السلام عليكم

لا باس عليك ابو جنى وسلامة اذنك
وان شاء الله تلقى له حل وعلاج

وبصراحة وانا اقرى الموضوع خفت كيف لو دخلت داخل الجهاز
قبل فترة سويت اشعة مغناطيسية وبغيت اموت من الخوف طبعا ما دخلوني داخل جهاز بس حطو فوقي صحن دائري
وقالوا لي لا تتحرك ابد ابد لمدة نصف ساعة .. وطبعا انواع الهواجيس والحمد لله عدت على خير

الانسان ضعيف والمشلكة انه يكابر لكان لو جات ساعة الجد يندم ولات ساعة مندم ..
الله يرزقنا الصحة والعافية وطول العمر مع حسن العمل ...

دمت بحفظ الله ,,,

ألف الحمد لله ع السلامه قرقاص لا بآس

وجعلنا ما ندخل مثل ها الأجهزه و يبعدنا عنه المستشفيات و يعيذنا من عذاب القبر

حمد لله ع السلامه مره ثانيه و الله يرزقك الصحه و العافيه

.

هلا بالزميل .. الحمدلله على السلامة وماتشوف شر يا بعدي
موضوعك عبر .. ومؤثر كثير ويخلي الواحد يوقف شوي ويتفكر في حاله وماذا قدم لهاليوم ومافيه وما بعده كذلك
الله يجزاك خير

الله يحسن خواتمنا ويوسع قبورنا ........

اللهم إني أسألك الصبر عند القضاء، و منازل الشهداء، وعيش

السعداء، والنصر على الأعداء، ومرافقة الأنبياء، يا رب العالمين.
.................

اسئل الله العظيم رب العرش العظيم ان يشفيك ويشفي مرضى المسلمين

وقرقاص اذن تعورك يمكن ملتهب عندك ضرس العقل<<قبل لا اقلع ضرس العقل كنت مانام من اذني


تحياتي

الحمد لله على السلامة
ما تشوف شر ان شاء الله

جرب الرقية وجرب زمزم وفالك العافية ان شاء الله ...

أهلا بكاتبنا الكبير..

أنا دخلت هالجهاز 3 مرات ..

الله يبعد عني وعنك وعن المسلمين الأمراض..


بدأت تتصارع في داخلي الأفكار واسترجعت شريط ذكرياتي وبدأت بالندم..

الخمد لله على كل حال..

أثرت شجونا أخي الغالي..

جمع الله لك بين الأجر والعافية..

..عبدالعزيز..

الله يحسن خواتمنآ يآرب . .
هذآ الجهاز دخل فيه اخوي وجلس شوي وقآم يآشر بيدينه يقول بغيت اموت
وابوي نفس الشي دخل فيه ,
والله يكفينآ الشر . .
يمكن اللي عندك التهآب في الآذن الدآخليه ,
من اعراضها تجيك دوخه . .
الله يشفيك ويعافيك

هلآ اخ قرقاص ..

الله يشفيك ويعافيك بقرب وقت ..
الله يجزاك الف خيير على التذكير والله انك صآدق ابن آدم دآئما في غفله .. الله يعفو عنآ بس..

الله يديم علينا الصحة والعافية وطول العمر على العممل الصالح ..
الله يحسن خواتمنآ يآرب . .

تحياتي لك

الله يحسـن خاتمتنآ آن شاء الله

صدقت والله الموت لاجآ جآ ..

والله يديم عليك الصحه

اهلاً قرقاص..

من جد احس الجهاز معااااناه ساعة الاربع يمكن كانت اطول ساعه بحياتك

الله يعيننا على القبر وظلمته ويغفر لنا ويرحمنا برحمته

ماتشوف شر ابو جنى والف الحمدلله على سلامك ..وياشين وجع الاذن ماكأنك مع الناس

سبحان الله الانسان ضعيف بعض الاحيان وجع بسيط تصير الدنيا ماتسوى شي عندك ..!!
الحمدلله على نعمه علينا



الله يجزاك خير على التذكير

شوفوا شلون الواسطات .. يعني علشانك صيدلي الموعد بعد يومين
ونحن بعد ستة اشهر !! لا تقول لي على حسابي الخاص ..

