[SIZE="7"[/SIZE]


بصراحه ما اعرف اكتب مقدمات لذلك بدخل في الموضوع على طول الي هو الخطططططططه خطه الهلال الموسم الماضي كانت في غالب الاحيان 4-2-3-1 وفي بعض المباريات تنقلب الى 4-1-3-2<<< والدفاع يصير فيها سواليف.. وفي قليل من الاحيان تكون 4-2-2-2<<< وهذي نادره جدا ...... الكلام الان هو الاستاذ قريتس وش ناوي يلعب في الموسم الجاي بعد مالعب معنا موسم كامل وشاف اغلب الفرق ولعب معها مباريات رسميه وقويه وكل حاقه من المفترض الان يحدد الخطه الي تناسب الفريق للموسم القادم ويتم بموجبها احضار لاعبين واعاره اخرين وتنسيق الباقي في حالة تجاوزهم لسن ال 21 ....اما مادون ال 21 يحول للفريق الاولمبي الي السنه ذي بيكون له مسابقه مستقله تقريبا طوال الموسم ...
المهم الله الله ياقريتس مانبيك توهقنا نبي كل مركز فيه لاعبين على مستوى عالي والثالث احتياطي في حالة الطوارئ وهذي الطريقه هي الي بتمشيك في اسيا اما ما معك الا مهاجم واحد ولو لاقد الله وغاب لظرف ماء في احد المشاركات ستكون حالتنا يرثى لها وللاسف المهاجمين الاحتياطيين لياسر بعيدين عن مستواه كل البعد ولايمكن ان نقول انهم من الممكن ان يعوضونه قد اكون مقنع اكثر لو قلت ان المهاجم الثاني في الهلال بعد ياسر هو ولهامسون على الرغم من انه لاعب وسط ... غريب هلالنا مافيه الا مهاجم وحيد!!!!!!!!!!

خطتنا
[CENTER] الدعيع- (حسن- شراحيلي)


الزوري-( شافي) المرشدي -(خيرات ) هوساوي-......... لي يونق-( نامي)




عزيز-(الغنام ) رادوي-(عمر)





الشلهوب-(العابد) نفيز-(الفريدي) ولي-(ع الدوسري)







ياسر-(المحياني-الصويلح-العنبر)

[/CENTER].................................................................................................... .............................


هذولي الان 24 لاعب من اهم اللاعيبه في الفريق والمفترض يكونون 30 مع الاجانب يعني الامور زينه باذن الله..


نبدا من الاول حراسه المرمى نلاحظ في خطتنا انه وبكل صراحه الحراسه في خطر لو اعتزل الدعيع العتيبي فعلا مستواه كان كويس لكن ما ندري ممكن بعد تجديد العقد يهبط مستواه وهذا ما اخشاه<< وحصلت مع اكثر من لاعب لو تذكرون وبدون ذكر اسماء.

نجي لخط الدفاع بصراحه لايوجد بديل للزوري الا في حاله انك معطي شافي الدوسري فرصه من الموسم الماضي وبيكون الموسم هذا ((فت)) يعني جاهز للمشاركه وممكن لو اتيحت له الفرصه من الموسم الماضي كان صار الاساسي الموسم الجاي..لكن وش نقول لعلها خيره..ممكن ايضا لي يونق يغطي الظهير الايسر وشاهدنا في اليسار بصراحه افضل من اليمين وهو قالها في احدى التصريحات انه اساسا ظهير يسار ولكن ما عنده مشكله يلعب يمين ... ايضا في قلب الدفاع لايوجد بديل لهوساوي الا رادوي انه يغطي مكانه وهذي تسبب خلل في الوسط زي ما شفنا في كذا مباراه والمشكله ان البديل الوحيد حسن خيرات منخفض مستواه كثير هذا الموسم وايضا قصر قامته وبنيته الجسديه لاتناسب ان يكون في قلب الدفاع .

