اقول بس شباب مدلع جد صراحه ما عندهم سالفه
المطاوعه تعبو معكم مدري وش يسوون جوكم بالطيب شافوكم ماتنعطون وجه جوكم بالقسوه تمردتو وش يسووون هااه


وو انا معك في فكره انهم يسوون مجمعات زي دبي والكويت وسينما لان السعوديه صارت تزهق حالياً <<<<اقول اطلعي براا احسن

وطحياطي لك

يا هلا بش >>> هي تعني ولد ولا بنت هلابش ..؟

حي الله من عكس اتجاه الريح وجابش >>> ماسكتن معي شـ


عآآآد تصدق اليوم كنت اهوجس بك .. واقول وراه قاطعن منذ مبطي


مبرووووك البيت .. الجديد متى العزيمة ..؟ >>> على طول عزيمة


شف كلامك ذرب بالقلب على طووول

بما اني رياضي سابقا >>> يعني كنت بالرياض مو لاعب

ما فيه مكان تطلع .. فيه

مقاهي وملينا استراحات وملينا ..

والي يغبنك اكثر لامنك رحت الممشى ومرت جمبك بنت تروح بها وطي ..

من الناس ونظراتهم لك

بس لما جيت القصيم .. غير الفرفرة بالشوارع لقينا شي يلهينا شوية ..

وله فايده لنا اولا واخرا

وترا كثرة الفرفرة بالشوارع تخلي لك جانب سلبي يعني يضنون ضن سوء

والعياذ بالله

..

والله براسي كلام طويل بس قلت خلها بعدين يا ولد


قسم اني احبش >>>> لا تشره جزء من المخيخ مفقود


محب الجنة الخرج ..

طلع الفوارق العشرة __ __ __ وكفى

الا ما قلتلي وش الرابط بين العنوان والموضوع ..؟



تراه الفيس هذا ماسكن معاي اليوم


(( وش رايك بالتنسيق ))

إقتباس الرسالة الأصلية كتبت بواسطة كغّيــــم والله موضوع خطيـــــــــــــــر الحوار شي حلـــــــــــو لكن مجتمعنا ماعندهم الكلام هذا كل واحد فيهم متمسك برأيه ... ((ناقلين بيت جديد ==> تقليـــــــــــــد

هنا المشكلة وانا اخوووك ان مجتمعنا لاغي مسائلة الحوار من قاموسه

منزل مبارك ان شاء الله ياقلودي

اشكرك على مرورك

إقتباس الرسالة الأصلية كتبت بواسطة وسن الهلالية أهم شي الأخلاق وحب الوطن>>>>>بتنجلد الله يعين شبابنا اصبروا اصبروا الله بيفرجها

نصبر ونصبر ونصبر صرنا زي جماهير بعض الفرق

الله يسمع منك ياختي ويجي اليوم اللي تحقق احلامنا

اشكرك يااختي على مرورك

إقتباس الرسالة الأصلية كتبت بواسطة •●ⒶⒷⒺⒺⓇ●• اول شي منزل مباارك .. تقوول حظناا باالبناات ع المجمعاات صح انهاا فله وونااسه .. بس موزيكم ياالشبااب والله انكم فااليينهاا ماشااءالله تكفييكم فرفرة الشواارع بس ..

لاتقهريني ترجعون وتقولون حظكم يالشباب على الدوران بالشوارع

من زين هالشوارع اللي كلها حفر ودوريات


شكرا اختي عالمباركة واشكرك على الرد

إقتباس الرسالة الأصلية كتبت بواسطة ام متعب التميمي هلا بالقاطع..........ومشاءالله لا قوه الا بالله منزل مبارك ان كانه ملك وان كانه موب ملك الله يرزقكم ملك^^ :::::::::::::: شوف الحين انت لحست مخي شدخل امريكا اطق اصبع في سينما لشباب هاه؟؟؟؟؟؟؟؟؟ ::::::::::: امريكا تفرح انك تحط سينما وتفرح انك بعد السينما اطالب بمرقص^^ وبعد المرقص روسيات وبعد الروسيات سعوديات وياسلاااااااااااااام شوف بالنسبه لهواشنا مع المشايخه شوف السراحه بعض الشيوخ جزاهم الله خير طلعو لنا بأحكام الله يستر على دينا الي يقولك يجوز الاختلاط بغير المحارم والي يقولك رضاعه ومدري وش والي يقولك رياضه البنات حرام وماتجوز يعني شي يشيب الراس وبالنسبه لسينما بكرى فيه مسرحيه تبع جامهة الملك سعود تبغها احضرها ماتبغها مس خشتك لحد مايفتوح سينما تحياتي

هههههههههههههههههههههههههه الله يرجك

لا ابشرك ولله الحمد البيت ملك

بس وش تقصدين بالروسيات كككككككككككككك

اشكرك على ردك اختي

إقتباس الرسالة الأصلية كتبت بواسطة مولود وانا هلالي الصدق في الوقت الحالي ما فيه اماكن الواحد يروح لها ,, ما فيه غير المقاهي ولا الاستراحات , وبالنسبه للسينما ,, يااخي الناس الحين كلها تشوف افلام , سواءاً من التلفزيون ولا من النت , يعني مافيه سبب يمنع وجود السينما عندنا , يعطيك العافيه على الموضوع

