مسااااااء العسل


اليوم ياحبااائي في هذا الموضوع .. راح اتطرق الى حياة من واقع مجتمعنا ..؟؟؟

ماودي اخوض بالتفاصيل اكثر .. وانشاءلله نسلك مع بعض ( ابووووك يالفصحى )..


عاد طمروا هالسطر وانتبهوا على ركبكم البيضه ,,,
__________________________________


مشوووش شااااب في مقتبل العمر .. يحمل من الجمال الشي القليل ومن الدلاخه الشي الكثير ..

وهو من عيله ميسورة الحال .. ويقطنان ( تحسون ان تعبير واحد من ابتدائي ) ..

اقصد ويسكنان ( ايه الحين عدل ) .. في بيت صغير بوسط الحاره ..

اكمل دراسته بشق الانفس بعد ما كانوا اهله فاقدين الامل منه ..

وحالياً يعمل موظف بسيط في احد الدوائر الحكوميه .. وعايش حياته في روتين مستمر من البيت للعمل ..

وفى أحد الأيام تأخر مشوووش على الدوام على غير العاده ..

فقام من نومه مفجوووع .. غسل وجها ولبس ثيابه في عجااااااله ..(( اخس وينك يا سيبويه ))

وهو يقول في نفسه ..""" آآآخ لو اني متزوج الحين .. كان في وحده تصحيني من النوم عشان ما تأخر ..

والقى قهوه وفطور على احسن مايرام .. وثيابي مكويه وجاهزه ..

والظهر تجي تلقى الغدا شي ما صار ولا استوى والتشكيلات والمحشي وكله عمايل ايديها يبين من الريحه والطبخ

وبعد العصر تصحى من القيلوله تلقى حلا ببسي والا حلا جالكسي ولا كنافه كذابه ( حتى الكنافه ما يسوونها اصلي افا ) """"


فا طقت براااسه الي كنه كوره ام ريال منسمه انه يكمل نص دينه .. ويتزوج

ويوم خبر امه اللي ماصدقت ..

وقالت : انت من جد تتكلم .. والله وكبرت يا ظنااااي <<<------ متابعه للافلام المصريه

وعلى طول شالت عفستها وسحبت ابوه وخطبوله .. بنت من عيله محترمه .. واسمها (( سبينه ))


وقد اتفق الطرفان .. انه في يوم الخميس يروووح مشووووش لبيت خطيبته ..

مشان يشوفها ويتعرف عليها .. ومشان بعد هي تشوفه قبل لا تنصدم فيه في ليلة فرحها ..

وتقعد تلطم وتنتف شعرها وتصفق نفسها ..

وتقول """" ياسنه سووووحه .. اييه القرد ده .. ايه الي ئاعد قمبي ده .. مش معئول الشكل ده ..

الشين كلووو متجمع عند ده """" <<<< وراااااها قلبت حكيم خخخخخخخخخخخ

المهم مشووووش في هاللحظه صابته السبهه وقعد يفكر .. !!

كيف بيروووح هناك .. وش راح يلبس .. ووش راح يقووووول .. وكيف بيكون موقفه لشاف خطيبته سبييينه ..!!!!

وهو فاق خشته قدام التلفزيون وماسك الريموت ويقلب في ذي القنوات هاللبنانيه ...

ويقول الله العالم انها هي زي ذي .. والا ذي .. لااااا ذي اطول شوي ياربى كيف شعرهااا ياربى اكيد انها احلى من هذى ...

وهو يمرر يده على صدره ( اغراء ).. اللي نابتين فيه شعرتين بس ..

حتى انه كل يوم يسقيهن مويه وكاد انهم يطولن ..!!!


فاقام وراح بسرعه لغرفته طل فيها لقى اخوووووه الصغير ( شريكه بالغرفه ) نايم ..

