ياهلا فيك اخوي وحياك الله في الرياض
بالنسبه للفندق الي حجزت فيه هو بطريق العليا العام بعد عماره العيا للكمبيوترات ( وعلى فكره لاتشتري منهم ترراهم غالين )
وهو يبعد حوالي 10 كيلو الى 15 كيلو الي الملعب الملك فهد وفندق بيت العليا جنب اشاره خريص يعني تمسك خريص سيدا رايح شرق الرياض الين يجيك الملعب على يسار
ويبغالك تقريباً 20 او 30 دقيقه الين توصل الملعب طبعا على حسب الزحمه اذا هي زحمه مره 40 دقبقه وانت واصل ان شاء الله
وبنسبه للموزين مافيه اي مشاكل لاتكسير سيارات ولاشي لان الطريق بيكون كله امن صحيح ايام زمان كان فيه مشاكل بس السنين ذي الحمد لله امن وامااان الله يديم الامن علينا
وراح يكلفك الموزين 30 ريال اتوقع
يعـني 60 رريال رايح جاي
لكن المشكله يمكن بعد المباراه اخاف ماتلقى لموزين لانه راح يكون زحمه
يعني يبغالك تتنتظر شوي ثم تلقى لموزين
واي استفسار انا جاهز وتراني رايح الملعب ان شاء الله
باذن الله ولاتعب نفسك ولاشي انا راح استضيفك بالرياض
اذا ماعندك شي وفاضي ترانا كلنا اخوان
اهم شي راحت مشجعين الزعيم
الوضع العادي
