.. البرسا بتركيز اكبر على الدوري في رحلة المهالك الى المدريغال ، والريال يترقب الوضع في البرنابيو امام اوساسونا .. الجولة 35 .. تقديم + متابعة
إعدآد وتصميم : هلآلي وسيد زمآني
لا ليغا تعود من جديد ، هالمرة بقوة اكبر واكبر ، البرسا خارج الأبطال وبالتالي التركيز
في الدوري بيكون كبير جدا ، والاتلتي في نهائي اليوروبا ليغا ، وبيدخل بروح جديدة ،
والريال يحاول يستغل نفسية البرسا .
أحدآث الجوله السآبقه
برشلونه بدون ميسي من البداية من اجل مباراة الانتر ، لعب بهنري و جفرين من
البداية ، البدلاء ادوا المطلوب ، سجل جيفرين و هنري هدفين قبل يرد خيريز بهدف ،
وانهى ابرا المباراة بهدف في الشوط الثاني .
ريال مدريد لعب مع سرقسطة في ملعبهم مباراة قوية جدا ، الريال تقدم بهدف راؤول
قبل انه يطلع ويدخل البنز ، لكن سرقسطة عادل بكولونجا ، حتى نزل العائد من الاصابة
كاكا وسجل هدف الفوز للفريق .
فالنسيا فاز على الديبور بهدف لدافيد فيا من ركلة جزاء .
انا اكثر المطالبين ببقاء بلجريني الرجال صحيح له اخطاء بس عنده ذكاء وقوه شخصيه
وهذا الي شفناه من خلال سيطرته على مجموعه من افضل لاعبي كره القدم رونالدو
وكاكا والونسو وراموس وغيرهم , ارقام بلجريني هالموسم حلوه , صحيح طلعنا من
الابطال لكن موب هو السبب الرئيس وهو كان احد الاسباب , اما الكلام عن انه ما
يظهر قدام الفرق الكبيره بالعكس لو تلاحظ بكل المباريات الكبيره كنا نلعب صح ونهاجم
ونضغط ونسيطر على الكوره لكن تضييع الفرص اتوقع انه هو اهم سبب في خسارتنا
بالمباريات الكبيره , متش ليون الاياب والكلاسيكو ذهاب واياب كلها نقدم مستوى بس
نضيع فرص كثير , لكن من بعدها صرت اشوف ان الفريق صار يستغل انصاف الفرص
وهذا شيء اكيد لبلجريني تدخل فيه ، الكلام عن هيجواين الاعب صغير بالعمر ويقدم
مستوى خرافي , ارقامه الكبيره هالموسم تثبت ان همن افضل المهاجمين بالعالم حالياً ,
ومسأله عدم تألقه قدام الكبار حتى انا محتار مدري وش الي يجيه , على العموم الاعب
له مستقبل كبير وشفنا كذا نادي من كبار اوروبا مهتمين فيه وما اعتقد هالاهتمام جاء
عبث.
هل تعتقد أن هذآ الموسم إيجآبي لـ الريآل ؟
مبدئياً الفريق ماشي صح , مشروع بيريز ما راح ينجح بين يوم وليله , اعتقد اذا استمر
بلجريني مع الفريق بيكون موسمنا القادم بحول الله غير عن بقيه المواسم , تأقلم الاعبين
وحريه بلجريني بتعاقدات الموسم الجاي راح تغير الكثير .
مآ سبب إنخفآض مستوى الليقآ هذآ الموسم ؟
بالعكس اشوف ان الليغا هالموسم فيه منافسه كبيره , فيه منافسه على المركز الاول
والثاني بين الريال والبرشا , وفيه منافسات على المراكز المؤهله لدوري الابطال حتى
الان 4 فرق او 5 تتنافس على الرابع , ايضاً الدوري الاوروبي والمراكز المتأهله فيه
بيلباو والديبور وخيتافي كلهم يتنافسون على المراكز المؤهله , الي يخلي المتابعين
يقولون ان الليغا منخفض مستواه هو لانه مافيه الا فريقين يتنافسون على الاول والفرق
النقاطي الكبير عن فالنسيا الثالث , ايضاً لان الدوري الايطالي رجع لقوته وتنافس 3
انديه على الصداره مع البريمير يعني صارت المتابعه للاغلبيه للكالتشيو والبريمير لان
المنافسه فيه حالياً اقوى من اي موسم ثاني .
