كيف تصبح مصور " أد الدنيا " في 59 دقيقة >> الموضوع الأكثر وضوحاً في العالم :D - نادي الهلال السعودي - شبكة الزعيم

الهلالي دائماً · #1 27/04/2010, 01:15 PM

بسم الله الرحمن الرحيم

السلام عليكم ورحمة الله وبركاته ,,,

قال الحكماء قديماً الفرصة لا تأتي إلا مرة واحدة

والشاطر هو من يقتنصها

وأنا أقول هذا الموضوع لن تراه إلا مرة واحدة

فحاول اقتناص حكمه الزاخره وفوائده المتناثرة

وجعله نصب عينيك وعلقه في أذنيك

حتى تبرع في فن التصوير وتصبح فيه من الهوامير

.. فمشوار الالف ميل يبدأ بخطوة ..وقصة العشاق تكتب بصبوة

.. فشمر يا رعاك الله عن ساعدك .. واقبل إلي بقلبك وقالبك

ولا تعتذر بكيت وكيت .. ثم في قادم الايام تقول ليت

لقد حدثتني نفسي بزيارة معرض جتيكس .. فطاوعتها ووضعت على كل المشاوير إكس

وشددت الرحال اليه .. واقبلت بالشوق عليه .. فاذا بالمكان قد امتلئ بالناس مابين زوار وموظفين وحراس .. فلما هممت بالدخول اوقفني السكيورتي المسؤول .. وقال كيف تدخل بلا بطاقة !! اما تدري أننا في عصر الذرة والطاقة

فقلت صبرك يا غلام .. ماهذا الكلام !! أما تعرفني !! انا مشرف المجلس العام

فقال حيا الله الكلاسيكي .. اطلق المشرفين من غير تشكيكي

فصرخت

من اين تستخرج البطائق .. دلني فالصدر منك ضائق

ثم سجلت عندهم اسمي وعنواني .. وأتتني البطاقة بعد ثواني

اقول لا يكثر خلاص تعبت

الموضوع تغطية لمعرض جتيكس 2010 بالرياض وفي نفس الوقت هو درس في فن التصوير

وبرضوا فيه سيارات وفيه مسابقة بعد

يعني كوكتيل من انسان طبيعي

مدخل المعرض

أحلى شي في المعرض

واعتقد والعلم عند الله ان ها الصورة احرف صورة اخذت للكاس

من حيث كل شي

لقطة جماعية للكؤوس الهلالية وهنا تبرز موهبة المصور في وضع المشاهد في الصورة

المصور الذكي يبحث عن الاساطير لانه صورهم تحدث الفرق

إجعل صورك تعبر عن نفسها

راعي مشاعر الاخرين

غطي الموضوع من كافة جوانبه

الصور توضح كيف يتم التصوير مع لاعبين الهلال في ركن الهلال بموبايلي ..
وكيف يتم تركيب الصورة ومن ثما تستلم الصورة

ادعم الموضوع بصور معبره

عروض الليزر في جناج موبايلي

لا تصور صور ما تدري وش سالفتها

جهاز استبدال النقاط بحلويات

>>ما في سنكرس

>> ينقل لمنتدى الالعاب الالكترونية

ركن iphone وصورتين لجهاز آي باد ipad

لا تتحمس صديق

سيارة موبايلي نفس السيارة التي يتدرب عليها متسابقين الفورملا

طبعا تسجل اسمك وتنتظر الى ما يجيك الدور

الفقرة الماضية اهداء لاصدقائنا المهتمين بالسيارات

اجبر بخوطر الناس وصورهم

أي شي بلاش ركز عليه

صور متعدده لجناح الاتصالات ومسابقة ابوالهش

طبعا الطريقة انك تتصل على رقم يعلنون عنه واول واحد يتصل يطلع يشارك في المسابقة

وطبعا زي ما نتوا شايفين وليد عبد الله جاء وشارك

>> بس مسقف الولد

لعبة سجل اهداف او حاجة زي كذا

هذا محل شيمونو

عندهم حجات كويسه للتهميز

شريت منهم اثنين واول مارجعت همزت ظهر الوالده

إيس فيه

شركة الاتصالات يوزعون ورد

اخذ ورده وطلع

وهذي ورده صورتها لكم

وهذي الصورة للذكرى

وهذي المسابقة

اتحدى احد يعرف وش خلف كاس الماء

طبعا في جائزة قيمه لصاحب الجواب الصحيح

دمتم بحفظ الله ,,,

Hilaly Madridi · #2 27/04/2010, 01:29 PM

.. .. ..
.. ..
..

