محـريٍ بالخيــــر يامـزنٍ نـشـا .. ياحلو عقب الوســم رجع السَّحـــــاب ~ (( أمطار الرس وقراها )) - نادي الهلال السعودي - شبكة الزعيم

اليزابيث هيرلي · #1 27/04/2010, 03:54 PM

يا طفلة تــــــــحت المطر تركـــــض و أتبعها بنظر <<< يمديكم ع المقدمة

مساء الخير .. مساءكم عذب // كعذوبة المطر بل أطهر

كعادتي حفظني الله ورعاني ما أجيكم إلا بالخير

وبختصر المقدمة حيث أن وراي كشته وتمشية وقبلها بنضبط القهوة والشاي ونكيف << ياسفابتس يالمباراة

المهم .. هطلت امطار على الرس وقراها منذ عصر الأمس ومازالت ..

نسأل الله أن يجعلها امطار خير وبركة وينفع بها ..

اترككم مع الصور ..

خخخخخخخخخخ مزدي اللي طابن يسبح

يالبيه يالمطر

مطرنا بفضل من الله ورحمته ...

هاذي أمطار الأمس واليوم الظهر بالضبط الساعة 2 كان الجو خياااال وبس حطيت راسي بنام إلا وتمطر ..غرقنا من جد ..

بحياتي كله ماقد شفت أقوى من هالمطر واستمر ساعتين تقريباً .. ع قولة أختي كأنه أفلام كرتون .. <<< ننتظر التغطية من الرساويين الصور يمكن تعبر أكثر

والأخبار اللي تردنا الآن<<< قلبت فصحى

.. تفيد أن فيه خيال جاي ...

اللهم لك الحمد والشكر بصراحة الأجواء رووووعه وش هي لندن وتركيا عندنا ..

مشاهدة ممتعة أتمناها .. وعقبال ما أنزل لكم صور أمطار اليوم

قولوا .. اللهم زد وبارك ...

(( الموضوع كتب على عجالة .. بنروج نحجز لنا مكان ونتكي قبل الزحمه ))

سيف زهران · #2 27/04/2010, 03:59 PM

ماشاء الله تبارك الله

اللهم اجعلها امطار خير وبركة

وعم بنفعها العباد والبلاد

الف شكر لك وهنيا لك

اليزابيث هيرلي · #3 30/04/2010, 12:03 AM

إقتباس

الرسالة الأصلية كتبت بواسطة سيف زهران


	ماشاء الله تبارك الله اللهم اجعلها امطار خير وبركة وعم بنفعها العباد والبلاد الف شكر لك وهنيا لك

الله يسمع منك يااارب ...

والله يهنيك ..

~SaKaB · #4 27/04/2010, 04:10 PM

خير وبركة يا ربّ ..

والله يزيدكم ويعطينا من فضله

من زمااان عن البَرَد

وين طاسّه فيه يا آبلة ؟!

منوّرة المجلس ..

اليزابيث هيرلي · #5 30/04/2010, 12:07 AM

إقتباس

الرسالة الأصلية كتبت بواسطة ~SaKaB


	خير وبركة يا ربّ .. والله يزيدكم ويعطينا من فضله من زمااان عن البَرَد وين طاسّه فيه يا آبلة ؟! منوّرة المجلس ..

آمين يارب ...

والمجلس منور بأهله ..

والله موجوده بها الدنيا .. وطاسه بشوف تشتاقون لي أو لا

تسلم سكب ع الطله

وليد القحطاني · #6 27/04/2010, 04:23 PM

ترى دخلت عشان العنوان ويوم شفت المقدمة قلت لازم ارد
اجتمعوا محمد عبده وطلال مداح

< سحب على الموضوع

ماشاء الله اللهم زد وبارك
هذي الصور اللي تفتح النفس
مو مثل بعض الناس مصور 20 صورة كلها نفس البرج < مايقصد تعب الهلال قلبي

مشكورة وماقصرتي اليزابيث

اليزابيث هيرلي · #7 30/04/2010, 12:11 AM

إقتباس

الرسالة الأصلية كتبت بواسطة وليد القحطاني


	ترى دخلت عشان العنوان ويوم شفت المقدمة قلت لازم ارد اجتمعوا محمد عبده وطلال مداح < سحب على الموضوع ماشاء الله اللهم زد وبارك هذي الصور اللي تفتح النفس مو مثل بعض الناس مصور 20 صورة كلها نفس البرج < مايقصد تعب الهلال قلبي مشكورة وماقصرتي اليزابيث

اللهم آمين ..

