ملتقى عشّاق " البلاك بيري " - صفحة رقم 9 - نادي الهلال السعودي - شبكة الزعيم

اسير الشمال · #121 22/02/2010, 09:49 AM

ياهلا والله بالبلاكبيريين

كيفكم حبايبي ان شاء الله بخير ..

الله يعطيكم العافية على هالموضوع الرائع صراحة موضوع مميز وربي واستفدت منه الكثير
لاني دخلت وماكنت عارف شي عن البلاك بيري وبفضل الله ثم فضلكم استطعت اني اعرف اشياء كثيرة ماكنت اعرفها !!
..
ابشركم امس شريت بلاك بيري ببيبي كيرف من عند جرير وعطوني هدية

..
المهم اخذته ورجعت البيت ومواصل حتى مافتحته وتوني قاعد حبيت اسألكم بس
قبل ماافتحه وش الاشياء اللي لازم اسويها اول ماافتحه تفعيل خدمة او اي شي من هالقبيل لان ماعندي خبرة بالامور هذي عشان كذا نبي نصيحتكم
وان شاء الله راح اشاركم كثير في هالموضوع مع مرور الوقت !!
..
الف شكر مقدما
,,
أسير الشمال

طبعا هلالي !!! · #122 22/02/2010, 05:52 PM

هل استطيع ارسال رسالة وحدة لأكثر من واحد في وقت واحد <<< سؤال اختبار

‏Mr.RęLǻҗ · #123 22/02/2010, 07:28 PM

.

.

يوه أخيراً فضيت
بسم الله الرحمن الرحيم
بالبدايه فيه شيء بسيط أول شي كثر السؤال شلون تفعل خدمة البلاك بيري
يا اخوان اقسم بالله اسخف شي وربي .. سواء الأتصالات ولا موبايلي ماتفرقش
اتصالات اتصل ع 902 وموبايلي 1100 واتبع الخطوات وع طول تفعل الخدمه بنفس اللحظه .. والي بطايق شحن لازم يكون برصيده اكثر من 99 ريال
أتمنى من كل احشاء قلبي ماحد يرجع يسئل وشلون تتفعل الخدمه

/ ؛

إقتباس

شباب موجود في الجهاز حروف مزخرفة ؟

يعني اذا برسل رسالة مثلا .. وابغى اكتب انجليزي بس مزخرف .. أقدر ؟ ولا لازم برنامج معين ولا كيف ؟

أحياناً يجينا برودكاست حروف مزخرفه احفظها عندك بالجهاز وبس كل مابغيت تعدل خذ منها

إقتباس

اقدر احط سيفت وير جديد .؟ للجوال .؟

العلم عند الله ما اقدر افيدك لاكن هالنوعيه من الاجهزه القديمه الظاهر مايركب عليها
انا خالو عنده واحد بلاك بيري بس اوب بولد ولا كيرف ولا هالانواع ماخذه من الشركه
يستقبل ايميلات ويرسل كزلك تبع بيزنس يعني

/ ؛

إقتباس

المهم حطيت رقم سري وبعدين >من كثر لقافه اخوي الصغير<

حط الرقم السري 10 مرات وانقفل علي وبعدين طفيته وشغلته

ينحذف الي بالجهاز لاحطيت الرقم السري غلط 10 مرات
هذا الي اعرفه
السوفت وير بـ 50 او اكثر بشوي مايتعدا الـ 100 ريال

/ ؛

إقتباس

هل استطيع ارسال رسالة وحدة لأكثر من واحد في وقت واحد <<< سؤال اختبار

تقصد بالبلاك بيري ماسنجر ؟ برودكاست يب

منورين كل ابوكم وسوري ع التأخير لاكن وربي الضروف

حتى ظلالي هلالي · #124 23/02/2010, 04:17 AM

إقتباس

الرسالة الأصلية كتبت بواسطة حابس ابليس


	السلام عليكم..... ياليت يا أخوان اللي يقدر يلبيلنا برامج مهمة للبيبي كيرف8520 وياليت اللي يقدر يجي برنامج قاموس عربي/انجلينزي وأكون له من الشاكرين

وعليكم السلام والرحمهـ ..

