أنا يا جماعة الخير إنسان عندي وطنية وسعودي جداً
وبما أني سعودي جداً فأول ما قرأت خبر في موقع العربية عن صناعة أول سيارة سعودية عندها أنتفخت جينات السعودة في عروقي وقلت الله يبشركم بالخير وأخيراً راح ننافس جنرال موترز وتويوتا وممكن الله يكرمنا وننافس فورد وجاكوار وبعد ميتين سنة نصير نصنع بوغاتي فيرون

المهم إني دخت وأنا أدور في المواقع العربية على كيفية تصنيع طلاب جامعة الملك سعود للسيارة وما حصلت وكل المواقع العربية فيها واحد بروفسور اسمه سعيد درويش من الجامعة يتكلم عن الموضوع بأن جامعة الملك سعود أفضل جامعة في العالم وأن جامعة الملك سعود تتفوق على جامعة أم القرى وجامعة الخرطوم ومدري إيش

ولكن الغريب في الأمر أن المواقع تقول بأن الذين قاموا بتصنيع السيارة هم طلاب قسم الهندسة الصناعية والمعروف لدينا بأن تصنيع سيارة لا ناقة ولا جمل لطلاب الهندسة الصناعية في أي مكان في العالم به بل المُفترض أن يتعاون في ذلك طلاب قسم الهندسة الميكانيكية والكهربائية

المهم إني دورت في المواقع الأجنبية ووجدت الإحباط والفاجعة..
وهو إنهيار الحلم الصناعي وأنه يجي اليوم اللي أشوف عصويد وسعيدان يكشتون بسيارة سعودية في البر

السيارة اللي تم عرضها في معرض جنيف للسيارات لا هي صناعة سعودية ولا شيء

فهي عبارة عن سيارة مرسيدس بنز الفئة G واللي سواه طلاب جامعة الملك سعود هو عملية قص ولصق للهيكل الخارجي أو بالعامي البودي يعني فقط فقط فقط صمموا البودي

والأنكى من ذلك أن البودي لم يكن تصنيعه في السعودية بل إنهم أرسلوا الرسومات إلى إيطاليا وهم اللي تكفلوا بتركيبه البودي على السيارة

والأنكى مرة ثانية إن التصميم مسروق كمان من تويوتا إف جي

يعني بإختصار أحلام سعودة سعيدة وكل ألف سنة وأنتم بخير وبلد صناعي


في شيء نسيت أقوله وهو أن بروفسور الهندسة الصناعية يقول أن هناك خطة عمل لإستثمار 400 مليون يورو لإنتاج 20 ألف سيارة من هذا النوع القبيح

يعني سعر السيارة الوحدة تقريبا أكثر من 20 ألف يورو يعني تقريباً 80 ألف ريال سعودي على سيارة مرقعة من كافة الشركات العالمية


رابط خبر صناعة السيارة العالمية المرقعة اللي خطفت الأنظار من موقع العربية
http://www.alarabiya.net/articles/20...04/102112.html

شفهم بالسنة التحضيريه في ناس مخصصينهم يكتشفون المواهب بالطلاب

يعني يجون للطلاب ويرغبونه يطلع مواهبه

آظنهآ من حسنات الجآمعه


بآلتوفيق

إقتباس الرسالة الأصلية كتبت بواسطة FINAL10 شفهم بالسنة التحضيريه في ناس مخصصينهم يكتشفون المواهب بالطلاب يعني يجون للطلاب ويرغبونه يطلع مواهبه آظنهآ من حسنات الجآمعه بآلتوفيق

FINAL10 كيف حالك طال عمرك

يدورون على المواهب ما قلنا شيء لكن يستغفلون العالم ويقولون أنهم صنعوا سيارة بالكذب هذا ما له علاقة بالموهبة لا من قريب ولا من بعيد

هههههههههههههههههههههه

الله لايبلانا ..كل الدول تصنع سيارات الا السعودية ^^

وذولا فرحانين انهم صممو بدي ...

