بص يمين , وبص شمال , انتقال لاعب الهلال / / / وش قال خالد قاضي عن جيرتس !!
السلام عليكم
عادت القهوة
وعادت لياقة كتابة المواضيع بعد موسم مميز بكل المقاييس ,,
غريب اللي يصير من بعض الجماهير , يعني كل ماكتب صحفي خبر انتقال لاعب هلالي نجي ونقول مانبيه ينتقل وهذا لاعب مميز ومن هالكلام اللي ماله آخر , من فترة طويلة وحنا نسمع مقولة ( أخبار الصيف ) لكن مادري ليش البعض يمشي ورا هالكلام بشكل عجيب غريب وكأن الصحفي او المحرر مصدر ثقة , للأسف كلنا نشوف صحفنا تجيب 70 خبر عن انتقال لاعب من الهلال الى النادي الفلاني او انتقال من النادي الفلاني الى الهلال واذا صدق الخبر قال قلنا لكم قبل كم شهر واذا ماصار شي قال العتب على المصدر والغالبية من الصحف تسكت وماتجيب طاري وتسري بليل ,,
ياجماعة الربع هدو الوضع وروقو بارك الله فيكم , الهلال يملك عبدالرحمن بن مساعد ويملك عبدالله بن مساعد ويملك سامي الجابر ويملك جيريتس وغيرهم من الكفاءات , ويملك احترافية عالية والموسم الماضي خير دليل , انا ماني ضد انتقال فيصل الجمعان للهلال لانه لاعب محلي ممكن نكسبه مع الوقت والأهم عندي ان المدرب طلبه بالإسم وهذا امر كافي ولاننسى ان اللاعب نسقناه وماعطيناه فرصة , وكلنا شفنا كيف صار وضع الهلال يوم اعطينا الصلاحية كاملة للمدرب .
وان جينا للصدق الجميع مايبي فيصل لان الهلال ماجاب لاعبين محليين عليهم الكلام كما يقال , لان البعض يبي تيسير الجاسم ومالك معاذ والراهب من الأهلي ويبي حسن معاذ والشهيل من الشباب وهزازي من الاتحاد ومايبي أحد من النصر
صعبة تجيب كل النجوم مهما كنت تملك من مال او فكر , لان بعض الأندية لديها طموح للدوري وآسيا ماعاد النصر طموحه الفوز على الهلال
انا متأكد لو جاب الهلال اي نجم وجاب بعده فيصل الجمعان لكانت ردة الفعل أقل حدة من اللي صاير الحين , اللوم على الإدارة في عدم الدخول في صفقة كامل الموسى فقط , لان كامل يستطع اللعب في اكثر من جهة ويملك مهارات وقدم يسرى والهلال يعاني من قلة تواجد القدم اليسرى الدفاعية ,وحتى لو كان جيرتس لايريده ربما نستفيد من اللاعب بعد مغادرة جيرتس
فإذا كانت إدارة الهلال لاتنوي انفاق مبالغ لإنتداب أجانب جدد او مدرب ومع هذا الإستقرار فالأفضل هو الدخول في صفقة كامل الموسى وتقديم مبلغ جيد لجلبه , ولكن اللاعب خسرناه ولافائدة من الحديث في الماضي الا لتوضيح شي في المستقبل , وهذا فائدة النقد الهادف .
اعود لأخبار الصيف ,, من يذكر هياط عصام الشوالي وصراخ عامر عبدالله وكلام خالد فاضي ومصادر الصحف عن رحيل جيرتس وللحين بعض الصحف والإعلاميين رحيل جيرتس والبعض الآخر منهم صار وجه لان جيرتس قعد على قلبه وصدق كلام شبيه الريح وخسرو الرهان وفقدو المصداقية اللي هم فاقدينها من زمان والحين نفس المواضيع تتكرر مع اختلاف الأسماء , هل اعتذر خالد فاضي !! هل اعتذر الشوالي هل اعتذرت الصحف .!! الجواب واحد لا لم تعتذر لانها أخبار صيف وكلام جرايد .
هذي أخبار صيف ماهو لازم نهتم فيها كلها او نفتح مواضيع على شانها ,, ننتقد الإدارة لبعض الأمور اللتي تستحق الإنتقاد ماهو على شان صحفي كتب موضوع بدون مصدر وماهو معروف هالصحفي لابصدق ولا بكذب ولا له تاريخ رياضي معروف ,
نـقـاطـي بـرعـايـة مـوبـايـلـي
اذا إدارة الهلال بترد على كل خبر وكل صحفي فاضي وكل معلق وكل جريدة بنصير نادي البيانات الجديد ( والا تبون رشيد لسليم يستلمنا )
على جماهير الهلال ان تكون أكثر ثقة في إدارة الهلال والقائمين على الهلال وعدم الإنجراف وراء كل خبر صحفي , فالجمهور الهلالي معروف عنه الهيبة الكبيرة والثقل الكبير في الرأي الهلالي ويجب ان نكون على قلب واحد كما هم اعضاء شرف الهلال .
