خدمة جديده ومريحه روووووووعة Boarding pass - نادي الهلال السعودي - شبكة الزعيم

العاشق الازرق1980 · #1 30/04/2010, 04:19 PM

السلام عليكم عشاق الزعيم وعشاق التميز وعشاق كل جديد
يارب الكل يكون بخير
طبعا ندخل بالموضوع مباشرة
تعرفون ان الخطوط الجوية السعودية خلال الايام الماضية قامت بتغير نظامها بالكامل
واضافة مميزات جديده

ومن اهم هذا المميزات هي انه بامكانك ان تحصل على كرت صعود الطائرة
Boarding pass عن طريق النت وماعليك االا ان يتوفر رقم الحجز او رقم التذكرة وطعبا لازم يكون في منزلك طابعة

وتقدر تختار المقعد وتغير بعد بس قبل لا تطبع اذا طبعت ما يمديك تسوي شي
صراحة انا جربتها في اخر سفره لي اليوم
طبعا هناك في اعلى الصفحة كود يتم تمريره على اجهزة موجوده عند توجهك الى الطائرة.
قلت ننزل ذا الموضوع للشباب لعلهم يستفيدون من الخدمة وتراها حديثه حتى ان بعض موظفي الخطوط اول مرة يشفونها
وهنا موقع الخطوط الجوية السعوديه وفيها خيار طباعة كرت صعود الطائرة
اتمنى اني قدمت لكم معلومة جديدة

لإصدار بطاقة صعود الطائرة، اضغط هنا

محمد 22 · #2 30/04/2010, 06:16 PM

الف شكر يالغالي وان شاء الله بداية التطور الي دايم نسمع فيه

فـارس سـدير · #3 30/04/2010, 07:01 PM

اصبر كم يوم .. ويقولون النظام واقف << مسببه لي ازمه

وتجلس نصف قرن بعدين يصلح .. وو لو بغيت احلف حلفت << وواثق

العاشق الازرق1980 · #4 30/04/2010, 08:00 PM

إقتباس

الرسالة الأصلية كتبت بواسطة محمد 22


	الف شكر يالغالي وان شاء الله بداية التطور الي دايم نسمع فيه

حياك يالغلا منور ولك مني اغلى واروع واجمل تحية
سلام

**الـــــــــواوا** · #5 30/04/2010, 08:43 PM

خدمة حلوة من الخطوط السعودية... عساهم يزيدون عدد الرحلات الداخلية بس

وإلا هيئة الطيران المدني تفتح لشركات قوية المنافسة مو بس ناس وسما اللي كلها

إلغاء وتأجيل... نبغى تعدد في شركات الطيران لتيسير رحلات المواطنين المحتاجين للعلاج خاصةً.

Ricky 8 · #6 30/04/2010, 09:01 PM

المشكلة لا جت الاجازة اتوقع يبي يكون النظام معطل .. لان الكل يبي يدخل في الموقع ومن بيته احسن من يروح قبل الرحله بساعتين

عوافي يالغلا ولاهنت

العاشق الازرق1980 · #7 30/04/2010, 10:18 PM

إقتباس

الرسالة الأصلية كتبت بواسطة فـارس سـدير


	اصبر كم يوم .. ويقولون النظام واقف << مسببه لي ازمه وتجلس نصف قرن بعدين يصلح .. وو لو بغيت احلف حلفت << وواثق

وش دعوى يالغلا ليه كل هذا التشاؤم
الموقع صراحه التصفح فيه سريع ماشاء الله
تسلم على التواجد

محمد2242 · #8 30/04/2010, 10:27 PM

خطوة جيده ولو انها من زمان فالخطوط الاخرى

عن نفسي تبت ماعاد استخدم خطوطنا ابد..للاسف من اسوا الخطوط<<<مهبلين فيه

ماقصرت يالذيب ع الموضوع

العاشق الازرق1980 · #9 01/05/2010, 12:23 AM

إقتباس

الرسالة الأصلية كتبت بواسطة **الـــــــــواوا**


	خدمة حلوة من الخطوط السعودية... عساهم يزيدون عدد الرحلات الداخلية بس وإلا هيئة الطيران المدني تفتح لشركات قوية المنافسة مو بس ناس وسما اللي كلها إلغاء وتأجيل... نبغى تعدد في شركات الطيران لتيسير رحلات المواطنين المحتاجين للعلاج خاصةً.

اشاطرك الراي اخوي
تسلم على التواجد المميز والمثري
سلام يالغلا

كونتراتاك · #10 01/05/2010, 12:53 AM

مهما تطورنا ماراح نتطور

عموماً شي جميل أفضل من إنك تروح تاخذها من مدري وين

شوكراً

Hilaly Madridi · #11 01/05/2010, 01:50 AM

.. .. ..
.. ..
..

الخطوة حلووه جداً ..لكن هل تستمر بالعمل...؟

الله يعطيك العافية ..

.. .. ..
.. ..
..

جد العيال · #12 01/05/2010, 08:51 PM

الله لايحدنا على الخطوط ..
انا معجبيني طيران ناس جداً ..
تحسهم احترافيين شوي

لكن عندي سؤال ..
اصدار البوردنق بالنت لازم قبل 24 ساعة فقط ولا تقدر تطلعها بدري ؟
لأن العادية لازم قبل الرحلة ب24 ساعة فقط ..

مستشارالهلال · #13 02/05/2010, 08:31 PM

الله يعطيك العافية

ابو طـــــلال · #14 03/05/2010, 07:58 PM

شكرا لك يالغالي ...

البوردنق كان مسبب أزمة بصراحة

اكرر شكري موضوعك جدا مفيد

العاشق الازرق1980 · #15 04/05/2010, 02:43 AM

إقتباس

الرسالة الأصلية كتبت بواسطة Ricky 8


	المشكلة لا جت الاجازة اتوقع يبي يكون النظام معطل .. لان الكل يبي يدخل في الموقع ومن بيته احسن من يروح قبل الرحله بساعتين عوافي يالغلا ولاهنت

الله يعافيك اخوي
لكن تصدق عاد خلال الفترة سافرت مرتين واخذت البوردينق ماكان عليه اي ضغط
وان شاء الله ايام الاجازات ما تكون هذه المشكلة