أرسنالي مميز أفضل كاتب بقسم الرياضة العالمية لشهر فبراير
تاريخ التسجيل: 08/04/2007
المكان: َّ فَي المُلحق ~
مشاركات: 8,872
.... [ كأس العآلم حزينه لـ أجلهم // .. " القصة خيآليه "
[ في الشقـة ]
عدلت الجآكيت , ولبست الكرفته اللي دآيم تضيق صدري لانهآ تخنقني , وأخذت آقرب عطر على طآوله , وتعطرت .. وآنـآ جآلس آغني : على ذوقك انت وبس // اكشخ ....واتعطر ...والبس !! على ذوقك انت وبس // اكشخ ....واتعطر ...والبس !! على مود عيونك باقي // اضحك من .. [ كل اعماقي ]!
آخذت مفتآح سيآرتي , وفي طلعتي الا يقآبلني صديقي في الشقة بوسعيد , بوسعيد : ههههه على وين آن شآء الله ؟ آنـآ : عندي موعد , بوسعيد : طيب وشفيك خآنق عمرك بالكرفتة آنـآ : يآخي آنت وش دخلك فيني , مشآركني في حيآتي , آلبس اللي آبي آلبسه , جعلني آمشي مفسخ .. مآلك دخل فيني , بوسعيد : طيب خلآص لا تعصب , بس علمني من موآعد من ورآي ؟ آنـآ بـ بآتسآمه : وحده من فتره وآنآ آنتظر موعدهـآ , بشغف بوسعيد وهو يغمز : قل هي من هي ؟ ترى خآبزك وعآجنك , وآعرفهم كلهم .. آنـآ : ليش آنت قليل آدب ؟ بوسعيد بدهشه : شف السربوت , سوى نفسه بريء .. آنـآ : ليش آنت قليل آدب ؟ آنآ من زمآن تركت هالحركآت . بوسعيد : طيب من هي ؟ تكفى علمني بيطق فيني عرق لو مآعرفت .. آنـآ : هذي هذي آلجميلة , هذي المثيرة , هذي اللي الكل يتمنى قربهآ , الكل يتمنى شوفهآ , الكل يتمنى لمسهآ , الكل يتمنى تقبيلهآ , الكل يتمنى يحضنهآ , بوسعيد : وشذآ البنت الرخيصة اللي كل يبي يلمسهآ ويبوسهآ بصرآحه شوقتني من هذي بنته ؟ آنـآ : مآني قآيلك من هي .. بوسعيد بغضب : بتعلمني ولا قسم بالله بـ غرشة العطر ذي في جبهتك .. آنـآ : هي بنت [ كأس العالم ] , بوسعيد : كل ذآ الزحمة وآخر شي تقول بنت كآس العالم , عنآد مآ فيه روحه , وآقعد عندي .. آنـآ / آنقلع يآ شيخ مسوي [ ولي آمري ] آنت ..!
آخذت ورقة وصف المكآن , وتركته وطلعت للموعد ..! ركبت السيآرة وقريت الوصف , يقول [ جنوب آفريقيآ - جوهآنسبرغ ] وتوكلت على بركة الله وآفلحت لـ المكآن
[ في الحفل ]
زحمه نآس .. آشكال وآلوآن ,
فيه آلآسود وآلآبيض , وآلآسمر وآلآحمر ,
عيون زرق وخضر , نآس طوآل وقصآر ,
فيه الوسيم مثلي وفيه القبيح مثل بو سعيد ,
دخلت للحفل , ويهلي بي شآيب سويسري قصيرالقآمة
ويقول أهلا بك .. تفضل , سيدتي تنتظرك , بالدآخل ..
