هلا وغلا أبوناصر .. مرحبا الساع
اصبر أنت شوي وتزوج وجب عيال والله أن تغير كلامك يا ولد .. ياخي خذها بالعقل وبتعذر الأهل ..
الأب مع الأم في جلسة شاعرية يتغزلون ببعض بعيد عن البنيان .. وهذا الطفل الإمعة النشبة بينهم يقطع عليهم حبل أفكارهم طبيعي يقولون له رح العب هناك شوي يا بابا عشان ياخذون راحتهم
فكر فيها قبل ما تطلق أحكامك الهوجاء يا عدو الرومانسية !!

أبشرك إني مرة قد ضعت على أهلي .. بس ما ضعت بسبب جلسة رومانسية
في عام كان عمري فيه 6 أو 7 سنين .. كنا أنا وبابا وماما وأخوي اللي أصغر مني بسنة طالعين للسوق بالدمام ولا أدري وش هالسوق والله ..
دخلنا محلات الذهب وطبيعي حريم هالكرة الأرضية إذا شافن الذهب ينسن عيالهن وأهلهن وكل من يمتّ لهن بصلة
لذلك أمي نستني أنا وأخي وتركتنا نلهو داخل المحل
طبيعي أبوي كان مشغول عشان يلهي الوالدة عن قطع الذهب الثقيلة والغالية وما تشوفها ..
وبحكم انشغال أسرتي عني كان لا بدّ أن يكون مصيري الانحراف ! أقصد الضياع
كان للمحل بابين .. الباب اللي دخلنا منه وباب مقابله من الجهة الأخرى .. أنا من شدة ذكائي قلت لأخوي أنا بأسافر واروح وهو يقول لا تطلع ( لأن أهلي يحرصون علينا ما نبعد عنهم نضيع) ..
طلعت وأنا أقول له باي .. وفي نيتي آخذ اللفة وأدخل مع الباب الثاني وأفاجئه
خرجت من الباب وابي آخذ اللفة وضيّعت .. مدري هو السبب لأن المحلات كانت متلاصقة ببعض ومعاد دريت أي باب هم فيه؟ أو ان مافيه لفة أصلاً ألفها على المحل وأنه على شارعين ..
كل اللي أعرفه أني ضعت وقمت أبكي .. ومن الطبيعي لأي فتى كيوت مثلي في تلك اللحظة العصيبة أنه تبدأ عنده تفاكير وتخيلات ما لأمها داعي مثل وقوعه بين أيدي عصابة تطير شرفه قسم بالله جد ما أبالغ حتى لدرجة اني فكرت ان خبري بيطلع بالجرايد وانفضح عن عيال فصلي
الله يجزاه خير واحد شافني أبكي ومسكني وسألني عن أهلي وينهم قلت عند الذهب مدري وينهم .. ووداني عند الذهب وشفت أهلي رحنا لهم وابوي معصب علي بس الرجال هدّاه وقال احمد ربك انك لقيته
وأشوا أن مدة الضياع ما تعدت 10 دقايق والا كان شكّ أبوي في أخلاقي خخخخخ

هذي قصتي كتبتها مشاركة لك يا حلو واعذرنا ان ما عجبتك .. فديتك

^^
عاش من شافلك رد يا سلطان

أهلين أبوناصر .. شخبارك يالغالي ؟
عاش من شافلك موضوع

الحمد لله ماقد ضعت لأني ذروق منب أتعدى أمي
لكن فيه محاولات أختطاف بأت بالفشل

عندي سالفه لأخوي الصغيرون .. قبل كم سنة كنا في الشرقيه وأول مارجعنا للشقة طبعا أخوي معنا يوم ننزل من السياره وكان عمره 5 سنين وكانت الساعه تقريباً 3 أو 4 الفجر ..
المهم يوم دخلنا الشقه وقعدنا شوي .. ندور الولد .. ماحولك أحد ..!
المهم نزلت أنا والوالده ندوره وليت أمي مانزلت معي

طلعنا للشارع العام لقيناه يتفرج على استعراض دبابات وداخلن جو أبو الشباب
لكن الموقف اللي خلان أرفع ثوبي وأغطي وجهي من الفشيله .. هو امي الله يهديه من الفرحه يوم شافته لعنت خيره قدام العالم
للحين إذا ذكرته بالموقف عصب

يعطيك العافيه يا أبوناصر على هيك مواضيع ..