المشكلة وانا اخوك كلنا نقول هالكلام

ولكن اسمعت لو ناديت حيا ..لكن لاحياة لمن تنادي

شكرا اخوي على مرورك

إقتباس الرسالة الأصلية كتبت بواسطة هلالي حتى الطمخ خليها تطق كراعينها مو بس اصابعها , ما فكرت فيها << كفو من ناحية الليبرالية , ما أنسمع صوتها الا خلال الخمس سنوات الي طافت من خلال منابر مجلس الشورى بقيادة المعزول ال زلفة , خليها تنهق لين شروقها من غربها . حنا الشباب على مختلف ميولاتنا , ما نستاهل يخصص لنا اماكن نتنزه فيها لانه طينتنا ماهي طيبة من الاساس , بشكل عام , << ايشبك معنا والا معهم ؟؟ لانه كذا ولا كذا ابليس يحوم ليلة الخميس . والخافي اعلم , << خليك ساكت احسن الشيوخ , صراحة انا لاحظت الفتاوي الي ما انزل الله بها من سلطان . ما ادري ايش تبى ..!! وكفاية الفتوى تبع مدير هيئة مكة المكرمة , والرد الي جاه بعد يومين بس من الفتوى وايش صار له عند بيته , يعني فكر بروحك قبل تفتي وعيش الواقع قبل تفتي علينا بالواقع << اقول لا عاد وصفت شئ .!! من الرضاعة , الى الاختلاط المزاجي , الى لبس الحجاب , والقادم مذهلاً أكثر << أوربت ما راح استغرب شئ , لكن في مجمل الاحوال بأقتنع بالكتب الدينية الي درستها من اول متوسط الى ثالث ثانوي ,( قران - حديث - فقة - تفسير - توحيد ) لانه هذا هوا الي تربينا عليه حنا , و مو بهالسهولة نعدل عنه ,

صراااحة ماازيد على كلامك شي كل كلامك هو الواقع والصحيح

اشكرك اخووي على ردك

إقتباس الرسالة الأصلية كتبت بواسطة حب الهلال هبل بي يعني اللحين اذا فتحوا سينما بتجلس مرابط فيها 24 ساعه وبيزول الطفش وتصبح منتعش انتعاش طبيعي .؟ صدقني بعض الشباب همج والله همج ودكـ تربطه بعز القايله وسط الحوش وتمنعه انه يطلع الشارع ماهب توفر له امكان الشارع كله مايشوفه تخليه ينسى الشارع اللي قدام بيتهم مزفلت والا جلد بالنسبه للفتاوي كلن يفتي وكلن ذنبه على جنبـه (( إن أجرأكم على الفتوى أجرأكم على النار )) اهنيكـ على نككـ << القلوب لنكـ ماهب لكـ <<ذي لكـ

ههههههههههههههههههههه اجل معجبك النك مايغلى عليك يالغلا

اوماا مسالة السينما والمرابطة يااخي كل شهر تنزل دسنة افلام ممتازة الواحد يبي يتابعها ولا شي ماله الا البحرين

اشكرك خيو عالرد <<<<<كل ذولا لك

إقتباس الرسالة الأصلية كتبت بواسطة اموره تلعب كوره وعلييييكم السسلآم ... أهلآ بالأخ محب الجنه الخرج << والله مآفهمت شي من نكك ماعندنا اي حرية راي <<< ههههههههههههههههـ من جدك انت ..؟؟ لو مآفييه عندنآ حريه كآن ماشفت كل وآحد طالع لنآ بششي جديد وأذا على المطاوع على قولتك أنآ مالي شششغل بأحد كل واحد ومسوؤوؤل عن الكلآم اللي يقووله وكل وآحد حر بنفسسه وعلى قولة الأخ حب الهلال .. وكلن ذنبه على جنبـه وأنتم يالشباب مآشآء الله علييييك يكفي الفرفرهـ بالشوارع لليل نهآر مآحد يقوول لكم شي والله لو يحطوون لكم مدينه خاصه قيييكم كآن قلتوآ لا مهضووم حقنآ عندك الأستراحات الشوارع الأنديه الصحيييه الملآعب اللي بكل مآرحت مكآن شفت هالشباب يلعبون فيهآ المقاهي وش بآقي بس سبنمآ والله لو هي عندنآ ماترحون لها اله بالشهر مره تقولون طققش كل هذولآ عنندكم بس انتم الله يهديكم ماتبوون الشي اللي ينفعكم لو عندكم تنظييم لوقتكم كآن ماحسيتوآ بالطفش يأخي يكفي انك تروح وتجي على كيفك مآفيه أحد يمنعك خلآص يكفي مآبي أزيد البآقي فيهم الخيير والبركه يعطيك العافيه على الطرح ^^^^^ شفت هآذي تسممى حرية الرآي تحياتي لك

رجعنا للفرفرة بالشوارع

لو انكم تسوقون بتعرفون شعورنا لاصار كل وقتك بالشارع

اشكرك اختي على ردك

السلام عليكم ورحمة الله وبركاته

يقول النبي صلى الله عليه وآله وسلم «يأتي على الناس سنون خداعات يصدق فيها الكاذب ويكذب فيها الصادق ويؤتمن فيها الخائن ويخون فيها الأمين وينطق فيها الرويبضة، قيل: وما الرويبضة، قال: «الرجل التافه يتكلم في امر العامة»

وصدق النبي صلى الله عليه وآله وسلم، فما اكثر الرويبضات اليوم!!


