بصراحه حبيت اوسع صدوركم بهالموضوع الطريف منقول من احد المنتديات للأخ :راعي سواليف
---------------

صح اندونسيا حلوه وطبيعة خلابه بس ما فيه تنضيم والطراره على كيف كيفك
غير التسلط من الشرطه يبون رشوه بس رشوه علي ايش مدري بس راح يمسكونك ويبهذلونك عشان تعطيهم المقسوم.

بس على مين يلعبونها <<<<<<< خويكم جلده (مايطلع الريال من جيبه الا يصفقه كف يمين وكف يسار ويقوله وين رايح ياابن اليهود ).

مره امسكوني عند الفندق توني طالع رايح ادور مقهى انترنت <<< مدمن ماسنجر.
المهم قاعد امشي في الشارع انا وعصاقيلي <<< تراه يبي يعلمكم انه لابس شورت.
ولا دريت الا بنور قوي في وجهي وصرت ما اقدر اشوف وش السالفه ...وبعدين لفي راسي وقامت ترجع بي الدنيا واتذكر الماضي واتذكر يوم كنت اجربع وابهذل الجرابيع...وكنت استخدم ذيك الايام كبس مليون شمعه واعمي الجرابيع....واستانس عليهم ......مدري ليه لف الشريط بي وقتها...
الظاهر اني مسكت فيكم خط ... الحاصل اني قعدت على الرصيف من الدوخه ويجيني عسكري وقام يخربط علي ويبربر ما فهمت منه الا باسبورت (جوازالسفر) قلت ليه يا بو الشباب الجواز في الفندق خليني اجيبلك وهو اصلا ماسكني عندك الفندق..... قالي (قناو) الظاهر ان معناها معصي وقلت له اجل وش تبي انت وجهك !!!
ابو الشباب الافنس جرني للجيب وركبني وجاب الكلبشه في يديني
وانا اللي انتفض واصرخ بقوه وقالت وانا ولد ابوي وامي ما يخسى الا انتم
انا ولد حموله وانسان محترم ولي مكانه محترمه ومرموقه في المجتمع <<<< والله مدري وين طلع هالكلام بس يالله اهم شي انه حلو
ويوم شافوني قمت اعابط معهم واصارخ بالعربي وبالانجليزي والاردو....وبكل اللغات اللي اعرفها قاموا يوشوشون بينهم قلت في نفسي اهب يالذيب خوفتهم وانا اللي انفخ صدري واولع زقاره في الجيب وشوي جاني الظابط وقام ينفخ علي !!!!! من شوي خايفين والحين رجعوا ينفخون والله المشكله يعني لازم اصارخ عليهم بقوه مره ثانيه
وانا اللي اصرخ عليه واقوله قير اووووووووووووووووووووت
ابو الشباب قام يضحك علي !!!!!!!!

وخذ البت مني وقال لي امريكي؟ قلت نو سعودي
ابو الشباب صارد الدخان والولاعه
وخلوني اخيش في الجيب ساعتين
قلت في نفسي ياولد وش راح يسون فيك
عاد تعرفون ابليس ما يقصر في الوسوسه قلت يمكن ياكلوني
حلوه يا كلوني من زيني انا وجهي اول شي اني اعصل مثل المسواك ولا فيني لحم
قلت يمكن يذبحوني
وياخذون فلوسي يامـــــــــــــــــــــــــــــــــــــــــــــــ
ـــــــــــــه
قمت اتنافض غطيت على هزاز نوكيا مو قوة التنافض قام الجيب يتنافض سمعتهم جايين للجيب يبون يفتحونه وانا اللي استجمع قواي الجسديه والعقليه<<<< التعبير ما يمديكم عليه
فتحت الباب علي واحد منتف الظاهر جندي
وقام يشر بإيده <<<<< يعني هات فلوس واخلي تمشي
قلت هاهاهاهاهاهاها احلف قوه
لا ياشيخ اخاف ما تشتهي بس
ورجعت الطمائمنيه الى نفسي واستقريت عاطفيا <<<<< وش دخل عاطفيا مدري

المهم ان الزلابه هذا قام يطامر عندي ويتحبب فيني ورجعي الدخان والولاعه <<<< على بالهم ان غشيم ما يدرون اني راح اعد الزقاير اللي في البكت وبعد ما عديتها لقيتها ناقصه 8 زقاير الحراميه ماخذين البكت عشان يدخون منه
قالي هاه بتدفع والا تجلس هنا قلت انقله انا ما اتفاوض مع سلنتح مثلك خل الظابط يجي
جاني الظابط يتكلم معي بادب وقالي ادفع 400000ربيه ونخليك تمشي وقلت طيب اذا ما دفعت وش راح تسوي
قال اوديك للقسم ونسجنك ونقول عنك انك داخل الدوله بطريقه غير رسميه
وهذي عقوبتها 5 شهور سجن
قلت له خلاص ودي للقسم انا اصلا اتصلت بالسفارة وعطيتهم خبر
والقنصل راح يرسل موظف من السفاره عشان يتابع الموضوع
الرجال سمع سفارة قنصل قام يتنافض وقام يتعذر و ايام سوووووووري وقام يتحبب وانا مسكين وانا عندي عيال وطلع محفضته وخلاني اشوف صورة زوجته وعياله
قلت الموضوع خلاص طلع من ايدي يا ابو الشباب
يالله ودوني للقسم <<<<< اقوله وانا حاط ايدي على قلبي لا يسونها
المهم نزلزني من الجيب وهم يتبسمون لي وشوي يشيلوني على روسهم

االله يرجك اخوووووووي ازرقاااوي..........بس بصراحه قدها وقدووود مابقلى الا هالفنس يلعبون علينا......

اقووووول لاتعوود تروح ....لها الديار.... جرب تروح للباريس والا لندن يمدحوووونها والله هناك بدل مايلعبوووون عليك...تحووووسهم حوووووووس.....