هذا القاموس /

http://ota.bbtran.com

ادخل على الرابط من الجوال وحملهـ على طول

امااا بالنسبهـ للبرامج عندي برامج كثير .. بس ماحس انها مهمهـ ابد

دورت على برنامج تصوير الشاشهـ (capture it) بس للاسف حاذفهـ الرابط من عندي

ان شاء الله يفيدكـ احد غيري

طبعا هلالي !!! · #125 23/02/2010, 02:37 PM

تقصد بالبلاك بيري ماسنجر ؟ برودكاست يب

مدري بس ابغا ارسل رسالة وحدة توصل لكل الي موجودين عندي

اذا فيه طريقة الله لا يهينك

جهازي بولد 9700

هلالية بنت هلالي,, · #126 23/02/2010, 09:53 PM

السلام عليكم

كيفكم ؟
ان شاء الله بخير..

بغيت تساعدوني في مشكلتي انا شريت بلاك بيري لكن مــاعرفت طريقة الاستخدام كيف ؟؟ هل لازم افعل الخدمــه عشان يشتغل الجهاز كله مو بس خدمه pp او كيف ؟
وكمـان ياليت تعطوني طريقة لمكالمة احد موظفي شركة موبايلي لاني ادرق على 1100 ومايعطوني التحويله ياليت تعطوني ايهاا وجزاكم الله خير

محمد الهلالي00 · #127 24/02/2010, 12:05 AM

يا خي اذا صرت مبتلش بالبلاك بيري ليش تشريه ؟؟!!

الواحد يقرا بالنت قبل ما يشري الجهاز مو على طول يشوفه بالمحل ويشريه وبعدين يقول ابتلشت !!

عالعموم الجهاز يشتغل وما فيه اي مشكله والنظام تمام اذا كنت تبي تفعل الخدمه ولا ترا مو لازم

بس !

كاسر انوف الاصفرين · #128 24/02/2010, 12:14 AM

مساء الورد للزعماء ..

والله معاي بيبي كيرف والله روووووووووووووووووووووعه ....

مشكلته الكاميرا لانه مافيها فلاش غير كذا تمااااااااااااااااام...

فديت الزعماء كلهم وخاصه صاحبي مستر لان جهازه بيبي كيرف مثلي ههههههههههههههههههههههههههههههههه

ولكم اجمل تحيه

ابوشيكة · #129 24/02/2010, 12:15 AM

اختي الله يبارك لك فيه واتمنى الاستفادة من تقنية الجهاز في حدود الذوق لكن المشكلة ان الشخص يشتري له جهاز مايعرف عنة اي شي خصوصا في عصر الانترنت اتمنى اي احد يفيدك وشكرا .......................

محمد الهلالي00 · #130 24/02/2010, 12:37 AM

BacK || ~

اهليييييييييييييييييييييييييييييييييييييييييييييين بالشبآب ~

اقول للي يسأل كيف يفعل الخدمه ~

صرآحه انا اليوم فعلتها < بدري !

اللي شريحتهم موبايلي ~

ارسل bis الى 1100 ( لازم يكون رصيدك فيه 99 ريال كدفعه مبدئيه )

طبعآ اذا ارسلت الرساله يمكن راح تجيك رساله بعد 5 ساعات او اكثر

بيقولك تم تسجيل اشتراكك في خدمة البلاك بيري ..

طبعآ انت مانتب مصدق على طول تبي تروح للمسن

لكنك تبي تلقاه ما يسجل الدخول ..

اول شي اذا تبي تعرف ان الخدمه فعلت ولا لا

لازم يكون فوق فيه كلمة EDGE ( كابيتل ) اذا صارت سمول يعني ما فعلت

اذا لقيتها مو فيه طال عمرك تروح تطلع البطاريه ( والجهاز شغال لا تطفيه ) وبعدين ركبها

وشغل الجهاز مره ثانيه وانتظر شوي وانشالله بتطلع !

واذا طلعت راح تجيك رساله فيها التسجيل بالنت وخرابيط بس اهم شي لازم يشتغل النت

علشان يدخل المسن ..

( ملاحظه : اذا خلصت مدة الخدمه تراك تقدر تشغل المسنجر بس بشرط يكون وايرلس )

ما عليش طولت عليكم بس ودي اقولكم ان هذا لموبايلي الاتصالات و زين ما ادري عنهم

يالله ~

BRB ~

king kaka · #131 24/02/2010, 01:15 AM

السلام عليكم

يا اخوان ممكن الجـــــــروب حـــــــــق الــــــــــــــزعــــــــــيـــــــمـ
ووشلون ادخل >بووه<

حتى ظلالي هلالي · #132 24/02/2010, 06:35 AM

^

هلا والله بحقون روما كلهم

شف وانا اختكـ ..
بالبدايهـ بتعتقد ان كل شي معقد وصعب ..
لانكـ متعود على نظام نوكيا ..
ونفس الشي لو تغير جهازكـ من نوكيا لسوني اريكسون او اي نوع ثاني ..
الانظمهـ بتختلف عليكـ ..