فجاله بكل حب وحنيه .. وقال له بكل معاني الاخوه (( قم قم قم .. اطلع برااا الغرفة لا اتوطى في بطنك .. يا قبوط <<< عيارته قبوووط خخخخخخخخخخخخخخخ

قام اخوه قبووووط المسكين متخرع والغمص مالي عيونه (( الغمص وراثه في العيله الله يكافيكم الشر ))

وقفل على نفسه .. وتسندت على الباب وتنهد !!

ورااااح طاير جهة السرير .. هز رجله وتمدد ..

ومن كبر السرير يا حسره ما امداه يلف مناك شوي الا وهو مصلفط على الارض ..

بس ما تعور ولا صار له شي .. لانه كان غائب عن الواقع وهائم في دنيا الاحلاااام والالهام والحب

كان ما يشوف بعيونه وما يتخيل الا وجة سبييييينه وبس (( يا شين القراوه اذا سوو نفسهم يحبون ))

فقام يدور ورده ( زهره ) في الغرفه وما لقى ..

وهو الي يجمع كل صراويله المنثره على السرير ويبدا يجدع فيهم ..

واحد ورا الثاني ومع كل جدعة صروااال ينشد ويقول تحبني سبينه ومع الصروال الثاني لا ماتحبني سبيينه

بس الحمدلله اول مره تصيب معه وكان آخر صروال ( ماتحبه ).. بس ذبها مع كلمة تحبني سبينه وتموت في دباديبي

فحس بدوخه ونفسه راحت على عصير موز مخلوط مع جرجير و خبز يابس معفن وعليه منثور زعفران <<< امحق شهوه

وحس ان نفسه ودها ترد <<<---------- حشى هذي اعراض حمل

وفي اليوم التالي .. قااااام مشووووش من النوم .. وهو ما ناااام اصلاً ..

وعلى غير العاده رااااااح غسل وجهه .. واتغدى كورن فلكس <<< على باله اتيكيت

ولبس ثوبه بو قلاب 5 انش .. وشماغ المرازيم .. وعقال تقل كنه كفر سيكل حجم 6 ..

وسوااا تشخيصة الكوبرا .. تقل كنه سامي الجابر في دعاية الشماغ ..

وراااااح لبيت خطيبته .. عشان يشووووف خطيبته سبيييينه ..

وصل ودق الجرس .. ورفس بالباب <<------ غصب يفتحون بعدين هالكشخه وين تروووووح ؟؟؟

واول ما فتح الباب .. طلع له بزر صغير .. وقاله : وش تبي انت يابو البراطم ..

مشووووش : عيب بابا كخ .. انا بصير زووووج اختك سبيييينه (( وكانت مصحوبه بتنهيده قويه .. ادت الى اندلاق سعابيله على خشته ))

الولد اخترع من هالموقف ومن شكل مشوووش الشين .. ورااااح دخل يركض وهو يبكي ويصيح ..؟؟

""" لا لا لا .. والله ما ياخذ بو البراطم هذا اختي .. وععععععععععععععععع """"

مشوووش يوم سمع الدعوه كذا .. قرر انه ينسحب ويجيهم بكره .. عشان ما يعرفون منهو بوالبراطم ..

ويسوي نفسه انه ما جاهم من الاصل ..

وما امداه يلتفت .. الا ويجي ابو سبييينه .. ويقول : يااااااخ مين انت ؟؟ ومن تبي ؟؟؟

مشوووش : ضاع وجه وقلب احمر بعد ما كان لونه اخضر .. وقال : انا العريس ..

فا بتسم له ابو العروووس .. وقعد يرحب فيه يقوله تفضل حياااااك البيت بيتك ومن هالكلام ...!!

دخل مشوووش البيت .. وما مداه يجلس الا والبزر ذااك طالع له ..

وقاااال بصوووت عالي يسمعه القاصي والداني ..(( اما انا رهيب بالوصف ولا وش رايكم ))

وقال : بوالبراطم .. لا تحلم انك تاخذ اختي .. امعصي

مشوووش ضاع وجهه .. والتفت على الاب وقال : عقل ولدك لاجي اطب في حوض بطنه وانت ويااااه ..