لو كآن لديك 3 وردآت لمن تهديهآ ؟
ورده لهيجواين وعلى موسمه الرائع , وورده لسليم العضو الانشط بالشبكه ما شاء
الله عليه , وورده لك عزوز على هالاستضافه
علق على كل كلمه الحب : احلى شيء بالحياه وصعب تلقى احد يحب من قلب بالوقت هذا .
شعب الهلآل العظيم : افضل جمهور في آسيا , ينقصهم الحماس والفعاليه طوال المباراه << يشبهون جمهور البرنابيو ببعض المباريات .
ريآل مدريد : نادي القرن في اوروبا .
وآسفيين عـ الإطآله
المبآريآت
السبت
الوقت : الـ 7 م بتوقيت مكة
القناة الناقلة : لا توجد .
نتيجة الذهاب : 2/2
الملعب : لا روساليدا
الوقت : الـ 7 م بتوقيت مكة
القناة الناقلة : لا توجد .
نتيجة الذهاب : 0/0
الملعب : الريازور
الوقت : الـ 7 م بتوقيت مكة
القناة الناقلة : الجزيرة الرياضية +6 .
المعلق : جواد بدة
نتيجة الذهاب : 0/1
الملعب : خوزيه زوريلا
الوقت : الـ 7 م بتوقيت مكة
القناة الناقلة : الجزيرة الرياضية +4 .
المعلق : مضر اليوسف .
نتيجة الذهاب : 0/2
الملعب : انتونيو بيريز
الوقت : الـ 9 م بتوقيت مكة
القناة الناقلة : الجزيرة الرياضية +2 المعلق : نبيل نقشبندي
نتيجة الذهاب 1 / 0
الملعب : كورنيلا دل بارت
وقد إستضفنآ العضو المتميز , ورئيس رآبطة فآلنسيآ لتحليل هذه المبآرآة
لك المآيك
هلا صديقي عبدالعزيز
السموحة على التاخير يا حبيّبي
مدري ماعندي كلام كثير عن مباراتنا مع اسبانيول
بس أتوقع أنها تكون مملة جدا ً خصوصا ً من طرف فالنسيا
فالنسيا في الفترة الاخيرة صار يعاني من مشاكل كثيرة من كثرة الطرد الى الاصابات
الى تفلت بعض اللاعبين على المدرب الى مستوى هزيل
اللاعبين طلعوا رحلة ولعبوا واستانسوا واضح أن ايمري يبي يطلعهم من الجو الكئيب
في الفترة الاخيرة وان شاء الله هذي البادرة يكون لها مفعول السحر
فالنسيا متى ماسجل بدري المباراة له ان شاء الله , لان اذا اسبانيول كان السبّاق وسجل
في البداية بنعاني كثير وممكن نخسر نقاط اضافية وهذا يعني اقتراب المنافسين على مقعد
الابطال
لازم الآن ماننظر لـ الآخرين ونعمل على أنفسنا وزي ماقال الكوتش قدامنا أربع نهائيات
لازم نلعب كل لقاء على حده ونبداه بـ نية الفوز لاننا بـ نصل الى فترة يكون التعويض
فيها انتهى وممكن نجد أنفسنا خارج دوري الابطال لـ المرة الثالثة
مبدأيا ً اللي انضموا الى قائمة الغائبين اليكسيس و براخا و التشوري لذلك ممكن نشوف
شكل الفريق كذا
مع امكانية البدء بـ فيسنتي في الجناح الايسر و بابلو في الظهير الايمن
بـ التوفيق لنا , اسبانيول اذا خمت معهم لعبو والمباراة على أرضهم .. غير متفائل
بالنتيجة وأتوقع أنه بغض النظر عن تحقيق هدف التأهل الى الابطال ايمري هذا آخر
مواسمه بحكم أن المشاكل بدت تطفو مؤخرا ً ..
