الصراحه مادري كيف ابداء ... بس كنت ماشي مع طريق الملك عبدالعزيز طالع من الخبر الى الدمام وقفت السياره عند ملعب الأمير محمد بن فهد بالدمام ودخلت الملعب يقولون الشباب فيه مبارات بس مادري بين من ومن مادر يمكن من كثر التعب توي جاي من الهافمون والصراحه منهد حيلي بس قلت وش وراي لا ولد ولا تلد على مايقولون نروح نضيع وقت احسن من الفرفره بالراشد . المهم ؟ دخلت الملعب وشفت الفرق شفت نادي القادسيه بس وش النادي الي يبي يلعب ضده مأدري فريق لونه ازرق وابيض معقوله هذا الزعيم لا مستحيل ماهو هذا الزعيم الي نعرفه ونعشقه بمستوياته الراقيه والمسات السحريه .. احترت والله قلت يمكن فريق درجه ثالثه يبي يلعب مع نادي القادسيه مباره تجريبيه.. بس اللاعيبه عليهم عرف ؟ وش السالفه ياولد يمكني احلم . سألت الي جالس بجمبي قلت لو سمحت من هذاء الفريق الي يلعب مع القادسيه الصراحه كنت محرج اكيد يبي يقول وش هالي تاركن غنمه وجاي بهذا لا يكون على باله حراج الغنم هينا ؟؟ قال هذا ؟الهـــلا . قلت من الهــلال السعودي ؟ قال لا الهــلال الافغاني اكيد الهــلال السعودي ياخوي هذاء الدوري السعودي . الجو كان ممطر عندنا بالشرقيه . ماني مصد ق قلت يمكن حلم يالله يارب انه يكون حلم طلعت شوي بالمطر قلت يمكن اصحى من الحلم اذا جاني ماء المطر بس المشكله ماني بحلم هاذي حقيقه نعم حقيقه حضرت مباره الهــلال والقادسيه وياليتني ماحضرت ياليتني جلست بالهافمون ولا اشوف زعيم القاره الأسيويه بهذا المستوى ؟
معقوله يلعب نادي القادسيه مهاجم ضد الهلال نادي صاعد حديثا للدرجه الممتازه هذا ليس تقليلآ بنادي القدسيه الذي يلعب كره حديثه ولاعيبه شباب لهم مستقبل باهر بالكره السعوديه ولاكن ولاكن المستوى الهزيل الذي رايته بالملعب صراحتا هذاء ليس الهلال ؟
صاموليا مادري هو لاعب كرهو قدم ولا قفز حواجز هل هذا بمستوى زعيم القاره معقوله هذا اساسي وحسين العلي احتياط هذا والله نقص هذا لو اخلي مكانه فاضي اعتقد يصير مكانه هداف؟
راح الكاتو قلنا الحمدلله جا صاموليا قال لا انا خليفه الكاتو ؟ لا حول لله ماكو فكه؟
والمشكله عمر الغامدي مادري هذا حد مستواه ولا هذا غرور الكوره بواد وهو بواد لا يقطع كور زي الناس ولا يوزع صح يعني ماراح اوزع كور ولا قطع كور ابغى اسبب فاولات بس الي مو عاجبه يشرب من ماء البحر والله ملوحه ماء البحر ارحم اني اشوف الأزرق بهذا المستوى ؟
الطامه الكبرى ليناردو معقول هذا شارك المنتخب البرازيلي مستحيل يلعب لاعب بهذا المستوى السيء ياناس يالي شفتو المباره والي شافو لعبه قبل المباره هاذي معقول هذا لاعب كوره قدم
والله لو اجيب الشايب السكورتي الي عند بوابه النادي انه افضل منه ياخساره بس الفلوس عليك انت والصاموله اقصد صاموليا ؟
والله سامي احق بالفلوس من هاالخلاقين ؟
يأ أعضاء شرف نادي الهـلال يارجال الهــلال الله يخليكم ويرحم والديكم يرضيكم الحال الي وصلها
النادي النادي يسير في طريق مظلم وانتم الي تملكون انوار الطريق ؟
الأمير بندر بن محمد الرئيس الذهبي اطال الله في عمرك انت تقول النادي في ايدي امينه كلامك على العين والرأس نعم في ايدي امينه برجاله الأوفيا الذي يتمناهم اي نادي . بس النادي في انحدار الى متى الدوري بداء والنادي بلا رئيس بلا لاعبين اجانب ( صاموليا,ليناردو) ماهم لاعيبه والي يقول غير كذا معليش يضحك على نفسه؟
المدرب والله كلمه مدرب خساره عليه تدرون ليش... بيلاتشي ,يوردانسكو وغيرهم مدربين هل فيه مقارنه اقارن هؤلاء بماتورانا والله كبيره بحقهم لا بعد جايب اخوه معه ولد عمه ولد جيرانه سعيدان
؟ بكره يجيب عيال اخته الصغار عشان يجيبون الكور والله مهزله ؟
اين انتم من طالبتم الأمير سعود بن تركي التنحي عن كرسي الرئاسه خلى الرسي طيب وين البديل
وهو مستقيل حضر التمارين واجتمع بالاعبين والمدرب وانتم الذين طابتم بأستقالته لم تدخلو النادي منذ استقالته لقد مللنا الأنتضار النادي يمر بأسواء المراحل ؟
سامي احوله هاوي ليش علشان مليونين ريال يأخي سامي ستاهل اكثر من عشره مليون . سامي جميع البطولات الي شارك فيها الفضل الكبير لله ثم من ابوعبدالله هل صاموليا احق منه أو ليناردو مستحيل؟
انا اسف على الاطاله والكلام على الاعبين وأعضاء النادي ولا تلوموني الصراحه الي يصير لا يسر عدو ولا صديق؟
((((( النني)))))
ياليته حلم ولاكنه حقيقه..... الله يستر؟؟؟؟؟ 
الوضع العادي
