.@ أحد شاف مباراة الهلال والرائد ؟!!! اكيد اكثركم شافها ! ......... وشو هاالاجانب خاصة الاصلع ليناردو (( اللي يذكرن بمدرس مصري درسن باالثانوي رياضه )) حتى مشيته ماهي مشية لاعب !!!! مثل مايقولون الاخوان الظاهر انه معلم شاورما !!! .... بالله بكم جابوه؟!! وكم خسروا عليه ؟!!! ........... ولا الثاني اللي يقولون انه برازيلي ...وهو نسخه طبق الاصل من داين فاييه بس على ابطأ !!!! انا يوم شفته يركض احاسب اعاده !!!!!!!! يركض باالبطيء !!!
نرجع لليناردو الدسوقي ......... واحد من الشباب يقول : هو دجه ... بس تصدق ؟!!!!
عليه لمسات !!!!!!!!! سبحان الله ... هذا الهدف من الاحتراف ؟!!!

@ ليه مانجيب لاعبين عرب محترفين مثل بركات الاهلي ((على الاقل مصري حقيقي ))
ووجه تعرفه ولاوجه تجهله ... نبي لاعبين افضل من لاعبينا ولا لاتجيبون احد والافضل لو نلغي الاحتراف بعد !!!!!!!!!

@ وواحد ثاني يقول : تو الناس بدري الحكم عليهم !!! أي بدري الله يهديك ؟!!!!! المكتوب يبين من عنوانه !!!

@ ولا واحد ثاني يسأل يقول : انت وش عليك ؟!! دافع شي من جيبك ؟!!!!!!!!!
ماشالله ... طيب واللاعبين اللي متاخره رواتبهم لهم كم شهر مالهم حق ؟!!!!!!!!
((الاجنبي ياخذ فرصتهم وفلوسهم بعد!!!)) والله قهر ...


@ ليه مايلعبون الوجيه الصاعده ؟اللي لعبوا بكاس الامير فيصل ؟ ... ليه راكنين الخراشي باالاحتياط؟
ليه مايكون هجوم الهلال مكون من الثنائي الخراشي والقنات ؟ ,,,,,,, عطوهم الفرصة الكافية وشوفوا وش يسوون.....
الشباب تبي تطق اعمارهم الـ22و23 ونتم لهلحين تقولون وجوه صاعده !!!!!!!!!
بأوروبا ... ابو 23 و24 يعتبر لاعب خبره ..لانهم يعطونهم الفرصة الكافية ... واللاعب من يكون عمره 17 ولا 18 تلاقيه اساس باالمنتخب وناديه ..مثل اوين ورونالدو وكاسانو وراؤول على طلعتهم
وغيرهم كثير ....
مانروح بعيد ... الذيب سامي كان هداف الدوري وهو عمره يقل عن الثمنطعش 18 سنه ...
بعدي ياالذيب


@ المؤمن لايلدغ من الجحر مرتين وحنا نلدغ كل موسم عشرات المرات ... وسلمولي على نيبالا !!!.................................................................................................... ..........



@ تعادل ربع الفاصوليا مع نادي الطائي العريق بشق الانفس .. وكنت اتمنى فوز الطائي ليسد افواه
اللي حاولوا اهانته بعد فوزهم على الزعيم ........ ولكن الظروف والتحكيم كاالعاده !!!! وقفوا ضده
..... وانشالله يردون لهم الصاع صاعين ويهزمونهم على ارضهم .. فرسان الشمال قدها وقدود.

على فكرة قبل لا انسى ! .......هذا رابط لموضوع رائع للكاتب القدير فياض الشمري اتمنى
من الجميع قرائته :




http://212.116.192.36/Contents/12-10.../News_3957.php


.................................................................................................... ...................

تحياتي :
ذيب الشمال .

الله يرحم الحال

صح لسانك اخوي ذيب الشمال كلامك سليم 100%

الجبل الازرق :

انشهد !!!!! مشكور على الرد ...


واحد يموت على الزعيم :

صح بدنك أخوي وحياك الله ..

بعد اول مباراه حكمت على المحترفين بالفشل، وش هالنظره الثاقبه ياكابيليو.

تذكر ادميلسون هداف الفريق الموسم الماضي وش كان مستواه اول خمس مباريات لولا اصرار المدرب السابق جورج ارثر على انه الاعب المطلوب وبالفعل اثبت انه هداف خطير.

ليونارد قدم مستوى جيد في اول مباراه ، قطع الكوره والتسليم لزميله من لمسه وتمريرات متقنه، اما ساموليا فهو صاحب قدم قويه ومراوغ جيد بس يحتاج للأنسجام مع عناصر الفريق.