والله يعافيكم
الوقت : الـ 11 م بتوقيت مكة
القناة الناقلة : الجزيرة الرياضية +2 المعلق : حفيظ دراجي
نتيجة الذهاب 1 / 1
الملعب : المدريغال
وإستضفنآ عضو اللجنه الإعلآميه ونآئب رئيس رآبطة برشلونه للتحليل على المبآرآة لك المآيك فيـاريـال للـمنـافسة علـى مركز مؤهـل للابطـال .. لا سيمـا ان المبـاراة
علـى ارضـة وبيـن جمـاهيرة وهـو الفـريق الـذى لـم يخسـر علـى ارضـة
هـذا الموسـم الا مبـاراتيـن فقـط وهـو ايضـاً ما يقف عثـرة فـي طـريق
البـرسـا دائمـاً وايضـاً الانتصـار علـى المتصـدر يعطـي الحـافز الكبيـر
لمواصلـة الانتصـارات والـوصـول للمـركز الـرابع .. بـرشلونة سيـدخل هـذا
اللقـاء وعينـة مـازالـت على اللقـب للمـرة الثـانية علـى التـوالي المبـاراة
صعبـة وفـي ملـعب دائمـاً ما يـجد فيـة بـرشلونة الصعـوبة لكـن الفـريق
سيضـع الثـلاث النقـاط الهـدف الرئيسي لان الريـال قريـب جـداً وبفـارق
نقطـة وحيـدة عن برشلونـة ، وهـذا ما سيجعـل الحـافز اكبـر لابنـاء الكتـلان .
مبـاراة قـوية وقـد تعتبـر قمـة الجـولة منصفتـاً مع مبـاراة اتليتكو مـدريد و ا شبيليـة .
الأحد
الوقت : الـ 6 م بتوقيت مكة
القناة الناقلة : الجزيرة الرياضية +4 المعلق : علي محمد علي
نتيجة الذهاب : 2 / 1
الملعب : سانشيز بيزخوان
الوقت : الـ 8 م بتوقيت مكة
القناة الناقلة : الجزيرة الرياضية +4 المعلق : يوسف سيف
نتيجة الذهاب : 0/0
الملعب : سنتياغو برنابيو
يلتقي ريآل مدريد مع أوسآسونآ في مبآرآة سهله نوعاً مآ على الورق ولكن بعد مبآرآة
مدريد الأخيره مع سرقسطه عرفت جمآهير الميرنجي أن كل المبآريآت المقبله لـ مدريد
صعبه جداً , ويجب الفوز فيهآ كلهآ مدريد ينتظر خدمه من فيآريآل الذي يوآجه برشلونه
في المآدريجآل يذكر أن المبآرآة الأولى بين الفريقين إنتهت بالتعآدل السلبي .