الله يعطيك العافية ماجد مقبل

تغطية جميلة جداً ..خليتنا تقل رحنا لمه

مشاء الله كل شيء صورته
صراحة ماتوقعت كل هالحضور متوقع أقل بكثير..

ماش مالها طعم إلا إذا مطخت الي تصور معه

إذا مافيه سنكرس ليش حاطينها

الي وراء الكأس ..؟
إلا على فكرة وراه لونه ازرق

حاطن به حبر
الكأس ماوراه شيء

شكرا لك ..تحياتي

.. .. ..
.. ..
..

المتميز دائمآ · #3 27/04/2010, 01:39 PM

بالفعل الموضوع الأكثر وضوحاً في العالم

ودي أسألك عن المعرض لا هنت يالغالي :

1- جهاز الآي بود يباع وإلا للعرض فقط ؟ وكم سعره؟
2- متى ينتهي المعرض ؟؟

-----------------------

وبصراحه حلووووو موضوعك وأحلى ما فيه المقوله : صور أي واحد علشان يفرح هههههههههه

هذي إن شاء الله أبطبقه بالمستقبل ..... ومو ضارك شيء وبالأخير مسح

عوااافي على الموضوع الأروع في العالم يابطل العالم <<<< خخخخخ جازت له

f*y*d · #4 27/04/2010, 01:49 PM

دائما اقول الله يا دنيا
بس اليوم بقولها من اعماق قلبي الله يا دنيا !

ابو مقبل صار يتفلسف بالتصوير وفنونه !
نسينا يا ماجد لقطات الزوايا ونسينا أيام نوكيا ان95

أقوول ولا ما اقوول

المشكلة صرت مراقب اد الدنيا ما ينلعب معاك ;p

والله تغطية زي ما عودتنا بأي شي فيه اسمك يا بو مقبل لبى قلبك بس
وفرت علينا مشوار لمعرض جيتيكس الرياض اللي كله موبايلي vs. اس تي سي

وينك يا دلع تجين تصورين جتكس دبي بس خخخخخخخخخ

ماجد احترت والله باللي خلف الكأس بس اجابتي الاخيرة انه ما في شي خلف الكاس !
بالله عليك البطاقة خلها سوا وحول منها عشرة لبريماكس :ap:

سيناتور هلالي · #5 27/04/2010, 01:55 PM

أهلا بماجد ..

ماشاء الله وش هالإبداع في المقدمة والكلام الي فيها ..؟!!

غطيت على عباس العقاد ياخوي ماشاء الله عليك ..

والله الصور جميلة ..بس تعال هنا قل لي وين الاحترافية الي تقول عنها موجودة بالصور ..؟!!<< أبنجلد صح..؟!!

والله وأنا أخوك إنت وأشكالك الهلاليين إنتم الي نورتوا المعرض << وش رايك بالمدح..؟!!

بعدين ماشريت لي معك شيمونو..؟!! ودي أهمز نفسي << فاصل تراي اليوم هههه

بعدين الي ورى الكاس ..أممممم بديت أشك فيك ترى وأنا أخوك ..!! الشراب لونه أزرق..احم ..<< صايدينك الهيئة صايدينك..

تصدق إني طلعت محترف تصوير ألحين بعد اطلاعي على صورك ..؟!! << وش رايك عندي قابلية للتعليم وإلا لا..؟!!

مرة ثانية إذا بتروح لأي مكان وبتصور خذني معك علشان أحتك بفطاحلة التصوير..

بالتوفيق لك..
تحياتي..

الهلالي دائماً · #6 27/04/2010, 01:56 PM

بقرب لكم الاجابة

>>> يسمع بالتقريب

Lionel Andrés Messi · #7 27/04/2010, 02:01 PM

^^

جوال اي فوون

تسمع بـ المساعدهـ

صرااحه موضوع ولا احلى , لنا زيااره للمعرض

صور مع لاعبين الهلال فكرهـ ولا ارووع

<< انحرجت ياااخي اقوول بيني وبين نفسي للحين جوالي الاتصالات , خلال الاسبووع بأن الله نحوله لموبايلي

يالبى قلبهم

تعيش موبايلي

S K Y · #8 27/04/2010, 02:01 PM

إقتباس


	اوقفني السكيورتي المسؤول .. وقال كيف تدخل بلا بطاقة !! اما تدري أننا في عصر الذرة والطاقة فقلت صبرك يا غلام .. ماهذا الكلام !! أما تعرفني !! انا مشرف المجلس العام

هههههههههههههههههههههههههههههههه اجل بجيهم اليوم واقول جايكم من طرف ماجد مقبل

والله انك توحفه يابومقبل لبى قلبك

الصور رووعه بصراحه كنت ناوي اروح لجيتكس واصور بس بعد ماشفت صورك حسيت مالي كرت لوووول

تحياتي القلبيه لك

سيناتور هلالي · #9 27/04/2010, 02:02 PM

ههههههههههه

ماعرفنا ياماجد..؟!!

