بالنسبة لمستوى الهلال وخسائره ، انا اتفق مع استاذي سلمان واقول ان الوضع طبيعي جدا مع انه مايرضينا
فريق وماخذ 3 بطولات من العيار الثقيل ، فريق به نقص بأكثر من فريق كامل في جميع المراكز ، فريق
به بعض الاخطاء الفنية والادارية ، وش تتوقعون بيصير له ، تغالطون انفسكم لو انكم تبونه يظل على مستوى
واحد ويفوز بجميع البطولات ، صدقوني ان الكبير كبير مهما يطول الزمان ولا يقصر ، انا مااقول اننا
مانناقش الوضع المتردي للفريق ولكن اتمنى ان مااسمع واحد يقول الله يرحم الهلال ويفقد الأمل بفريقه
او انه يطالب بتنسيق اللاعب الفلاني ، صحيح ان فيه لاعبين مستواهم صفر على الشمال ويجيبون الظغط ،
بس لازم نعرف ان الوضع طبيعي وهذول الصف الثاني ولازم نعرف ان الوضع هذا لو صار لفريق غير الهلال
كان شفتوه ينافس على البقاء وليس على الصدارة ، وبالنسبة لموضوع ان الهلال صار مايصدر مواهب انا اقول
ان هذا الشي غير صحيح ، لأن الهلال ومن ايام الثنيان والتخفيفي وبعده سامي والتيماوي وبعدهم الغشيان
كان في كل موسم يصدر لاعبين او ثلاثة وخلونا نحسبها ،

الدوخي + خميس العويران
التمياط + العتيبي
الشلهوب ( وهذول كلهم ظهروا في الخمسة مواسم الأخيرة )

ولنأخذ فريق مثل النثـر ، في سبعة مواسم وبعد ولادة قيصيرية ( عبدالرحمن البيشي )

مع الأخذ بعين الاعتبار ان المواهب الآن عملة نادرة ومو بالساهل انها تنوجد ،
مع اني اشوف ان المطرف في لمساته ولعبه الكثير من الموهوب الشلهوب بس مشكلته انه جى
بوقت ووضع سيء ،

صدقوني برجوع سامي والدوليين ولما يجي وقت الجد راح يرجع الكبير كبير ولا يصح الا الصحيح ،

******************

بالنسبة للادارة الموقرة انا بعد ماشاهدت تصريح سمو الأمير يوم انه قال ان رئيس النثـر قدوتي
وانا اخذ منه دروس في فن التصاريح وانا غاسل يدي من الادارة ، حرام عليك واحد ينعت ناديك
بأقذر الكلمات ويتهمكم باتهامات تمس الشرف والكرامة وتقول عنه كذه !!!!!!!

الله يرحم ايام بندر يوم انه سألوه عن تصريحات اللي ماينذكر رد وقال هذا الكلام لا يصدر الا
من ناس مختلين عقليا ، وبعدها اختفى رئيس النثـر لأسابيع وهون عن التصريحات اللي مثل وجهه ،

******************

بالنسبة للي يقولون ان الثنيان حده بس اهداف من كرات ثابتة ولازم يعتزل ، اقول الا ابويعقوب
والله ثم والله لو بس انه موجود في الملعب ويلعب على الواقف احسن لنا من كل الاعبين بما فيهم
لاعبي جميع الأندية ، ياجماعة الخير يوسف لاعب غير عادي تتذكرون يوم انه نزل في مباراة الهلال
والنثر يوم انه من ربع لمسة حط سامي في مواجهة حارس النثر وسامي ماكذب خبر وجاب فيه العيد
ورفع الراية وفوقها القميص رقم 9 (الله يسامحك ياسامي ليه خليتهم يحطونك في بالهم ويتقصدونك من يومها)

اعزائي بسألكم يومها هل كان الثنيان بعده شباب ، هل كانت لياقته كاملة ، هل ركض وجرى في وسط الملعب
اعزائي الثنيان لاعب موهبة ودهاء و عقلية كروية فذة ، الثنيان يختصر المسافة والزمن ، الثنيان
في لمحة بصر يمكن يخليك انت وضميرك والباب ، بس المشكلة الآن ان مافيه اللاعب اللي يفهم فلسفة الثنيان
اللاعب الوحيد اللي يفهم الثنيان هو الذيب سامي ، خلو الثنيان يجيب الشاي والقهوة ويربع في الملعب
وبقية الاعبين يركضون ويعافسون ويدقهم العرق ، وبعدين الثنيان يقوم ويمرر تمريرة لسامي وينهي المشكلة كلها

مع اني اتمنى انه يعتزل بعد كأس العالم مو عشان لياقته او مستواه ، لأ ، لان هذا بيكون افضل تكريم
للاعب لم ولن تنجب الملاعب مثله ،،،،

*****************

في الأخير اتمنى انكم تعذروني لأني اغلط في الصاد بدل مااقول النصر اقول النثر

فريق الاهلي ناقص لعيبة اكثر من الهلال مع كذة مستواه افضل كثير من الهلال مع ان لعيبة الهلال لا يوجد اي لاعب جديد بعكس الاهلي الذي اقدم لاعيبه ابراهيم السويد له ثلاثة مواسم فقط مع الاهلي والبقية اول مرة نسمع عنهم
ربما يكون الفارق هو وجود الاجانب مع الاهلي

كلام صح الصحيح : ولازم ويجب ولابد من اتخاذ قرار يدين لجنة النصر المؤقته برئاسة اللي ما يتسماش 0( مضحك الحصى ، صاحب السعابيل )

اخوى نواف يوسف ما يختلف عليه اثنين بس مو اى اثنيت اثنين فاهمين كوره
ومستوى الهلال وربى يضيق الصدر مره لان الاداره من جنبه وتبى تشوف