الوسط بصراحه عندنا تكدس لذلك البعض يطالب با استبدال نيفيز بااجنبي مهاجم وبكل صراحه انا كنت مع هالتوجه ولكن بعد التفكير اقول هذا خيار خاطئ فالمهاجم ليس من الازم ان يكون اجنبي عيال الديره واجد لكن الله يسهل الامر.
وانا اقول حسب متابعتي ان الخيار الاول مهند عسيري وخيار ثاني حسن الراهب ومن الطبيعي جدا ان الفرق ما توافق في بدايه الامر ولكن كثر الدق يفك اللحام ولنا في انتقال ياسر اسوة حسنه(( تخيلوا لو ان الاداره في ذلك الوقت استسلمت للامر الواقع وقالت اداره القادسيه ماتبي تبيع ياسر لنا خلاص سكر الموضوع وش بيكون حالنا الان وياسر ليس في قائمه فريقنا )) بالتاكيد سنخسر جميعا نحن وياسر.
نفيز لاعب مؤثر واي واحد يشكك في هالمعلومه يشوف كم صنع من هدف وكم سجل من هدف ومهيب اي اهداف اهم الاهداف وعلى قولة ابو يزيد الاستاذ عبدالكريم الجاسر ((نفيز قليل حركه كثير بركه )) وبالتاكيد الموسم الثاني له بيكون مرتاح اكثر من الاول ان شاء الله.
الشلهوب يقدم مستوى رائع ولكن استغرب وجوده في الاحتياط ... والفريدي يقدم مستوى جميل في مباراه وبعدها ينزل مستواه اللاعب عمره صغير لذلك يحتاج لتوجيه وان ما نفع فا يحتاج قرصة اذن...العابد اذا لعب اساسي ما يقدم نفس المستوى مثل اذا لعب وهو احتياطي ما ادري ممكن العامل اللياقي له دور ؟؟؟
ولي ما يحتاج كلام ماشاء الله تبارك الله في الجناح لا يعلى عليه ولكن يجب ان لايعتمد عليه في الخطه لان بعض الافرقه تسكر عليه ولاعاد توصل كور للهجوم يجب تنويع اللعب .. عبدالعزيز الدوسري الله ييفكه من هالاصابات اللاعب يحتاج الى فرصه والصبر عليه وباذن الله بيثبت نفسه .

الهجووووم ...... مافيه الا ياسر والبقيه مع احترامي لهم ولكن ..... المحياني من الممكن ان نعذره لانه لم يلعب في مركزه الصويلح الاصابات لها دور كبير في انخفاض مستواه اما العنبر لايمكن بصراحه ان اتخيله احتياطي لياسر فهناك بون شااااااااااسع بينهما انا اتكلم عن عنبر اليوم وليس عنبر مباراه كوريا في 2005 قبل 5 سنوات من الان
اتمنى ان يوفقه الله في فريق اخر .

من هنا يتضح لنا حاجة الفريق الى بقاء الدعيع و ظهير ايسر وقلب دفاع ومهاجم وكل هؤلاء يجب ان يكونوا محليين لان الاجانب لايمكن تغييرهم في الوقت الراهن خاصه وانهم ناجحين .





[SIZE="7"

*سمعنا*

* سمعنا اخبار عن اعتزال الدعيع وان حصل فهي امم الكوارث ... الله يستر
* سمعنا ايضا ان النصر يسعى لضم احمد الفريدي ومقايضته ب سعد حمود مدري حمود ومحيميد المهم حاقه زي كده وان صح الحديث فهذي ليست ام الكوارث بل انها ام النكت ههههههههه.
* سمعنا ان ادارتنا عرضت على الاهلي الفريدي مقابل حسن الراهب (( راس براس)) وش رايكم؟؟؟
* سمعنا ان بلاتر بيحضر احتفال مجلة سوبر لتتويج النصر بنادي القرن ههههههههه على قولة نبيل نقشبندي ((شر البليه مايضحك))
* سمعنا ان الاداره بتنسق بدر الدعيع وشلون وهو ما اخذ فرصته وفيه مسابقه لتحت ال 21 ... ياخوفتي ينسقونه وبعدين نروح نشتريه ب6 مليون .
* سمعنا ان الليفر متفائل انه ياخذ الدوري الانقليزي والشامبيونز لانه بيقابل الهلال في مباراه وديه وقبله لعب ما نشستر وحقق الثنائيه وبعده الانتر وسواها مع انه له اكثر من 45 سنه ما حققها ... مهوب مثل بعض الناس اذا انلعب معهم صار نحس على الفريق <<< تراه مايقصد احد يلقبونه بالفقر لانه وجه فقر .

