اسمعو النصراوي وش يقول بسببكم - نادي الهلال السعودي - شبكة الزعيم

classic 2010 · #1 29/05/2010, 01:15 AM

بسم الله الرحمن الرحيم

اصبح - امسي على كل زعيم وزعيمه على وجه المعموره اسف اني ثقلت عليكم بمواضيعي لكن تحملوني دوب العضويه مفعله متحمس شوي

المهم صاحبي النصراوي بعد نقاش حاد معاه بخصوص احقية نادي الهلال بلقب نادي القرن قالى كم كلمه حسيت من خلالها انه يدخل منتدى الجمهور الهلالي بكثره

اولا يقول الاسيويه بعيده وصعبه عليكم لانها عقده وصعب تفكونها ونسي ان اللى حرمنا منها الظروف سواء اللى افتعلت ضد الهلال متمثله باقالة كوزمن الموسم الماضي او نقل خدمات باكيتا الى المنتخب وتجريد الهلال من لاعبيه الدوليين في البطوله الاسيويه 2006 بالضبط في مبارات ماشال الاوزبكي او من ضروف الاصابات والبلنتي الضائع في مبارات الوحده الاماراتي

عارفين مين اللى اعطاه هذي الفكره وكونها في عقله بغض النظر انه نصراوي يدور الزله على الهلاليين الانه اكثر المواضيع في منتدانا لا تدعو الى التفائل يعني الكل خايف من مباراة الغرافه وباقي عن المباراة قرابة ثلاثه اشهر ونصف المواضيع كلها ياخوفي والله يستر .

ثانيا انا رديت على اكثر من موضوع يذكر صاحبه الهلالى الميول ان الهلالي له عشر سنوات لم يحقق الاسيويه وهذه الفكره زرعها الاعلام المعادي للامه الهلاليه فالحقيقه واضحه للعيان اخر بطوله حققها الهلال اسيويه عام 2001 ونحن الان 2010 اي ابتعادنا استمر ل8 سنوات فقط فلايمكن ان نحتسب سنة 2001 التي حققنا فيها البطوله الاخيره ولا 2010 الذي لم و لن ينتهي الا والهلال حقق البطوله ان شاء الله

نسيا صديقي النصراوي اننا زعماء اسيا واسيادها ب6 بطولات توجنا بنادي القرن على اثرها ونحن من انساه بطرحنا ومواضيعنا اللتي تحذر وتطالب بجلب النجوم وكاننا لا نعرف البطوله الاسيويه من قبل ولا نعلم ما هي السبل لتحقيقها

والله والله والله ان تحقيق البطوله الاسيويه ليس اصعب من تحقيق الدوري ولا كأس ولي العهد بل اسهل بمراحل
بس مع قليل من التركيز

فلماذا نجعل من الحبه قبه ومن الاسيويه عقده

انا اطرح موضوعي هذا لجميع الاعضاء لحثهم على التفائل البحت وعدم الخوف من الاسيويه الا قبل المباراة بايام
فلماذا نعيش انفسنا بقلقل نحن في غنى عنه قد يصل اثره على اللاعبين من خلال هذا المنتدى

انا عني خلاص لابنزل موضوع عن الغرافه ولا برد على موضوع يتكلم عنها الى اجل غير مسمي

ولكم مني ودي وخالص شكري

ملاحظه / لاحد يغلط على صاحبي النصراوي تروه حبوب بس ابتلاه الله بعشق النصر تحياتي لكم

قناص سعودي · #2 29/05/2010, 03:25 AM

هههههههههههههههههد

الله يشفيه

...................ز

alhilal%% · #3 29/05/2010, 03:28 AM

نحن أسياد آسيا والتاريخ يشهدلنا ولسنا بحاجه لنصراوي يتفلسف علينا

وصديقك النصراوي المفروض ماتناقشه في أي موضوع وحتى لوتاصل أنك تقاطعه لين فريقه يلاقي كورة برناوي الترجيحية مع الوصل لأنه الأتحادالأماراتي يطالب بأرجاعهافشلونا قال عالمي قال

هلالي موسيقار · #4 29/05/2010, 03:34 AM

اذا فتح فمه مره ثانيه قل له زعبيل ويسكت

اجل عشر سنوات هم لهم 13 سنه ماشاركوا في اسيا لو النظام الجديد اللي يسمح بمشاركة 4 فرق من السعودية

كان باقي يحلمون ولا غير كذا لهم 11 سنه بلا بطوله محلية

اوصلوا كاس العالم بالترشيح فقط فقط فقط

حلا الهلاليه · #5 29/05/2010, 03:44 AM

هاهاها حلوه الملاحظه

والله من شفت موضوعك قلت بدخل وآسب النصرآوي
بس يوم قريت الملاحظه تكدرت
بس يالله عشان خاطرك بس بقول خلصوا الناس يوم تسمع كلام فقرآوي!

