لكن ترا بالعادة هالنوعية من المدرسين ايضا تحصلهم بالمدارس الحكومية
يعني انا مدري شلون صاروا مدرسين وربي ما تستفيد منهم شي
اذكر ايام الثانوي كان عندنا مدرس الدين الله يذكره بالخير
ما يشرح ابدا لكن يتكلم عن الموضوع بخبرته ويجيب قصص ومواعض
يعني يخششك جو للحصة ما تمل منها ابد.
وآخر السنه أحلى تحديد وأفل اختبار صح وخطأ واختيارات
نسأل الله التوفيق لجميع الطلاب والمعلمين
تشكر على الطرح الرائع عااشق
,,,
احسن لك مآدرست في اهليه ..
والله يالغالي الحكوميه تلقى فيها بس نسبه قليله ..
ايه عالاقل يتكلم ويقول قصص فيها عظه وعبره ويستفيد منهآ الطلآب.. هذآ اللي عندي يقول اممم بس !
آمين يآرب ..
ربي يحفظك ويسعدك يآسر ..
العفو حبيبي
حيآك
الاجانب اكثرهم في الاهلية واسال مجرب .. اذا تبي درجات صح جبه البيت وعطه فلوووس
وشف كم يطلب ودك تتفل في وجهه اذا قال السعر ..
والله للاسف انا في مدرسة اهلية ومدرسين زلايب .. اجل مدرس فقه اردني اذا سالته اي سؤال وهو ما يعرف الاجابه ما يقول ما اعرف يقول مش درسنا ..
وتدووور في السيب عادي والوضع ماش في مدارسنا
في مدرستي .. والله الآجآنب يشرحون ويحللون الرآتب ..
وشرحهم احسسن من السعوديين ..
كل مدرسه ومدرسينها ..
على ان مدرستنآ اهليه بس مديرهآ شديد ومآفيه لعب مثل بآقي الاهليآت ..
يعطيك العافيه حبيبي ..
نورت
والله يا طويل العمر كل مدرسة عندنا بالمملكة فيها المدرسين الفاهمين , وفيها الزلايب , ماهي شرط يكون الزلايب بالأهلية أو يكونون بالحكومية , أنا درست الإبتدائي كاملة بأهلية , والله معظم المدرسين فاهمين ويعجبونك , والمتوسطة نقلت لحكومي (-- الطفرة سوت عمايلها والمدرسين كانوا آخر حلاوة , ولكن الحين في الثانوية في مدرسة حكومية , قلة من المدرسين فاهمين , والله الباقي ماهو داري وش درسه ... مثلا عندنا مدرس أحياء , باين إن معه واسطة جامدة مدري كيف تخرج ؟! لاهو يعرف الدروس , الأخلاق بالحضيض , حسافة الراتب اللي ياخذه ومدرسنا الإنجليزي الحين , والله الفصل الأول كامل كله سواليف , وكل ما تقول له إشرح يا أستاذ الله يرحم أهلك ورانا إختبار تحصيلي يقول هذا المنهج منهج عبور بس , يعني تحفظ وتختبر وتمسح , طيب انت وش عليك ؟! إشرح وانت ساكت ونهاية السنة عطانا أسئلة الإختبار , و20 % من الأسئلة ما عطانا إياها يعني ما تشرح , وبعد وجهك قوي تغيّر في الأسئلة .... و أذكر السنة الماضية يوم كنت في ثاني مدرسنا الرياضيات سعودي , وبقية الفصول كان مدرسهم واحد مصري , المهم إن ذا المصري له 30 سنة يدرس , يعني شارب المنهج شرب ما شاء الله عليه , وإستاذنا الفاضل كان فاهي , والنهائي أكلناها , والنسبة نزلت بسبته هو وأستاذ الأحياء اللي جبت سيرته
ما أقول إلا الله يعدي هذي السنة على خير
وآسفين على الإطالة لكن ودي أفضفض من زماااااااااااان
قآل ايش قآل معلم .. 
الوضع العادي