والله لو ماتكلفو أحسن هع هع

شكرآآ صاحب الموضووع

إقتباس الرسالة الأصلية كتبت بواسطة أمـيـر يعني ؟ والله إني قايله أتوقع الطلاب اختاروا اللون بس !! لكن صناعة يعطيك العافيه بروفه ( أحلى شئ التوقيع .. )

كله كوم واللون كوم



أنا أول مرة في حياتي أشوف لون أخضر محمر بالصفرة

إقتباس الرسالة الأصلية كتبت بواسطة البرشا هههههههههههههههههههههه الله لايبلانا ..كل الدول تصنع سيارات الا السعودية ^^ وذولا فرحانين انهم صممو بدي ... والله لو ماتكلفو أحسن هع هع شكرآآ صاحب الموضووع

والبدي إيطالي بعد

يا أخي عندنا إعلام يقدر يضحك علينا بكل سهولة

وأنا جالس في الجامعة كل الطلاب جالسين يتكلمون عن السيارة اللي أنصنعت ومبهورين وكل حاجة حلوة وفي الأخير تطلع سيارة تلفيق..!!

هههههههههههههههههههههههههـ

والله احباط × احباط

شكرا دوق فليد

إقتباس الرسالة الأصلية كتبت بواسطة marsal اذكر اول ما ظهر الموضوع تكلمت عنه بنفس فكرتك ... المشكلة سوريا البلد الصغير صنعة هذه السيارة و استخدمتها فعليا ونحن للان نفكر فيها ...!!!!!!!! وقت درستنا بالجامعة كان هناك موتمر الاختراعات .. طلب الهندسة الكيميائية و ختراعوا سيارات اطفال تتحرك بالريموت ...!!!!! اول شي كيميائية و الاختراع كهربائي و الثاني سيارة تتحرك بريموت عرفتها وانا بأول ابتدائي... سيبك من السيارة امس قاعد اتصفح بعض الصحف و الاختراعات السعودية بعضها بنات و بعضها شباب ... بنت اطلق عليها لقب مخترع و وضعت صورتها بالنقاب و العيون العسلية بمساحة كبيرة و الاختراع كان عبارة عن مطب صناعي ... يعني يدخل و يخرج وقت المدارس يخرج و نهاية الدوام يدخل للارض و يختفي ... الفكرة مطبقة من زمن غير بعيد ... يعني مثل قطر تجنس اي لاعب في اي لعبة لاجل يسجل البطولة بأسم قطر.. يعني بالقوة الا يكون عندنا مخترعين و مخترعات.. كما سمعت انه بالمانيا لا يستخدم اي شي في اي صناعة الا تكون المانية .. حتى مسمار السيارة ... وحنا سمعنا بالعلم و الصناعة و نبي نقفز على العالم كله بلحظة وحده ... اهم شي اختراع يسجل بالصحف ويوزع و كفاااااااااية ..

حيا الله مرسال

حكاية إني أصير دولة مُصنعة للسيارات والمَصنع كالتالي:
المكينة من ألمانيا
الغيربوكس من أمريكا
الكفرات من السويد
البودي من إيطاليا
والعمال اللي شغالين في المَصنع من بنغلاديش وباكستان
وبعد كذا وبكل وقاحة يقولون صناعة سعودية..!!

هذا هو حال الصناعات الثقيلة في كل الدول العربية وقس عليها أي صناعة سواء إلكترونيات أو ما هو أقل من ذلك


يعني على سبيل المثال إذا صنعوا على قولهم هذه السيارة (السعودية) وبيعت السيارة بمائة ألف فتأكد إنه لن يذهب منها إلى السعوديين إلا أربعطعش ريال لأن كل اللي في المَصنع من أعلاهم لأسفلهم غير سعوديين والأدوات غير سعودية


مثلها مثل المشاريع العملاقة اللي جالسين نضحك على نفوسنا بها
كل المشاريع هذه وناطحات السحاب والخرابيط الفاضية يتم تنفيذها بواسطة شركات أوربية عملاقة والأيدي العاملة كلها غير سعوديين وبعد كذا يجيك ناس أغبياء من المُحللين الإقتصاديين يقولون أن هذه المشاريع سوف تنهض بالإقتصاد وترفع مستوى دخل الفرد السعودي..؟؟


يا أخي الكلام هذا صحيح لو كان كل اللي يعمل في هذه المشاريع سعوديين أما أن يكون كلها تروح لجيوب جون وجيمس وكلارك ونجيب راجا خان فخلونا بلا مشاريع وبلا هم

من اول ما سمعت هذا الخبر في الجامعة وانا احس انها تجميع مثل ما تفضلت

لا بد من وجود خطة في زمن معين لكي نصل الى ما نريد اما ان نصبح دولة صناعية وننظم الى قافلة دول العالم الاول

بين ليلة وضحاها فأعتقد بأن هذا الامر لا يعدو كونه حلم نهايته سراب

شكرا لك يا دوق فليد وقلمك من ابرز اقلام الشبكة سواء هنا او بمنتدى الجمهور