الاب حاول يصرفها ... ويقول للبزر بس بابا .. روووح داخل العب .. رح يعطونك حلاو ...

الاب : ياهلا والله هذي الساعه المباركه .. وش تحب تشرب ما ضيفناك البيت بيتك حنا اهل لا تستحي ..

مشوووش : شطه <<< قااااافله معااااااااه

الاب : ايش ؟؟؟

مشوووش : عصير شرباااات ..<<<------- يسمع فيها

كلم الاب اللي داخل .. عشان يجيبووون الشربات واللاااااازي منووو ..

شوي ولا تدخل وحده مزيوووووونه بالحيل .. شايله في يدها الصينيه الي فيه الشربات ..

مشوووش اول ما شافها نفض ثوبه خخخخخخخ وقام وقف .. وهو يمطر سعابيلاً وعرقاً ..

وقعد يطالع ويتأمل في جمالها .. ولمح البزر من بعيد يأشر له ويطلع لسانه ويلعب في براطمه (( يعيب عليه ههههههه ))

فما كان من مشوووش .. الا انه فصخ نعلته وزرفها عليه بس ما صابته ..

والتفت على ابو العروس وقال : شووووف عقل ولدك لا يقعد يلعب في نعولي ..!!!

والتفت على خطيبته سبينه .. راسماً ابتسامه على براطمه الصفراء (( انا خبرها ابتسامه صفراااء ))

واخذ منها الصينيه .. وقال من يد ما نعدمها .. واخذ كوب العصير وشربه كله من جغمه وحده ..

اووووععععععععععععععععغغغغغغغ .. وما طلعها الا في وجه سبينه (( يعننه ان العصير حلووو مررره ))

وقال : خلص ..(( يعني وش تبيها تسوي لك .. تجيب لك واحد ثاني ))


المهم جاو وقعدوا جمب بعض .. سبيييينه مستحيه وساكته .. زي اي بنت في اول يوم خطبتها

اما مشوووش .. فمدنق راسه بالارض .. وقاعد يلعب برجله بالارض ويرسم دواير ..

والسعابيل شايفه شغلها .. ولاعبه بخشته وهو مغير يمسحها مره بيده ومره بكوم الثوب ومره بالشماغ

يوم حس ان خطيبته سبينه تطالع فيه .. التفت عليها وقام يأشر لها بصبعه على خشمه..

(( كأنه يقول لها في شي في خشمك .. شليه بمنديل .. ولا زرطيه <<< وعععععععععععع))

<<<-------------- حلوه التصريفه

شوي الا ودخلت ام العروووس عشان تسلم عالعريس ..(( خلاااااص بيصير زوج بنتها )) ..

وكان معاها ذااااك البزررر الي مجنن مشوووش هههههههههههههه

عندها صرخ البزر من الضحك وقعد يأشر على مشوووش ويقول .. ماما .. ماما .. شوفي .. يهز ارجوله مثل البزران ههههههههههه ...

ويضحك بصوت عالي وامه تحاول تسكته ولكنها ما فلحت مما دعاها لأن تضحك مع ولدهاااا ورجعت دخلت داخل ..

ومشوووش ضاع وجها ومعصب ويتمنى لو انه يصيد هالبزر ويعضه عضه في خده عشاااان يخليها له مثل الوشم

يتذكره فيها .. وما ينسااااااه ولا ينسى براااطمه طوووووول حياااااااته <<<------------ مجرم

وما قطع حبل تخطيطه الاجرامي .. الا صوت ابو العروس وهو يقول : هااااه وش اتفقتوا عليه ؟؟

مشوووش : على ايش ؟؟

الاب : عالمهر .. والطلبات والشرووووط ..

