كتمه - نادي الهلال السعودي - شبكة الزعيم

متآبعه بصمت · #1 21/04/2010, 04:41 AM

اللي ما يشجع وش ذنبه ؟

ليش ما يصير المجلس العام على سيرفر لحاله

يا نااااس إذا ما فتح معي الموقع أحس بكتمه

حتى لو النيّه اني أشيّك وأخمد

شوفوا الساعه كم وأنا ما بعد نمت كله عشان هالصفحه

http://vb.alhilal.com/f1/
يقطع أووم الإدمان اللي كذا

/

خلصت المقدمه ولله الحمد

أهم شيء اني قلت اللي بخاطري

وربي هالشيء يأثر على نفسيتي ويخليني أصيح بلا سبب

< مالت

المهم ما علينا

يقولك فيه محشّشين مسوين أمسيه أدبيّه..سمُّوها
"نجيب محفوظ ولاّ ما نجيبه"

,,

وفيه محشش لابس جزمه ضييييقه مرررره
قالّه خويه: وش اللي حادك عليها ؟

رد المحشش: ما تصدق وشلون أرتااااااااح إذا فصختها

,,

خلصت النكت

هو حلى

عاد أنا معزومه في زواج يوم الخميس

ادعوا لي أحضره

أبي دعوات قلبيّه صادقه الله لا يهينكم

بصراحه من زمان عن الأعراس وأنا اللي ما يهنا لي بال لين أسمع الطيران

شكلي ما نيب حاضرته والله العالم

سبحان الله تجري الرياح على كيفها وما طقّت خبر للسُّفن

< تفائلي يا بنت

,,
مستوعبين ان الإجازة بتخلّص ؟

على انها أطلق إجازة على الإطلاق

يمكن قصر المدَّه هو السبب في غلاها ؟!

ألاّ أكيد مو يمكن

،،

/

وفي الختام خيرُ نهايه

متآبعه بصمت · #2 21/04/2010, 04:50 AM

نسيت أقول

ألف ألف ألف

فوز الهلال أمس

عقبال الكاس

مَاهِينُورْ · #3 21/04/2010, 05:02 AM

أهلين متابعة

الله يبارك فيك

ومبروووك لجمهور الزعيم الفوز وإن شاء الله نفرح جميعا بالكاس
وماتتقفل الشبكة

إلا صدق مو بس الشبكة اللي تتقفل إذا فاز الزعيم كل المواقع الي أعرفه تقفّل حتى الي ماله دخل بالرياضة ><

الله يوسع صدرتس بالعافية متابعة على هالنكت ,, ياكثر ما قرأت من النكت اليوم وكله عن النصر
أنتي غيّرتي شوي p:

بالنسبة للكتمة على بالي تقصدين كتمة الغباااار

مع السلامة ,,
صلآة فجر وإحتمال أنام وإحتمال أرجع وأنسّق ردّي بالوضع المتقدّم (: ~> همّه التنسيق p:

شوق الكويت · #4 21/04/2010, 05:48 AM

صبحج الله بالخير متابعه

انا إجازتي تبدي الاسبوع الياي عندي اسبوعيين

الفيديو مااشتغل عندي

بس اذكر اني حضرت هالمسرحيه ومن كثر مااستخفوا دمهم خالد البريكي وخالد العجيرب طارق العلي وقف المسرحيه واعتذر للجمهور من السخافه وقال للممثلين اللي بالمشهد اعتذرووا ولا بنرجع للجمهور فلوسهم

ومساكين اعتذرو وماقامو يستخفون دمهم بعدها

مسكيين البريكي حلييو

بس الثاني هو ثقيل الدم

شكرا متابعه

maistro2t · #5 21/04/2010, 06:05 AM

عليتس بهذا

بإذن الله بتحضرين العرس و بتسوين نفس كذا

لبيه يا أبو صـآلح

هلاليه سنعه · #6 21/04/2010, 06:21 AM

هلا والله بمتابعه

بسم الله عليتس من الكتمه
تبين دواتس شوفي مباراة الهلال مع ابو خمسه

ويستاسع صدرتس

..
بس نكّد علينا الحكم بطرد ابو عبدالله والفريدي وقراراته الفاشله ..
مبرووك للجميع عقبال كاس الملك والاسيويه

..
اما عن الزواج ان شاء الله تروحين وتنبسطين اعقليها وتوكلي
يامال العافيه متابعه على الفضفضه والنكت الحلوه والله يبارك بعمرتس

..

دمتي بخير ..‘‘

عقـل الهلال · #7 21/04/2010, 11:44 AM

الله يوووسع صدرك على هالمسرحية والنكت

وعساك ان شاء الله تحضرين الزواج وتتنكسين وتحضرين زيرانك ويربطون ضهرك لا ينكسر

وتطيحين حطب هالزواجات كلهم اللي ما حضرتيهم .