البلوتوث مافيهـ تعقيد

كل السالفهـ انكـ تسوي اقتران مع الجهاز الثاني
وخلاص بعدها يصير النقل زي الحلاوهـ

اللهم انكـ لازم تسوي تلقي ملف بلوتوث قبل اي شيء تقبلهـ

أما نقل الاسماء من نوكيا للبلاك بيري
هذا الرابط فيهـ الطريقهـ

http://www.4848558.net/blackberry-transfer-contact.htm

واذا ماتبي البهذلهـ مثلي

انا سويت للاسماء نسخ على الشريحهـ نفسها ..
وحطيتها بالبلاكـ بيري وسويت لها لصق

..

اتمنى اني خدمتكـ بحاجهـ

حتى ظلالي هلالي · #133 24/02/2010, 06:59 AM

إقتباس

الرسالة الأصلية كتبت بواسطة طبعا هلالي !!!


	تقصد بالبلاك بيري ماسنجر ؟ برودكاست يب مدري بس ابغا ارسل رسالة وحدة توصل لكل الي موجودين عندي اذا فيه طريقة الله لا يهينك جهازي بولد 9700

حتى انا انلحست هنا

أنت تعني رساله (SMS ) ..؟!
والا تعني رسالهـ لكل الموجودين عندكـ بالبلاكـ بيري ..؟

اذا تعني رسالة اس ام اس ..
فما فيهـ خاصيهـ التحديد زي نوكيا

أما اذا تعني رساله للي عندكـ بالبلاك بيري ماسنجر /

برنامجكـ عربي :
ادخل البرنامج --> زر خيارات --> البث الخلوي
بعدين اكتب الي تبي وسو تحديد للكل .. وارسال

برنامجكـ انجليزي :
ادخل البرنامج --> زر الخيارات --> Broadcast Message
واكتب الي تبي .. بعدين select all (تحديد الكل ) .. و send (ارسال)

بس

‏Mr.RęLǻҗ · #134 24/02/2010, 02:11 PM

.

.

^^

شكراً لتس ياضحله أنك ساعدتيني
بس لو انك راده بالاورنج ورب البيت ليخقون ويفهمون ع طول

/ ؛

هلالي روماوي
بعد قلبي انا انلحس مخي من سؤالك وربي
بالنسبه للبلوتوث جاوبت عليك حتحت
والثيمات مافيها تعقيد فيه شرح واجد موجود عن تنزيل الثيمات صدقني سهل
دور فقوقل وبتلقاه مايحتاج له تعقيد
اذا فيه سؤال ثاني حنا حاضرين .. بس تكفى وضح أسئلتك
اكتب س1 وأكتب سؤالك ؛ بعد قلبي

منورين كل باباتكم

اسير الشمال · #135 25/02/2010, 08:55 AM

مرحبا حبايب قلبي
كيفكم ان شاء الله بخير
..
الله يعطيكم العافية جميعا على كل الخدمات اللي تبذلونه في خدمة الاعضاء الف شكر
..
انا عندي جهاز بيبي كيرف بس عندي مشكلة عويصة لاكلمت احد بماسنجر البلاك بيري تجيني الرسائل منهم لكن المشكلة انالرسائل
ماتجي كاملة يعنيتجي نصها بعدين مساحة بيضاا طوويلة جدا ياليت اللي يعرف حل للمشكلة لايبخل علينا
..
ايضا حبيت استفسر كيف اقدر اسوي قروب خاص فيني انا سمعت ان القروبات تقريبا 30 شخص وحاب اسوي قروب وهل اضافة القروب نفس اضافة الشخص العادي او تختلف
..
على فكرة انا حملت الماسنجر الهوتميل العادي وادخل عليه وكل شي مثل الحلاوة لكن حبيت استفسر هل ياخذون مني رصيد
مقابل الدخول على الماسنجر مع العلم اني مشترك بالخدمة البلاك بيري
..
ادري طولت عليكم بس تحملوني لاهنتم والله
عوافي مقدما للجميع