بواسطة كريستيانو 9 صدقت والله فيما قلته ولكن أعتقد أن التشويش من دولة وأنا أستغربت من الانقطاع اليوم في مباراة البرازيل ولكن تبقى البرتقالية الأفضل

والله اني مثلك كنت مصدق ان الانقطاع من النايل سات وبالتحديد مصر

لكن لو فكرنا بمنطق ليه مصر وبالتحديد النايل سات يقطعون المباريات مع العلم ان الاستضافة للقنوات تدر عليهم عشرات الملايين !! يعني ماديا مستفيدين

الشيء الآخر لو حتى كان هناك تشويش متعمد لماذا الجزيرة لم تتهم مصر صراحة في البيان بأنها السبب

المفترض يكون هناك خطط احتياطيه لمواجهة الازمات لكن افتقداهم للخبرة اللازمة جعلهم يتخبطون بالنقل

المشاكل بكل تأكيد من قناة الجزيرة ولازم تحلها من بكره فالمباريات بدأت تشتد والجمهور لن يقبل اعذار واهية !!

تحياتي واحترامي لمشاركتك

إقتباس الرسالة الأصلية كتبت بواسطة عزوز1112 طيب هم عطووك تردداااات ثانية على النايل سات وشفيك معصب كلها عط التردد افقي او عموودي وبحط اوكي ما يحتااج بنقااالي تجيبة لكن انا عندي على الترددات الجديدة مافي اي تشويش الله يعينك وبالتوفيق للسامبا

المشكلة كل شوي يعطونا ترددات

اول ما عطونا الترددات ادخلتها وما ضبطت معي !!

ثم جبت البنقالي وحاول مرات ومرات الين ضبطت معاه

وبعد كذا جاء تشويش جديد اللي هو بمبارة اليوم مبارة البرازيل وكوريا الشمالية .. وماشفنا الشوط الاول بأكمله

حتى هم مقرين بذنبهم وكتبوا التويه البايخ اللي طفشنا منه ..

ما ندري بكره بعد يطلعون لنا بتردد جديد ولا يسكرون القمر الصناعي النايل سات ويله كل واحد يشتري النور سات او عرب سات او القمر الوصخ كما يذكر لي ((الهوت بيرد)) !!

انا ما عصبت من تلقاء نفسي لكن تصرفاتهم ترفع الضغط ونشوف وش جديدهم ومعركتهم العالمية مع التشويش المتعمد .

تحياتي اخوي .

مصر والنايلسات مالهم دخل بالمشكلة

المشكلة بسبب القراصنة عندهم قنوات تبث على نفس تردد الجزيرة وقوتها اعلى من بث الجزيرة وبالتالي تشوش عليها.

الجزيرة HD على النايلسات شغالة تمام لأن جودتها عالية جداً

يارجال اليوم مباراة البرازيل نصفها اشوفه على الهوتبيرد لا ومو صافي بعد فيه شوشره.

والنص الثاني على النايل سات وانواع التقطيع..

وليه يامصر.؟؟؟؟؟؟

إقتباس الرسالة الأصلية كتبت بواسطة Miho مصر والنايلسات مالهم دخل بالمشكلة المشكلة بسبب القراصنة عندهم قنوات تبث على نفس تردد الجزيرة وقوتها اعلى من بث الجزيرة وبالتالي تشوش عليها. الجزيرة HD على النايلسات شغالة تمام لأن جودتها عالية جداً

الله يعطيك العافية على المعلومات القيمة

يعني مصر والنايل سات برى اللعبة . حلو وصلنا لطرف المشكلة الا وهي الجزيرة

السؤال المهم جدا ليه الجزيرة ما تقوي ترددها بدأ من بكره ؟! ويكون ترددها اقوى من القراصنة اللي ذكرتهم

ان شاء الله بكره تضبط معنا بدون اي مشاكل لأنه من جد طفشنا والمونديال مايجي الا كل اربع سنوات .

