~ .. رحلتي الجامعيــه لـ دبـي .. ~ .. = ) - نادي الهلال السعودي - شبكة الزعيم

dal3_uae · #1 01/06/2010, 02:22 PM

.. ~ Enter >>

والضوء له نقطه مثل ما تشوفون
وفالناس نستثمر و يدنا بيدها
واعلى بناء مشيد على ارض هالكون
اسمه خليفه عز داري وسندها

س1 >>اقصد السلام عليكم ورحمة الله وبركاته >> تتحسب عمرها في المسن ..

اشحالكم يا أعضاء .. شو أخباركم ..؟؟

بديتو في امتحاناتكم وله عدكم ..؟؟>> اتغثكم

>> لاني مخلصة دراسة خلااااص

ان شاء الله مستانسين ..

والله ما عندي سسالفة .. فاضية ما عندي شي .. قلت خليني أنزل لكم صور آخر رحلة رحتها لدبي مع الجامعة .. ووأول مرة اركب المترو في حياتي .. طبعا بس في الامارات وله بره ترى راكبة مترو النمسا ..

بما إنه ممنوع أركب المترو مع ريلي .. قلت خليني اجرب مترو الامارات .. مع ربيعاتي .. طبعاا معاه ممنوع .. لانه عندنا سيارة >> احلفي

لا صدق صدق

هو ما يركبني .. فقلت خليني اركب مع البنات .. واجربه شو ناقصني ربيعاتي بيركبونه وانا لا ..

فانطلقنا .. من جامعتنا ..

سوو بحث في جوجل ووكتبو جامعة الامارات .. بتطلع لكم الصور
لاني انا ما صورة الجامعه ..

نبدى .. بسم الله ..

طلعنا من العين والجو يجنن .. مطرررر

حادث

لكن الحمدلله ما صارله شي الريال ..
اطمنا عليه .. تدرون كيف؟

يوم شفنا يمشي بريوله .. ويدق حق الشرطه

الحمدلله ..

ووصلنا لــ

محطة امارات مول
Mall of Emirates

أولى المحطات اللي ركبنا فيها المترو .. وهي من أجمل المحطات في دبي
لما يحمله من عبق الأصاله و الماضي ..

::

.. الصور تزين المحطة ..
تعريف ماضي الامارات .. من خلال الصور التي تزين بها محطات المترو ..
من خلال اللبس التراثي .. والتنقل بالجمال من منطقة لمنطقة بحثا للعيش في أجواء مناسبة

صناعة السفن ..

::

ياليل ما اطولك ..

اللي يبى ينزل وزنه .. بس مرة وحده يركب هالدري ..
وبتشوفونه مختفي كليا ..

لا يغركم ترى في لفت يوديكم فوق او ينزلكم تحت

::

اللوحات الارشادية التي ستقلك الى المترو من داخل المول
بدون لف وبدون أي تعب ..

خطة سيرنا اللي باللون الاخضر بس ..

أحلى ما في المحطات انها تحمل أسماء الصحابة رضي الله عنهم ..

برج دبي المالي .. وكملنا السير إلى إلى برج خليفة الشامخ

مرينا بأجمل الحدائق في دبي .. وهي حديقة زعبيل اللي تقام فيها الملتقى الشعري لدبي ..

بعدها ردينا لمحطتنا .. وردينا لامارات مول .. ورحنا على طووول الاسكي ..

شعار رحلتنا أنا وربيعاتي .. ما ننسى السمون والفلافل اللي بينا

وبس في النهاية ردينا الجامعه ونحن تعبانين وهلكانين من المشي اللي مشيناه في اماراتس مول وكانت أحلى رحلة بالنسبالي في الجامعه .. لانه الجو كان روووعه .. ما يتفوت بصراحة .. وعندي صور لدبي من فوق .. صورتهم من طابق 124 من داخل برج خليفةوعندي أكثر من 500 صورة لكني تعبت في تحميلهم .. اذا كان عندي وقت بنزلهم يا هني يا بموضوع ثاني ..

.. سفيرتكم دلوووعة الامارات ..

والله لا شعر وقوافي ولا وزون
توفيكم و لكن ذكركم سعدها

لكن رغم هذا ترى كم مليون
البرج يسوى كان نفسه نشدها

و برجين في داري ابد ما يسامون
خليفه ونائبه والله شهدها

>> Exit .. ~