ريال مدريد فرط في في صامويل ايتو وهو الفريق الملكي العريق وذهب اللاعب الى مايوركا ثم الى البرسا وقدم ماقدم من نجومية واهداف وبطولات وهو الان مع الانتر مع ان بداياته مع الريال لم تكن مقنعة, المهم ان الريال كابر ولم يعيد اللاعب وخسره وغيره كثير من النجوم , والآن الهلال نسق فيصل الجمعان ولم يعطى الفرصة فلمذا نمانع من اعادته وتجربته في ظل عدم جلب اجانب ودفع مبالغ ضخمة .
الكثير أكد رحيل جيرتس ومنهم خالد فاضي الذي ازعج الفضاء والعالم الخارجي ودول الجوار وفي النهاية جيرتس باقي وكلام خالد فاضي طلع فاضي ولا يوجد إعتذار او اعتراف بالخطأ ومن البجاحة كل يوم مقال وكل يوم لقاء فضائي وللأسف لايوجد مذيع يقول له وين اللي كنت تقوله عن جيرتس , والمشكلة الكبرى حديث الجماهير وقتها واللي يطالب ببقاء المدرب واللي اختار مدرب جديد ومن هالكلام , باختصار اشباه خالد فاضي كثيييييييييييييير .
توجد أخطاء للإدارة ولكن الأخطاء قليلة ولاتستوجب السخط والتجريح وكأن الهلال عاش موسم رياضي سيء , نعم ننتقد ولكن لانقلل من عمل الأشخاص وتبقى إختلاف وجهات النظر فغيري يراها تستحق النقد وانا لا أراها كذلك والحرية للجميع .
امرين كنت اتمناها بالهلال وتحققت والحمدلله وهي عزل اللاعبين عن التأثير الإعلامي وهو ماتحقق في عهد الإدارة الحالية الأمر الآخر هو تسجيل الأهداف بكثرة في كل مباراة فالفوز بهدف يجلب 3 نقاط والفوز ب5 اهداف يجلب 3 نقاط وهيبة للفريق في أرضية المعلب .
انا فقط احب اني اضيف نقطه دائما الصحافه والجماهير تنتقد عدم التخطيط وهي الاستغناء عن لاعبين ومن ثم اعادة شرائهم بمبالغ عاليه كالغنام والأخبار الحاليه مع فيصل الجمعان
يا اخوان اول شي التخطيط الاداري ماله علاقه في الاستغناء عن اللاعبين
مع احترامي لكثير من اللاعبين ولكن عندما يكونوا في الهلال وبداية عمرهم الكروي لا يستطيعون اللعب في الهلال وايضا رؤية المدرب بعدم الحاجه لهذا اللاعب فيتم تنسيقه وشوفوا مثلا برشلونه
باع بيكيه لمانشستر يونايتد وبعد كم سنه راح اشترى اللاعب ونفس الكلام ينطبق على فابريجاس حاليا عندما انتقل وهو صغير والآن برشلونه تريد استرجاعه بمبالغ تفوق الاربعين مليون يورو هل هم ايضا لا يجيدون التخطيط
الموضوع فقط ان اللاعب نفسه قد يكون مستواه لا يناسب الفريق في بداية عمره فينتقل ويجد فرصته باللعب اساسيا في فريق اخر ويتطور مستواه
فالموضوع يرتبط بقدرة اللاعب على تطوير نفسه عندما ينتقل ولو شفنا كم لاعب انتقل من الهلال او نسق من الهلال ولكن مستواهم لا زال كما هو
بص يمين , وبص شمال , انتقال لاعب الهلال / / / وش قال خالد قاضي عن جيرتس !! 
رحيل جيرتس والبعض الآخر منهم صار وجه 
لان جيرتس قعد على قلبه وصدق كلام شبيه الريح وخسرو الرهان وفقدو المصداقية اللي هم فاقدينها من زمان والحين نفس المواضيع تتكرر مع اختلاف الأسماء , هل اعتذر خالد فاضي !! هل اعتذر الشوالي هل اعتذرت الصحف .!! الجواب واحد لا لم تعتذر لانها أخبار صيف وكلام جرايد .
الوضع العادي