يا هلا بك أخوي بو ناصر

أنا دايما ضايعة من كثر ما كنت أضيع صرت أدل طريق الأمن وأقول لهم أسمي عشان ينادون على أهلي

لكن أصعب موقف حصل لنا .. يوم ضاعت بنت خالتي الصغيرة في هايبربنده .. وجلسنا ندور عليها ما لقيناها !!
والأمن قفلوا أبواب الخارجية كلها عشان محد يطلع من داخل المكان !!

وفي النهاية طلعت الست هانم نايمة في السيارة نعست وهي مع أمها في المحل قامت طلعت للسيارة ونامت .. مع أن عمرها كان 3 سنوات

لكن وش يسوون الأهل اذا عندهم ناس مثلنا مشاغبين ما يعرفون يتمشون بدون آكشن


**


شكرًا لك أخوي

هيّن أنا أهلي واشمين على جلدي خريطة بيتنا ههههههههههههـ
أكثر واحد يضيع في العالم أنا للأسف ..
هرجتن طيبه أ/أبو ناصر ..

طيب يا مشبب يعني طالع منها ها .. اجل البنت هذي مو تبعك يوم اللي تتزوج مسيار
اها بس علينا .. اعترف وخلك رجال
مبزره اخر زمن يتزوجو ويرمو اولادهم ويقولو قصصهم كمان



نرجع لصلب موضوعك
الغريب في الموضوع انو الشايب يلف فيها على ما اتضح كل يوم والبنت تعودت عليه
طيب ليه مايوديها اقرب قسم يشوف لها صرفه والحكومه تتصرف بوضعها .!!
متعب نفسو على الفاضي يعني معقول اهل البنت لهالدرجه قلبهم بارد جايين يجلسو ع البحر وبنتهم ضايعه .!!
على كل ان شاءالله تلاقي اهلها وترجع لهالفاغرين بالسلامه ،،

إقتباس لكم المايك..احكوا ما بدا لكم..اذا احد قد ضاع عادي...كلنا نضيع..بس اذا فيه احد اختطف يقولنا لنا هرجته بالتفصيل وبدون تشفير..

وانا صغيره ضعت بالطايف والمدينه __> متطوره برا جده
في الطايف اذكر اني رحت العب ودخلت مزرعه وضعت لقوني رجال قالو
وين اهلك قلت مدري واخذوني معاهم بالسياره ولفو فيني لين لقيتهم

وفي المدينه ضعت بالمسجد ومن حرمه لحرمه تمسكني ويرددوا : البنت هذي تبعكم __>


سامج انت ومواضيعك مشبب انصحك لاتنزل شي بعد كدا

************************


**************
ولله الحمد ماعمري ضعت من يوم يومي واناخوافه بشكل غير طبيعي ويدي بيد أمي الله يخليها لي

بس الحين ولد أختي عمره ثلاث سنوات
مايطلع مكان الامختفي عن أهله
ومايضيع لحاله يضيَع اي بزر يمشي معه
مايروح مكان الامنكد على أهله وعلى الللي طالعين معهم

هلا أبو ناصر
ياشين بعض الأهل فيهـم برود موصاحي يعني تحصلهم

مايحسون بفقدان عيالهم إلا إذا بغو يردون البيت اقعدو يدورون

بس تحليلي للبنت اللي شفتها على البحر يمكن موضايعه كثير نشوف بنات ع البحر إما يبيعون ولا يشحتون ولآيحاولون يستعطفون الناس

عشان يعطونهم فلوس يعني أهي تدري أن أهلها قطوها في البحر عشان كذا ماتبكي

***

بالنسبه لي أفتكر اني ضعت مره بمكه وقفت بمكاني وقعدت أبكي ألين أهلي لقوني وأنا أصيح

أمـا أخواني دائما إذا طلعنا السوق وأبوي مو معنا نقعد نسمع لهم أرقام الجولات مره أخوي ضاع في السوق وراح مقهى ودق على ابوي

عاد أبوي دق علينا وقال ترى عبد الله عند كودو >>وأبد ماتهزأنــا ورجعنا وحنا مره مبسوطين

إقتباس الرسالة الأصلية كتبت بواسطة ابو طـــــلال أول مانمشي مع أمهاتنا إلا وماسكين العباة ( إحتياطاً )

إقتباس الرسالة الأصلية كتبت بواسطة ابو طـــــلال حتى هواش وخر عن العباة .... وانا مااتركها ..... مشكله عاد اضيع والله يخطفوني بثانيه عاد تخبر ( مزيون ) ماحد يوفرني والله بس مره شفت حرمه عندنا بالعمل حسبتها إنجنت لأنه ولدها ضاع ... كان موقف حزين وأشوى لقينا الولد . عاد ليته زين .. طلع شين تحياتي ابو ناصر ... زعيم المنتدى المعاصر