وبسسسسسسسس وسلامتكم

اتمنى اكون خفيف عليكم ترى من زمان ما كتبت مواضيع فا حساسيه الكييورد رايحه من يدي فا اعذرونا على القصور .
[/SIZE][/SIZE]

والله الخطه تكمن في الدعاااااااااااااااااااااااااااااااااااااااااااااااء ثم الدعااااااااااااااااااااااااااااااااااااااااااء للهلال

المتعااااااااااااارف عليه ان الخطه يسويهاااااااااااا
المدرب لانه عارف بكل صغيرهــ وكبيرهــ عن امكانيااااااات الاعبيييييييين
وأسأل الله ان ينصر الهلال في كل مبااااااراهـ يلعبهاااا
ومشكور اخي ويعطييييييك العافيهــ

مشكوررررررررررررررررررررررررررررررررررررررر

اشكر كل من رد والي قال رايه على عيني وراسي شكرا لمروركم

لاتشيل هم اشياء مثل ذي ، غيرتس مدرب وهذي شغلته واكيد انه يُعد اشياء كثيره للموسم الجاي ماعلينا الا اننا ننتظر ونشوف ونعلق على شغل غيرتس بالفريق ، حراسة الفريق انا اشوف انه جيده وماعليها خوف .. عندك العتيبي حارس ممتاز وقدم مستويات حلوه الموسم الماضي وشارك في بطولتين كامله وأعتقد انه حارس جيد ولاننسى فهد الشمري المعار للقادسيه والسديري حارس الفريق الاولومبي ، مستقبل حراستنا بخير ان شاء الله .. خط الوسط فيه اسماء لامعه سواء محليه او اجنبيه والكل يتفق على ذلك ، اما الهجوم فــ انا متخوف من مستوى ياسر بعد الاصابه خصوصا عودته تكون في مشوار الهلال الآسيوي واللي مايتحمل اي تجربه او تهاون ولازم يكون ياسر جاهز تماماً وانا متخوف بصراحه لأن كلنا نعرف ياسر بعد الاصابات يحتاج وقت حتى يعود لكن نقول ان شاء الله انه يرجع بسرعه .


الـف شكــر

هلا اخوي الكاسر ياسر انا معك العتيبي ممتاز لكن تضمن لي مستواه يستمر بعد تجديد العقد والا يجيه فتور وبرود بعد ما تنتهي اموره ؟؟؟؟؟؟
وياسر لاسمح الله لو جاه اي شيء لو تاخرت فترة تاهيله ولا لعب مع الغرافه تقدر تقول لي من بديله مع العلم ان ولهامسون لن يلعب مباراة الذهاب في الرياض ما اقول الا الله يستر.

وشاكر مرورك

شكرا على المجهود

إقتباس ممكن ايضا لي يونق يغطي الظهير الايسر وشاهدنا في اليسار بصراحه افضل من اليمين وهو قالها في احدى التصريحات انه اساسا ظهير يسار ولكن ما عنده مشكله يلعب يمين

لبى لي يونغ ..الله يرده لنا بالسلامه

ان شاء الله الهلال ماعليه خوف ..لكن من باب الاحتياط مثل ماقلت مطلوب دفاع وظهير
وبالنسبه للهجوم والحراسه فيه نجوم بالدكه.. ومن رايي يلعبون العابد هجوم
الله يعطيك العافيه...احبه هلال