والله ودي اعزم بكره اعمامي وخوالي خصوصا اننا بعطلة نهاية الاسبوع بس الخوف اذا جمعتهم انقطع البث والله من الفشيله

تحياتي واحترامي لمشاركتك القيمة

إقتباس الرسالة الأصلية كتبت بواسطة لايهمك حكيهم ياياسر يارجال اليوم مباراة البرازيل نصفها اشوفه على الهوتبيرد لا ومو صافي بعد فيه شوشره. والنص الثاني على النايل سات وانواع التقطيع.. وليه يامصر.؟؟؟؟؟؟

والله على النايل سات انواع التقطيع بقوووووووة

بس انت قلت ان المشكلة ايضا بالقمر الهوت بيرد ايضا !!!!!!! يعني المشكلة ليست في النايل سات لوحدها بل تشمل القمر الاوربي .

اما سؤالك ليه يا مصر اتمنى تقرأ تعقيب الاخ ميهو ((اتمنى قريته صح)) يوضح لك ان المشلكة ليست من النايل سات ولا مصر !!

تحياتي واحترامي لتعقيبك .

السلام عليكم ورحمة الله وبركاته

والله ماتوقعت الشيء هذا من الجزيره فيه تشويش ماله داعي بصراحه
يعني ترخص لنا وتنغص علينا .. يعني الحين مر فترة ليست بالقصير
على بداية كاس العالم خمس ايام يعني بيكمل اسبوع ولحد الآن واهم في اتهاماتهم المزعومه
قلنا في اول يوم قرصنه ومني عارف ايش لاكن مايحق لك انك تخلي العميل يدفع لبطولة معينه
وفي النهاية مايلقى نقل ممتاز ولا حتى تغطيه رائعه للمونديال والله ماكنت اتوقع الجزيره كذا للأسف لحد الآن مانجحت
باقي 25 يوم على المونديال بأمكانها اصلاح ماتم من تشويش وما الى ذلك واتمنا انهم يعدلون وضعهم
موفقين ,,,

يعطيك الف عافية على الشرح والمعلومة..

مع اني مشترك فيها..

لكن تعرف اللقافه عند اغلب السعوديين لازم يعرفون وشو...هع

إقتباس الرسالة الأصلية كتبت بواسطة F-C-Barca السلام عليكم ورحمة الله وبركاته والله ماتوقعت الشيء هذا من الجزيره فيه تشويش ماله داعي بصراحه يعني ترخص لنا وتنغص علينا .. يعني الحين مر فترة ليست بالقصير على بداية كاس العالم خمس ايام يعني بيكمل اسبوع ولحد الآن واهم في اتهاماتهم المزعومه قلنا في اول يوم قرصنه ومني عارف ايش لاكن مايحق لك انك تخلي العميل يدفع لبطولة معينه وفي النهاية مايلقى نقل ممتاز ولا حتى تغطيه رائعه للمونديال والله ماكنت اتوقع الجزيره كذا للأسف لحد الآن مانجحت باقي 25 يوم على المونديال بأمكانها اصلاح ماتم من تشويش وما الى ذلك واتمنا انهم يعدلون وضعهم موفقين ,,,

عليكم السلام ورحمة الله وبركاته

كلامك جدا سليم

اذا استمرت التغطية بمثل ما شاهدنا خلال الخمسة ايام الماضية اتمنى ان يستدرك خطأ الجزيرة الفادح بفتح المباريات مجانا على القناة المفتوحة مع تعويض المشتركين باشتراك اضافي سنة ونصف السنة ..


يبدو ان صفقتهم مع الارتي كانت مفاجاة لهم ولم يستعدوا بشكل جيد لنقل المونديال !!!!


الجميع الى الآن متضرر في حين الجزيرة الرابح الاكبر .. من غير المنطقي ان يتكبد المتابع خسائر على تغطية سيئه جدا في حين الجزيرة تحقق الارباح الطائله بدون نقل مميز !!


تحياتي وتشرفت بمرورك