مشوووش : الي تآمروووون به ..(( واصلاً هو موب حوله .. قاعد يفكر اشلون يمسك هالبزر ))

الاب : خير انشاءلله .. اجل نبي شبكه ام 10 الآف .. والعرس في فندق الهيلتون والمهر مو اقل من مية الف ....

ومامداااه يكمل كلامه .. والا مشوووش انصفق على مخه يوم سمع هالمبلغ الكبيييررررررر .. بلع ريقه وقال :

وش دعوووه مية الف .. سياااااااره ..؟؟ ولا بتعطوني اياها بنظام الايجااااااااار ..!!!

الاب : وش نظامه الله يحووووم سبدك .. هذي شروووطنااااااا !!!

مشووش في هاللحظه سرح بافكاره ويا نفسه .. وهو يقول اذا هذي اولها اجل ينعاف تاليها

بعيد بكره تجيني وتقول انت ماشاءلله راتبك يعيش خمس عوايل .. ليش ما تجيب لي سواق يوديني السوق ويودي عيالك وتصير انت زوج رهيب ..

وانا اصلاً مخطط اقشع الخدامه من البيت من قلة السيوله .. وتبي سواق ..!!!

وكلمه منك على كلمه منها تروح لاهلها زعلانه ..

وتعال راضي .. وحط بيدها خمسطعش الف رضاوه

وكل هذا عشان تبي واحد غيري يوديها للسوق وتركب معه بالسياره ..!!!

يعني البنت ماتبيك تركب معها بالسياره ...

تبي تروح مع واحد غيرك ..!!

يااااخي بالفصيح انت لاصق لها

خلها تروح مع السواق للسوق ويمرون على جوفريز ياخذون كوفي على حسابك

يعني الحرمه زعلانه ببيت اهلها لاني ما جبت لها سواق ...

وتبي رضاوه خمسطعش الف ... كل هذا عشان اجيب رجال تتمشى هي ويااااه بالشوارع

ياعيني انا صرت مصخررررررررررررررره ..!!!


فاكتشف للمره الاولى في حياته .. وهو ان العرس مال امه داعي ..

وتزاعل مع نفسه .. لانها سولت له الرغبه بالزواج ووبخها على هذا التفكير !!!


سبينه : وين رحت .. كأن الشروط مو عاجبينك ؟؟

مشوووش : افاااا بس وانا اقدر .. بس حتى انا عندي شروووووط ..!!

سبينه : الله واكبر يا طوم كرووز .. والله حتى الشيووون صاروا يعرفون يتشرطووون .. مو كفايه اني انا قابله فيك .. ما عندكم مرااايه بالبيت تشوف فيها شكلك ..!!!

مشوووش : اههااا بس .. الله يخلي المكياج .. ياديانا الزغبي على غفله( مخربط بين الفنانات ) .. شروووطي يا تنفذونها يامهنااااش زوااااااج ..

سبينه : وش شرووووووطك ؟؟

مشوووش : شرووووطي ..

- تشترووون لي سياااره من احسن ما يكوووون .. لاني مضطر ابيع سيارتي عشان ادفع لكم مهر

- ما هنااااش سفر .. يعني شهر العسل راح نقضيه تحت رحمة حر وشمس الرياض

- اول سنتين .. لا تتطرين مني فلوس .. لانهم راح يضيعون بين البنوك والديانه واقساط غرفة النوم

- انسي امر السكن .. لاني راااح اسكن معااااكم وبالمرررره ابي غرفتي تكون جمب غرفة اخووووس البزر لاني احبه قلب <<<< ايه هين بس


ومنها تفركشت الزوااااااجه لعدم قبول الشروووط من كلا الطرفين ..!!!



@@@ الخلاصه من الموضوع @@@

ان نسبة العنوسه كل يوم تزيد .. والسبب هذي الشروط التعجيزيه على الشباب المغلوب على امره


عذراً عالاطاله ..


دمتم ظهراً ,,


تشا111وووو