مشيت معه .. ودخلنآ على [ الغآلية ] وسلمت عليهآ ,
وخذتنآ السوآلف من ومنآ , فـ سألتهآ ,
آنـآ : معذرة سيدتي , عندي سؤآل لك كأس العالم : تفضل , آنـآ : لاحظت صوتك متغير , وكلك مو على بعضك , وآبتسآمتك
المعهودة لم ترتسم على محيآك , كعآدتك , عندمآ نحتفل بـ عيد ميلآدك ؟
كأس العالم : آه آه آه , آنت تعلم آن هذه المنآسبة ,
مهمة لدي ., وآتمنى آن الجميع يكون متوآجد ويحضر ,
لكن بعض آلآصدقآء لم يأتي , إلى هـنآ , ويبدو آن هنآك
آحدآ منعهم , آو هنآك سببآ آخر , لا آعلم مآ هـو ؟
آنـآ : لا تحزني سيدتي , فمن حضر [ فيه الخير والبركة ] كأس العالم : لو تدري من قال آنه مو جآي , هذه آلآحتفآلية
آبدآ , وآن آخر حضور له كآن الآحتفآلية السآبقة كآن حزنت مثلي ,
آنـآ : من هم سيدتي ؟ كأس العالم : رونآلدو زيدآن وسآمي ,
ففي غيآبهم , ليس لـ آحتفآليتي طعم ولون ,
آنـآ : .......... ... كأس العالم : شكلي خربت جوك , آسفه بشأن ذلك < متأثر بـ آلآفلام , آنـآ : لا عـآدي , كأس العالم : دعنآ نخرج لنحتسي شيئآ ونرقص , ونستمع لـ محمد عبده آنـآ بآستغرآب : هل تسمعين لـ محمد عبده ؟ كأس العالم : مآ آروق آلآ عليه , صح آنه
يمسك 20 دقيقه وهو يغني , بس يطربك , ويدخلك جو
آنـآ بآبتسآمه تشق الوجه : يله مشينآ ,
[ في Ballroom ]
عيوني تتلاقط يمين ويسآر , آشوف من جآء ومن اللي مآ جـآء , وآدور الدب السويسري ( بلاتر ) , آبي آسآله من اللي مآ جآء من آلآصدقآء , للآحتفآلية .,
وبعد مآ آحولت عيوني وآنآ آدور لقيته , قآعد في آحد هالطآولات ( يشرب ) من هـ الويسكي جيته وقلت له : يآخي خف على نفسك شوي , ترى بيجيك هشآشة في العظآم من البآيسن , > على نيآتي بلاتر : ............ , آنـآ : المهم آسمعني بسألك من اللي مآ جآء اليوم للحفل من الاصدقآء , ؟ بلاتر : والله مدري , آنـآ وقآعد آهزه : هيه آنت صحصح معي شوي , وقلي من اللي مـآ جـآء ؟ بلآتر : هآه على مآ آظن بآتو , زآنيتي , وكثييرين آنـآ : طيب علمني البآقي ؟ بلاتر هو يطلع ورقه من جيبه : يآخي ترى آقلقتني خذ هذي اسماء اللي مدعوين للحفل ، واللي على اسمه x يعني ما جاء ,
آنـآ خذيت الورقة , وطلعت برى عشآن آكلم [ الذين لم يأتوآ ] وآنآ آمشي , الا تمسك يدي فتآة شقرآء , وقالت : ودي آرقص معك ؟ آنـآ وطقتني البوهه : هـآه [ البوهه تعني : فتحت فمي مو مصدق يعني متفأجى آتمنة وصلت لكم ] الشقرآء : بودي أن أرقص معك ؟ آنـآ : والله ودي بس آلحين مشغول عندي مكآلمة ضروريه آول مآ آخلص برجع لك على طول
[ في الحوش ]
فتحت الورقة , آشوف آلآسمـآء آصدقآئي اللي مآ جاوآ اليوم ,
اول آسم عليه ( x ) ثيو والكوت آتصلت عليه , ولا رد ..؟
وشوي وآرسل لي ( كول مي ) وآتصلت مره ثآنيه ويرد ,
آنـآ : مسآء الخير ثيو : مسآء النور , هـلآ رشـود آنـآ : كيف الحآل ثيو : الحمد لله مآشيه آلآمور آنـآ : سلامـآت وشفيك مآ جيت اليوم .. للحفل ؟ ثيو بحزن : خلهآ على ربك يـآ رجال آنـآ : وش السآلفة علمني ؟ ثيو : كآن ودي آجي معكم للحفل , لكن حصلت مشكلة
ولا قدرت آجي , آنـآ : وش صـآر .؟ ثيو : كنت مع حملة جآيين لكم ومن زمآن وآنـآ معهم
ويوم قربنآ للحفل , قالوآ لنآ فيه تفتيش , ولازم يكون عدد
اللي في البآص 23 , شوي جآنآ رئيس الحملة , وقال معليش
لازم ننزل كذآ شخص , وكنت آنآ من بينهم اللي نزلوآ آنـآ : هونهآ وتهون يـآرجال , الجآيآت آكثر آن شآء الله , ثيو : الحمد لله على كل حآل , آنـآ : المهم حبيت آسلم عليك وآشوف ليه
مآ جيت , توصي شي يـ غآلي , ثيو : أبدأ سلآمتك , آنـآ : مع السلآمه ثيو : مع السلآمه
,
سكرت السمآعة ودقيت الرقم اللي بعده , آنـآ : مسآء الخير بآتو : هلآ بك , آنـآ : هلآ بآتو , وين اللي موآعدني , يجي , ؟ بآتو : والله معليش يـآ رشود , جتني ظروف قويه