لا غاب الأوط إلعب يا فار

الحين يوم اننا نتشحذكـ تورينا موضوع
ماتعطينا شيء
يوم غبنا طلعت انت ومواضيعكـ السامجهـ مثل لينا < قلبت

شوف دامكـ عند الكورنيش وبحر ودنيا
فاسمح لي معذورين الاهل اذا ضيعوا عيالهم
على قولة سلطان جلسة رومانسية وهالمبرزهـ بيبثرون بهم يوحوكون لهم ابو الجو

اصلا المفروض اذا بيطلعون ببزارينهم للبحر يشوفون لهم أوقات مو حلوهـ
يعني لا تصير بالليل والجو فيهـ هوى رايق
ولا تصير على الفجر والشروق
ولاتصير على وقت الغروب

يعني يطلعون بزرانهم وقت الظهر او العصر < ناويه تحرقهم
والا ممكن بعد المغرب الى 10 او 11 بالليل يكفي
وبعدها يجلسون لحالهم

جد مايجتمعون بزران وبحر

وبرضوا الي يضيعون بالاسواق
جايين تتسوقون وشو لهـ بزران معكم
شيء طبيعي بيضيعون وانتم لاهين تشترون

اذا تتمشون بالسوق جيبوهم
واذا تقضّي فـ البيت احسن


أما سوالفي انا
فـ انا من عرفت نفسي وانا خوافه
ما اذكر اني تعديت ايد امي

والا بمكهـ
هنا لو بيدي ربطت نفسي بحبل معها
امسكـ ايدها وعباتها وامسكـ بيدي الثانيهـ ابوي او احد اخواني
^
ماتحب نفسها ابد

يذكرون اهلي ان اخوي الكبير قد ضاع بالمدينهـ ضيعهـ شنيييييعهـ ويوم جمعهـ
قبل اصير انا بنتهم طبعا
ومن يومها حلف ابوي انهـ مايطب المدينهـ مرهـ ثانيهـ

ومادخلها من بعد السالفه الا قبل 4 سنوات تقريبا علشان جدتي بس
وصلينا صلاة وحدهـ وطلعنا
مازالت العقدهـ بأبوي


خلاااااص تعععععبت يالدوب

إقتباس الرسالة الأصلية كتبت بواسطة بريماكس ياهلا ياهلا ابو ناصر .. وشلونك يابعدي عاش من شافك حبيبي وين ماعاد نشوفك زي اول؟؟ لك وحشه ياحبيبنا الصغار مشكله وبعضهم فيهم طفاقه بزود لكن انا اقترح بعض الصغار تربطه بحبل بالسياره وعساه ينفعو شرط بعد يكون من الحبال المتينه ولا بعضهم يقطعونه واحد مع اهله رايح لمكه وعاد خابر الحمام هناك مابينك وبينه الا متر و جايك هالوليد الصغيروني الشيطوني ويلاحقه بيمسكه وكل شوي تطير متر وتوقع وهو يلاحقه ويلاحقه لين ما ابعد و ضااااااااااااااااااااااااااااااااااع القصه قديمه لواحد الله يستر علينا وعليه تكل اشوف احد يضحك يقول انت؟! ترى ماهب انا ياويلي يا انا ما اتعدى حجر اميمتي من الذراقه مشكور يابو ناصر عالموضوع الممتع ونراك على خير ياحبيبي ولا تطول علينا انا مساافر بعد الصلاة ان شاء الله يعني ادعولي بالوصول بالسلامه

هلا وغلا بريموو..
موجود يالغالي بس اللياقه لك عليها ..الكبر شين..

تدري كثير اكنسل طلعتي مع الاهل بسبب هالمبزره ...الناس مستكنين ويتقهوون
وفلاح تقول يلعب غميمه ..مطارد ورى هالمبزره...عاد ليتهم اولادي
والا اخواني؟ لا..عيال اخواني وش دخل اهلي فيهم..

حياك الله بريموو ولا تضيع في الحرم الله يصلحك..

إقتباس الرسالة الأصلية كتبت بواسطة الهــ ابراهيم ــلالي هههههههههههههههههههههههههههههههههه هي وحده من ثنتين يا انها زاحفة او انها متعوده كل دقيقة تضيع يعني ماعندها مشكلة كذا ولا كذا بترجع لأهلها هههه

هلا ابراهيم..

