.
.

السلام عليكم ورحمة منه وبركاته

أسعد الله أوقاتكم بكل خير

ها أنا أعود إليكم بعد غياب دام 3 أيام تقريبا بسبب ذهابي لمحافظة الخرج
لحضور ندوات علميه وبرامج ثقافيه مع أحد المعلمين والزملاء .. بوجود
عدد كبير من طلاب متوسطة وثانويات وبعض جامعات المملكه ..
وها أنا أسرد إليكم صور لأبرز الزيارات في هذه الرحله لتكونوا في قلب الحدث

طبعا في البدايه وبالتحديد يوم السبت حضرنا بعض الندوات العلميه عن السلوك التوكيدي
والفكري وانواع السلوك .. وللأسف ما سنحت لي الفرصه للتصوير لاني نسيت جوالي

وفي اليوم التالي قمنا بزيارات متعدده ومن أهمها زيارة مزرعة الحمراء للأبقار التابعه
لشركة المراعي + زياره لمصنع شركة المراعي + زياره لمعرض ملتقى الشباب ( أنا لها ) +
عين ساق أحد العيون المشهور في الخرج ..

وفي يوم الاثنين ما رحنا لايمين ولايسار وقضبنا أرضنا .. مغير متسدحين ع السراير
وفي عصر الاثنين رجعنا للمنطقه ولله الحمد

الآن أسرد لكم بعض الصور والمقاطع للزيارات المذكور في الأعلى


//


~ صور زيارة مزرعة الحمراء للأبقار ~




























الاستعدادات للإنطلاق من المزرعه للمصنع




~ فيديو لمزرعة الحمراء ~


:: المقطع الأول ::

اضغط هنآ


:: المقطع الثاني ::

اضغط هنآ


//


~ صور زيارة مصنع شركة المراعي ~


















الاستعدادات للانطلاق من المصنع لمعرض ملتقى الشباب ( أنا لها )




//


~ صور زيارة معرض ملتقى الشباب ( أنا لها ) ~





























//


~ صور لعين ساق ~









~ مقطع فيديو لعين ساق ~

اضغط هنا


//


هنا أصل الى ختام تغطية هذه الرحله

أتمنى أن تكون حازت ع اعجابكم و استحسانكم

شطحه : من ضمن أهداف الرحله اقامة معسكر للمنتخب الهولندي قبل بطولة كأس العالم
لا سيما وان الابقار الهولنديه هناك تزيد من حماسهم لنيل اللقب

فمان الله

ما شاء الله عليك يالدين ,,

صور ولا ارووع .~

منطقة جميلة جداً اتمنى اني ازورهـا


مشكوور دحوم على هيك صور ~ .


شطحة : ما اتوقع تفوز بالبطولة

ماشاء الله صر مره حلوه ..

اول مره ادري الخرج فيها ذي الاشياء .. << لوووووووول


حسستني انكم رايحين مدينة تراثيه ..

تراها الخرج لاراحت ولا جات هع هع هع

كل الشكر لك ع الصور ..


اختكم .. ميمي

عوافي

الحمدلله على سلامتكم

وماشاء الله وش هالزين عندنا بالخرج >>> واحد يستهبل

غريبه المراعي كيف سامحين بالتصوير بالعاده ممنوع حتى ماتنتقل تقنيتهم لحد ثاني

ملتقى انا لها من صورك حمستني ازوره >>>>>> ليكون انتهى

إقتباس الرسالة الأصلية كتبت بواسطة عزيز قلب الاسد ما شاء الله عليك يالدين ,, صور ولا ارووع .~ منطقة جميلة جداً اتمنى اني ازورهـا مشكوور دحوم على هيك صور ~ . شطحة : ما اتوقع تفوز بالبطولة

مرورك الأروع عزيز

ولا تفووتك الخرج هي حلوه .. كيف لو حليتها انت بطلتك

والعفو يالغالي

وبالنسبه للشطحه .. ما اقول الا الوعد قدآآم

اشكر تواجدك

إقتباس الرسالة الأصلية كتبت بواسطة Meme ماشاء الله صر مره حلوه .. اول مره ادري الخرج فيها ذي الاشياء .. << لوووووووول حسستني انكم رايحين مدينة تراثيه .. تراها الخرج لاراحت ولا جات هع هع هع كل الشكر لك ع الصور .. اختكم .. ميمي

مرورك الأحلى ميمي

وما خفي كان أعظم ! << بالنسبه لكلامك انك توك تدرين عن هالاشياء في الخرج

وأهم شيء اننا رحنا وانبسطنا وانتي عساتس تتعدين العليا مول

اشكر مرورك

إقتباس الرسالة الأصلية كتبت بواسطة drbl عوافي الحمدلله على سلامتكم وماشاء الله وش هالزين عندنا بالخرج >>> واحد يستهبل غريبه المراعي كيف سامحين بالتصوير بالعاده ممنوع حتى ماتنتقل تقنيتهم لحد ثاني ملتقى انا لها من صورك حمستني ازوره >>>>>> ليكون انتهى

الله يعافيك حبيبي

والله يسلمك ..