تعبتني والله , آنـآ : سلآمـآت وش صآير يآ بآتـو , بآتو : يآخي من جآء رونآلدينو عندنـآ وآنـآ متدهور ,
صرت آسهر إلى [ آخر الليل ] وآروح لـ مرآقص حتى زوجتي طلقتهآ آنـآ : نعبوك دآرك توك معرس . بآتو : وش آسوي الظرووف الظرووف ,
حتى مدري وش فيني هـ السنة كل شوي ( تعبآن ) وآروح للمستشفى , آنـآ : الله يشفيك , وترجع كمآ كنت , بآتو : الله يسمع منك , آنـآ : آجل نشوفك على خير بآتو : على خير آن شآء الله
كملت قرأتي للآسمـآء ومريت على سمير نصري آتصلت ولا رد , وحتى زآنيتي , و بيكهآم و بآلآك مدري وشفيهم ..؟ رجعت لهم في الـ Ballroom .. وجلست على آحدى الطآولات وتعشيت , ثم رحت لـ كأس العالم آودعهـآ عشآن بمشي , آنـآ : عن آذنك آنـآ رآح آمشي , كأس العالم : وين تونآ بدري , آنـآ : بدري من عمرك , مآ عآد آلآ خير , كأس العالم مسكتني وخذتني على جنب , وقآلت : يآ رشود أطلبك طلب , ولاتردني آنـآ : آمري , كأس العالم ودموعهآ في عينهآ : تكفى لاتنسى الموعد الجآي مآ آبي آفقد آحد , بوجودكم آيآمي سعآدة وآحتفآلي مآ يحلى آلآ بكم , وآنتم آلآسآس , آنـآ : آن شآء الله مآ يصير خآطرك آلآ طيب وكل عآم وآنتي بخير , , مع السلآمه ,
آنتهى ,
" برآفيت " كنت متخوف آنزل الموضوع آو لا ,
خآيف آنزله بهالطريقة , تقولون وش يحس فيه ,
والموضوع آصلن جآهز من آسبوعين ,
قلت : بنزله قبل البطولة بـ يومين عشآن لو مآ جآز لكم
وبتنتقدوني , يضيع الموضوع مع زحمة الموآضيع ,
فـ آخيرآَ قررت , آنه ينزل واللي فيهآ فيهآ
هذآ آنـآ صديقكم , رشـود
.... [ كأس العآلم تبكي لـ أجلهم // .. " القصة خيآلية "
موضوع مميز من شخص مميز والله حلوه السواليف تصلح موالف في احد مجلات القصص
مشاءلله خيالك رطب
نتظر موضيعك وساليفك مع كأس العالم ولا تنسى تسلملي عليها اذا زرتها مره ثانيه
ههههههههههههههههههههه بصراحه الموضوع آعجبني كثير وآستمتع بالقراءهـ , وكان ودي الموضوع اطول بعد , الا اقول نسيت تدق على الخطط المدروسه تشوف ليه ما آتو للحفله < آتو ,,, بصرآحه فيه لاعبيين قهر انهم غير متواجدين مع منتخب بلادهم مثل : نصري , باتو , الدينهو , ~
,,,,
رشوود
ليه متخوف فلها وربك يحلها والموضوع وقته منآسب , ويعطيك العافيه وماشاء الله عليك , الابداع هو آنت
يآخ ـي و آلله حرآم ننحرم من شوفة نجوم مثل هذولآ بسبب مـآ يسمى بـ { قنـآعـآت المدربين } .
حرآم مـآ نشوف ريكلمي كـآمبيآسو زآنتيتي بـ سبب هـ المحشش مردونـآ.
حرآم مـآ نشوف بن زيمـآ نصري بسبب السبـآك دومنيك
حرآم حرآم حرآم .. و القـآئمه تطول
نقتنع لو كـآنو فعـلآ مدربين
آمـآ تجيب لي سبـآك و محشش و تقول لي قنـآعـآت مدربين
و المشكله مـآلهم تـآريخ تدريبي يشفع لهم .. ؟
وش سوىآ مردونـآ .. بغىآ يحرمنـآ شوفة التـآنجو من المونديال
ولا دومنيك اللي من بـ ع ـد زيدآن بآنت علومه ..
و آلله يخلي يد هنري آللي أهلتهم
~ تصدقون عشآن كذآ ضمه دومنيك ~
يجيك وآحد مسوي آني الفـآهم و يقول قنـآعـآت مدربين
هذولآ حرآم آصلا يكونون بـ جهـآز تدريبي
حتى لو من بعيد لـ بعيد
طيب يمكن عشآنهم جنتل و كذآ ..
مـآدري لكن شوفو الصور آللي تحت
مـآهم وجيه مدربين آبد آبد ..
الوكـآد آنـآ مـآني منغبن آلآ على هـ الاطخم
حرآم يضيع موسمه كذآ . الولد عنده امكآنيآت خيآليه
بس يبي له آحد يفهمه
يعني يلقـآه من بيلغريني ولا من دومنيك .. ؟
اجل حنا بنزين 91 الي تعبيه كنت اخبرك فخم زي البي ام تعبي 95 عسى البي ام 95 بس
المهم صح ان الغيابات واجد .. بس كاس العالم هي كاس العالم << لاياشيخ
قصدي مهما غابوا لاعبين فيه العيبه الي يجبرونك انك تتابع البطوله .. اهم شي بالتوفيق للمحشش عسى بس اللعيبه يشدون حيلهم