والله شكلها الثانيه ..لان من وجهها مو باين عليها الزحفان..باين انها متعوده دايماً على هالحاله

إقتباس الرسالة الأصلية كتبت بواسطة شوق الكويت حي الله ابو ناصر اذكر مره يوم اني صغييره كنت امشي بسوق كبير وزحمه مع امي المهم اني وقفت عند محل واندمجت فييه لين ماامي مشت وانا واقفه يوم التفت ومالقيت امي قعدت اصييح ومحد درى عني من الزحمه طلعت برا ولقيت سايقنا واقف ومن الفرحه رحت حضنته ... الله يقطع هاليووم طبعا كان عمري 6 سنوات بس كل مااذكر تلووع جبدي من هالموقف والله انا اطلع اماكن عامه واشووف الام والابو مندمجين سوالف واكل والياهال يحوسون بعييد ولا في احساس مايخافوون انهم يضيعون ولا شي ماعندهم قلب يعني ..! الله يحفظهم ويهدي اهاليهم شكرا فلاح

هلا وغلا شوق..

كل ما تتذكرين الموقف تلوع كبدك(جبدك)..من حضن سايقكم ؟..والا من الموقف ككل.؟؟
لاني اللي اعرف ان الكبد ما تلوع الا من روائح كريهه..عسى سايقكم يتسبح يوميا؟

حياك الله شوق..

إقتباس الرسالة الأصلية كتبت بواسطة abu_sol6an والله هذي مشكله بس الحمد لله في ناس اهل خير مثل الشايب اللي راح لكم وسألكم على فكره محدثكم قد ضاع بالحرم النبوي ههههههههههههه يوم اني بزر ابو 6 سنوات شفت بنت مدري ولد كبري ومن الفهاوة رحت وراهـ بعدين امي تدور يمين يسار والمسكينه على اعصابها الين جا واحد الله يجزاه خير جابني الى اهلي << انا وخشتي مسوي مطوع ماسك السجادة بيدي وبس هذا اللي عندي وشاكر لك طرحك على الموضوع

حياك الله ابوسلطان..
وش قصة العالم ما يضيعون الا واعمارهم 6 سنوات؟

الحرم المكي والنبوي ..ما الوم احد اذا ضاع فيه..شباب وشياب يضيعون فيه
وش عاد نقول ع المبزره؟
الحرمين منطقه مفتوحه وكل ما وجهت وجهك لجهه تحس انها نفس الجهه اللي مقابلتها يعني ما فيه فرق كبير..!<--ترى كل هالتبرير لاني ضعت فيها..

حياك ابو سلطان..

إقتباس الرسالة الأصلية كتبت بواسطة الفيروسه الزرقاء هلا و غلا بـ أبو ناصر . لوووووووووووووووووووووووووووول هـ البنت تبعك ! بصراحه أنا ما تذكر اني قد ضعت يمكن " أضيع " اما " اضيع " لا لا ماعتقد و إن " ضعت " ورأ اهلي ماعلموني اني ضعت حتى ازعل عليهم ، اجل يضيعوني هـ المهملين أما من ناحية الاختطاف أتمنى بس أن أحد يخطفني ودي اعيش لحظات ارهابية و اكشن بس للاسف محد وده يخطفني ! داعيه عليه أمه اللي بيخطفني .. ثانكس ع الموضوع الظريف بـ التوفيق لك سي يا فيّو

يا لبىىى الخدود....لا احد يقول وين الخدود؟...واضح جزء رغم ان يدها ع وجهها وهذا يدل ان خدودها كبيره..
من هواياتي اللعب بالخدود واذا تحمست قبصتها اي (قرصتها)

حيالله استشاريتنا الغائبه فيوووو..




نفسي انحب ..نفس انخطففففف خخخخخخخخخخخخخخخخخخخخخخخخخخ
ذكرتيني بذي يا فيوو..اللي تابع فيلم الباشا تلميذ بيعرف المشهد..

حياك الله فيوو..