وبالنسبه للمراعي ما كان عندهم مانع في التصوير .. بالعكس هم اللي شجعونا ع التصوير

وبالنسبه لملتقى أنا لها .. بصراحه مدري متى بينتهي لكن ع حسب ما سمعت انه بينتهي الجمعه أو السبت القادم

اشكر تواجدك

إقتباس الرسالة الأصلية كتبت بواسطة الشلهوب -10- والله تطورت الخرج خبري انهآأ اكثرهآا مزآرع ومشكوور اهم شي الحمدالله ع السلامه

تطورت تطور عجييب

والعفو يالغالي

اشكر تواجدك

ان شاء الله انكم استنستوا في ديرتنا و لو انكم شملتوا الزيارة قصر الملك عبد العزيز في السيح جنب الامارة و برج الخرج التحفه المعمارية الجميلة لكن مرة ثانيه انستوا وشرفتوا في خرجكم ,,,

رحلة جميلة ومفيدة
الله يعطيك العافية اخوي الدين وآضح يا عيوني
وماكان ينقطك الا كاميرا احترافية ويطلع الموضوع احسن تغطية بالعالم
بس في صور للبقر احس انها +18 لو يشوفها اي ثور بيحقد عليك

شكرا يالغالي وبصراحة الخرج ديرة هادئة ومميزة جدا
دمت بحفظ الله ,,,

إقتباس الرسالة الأصلية كتبت بواسطة خرجاوي 114 ان شاء الله انكم استنستوا في ديرتنا و لو انكم شملتوا الزيارة قصر الملك عبد العزيز في السيح جنب الامارة و برج الخرج التحفه المعمارية الجميلة لكن مرة ثانيه انستوا وشرفتوا في خرجكم ,,,

الحمد انبسطنا واستانسنا .. ومثل ما يقولون : الخرج خرجك ولو كثر هرجك

وبالنسبه للبرج .. بصراحه كنا بنزوره لكن تعذرولنا وقالوا ان فيه ملتقى للنساء

والقصر بصراحه توني أدري عنه

اشكر تواجدك يالخرجاوي

إقتباس الرسالة الأصلية كتبت بواسطة ماجد مقبل رحلة جميلة ومفيدة الله يعطيك العافية اخوي الدين وآضح يا عيوني وماكان ينقطك الا كاميرا احترافية ويطلع الموضوع احسن تغطية بالعالم بس في صور للبقر احس انها +18 لو يشوفها اي ثور بيحقد عليك شكرا يالغالي وبصراحة الخرج ديرة هادئة ومميزة جدا دمت بحفظ الله ,,,

مرورك الاجمل يابو مقبل .. والله يعافيك يالغلا

والله جبتها ع الجرح .. الكاميرا ناقصتني وجيت بآخذها من أخوي ونسيت

وبالنسبه لـ +18 أنا متعمدها عشان الثوره يشوفونها

أشكر تواجدك

حياكم الله في ديرتكم الخرج

وأنا أقول ليه الخرج منوره هالأيام

ليتك علمتني أنك في الخرج عشان نقوم بحق الضيافه <<<لزووم الهياط

وفيه أماكن كثيره زي اليمامه فيها بيوت قديمه وشارع قويه (حق الهجوله)

ع العموم يعطيك العافيه ع التغطيه الحلووة

إقتباس الرسالة الأصلية كتبت بواسطة ana hlaali حياكم الله في ديرتكم الخرج وأنا أقول ليه الخرج منوره هالأيام ليتك علمتني أنك في الخرج عشان نقوم بحق الضيافه <<<لزووم الهياط وفيه أماكن كثيره زي اليمامه فيها بيوت قديمه وشارع قويه (حق الهجوله) ع العموم يعطيك العافيه ع التغطيه الحلووة

الله يحييك و يبقيك

وخل عنك المجامله و الهياط

وحق اليمامه شفناه من بعيد لبعيد نظرآ لان رحلتنا قصيره وشوارع الهجوله
خلها لـك

والله يعافيك يالغالي

اشكر تواجدك

إقتباس وأنا أقول ليه الخرج منوره هالأيام

وانا مثلك ..!

كان علمتني انك في الخرج..,,..

تسان نعزمك ع الفطور و الغداء والعشاء ..,,..

لحالك <<<علشانكم كثيرين



الــــــــــــخـــــــــــــرج

إقتباس الرسالة الأصلية كتبت بواسطة زاجالوا55 وانا مثلك ..! كان علمتني انك في الخرج..,,.. تسان نعزمك ع الفطور و الغداء والعشاء ..,,.. لحالك <<<علشانكم كثيرين الــــــــــــخـــــــــــــرج

نسيت والله

ودامك بتعزمني لحالي .. أجل اشوى اني ما علمتك

اشكر تواجدك

إقتباس الرسالة الأصلية كتبت بواسطة بطلة مساء الخير ,, تنفع بكتاب العلوم الله يعطيك العافية ,, شكر لك بطلة

كنتس حاسه بي .. بطرحها ع الوزاره قريب !

والله يعافيك بطله

اشكر مرورك