الحمد لله على سلامة الجهاز منك .. واذنك اصطفل فيها ..
او خذ لك عصارة القرصاص وقطر في اذنك وإن شاء الله تطيب

ربط جميييل جـــــدا ومعبَر

وفق تصورنا للقبر حسب خيالنا القريب
الله يرحمنا برحمته ويكفينا فتنة القبر وعذابه


||

أنا عانيت من الم فرقبتي وكل مارحت عيادة رفض الطبيب يسوي اي اجراء ألا بعد هـ الأشاعه
ولمدة خمس شهورمن طبيب لطبيب و أنا اتهرب منها
والبركه بوحدة من قريباتي سوتها لرجلها ورعبتنا منها بشكل رهيييب
حسيتها أشد وقع من العمليات الجراحيه مجتمعه على كلامها

بالنهايه بعد اصرار من بيي وميمتي بالعربي أغصبوني عليها وجزَموني
وعرفت انه مافي مفر منها
خذيت موعد لها وانا متردده حيل واحسب حساب هاليوم بالدقائق والثواني

حانت ساعة الصفر
وجاء اليوم الموعود <<قبل شهر تقريبا
طبعا رحت للمستشفى ودخلت عيادة هالاشعه
وانا خايفه جدا
أول ماجاء دوري دخلت وسبقت الممرضه حتى لداخل الغرفه
كنت مستسلمه جدا بس أبحث عن المكان اللي بيحطوني فيه
<<<من زود الخوف انقلبت ردة الفعل لحالة استسلام
اول ماجات الممرضه وطلبتني اجلس فالمكان المخصص مع وضع القطن داخل أذاني
وحطت كم جهاز على وجهي عـ أساس مااحركه نهائي
حتى عيني ممنوع أرمش فيها

طبعا أول شي كنت مستسلمه بس بعد ماضغطت
الزر اللي دخلني جوا الفرن مثل ماسميته
صرخت وقلت خلاص ماابي أسويها ورميت كل شي وطلعت

طبعا جو يقنعوني وجابوا حرمه كانت قبلي داخله تقنعني وتقول تراها عاديه وماادري أيش
واقري قرآن استغلي الوقت واستغفري حسافه ساعه وحده وتعرفين اللي فيك وبعدها ترتاحين ومن هالكلام

فكرت بكلامها واقتنعت نوعا ما ورجعت لمكان الرعب
ورجعت الممرضه مثل أول هي واغراضها
وعطتني جرس قالت اضغطيه لوماتحملتي
وبعد ماضغطت الزر ودخلت جوا الفرن وبالكاد اتنفس
على قولك السقف مابيني وبينه شي ومافي مساحه أبد بين الجوانب احس نفًسي بينقطع باي لحظه
ربع ساعه أواقل عـ الأعصاب
بعدها ماتحملت ضغطت الجرس الي عطتنياه الممرضه
وطلعت نهائي وماسويت شي
والا الآن مرتاعه منها

^^^^^^^^^^^
قصيت قصة حياتي

أعتذر عـ الأطاله
بس موضوعك جاء وانا توني مابعدنسيت ادق تفاصيلها
وماقصرت أقص قصة دخولي لها الأشاعه
لكل من يواجهني
أحد يقول اني ابالغ وخوافه ومهبوله بعد
وأحد عاذرني وموافقني بالخوف
وموضوعك واحد منهم


بالنهايه حلوالواحد يتعض ويتفكر في أي شي يمر فيه
سبحان الله نتساهل بأمور كثيره في ديننا
ونجزع على أي شي
ومتناسين ان ورانا قبر وحساب وعقاب
وهذا اللي ربطته لنا في موضوعك
جزاك الله خير قرقاص

يارب ترحمنا وتكفينا شر أنفسنا وتهدينا للصراط المستقيم