إقتباس الرسالة الأصلية كتبت بواسطة HILALYA ]~ .. أهلين وسهلين .. أقطع اووم الفهاوه هههه .. أكيد الأهل بيخلون عيالهم يلعبون .. وش فايدة الطلعه أجل .. نجلس نمسكهم >> يجلسون بالبيت أحسن .. وبعد الأهل المفروض يشوفون عيالهم كل شوي >> .. .. لا أنا بسم الله ع ذكية ما أضيع << بس هذا موقف بالاجازه ألي راحت .. كنا مسافرين ورايحين أحد الأسواق .. المهم جالسين نشوف خريطة السوق .. يوم خلصنا مشينا وبعد أن أنتصفنة الطريق لف أبوي وسالنا عن أخوي ولله ونركض ندوره بس الحمد لله كان يصيح مع عائله الله يعافيهم سالوه أخر مكان كان معنى وقالهم .. وبس ..

حياك الله هلاليه..

ما احد قال لا تلعبيهم..احنا نقول لا تضيعيهم..
خصوصا الاطفال اللي اقل من 7 سنوات يبي لهم مراقبه اكثر

نورتي..

إقتباس الرسالة الأصلية كتبت بواسطة غرشوبه }~ على حسب الطفل , والاهل اكيد . بس الصغيرونيين خوافين وحريصين انه مايغيب ابوه عن وجه وبعضهم لااا فااهي يفتح فمه ويدري راسه وعلى الله , بس هي تحصل بكثره والسبب اهمال بالاخير مره كنا بحديقه برا السعوديه المهم اخوي يتقلب على الزرع , حركه معروفه عند الصغار تقلب وطاح من الجهه الثانيه وماعاد شافنا , مسكين طاح قلبه وصاح وهي ثواني حنا نشوفه بس هو خواف , واخوي الثاني فاهي مرره ولا يخاف , مره عند البحر جا ماشاف ابوي معنا قال وينه قلنا راح البقاله ويطمر وراه بدون لا يستأذن ولا عندنا خبر . وضاع , بس اسسم الله عليه ذهين علم اللي مسكه سيارتنا ونوعها ولونها واسمه وكلش . الله يعطيك العافيه اخوي . ولابد ان الاهل يحرصون لان الطفل بالنهايه صغير ومايفقه ولا يعي الخطر اللي ممكن يصيبه اذا ابعد عن اهله بدون علمهم . عوآفي .

هلا وغلا غرشوبه..

الله عليك....اخذتي الموضوع من جميع جوانبه..تقسيمك للاطفال حلوو
بس يبقى اغلبهم فاهي ويمشي ولا هو داري عن نفسه..وهذا اللي يتعبنا <--يقاله ما تعب اهله قبل..

إقتباس الرسالة الأصلية كتبت بواسطة حبيب الزعماء وش نخلي وش نسوي الام فاهيه والبنت عربجية يعني يسمى تضارب بالشحنات الكهوربنج وعلى طول تضيع البنت هذي دراسة واقعية يتم اكتشافها 2020

متى اكتشفوها؟

والرجال طالع منها والعيال ما يضيعون ابد...
حياك الله حبيبنا..








سلاااااااااااااااااااااااااااااااااااام

والله هالضيآع كثير هالوقت .!! حتى آول بعد
انا اذكر مره بالشرقيه بمول ضعت وانا ع ـمري 6 سنوآت
وتمسكني وحده لين الحين اذكرها
ماسك يدها وهي ماسكه يدي والمشكله انها ساكته .!!
بكل برآئه ودلع قلت ماما
قالت انا مو امك يآ ( حبيبي )
عاد انا وقتها ضعت << آبو النصب الي كيذآ يآشيخ
الزبده اني سحبت يدي من يدها ورحت ادور اهلي واشوفهم من بعيد
وخليت ماماتي تشيلني
لاني ذروق



االزبده المفروض ينتبهون الاهل اكثر ويكونون آحرص
لان فيه ناس طالقين عيالهم وهم صغآر وهذا سبب رئيسي للانحرآف .!!

آبو نآصر ثانكس ع الموضوع

يووووة أنا صار لي هالموقف وانا صغيرة الوالدة ضيعتني بالسوق والله بصراحه ماألومها شافت الملابس والأكسسورات ولاأنسى
الميك أب مطلعين موضه جديده نسيت إني أطرد وراها ومع الزحمه أختفيت وجلست أبكي وبمساعده من رجاال الشرطة الله
يحفظهم ويخليهم لأهلهم ووطنهم
عدت الى أمي الحبيبه وبعدها ماأروع معاها السوق إلا وأنا مشبطه ف عبايتها عشان ماأضيع
لا وإذا طلعنا نتمشى كل وحدة تقولي إنتبهي لبنتي حتى ماأستانس بالتمشيه ماخذيني دوريه عندهم ههههههه

يسلمووو عالمووضوع تقبل مروري.ملكه.