لازلت شاك فيك ترى ..

اعذرني على المداخلة الثانية..

الهــ ابراهيم ــلالي · #10 27/04/2010, 02:03 PM

هلا والله بمقبلنا

اممم

مشكور ع التغطية

على فكرة ترا ردي عشان عشان اللي بآخر صورة بس

اممم

اتوقع والله العالم انة آي فون

almhtar22 · #11 27/04/2010, 02:05 PM

إقتباس


	فقلت صبرك يا غلام .. ماهذا الكلام !! أما تعرفني !! انا مشرف المجلس العام

ولآ المتنبي يآ ششششييخ

,

إقتباس

[QUOTE]

والله يآ عليك مسآبقه

, اجل آيفون

, تبي تعلمنآ يعني ان معـك آيفون

, لا يكثر انت ومسسسآبقتك بس

!

آهنيييك والله

, ومآ قصرت حبيبي

,

خـوذ لك

!

miss zozo · #12 27/04/2010, 02:07 PM

وعليكم السلام ورحمة الله وبركاته

هلا والله بمشرفنا

..
الموضوع شي والاسلوب شي ثاني يوووسع الصدر

والله حرررركه صوورك <<ابد ماتذكرت يوم تصور المنشد المساعد بنادي الهلال بزاوية احترافية

الزييييييييييين للزين

<<<الجمهور اول لفه

من جد الصورة روووعه

إقتباس


	المصور الذكي يبحث عن الاساطير لانه صورهم تحدث الفرق

نعم نعم

إقتباس


	راعي مشاعر الاخرين

ابد مايقصد مشاعر هنوووو بصورة سامي

حررركه حلووووه

مب كنها شويشة ويلي يوم يحلق

إقتباس


	عروض الليزر في جناج موبايلي

متعاونين مع الجار يسوون لهم العروض

حررررررررررررركه مررره اعجبتني

ودي استبدل نقاطي بتويكس

وناااااااااااسه

ورى مايخلونا نجربهن

stc حيااااة اصعب

يالبى موبايلي بس

إقتباس


	هذا محل شيمونو عندهم حجات كويسه للتهميز شريت منهم اثنين واول مارجعت همزت ظهر الوالده

الله يازينها

الله يجزاك خير ويخلي لك الوالدة ويحفظها يارب

يووووه يوووه كل هالزحمة عشان ورررد وش هالشفاحه

اتوقع جوال

تسلم يامشرفنا عالموضوع

ربي يعطيك العافية

الهلالي دائماً · #13 27/04/2010, 02:24 PM

إقتباس

الرسالة الأصلية كتبت بواسطة ليونيل messi


	^^ جوال اي فوون تسمع بـ المساعدهـ

اجابة صحيحة

والف مبروك الجائزة صورة خاصة لك

مع

>>> ماسكه على صور اليوم

>>> بس كيف سطح المكتب

هلالي مدريدي , فياض , سكاي ,سيناتور , الهــ ابراهيم ــلالي .

هارد لك راحت عليك الجائزة

الف مبروك ليونيل messi

المتميز دائمآ..

الجهاز ما يباع عرض بس والمعرض مدري الى متى

E TOTTI 4 · #14 27/04/2010, 03:07 PM

إقتباس

الرسالة الأصلية كتبت بواسطة ماجد مقبل


	بقرب لكم الاجابة >>> يسمع بالتقريب

أي والله تسمع بالتقريب

بسسس يعطيك الف عافية

تحياتي لك

Lionel Andrés Messi · #15 27/04/2010, 03:20 PM

إقتباس

الرسالة الأصلية كتبت بواسطة ماجد مقبل


	اجابة صحيحة والف مبروك الجائزة صورة خاصة لك مع >>> ماسكه على صور اليوم >>> بس كيف سطح المكتب هلالي مدريدي , فياض , سكاي ,سيناتور , الهــ ابراهيم ــلالي . هارد لك راحت عليك الجائزة الف مبروك ليونيل messi المتميز دائمآ.. الجهاز ما يباع عرض بس والمعرض مدري الى متى

ان تتقول الجائزة السيارة هذي

يعطيك العافيه يالغااالي على الصورة و الوردهـ

,

وااصل ابدااعااتك يابطل