تحياتي:حلا الهلاليه

مطـلق الهاجري · #6 29/05/2010, 03:48 AM

الله يوفق الزعيم ......

. والله يهدى خويك . ان شااء الله

هلالي دووووووم · #7 29/05/2010, 03:55 AM

زعبلاوي خخخخخخخخخخخخخخخخخخخخخخخخخخخخ

اذا قالك الاسيويه صعبه

قله مافي اصعب من الخليجيه ههههههههههههههههههههههههههههههههه

أزرق والقلب أبيض · #8 29/05/2010, 04:09 AM

رئيس النصر اول يقول الهلال لم يحقق بطوله خارجيه من 10 سنوات < تفكير سلتوح

نسى ان فريقه له 13 سنه لا جاب لا خارجيه ولا محليه

مدري كيف له وجهه يتشمت

خويك خله يعقل ويشجع الهلال

قناص 20 المجمعه · #9 29/05/2010, 04:21 AM

قله مافي اصعب من الخليجيه ههههههههههههههههههههههههههههههههه

classic 2010 · #10 29/05/2010, 04:22 AM

يا جماعه النصراويين نعمه انتو مو عارفين انا ليش امشي معاه ومخاويه تخيلو انه هلالي بالله متي اشمت عليه لكن نق اخوياك خلهم نصراويه واشمت براحتك ههههههههههههههههههههههه

خليتوني احش صاحبي الله يصلحكم ههههههه

9 زعيم آسيا 9 · #11 29/05/2010, 04:32 AM

اخوي ملاحظه بسيطه الهلال اخر بطوله آسيويه له عام 2002 وليس 2001
http://www.kooora.com/default.aspx?team=144 وادخلو الموقع وتأكدو بنفسكم البطوله رقم 38 بطوله كأس الكؤوس الأسيويه عام 1423 يعني عام 2002
يعني له 7 سنوات

بالتوفيق للهلال

انه الهــــلال..وكفى · #12 29/05/2010, 04:49 AM

هالنصراوية فيهم عقد

والله اللي عندي بالبيت يحقدون على لما الهلال تأهل للربع نهائي اسيا

احس ودهم يذبوحوني

طيب وين راحت صلة الرحم والقرابه واللحم والدم

بالنسبه للتخوف من الغرافه محد قال خوف هو مجرد احترام للخصم ..

طيب ليش مانفكر فيها من طريقة اخرى

وهي ايهام الخصم انك قوي وانك عقده وبندخل وحنا خايفين منكم

هذا اللي يسمونه تخدير اعلامي وجماهيري

بدل ماندخل منتدياتهم ونتحداهم واننا افضل واقوى ومن هالكلام اللي مايوكل عيش

لكن الافضل الوسطيه احترام مع ثقه بلعيبتنا

عدم المبالغه بمدح فريقنا وعدم التشاؤم

لكن عندي همسة بعد قرأتي لبعض الردود بالمنتدى

اتمنى ان نحترم الغرافه واسمه وجماهيرة فهم يحترمون اسم الهلال وجمهوره ...

كما نحب ان يحترمنا ويحترم اسم فريقنا الغير لابد من ان نحترمهم

وماله داعي ان يختلق جمهورنا عدوات مع الغير ليس لها داعي

هذا مطلوب في في اخلاقيات الكرة والروح الهلاليه

وسلمت على الموضوع

نزيه المشاعر · #13 29/05/2010, 04:50 AM

تبي الصراحه بدون زعل اي صاوي ماعنده سالفه

غشاهم موج · #14 29/05/2010, 04:56 AM

اما الملاحظه ......... يالله الهلالين عندهم مثاليه لابعد درجه طيبه لا بعد درجه ياحبني لكم بس

alz3amh_llhilal_wbs · #15 29/05/2010, 05:07 AM

ياحبيلكم يالزعماااااااء
تركتوا الموضوع الاســــــاسي وشبيتوا على خوي الرجال النصراوي
ههههههههههههههههههههه
يقول لكم تفاؤلووووووووووووا وخلي ثقتكم في الله اولاً وفي الاعبين والمدرب والاداره ثانياً
لا تخلون الاخرين يحســـــــــون انكم خايفين
نعم مطلوب احترام الخصم لكن ما نخاف منه
نحن زعمااااااااااااااء اســــــــــــــــيا
نحن نادي القرن الاســــــــــــــيوي
نحن قادرين على الفوز على الغرافه وغيرها

يعطيك العافيه اخوي وموضوعك رااااااااااائع بما يحمله من فكر ايجابي