من حلات الراهب ونعطيهم الفريدي وبالنسبه للحراسه انا اشوف الشراحيلي ماينفع لحراسه الهلال والبديل فهد الشمري وبالنسبه للهجوم فيصل الجمعان وعيسى وياسر حيكونون بالموعد وباقي الكلام اتفق معاك فيه ويعطيك الف عافيه

المشكله اننا دائما نطالب بأن يكون في الفريق لاعب احتياط بمستوى الأساسي وهاذي نادرا ما تكون حتى في فرق عالميه
بس الفرق بين الفرق العالميه وفرقنا ان اللاعب الاحتياطي اذا لعب مباراة كبديل او كأساسي لظروف في اللاعب الاساسي تلقاه يعطي كل ما عنده عشان يثبت نفسه في الفريق او ينتقل لفريق اخر وطبعا بما ان سوق انتقالات اللاعبين في السعوديه ضعيف وايضا مع دول الخليج يصير اللاعب ما عنده طموح دائما يعني مثلا شوف فيليتشر لاعب مانشستر يونايتد كان دائما احتياطي واللاعب اصبح اساسيا الموسم المنتهي لأن اللاعب كان دائما يعطي داخل الملعب بس عندنا اللاعب يدخل يعطيك شوي بعدين ينتهي
والمشكله الثانيه اذا بتجيب لاعب من فريق اخر عشان يكون احتياطي ولاعب للمستقبل تلقاه اذا جى الهلال وصل لنهاية طموحه انه يستلم فلوس وتجيه سياره وخلااص ونادرا اللاعبين إلي لديهم طموح انه ينتقل للهلال عشان مثلا ينضم للمنتخب ومن بعد المنتخب ينتقل لأوروبا مثلا
يعني انا ابي اتذكر لاعب انتقل للهلال في السنوات الأخيره وحاول يثبت نفسه بشكل كبير
كلهم اول ما يحس نفسه انه نجم ينتهي الطموح حقه وعندك الصويلح خير مثال اول ما جى الهلال ابداع واهداف حاسمه والآن لا حس ولا خبر وحتى العنبر نفس الكلام
والمشكله الكبرى ان اغلب الأنديه السعوديه لازالت تدار بعقليه الهوايه ولا تهتم إلا بالوقت الحاضر وتنسى المستقبل وتطوير مستويات لاعبيها لبيعهم بأسعار عاليه والمشكله ان لاعبينهم حاليا تلقى مستوياتهم عاديه ويطالبون بمبالغ عاليه وايضا صار عندنا في السعوديه كل من هب ودب لعب كوره سواء كان جسمه او امكانياته تساعده او لا واعتقد الحل اننا نكبر سوق اللاعبين بفتحها مع دول الخليج وجعل اللاعب الخليجي يعتبر لاعب محلي عشان اللاعب البارز ياخذ فرصته بإستحقاق مو عشانه مافي إلا هو وغير كذا اللاعب السعودي ممكن يروح لدوله خليجيه ويبدع فيها ويتطور فيها بشكل اكبر وتكون خيارات السوق اكبر وحتى راح تنخفض الأسعار وراح يتطور مستوى اللاعب السعودي لأنه يبي يثبت نفسه في ناديه او عشان اي نادي من الأنديه الكبيره تتعاقد معه
ولك تحياتي اخي الكريم

إقتباس هلا اخوي الكاسر ياسر انا معك العتيبي ممتاز لكن تضمن لي مستواه يستمر بعد تجديد العقد والا يجيه فتور وبرود بعد ما تنتهي اموره ؟؟؟؟؟؟ وياسر لاسمح الله لو جاه اي شيء لو تاخرت فترة تاهيله ولا لعب مع الغرافه تقدر تقول لي من بديله مع العلم ان ولهامسون لن يلعب مباراة الذهاب في الرياض ما اقول الا الله يستر. وشاكر مرورك