الوقت : الـ 10 م بتوقيت مكة
القناة الناقلة : الجزيرة الرياضية +2 المعلق : جواد بدة
نتيجة الذهاب : 2 / 0
الملعب : سان ماميس
في الختآم أتمنى تقديمي المتوآضع نآل رضآكم وأشكر الإخوآن على قبولهم الإستضآفه وأشكر اخوي العزيز سليم على دعمه .. مع ان الشكر قليل بحقه
يعطيكم العافيه ع التقديم الرائع والجميل.. مباراه سهله على الورق بحكم ريال مدريد يلعب ع ارضه ومعنويات مرتفعه بعد عوده كاكا من الاصابه فاعتقد ان الريال راح يفوز بنتجيه 3/0.. مباراه سهله نوعا ما بحكم البرسا يوجد لاعبين لديهم خبره ومدرب كبير وبحكم ضعف مستويات فياريال بعض المباريات يتفوق لكن اتمنى الخساره للبرسا بس اتوقع راح يفوز البرسا2/0
اشتقنا للمتعه الريال ان شاء الله بيدخل المباراة بنفسية مرتاحه و السبب هو ان الغواصات غرقوا برشلونة اكثر و اكثر < يارب يسوونها و الريال ينتزع الصدارهـ و نفرح بالليغا ان شاء الله و مع عودة كاكا , تحلى المتعه و تحلى الطقطقه مع رونالدو
مباراه ليست بذات الصعبه للملكي , الريال ينتضر تعرقل برشلونه لخطف الصداره وهذا ما نتمناه كا محبين للملكي يوم السبت اما فياريال , من المتوقع ان يدفع بلجريني بكاكا كأساسي في هذه المباراه بسبب المستوى الافت في مباراه سرقسطه في الجوله السابقه , بالتوفيق للريال و ان شاء الله تحقيق المهم في الجولات المهمه وهو الثلاث نقاط
يعطيك العافية عبدالعزيز
على التقديم الرائع بكل مافيه ،
الريال أمام أوساسونا مباراة مهمة لـ الريال من أجل
مطاردة المتصدر والمتعثر على المستوى الأوربـي
أوساسونا الفريق اللي فقدنـا منه نقطتين ثمينتين على
أرضه وأستطاع أن يطلع من هذيك المباراة بـ التعادل
الريال يسعى إلى الفوز بـ هالمباراة لـ تضييق الخنـاق
على برشلونة اللي قدامه مباريات قوية جداً خـارج أرضه
ونسبة تعثره قد تكون واردة بشكل كبير خصوصاً إذا
ما عرفنـا إن برشلونة توه طالع من دوري الأبطـال وقد
تكون الضغوطات كبيرة على الفريق الكاتلوني .
كل التوفيق لريال مدريد في المبارايات الأربع القادمه (المصيــريه) الحاسمه للقب الدوري
أتمنى مزيد من التألق لهيغوايين ويحرز لقب هداف الدوري ما هي صعبه عليه بينه وبين ميسي هدفيين
أعتــقد أن رجوع كـــاكــا راح يضيـــــف الكثيـــــــــــر للميرنغي , وكذلك بن زيما .
كل التوفيق للريال مرةً أخرى
؛؛
تحيــــــــــــــآتي
مباراهـ قويه , برشلونه خرج من الابطال قبل يومين وبكرا بيلعب المباارهـ اتمنى ان لا يتآثرون الاعبين بالخروج من الابطال , مباراهـ نقول ان شاء الله الثلاث نقاط محسومه بآذن الله , برشلونه قادر على الفوز بنتيجه حلوهـ , فياريال بداية الموسم اسوء من السيئ , من الدور الثاني مستوى جيد رغم الخساير الذي تلقاها من اشبيليا و الريال وعلى ما اظن فالنسيا وان شاء الله بكرا البرشا يكمل الخساير عليهم , اتمنى من بيب جوارديولا ينهي المباراهـ من الشوط الاول وكل التوفيق لـ ملك المتعه برشلونه
,,
يعطيك الف عافيه اخوي على التقديم وعلى التصاميم الخورافيه , وينك من زمان كان من اول تنزل تقاديم وهالحركات
مباراة صعبه على برشلونه لأنه توه خارج من دوري الابطال !
وفياريال فريق صعب ويكفيك انه تعادل معنا الموسم الماضي بالكامب نو 3-3
يجب على غوارديولا تهيئة الاعبين قبل المباراة وان شاء الله مايتشتت ذهنهم
والله يعطيكم العافيه على التقديم ..
, وورده لسليم العضو الانشط بالشبكه ما شاء
لبــا قلوبكم
كل الشكــر )
?? Are you crazy 
<< متى يفتحون ملعب المستآيآ النيو 
الوضع العادي