خخخخخخخخخخخ ماتنلام

وليد رجل الإيقافات بلا منازع هل مازلت على خبري ؟

<< سقا الله ذيك الأيام اشتقت

والشكر موصول لك ..

Hictar · #8 27/04/2010, 04:31 PM

الله حيّها
تصدقين شفت إسم الموضوع - قلت من اللي رافع موضوعها اللي قبل سنتين على ما أظن.
ما شاء الله تبارك الله - بس البّرد يروع
الله يجيب الخير إن شاء الله

ما تئطعيش يا خيّه
وجيبي معتس باقي الرساويات خليهن يرجعن للمجلس

اليزابيث هيرلي · #9 30/04/2010, 12:19 AM

إقتباس

الرسالة الأصلية كتبت بواسطة مواصل من عام 1413هـ


	الله حيّها تصدقين شفت إسم الموضوع - قلت من اللي رافع موضوعها اللي قبل سنتين على ما أظن. ما شاء الله تبارك الله - بس البّرد يروع الله يجيب الخير إن شاء الله ما تئطعيش يا خيّه وجيبي معتس باقي الرساويات خليهن يرجعن للمجلس

الله يحيك ويخليك ويسلم قلب غاليك ومغليك ..

اي ياحلالي .. يا ذاك الموضوع .. أعتقد السنة اللي راحت زي هالوقت

ياخيّ وش أسوي ؟ مشاغل هالدنيا .. الله لا يشغلنا إلا بطاعته ..

وأبشر بسحب الهوانم معي .. جهدي بهن مير مابوه وأنا اختك وقت ..

كودهن يطلن قريباً

نورت مواصل ..

Miss.nora · #10 27/04/2010, 04:36 PM

ما شا الله تبارك الله
يازين البرد شكله يجنن

صور تشرح الخاطر الله يجعلها امطار خيـر و بركــة

و الله يرزقنا بمثل ماجاكم

الله يعطيك العافية ليز و عودا حميدا

الضحى · #11 27/04/2010, 05:03 PM

ماشاء الله تبارك الله صور رائعة

اللهم أجعلها أمطار خير وبركة واللهم أرحم العباد وأغث قلوبهم

بطاعتك ورحمتك وأدم علينا وعليكم الصحة والعافية .

الله يهنيكم بالجو ويحفظكم من المخاطر ..

اليزابيث هيرلي · #12 30/04/2010, 12:23 AM

إقتباس

الرسالة الأصلية كتبت بواسطة الضحى


	ماشاء الله تبارك الله صور رائعة اللهم أجعلها أمطار خير وبركة واللهم أرحم العباد وأغث قلوبهم بطاعتك ورحمتك وأدم علينا وعليكم الصحة والعافية . الله يهنيكم بالجو ويحفظكم من المخاطر ..

الله يسمع منك ..

وجزاك الله ألف خير ..

اليزابيث هيرلي · #13 30/04/2010, 12:21 AM

إقتباس

الرسالة الأصلية كتبت بواسطة Miss.nora


	ما شا الله تبارك الله يازين البرد شكله يجنن صور تشرح الخاطر الله يجعلها امطار خيـر و بركــة و الله يرزقنا بمثل ماجاكم الله يعطيك العافية ليز و عودا حميدا

آمين يارب العالمين ..

عقبالكم

والله يعافيتس ويخليتس يارب

ام متعب التميمي · #14 27/04/2010, 05:04 PM

مشاءالله الله يرزقنا ماارزقكم

وجعلها امطار خير وبركه ويعم بها الخير على جميع الرساويين^^

والله يسعدكم بكشتتكم..........صوريلنا وش سويتوا بالكشته^^

تحياتي

اليزابيث هيرلي · #15 30/04/2010, 12:28 AM

إقتباس

الرسالة الأصلية كتبت بواسطة ام متعب التميمي


	مشاءالله الله يرزقنا ماارزقكم وجعلها امطار خير وبركه ويعم بها الخير على جميع الرساويين^^ والله يسعدكم بكشتتكم..........صوريلنا وش سويتوا بالكشته^^ تحياتي

آمين يارب والله يسعدتس

خخخخخخخخخخ أجل أصور لتس وش سوينا ؟

كشته يعني وش بتصير <<< أم الجحاده خخخخخخخخخخ

والله وأنا أختس التصوير مهب خذني جيتك , لا وين مايروح الاخضر أنا وياه

الواحد لو يطلع بشارعهم صور