مساء الورد يذيب الشمال /

الحقيقه كلام مرتب وموضوع ( )

الي اتمناه انه ما تستعجل على حكمك بالاجانب لانه الفريق ككل مش بالصوره ثم ان الحكم

على اللاعب لا يتم من خلال مباره او اثنتين

معليش اخوي تخيل لو ان سوماليا بجنبه الجمعان او سامي

وخلفه التمياط والشلهوب وسعد الدوسري ( انشاء الله ) وخلفهم الدوخي وبقية النجوم

هنا انا معك بحكم صح 00

حنا نبي لاعب يثبت جدارته دوم مو يوم 0

تحياتي ولا تستعجلون الفريق كله يخوف بالوقت الحالي بس يبقى الزعيم يظهر بالوقت المناسب 00

يعطيك الف عافيه...ليناردو رهيب وبتشوفون مستواة انا شايف بعض مبارياته يدخل العمق
اما صوماليا ما اشوف الى عصاقيل سود؟؟

اصبرو عليهم شوي تكفوووووووووووووون

ولو هي بالشكل كان طيب الذكر( لازار)

صار احسن لاعب اجنبي

ومع السلامة

اول مباراة ماهي بمقياس
وفي العجلة الندامة

ya a'7y mntb 9ayr a7sn mn el seer alex frigson traah ela al7een 9abr 3la FORLAN o ho lah 19 mbarah ma jab goal hatha o ho fe
manchestr
el 9br ya a'7wan el 9brrr

ترجمة لما سبق :

يا أخي منتب صاير أحسن من الكس فرقسون تراه إلى الحين صابر على فورلان وهو له 19 مبارات ما جاب قول هذا وهو في مانشستر


الصبر يا إخوان الصبرررر.


( تمت الترجمة )

إقتباس إقتباس من مشاركة غير مسجل ya a'7y mntb 9ayr a7sn mn el seer alex frigson traah ela al7een 9abr 3la FORLAN o ho lah 19 mbarah ma jab goal hatha o ho fe manchestr el 9br ya a'7wan el 9brrr

hi

فعلا الخبر هذا نزل في جريدة عالم الرياضه في الصفحه الاخيره بتاريخ نشر هذا المقال

26/10/2002
مو جديد يالفيلسوف bi

اخوي ذيب الشمال

والله انا معك بالراي من ناحية الاصلع ليناردو ... لا لعب ولا هم يحزنون .... لو ناخذ مسفر الجاسم محور الاهلي والله اطلق ...... لعب وتفهم له ويفهم لك ....ومهو اصلع

اما صوماليا فأحس ان عنده شي بس مثل ماقال اخونا أزرق الارض خل يكمل الفريق وبعدين شف ..

يعطيك الف عافيه

ماجد 2002 :

إقتباس بعد اول مباراه حكمت على المحترفين بالفشل، وش هالنظره الثاقبه ياكابيليو.

مين كابيليو هذا ؟! معلم شاورما بعد ؟! .... على العموم لو تقرا الجرايد ومواضيع بعض
الشباب باالمنتدى تعرف انه ماهو انا كابيليو الوحيد !!! واجد الكابيليوهات

أما رايك بااللاعبين ... كنت اتمنى لو كان صحيح !!! ....... تحياتي لك .


ازرق الارض :

الدعوه ماهي استعجال ... ليه من اول يجيبونهم ويتخسرون كل هاالقروش ؟!!!!!! واللاعبين
يجلسون شهور مايستلمون رواتب !!!!!!!!

إقتباس معليش اخوي تخيل لو ان سوماليا بجنبه الجمعان او سامي وخلفه التمياط والشلهوب وسعد الدوسري ( انشاء الله ) وخلفهم الدوخي وبقية النجوم هنا انا معك بحكم صح 00

وليه ماتقول : تخيل لو ان بدر الخراشي او قنات القنات... بجنبهم الجمعان او سامي وخلفه التمياط والشلهوب وسعد الدوسري ( انشاء الله ) وخلفهم الدوخي وبقية النجوم ؟!!!

وحياك الله ........


فييري 2005 :

الله يعافيك ... وشفيك قلبت الدعوه .. ترى صوماليا فيه شوية امل ... اما معلم الشاورما ليناردو
لو يجي يلعب عندنا باالحاره اكرشه (اطرده)

اعجبتك صورة الذيب

ronin :

رضينا ولا انرضينا بنصبر !!!! ليه حنا بيدنا شي غير الكلام !!!!!

على فكره ! حلوه صورة المكيف الصحراوي فريد الاطرش
بس تصدق !! عليه عزف ماهو صاحي ... ياليت تحط بتوقيعك كم معزوفه لفريد ...



فنوني :

المكتوب يبين من عنوانه ...... تحياتي لك ..


غير مسجل :

ليه تكتب باالعنكريشي ؟

اصبر شوي ابجيب مترجم وعقبه ابرد;)

ارررررررررررررراخوبوي وصلوا المترجمين بهاالسرعه ماشالله عليك .. ياملعبهم ..

يعطيك العافية .. ;)