بدأت ردي بهذا الحديث لعل ان ترى بعقلك قبل عينك وتعرف معنى هذا الحديث

بدأ الجميع يتحدث دون درايه فقط يلتقط فتوى او اخرى حتى ولو كانت اجتهاد خاطئ وجعل منها شماعه وكأن الدين الذي شرعه الله يتوقف على هذه الفتوه واعني فتوى ارضاع الكبير كما تطرقت لها انت وسوف اضع لك رابط رد الشبهه عن حديث ارضاع الكبير ومن له عقل فل يبحث عن حقيقته

واما قولك رعاك الله في ان السينما وطوابير جسر الملك وغيره لا ادري اين هل في بلد مسلم متمسك بشرع الله ويريد الجميع فتح هذا المعقل العنيد على الكفار والمشركين والملحدين بمباركة ابنائه والله هذا عجاب

لك اخي ان تفتي نفسك بنفسك الان نحن في عصر كل ماتريده من وسائل قنوات وجرائد وغيره بيدك وافتي نفسك هل السينماء حرام ام حلال فقط افت نفسك بهذا واعلم اننا نتعامل مع رب البشر وليس البشر واعلم ان الله من يحاسب وليس انا او غيري

واما دعات الغلوا كما تقول وتتذكر في امريكا فمن هي امريكا حتى ناخذ منها ومن كلابها الذين يكتبون في صحفنا وهي معقل الكفر والالحاد اللتي سوف يكيد كيدها في نحر اهلها ويزلزلها اللهم امين فمن هم الغلات ؟؟؟؟

وقد تصحو القلوبُ إذا اسْتُفزّتْ = ولَفحُ التَّارِ يوقظ ُ من سُبَاتِ!!
ألا أبْـلِغْ بَنِــي عِلمــــان عنّي = وقد عُدَّ العميلُ من الجُنَــاةِ !!
أراكمْ ترقصونَ على أَســـانا = وتَسْتَحْلون مَيْــلَ الغانيـــاتِ!!
وإن مسَّ العدوَ مَسيسُ قَرح ٍ = رفعتمْ بيننا صوتَ النُّعــــاةِ!!
وإنْ عَبستْ لكم "ليزا"* خَنَعْتمْ = خُنوع َ المُوفضينَ إلى مَنــاةِ !!
وإن ما هَاجتْ الشُبُهاتُ خُضْتم ْ = بألسنةٍ شِحاح ٍ فاجــــراتِ !!
"حوارُ الآخرِ " استشرى فذبّوا = عن المعصومِ ألسنةَ الجُفاةِ !!
وصوت "الآخرِ " استعلى فردّوا = عن الهادي سهامَ الإفتئاتِ ..
رميتمْ بالغلو دُعــــاة ديني... = فهل من حُجّةٍ نحو الغُلاة ؟!!
أكُـــرّارٌ على قومي كُمــــاةٌ... = وفي عينِ المصيبةِ كالبنات ِ؟!!
ومن يرجو بني علمـــان عونــاً = كراجي الروح ِ في الجسـدِ الرُّفات!!
رسولَ الحُبِّ في ذكراك قُربى = وتحتَ لواكَ أطواقُ النجـــاةِ
عليك صلاةُ ربِّكَ ما تجلـّـــى = ضياءٌ .. واعتلى صوتُ الهُداةِ
يحارُ اللفظُ في نجواكَ عجـزا = وفي القلب اتقادُ المورياتِ
ولو سُفكــتْ دمــانا ما قضينا = وفاءك والحقوقَ الواجبــاتِ....


وسؤالي لك رعاك الله مع من تريد التفاهم مع اللبراليين ؟؟ وهل يستحقون اي التفات لهم ؟؟ في توقيعي رابط يبين من هم بنوا لبرال وكلابها عليك ان تشاهد توقيعي وتتفضل للرابط الذي فيه وتعرف حقيقتهم



واما فتوى ارضاع الكبير قلت لك عندي لك رابط اضعه بين يديك ويدي اخواني الاخرين تفضل الرابط والرد على شبهة ارضاع الكبير

حديث رضاع الكبير ورد شبهة الدكتور العبيكان

اسال الله لي ولكم الهدايه امين

والحمد لله رب العالمين

ما نبي سينما عشان نروح البحرين <<تفكير محششين