بعدين من جد وش سالفة الشبكة تقفل بوقت الخمسات ؟
اذا قفل السيرفر مالك الا تتابعين الشوتايم عسى بوه فلم كويس ينتابع عبال ما يأذن الفجر وينامون اللي مسوين زحمة

باين عليك النشاط منزله اخبار بعد شكلك ماكله حبوب بالغلط

قرقاص · #8 21/04/2010, 12:43 PM

هلا بمتابعة بصمت

وسعتي صدورنا بهالنكت

وعلى طاري النكت وطاري الكتمه يقولون فيه واحد.........اسمه محمد بن راشد حاط راسه بداخل كيس بلاستيك تعرفين ليش ؟؟

عشان يصير محمد بن راشد المكتوم

إقتباس


	مستوعبين ان الإجازة بتخلّص ؟ على انها أطلق إجازة على الإطلاق يمكن قصر المدَّه هو السبب في غلاها ؟! ألاّ أكيد مو يمكن

سيتم تمديد الأجازة والأعلان قريبا

>>> انتظروا رسالة الجوال الموسمية والأشاعة اللي رغم ان الجميع مايصدقها لكن البعض يكون عنده شوي تفاؤل انها بتتمدد

فَيْلَـسُــ زَمَانَهُ ـــوفْ · #9 21/04/2010, 02:24 PM

متابعة هوني ..؟

المدخل .. شفناه والمخرج ..؟ وينه

انا اتوقع يعني انه ودك تدخلين العرس .. ولا ودك تطلعين منه ..؟

>>>>>>>كيف التحليل بس

والنكت حلوات .. جدا جدا جدا عما عما عما خالا خالا

\
\
\
\
اما المقطع وش خليتي ..
بس

الا تعالي .. انتي مسوية شي غلط بالمجلس اشوفك منزلة الأخبار وموضوع ..؟

انا قبل امس فتحت موضوع شتشتة .. بدون ما يدري ابو مقبل ولا عادل ..

وصكوه ولا جاني انذار ..

ونزلت الأخبار لعيونهم

وعشان ما يجيني الأنذار

ḾŎĤǍṀẠḊ · #10 21/04/2010, 03:37 PM

إقتباس

الرسالة الأصلية كتبت بواسطة فَيْلَـسُــ زَمَانَهُ ـــوفْ


	انا قبل امس فتحت موضوع شتشتة .. بدون ما يدري ابو مقبل ولا عادل .. وصكوه ولا جاني انذار .. ونزلت الأخبار لعيونهم

ايه انا كل ما دخلت موضوع اشوفكــ

ولا بعد مستانســ ان ما جاه انذار لوانا من ابو مقبل اعطيكــ انذار لك لحالك

ذليتنا يابوا

وشسمه متابعهـ

من جدكــ موب حاضرهـ الزواج

وقسم حرام عليكـ روحي ياشيخه وبسطيــــ

إقتباس


	تبين دواتس شوفي مباراة الهلال مع ابو خمسه ويستاسع صدرتس ..

إقتباس

لا لاتشوفينــ المباره انتي

حسب معلوماتي المباره ما بتخليكــ تروحين الزوااج

احم احم .. ما قلت شي صح

النكتـــ بعد امســ والتنكيت ع النصر خلاص معد ابي نكت برجع اقرها بووكرى

عواآاآاآاآفي
خيتو

سيناتور هلالي · #11 21/04/2010, 11:53 PM

أهلا بالمتابعه دائما..

ألف مبروك على فوز الزعيم ياناس والله طرت من الفرحة بس تنكدت شوي علشان الحكم..<< مع إني داري إن فيه بعض الناس يميلون للنصر بس برضو مبروك عليهم الهزيمة وأبغى أقهرهم..

وبالنسبة للكتمة بسم الله عليك وعلى كل الأعضاء ..

أنا دايما إذا فاز الهلال في المباريات الكبيرة أو انهزم - اقدر الله - أقعد 24 ساعة بعدها ما أدخل ..إلا في حالات يسيرة جدا..

ترى النكت خلتني أضحك مع إني متضايق شوي والله ..

والفيديو مرة حلو..

شكرا لك على هالموضوع وإن شاء الله تروحين للعرس وتوريننا صور ..احم قصدي تنقلين لنا انطباعك بعد العرس ..

ترى نبي نزعل نحن أعضاء المجلس لو ماتروحين << أهم شيئ استانسوا ترى الدنيا ماهي طويلة..

شكرا لك ..

دعواتي تصاحبكم جميعا..

يالبيه يالهلااااااااااااااااااااااااااااااااااال..احم احم

..عبدالعزيز..

الشيهـانه · #12 22/04/2010, 02:20 AM

*************

حياتس الله متـآبعه

بالنسبه للمنتدى
أنـا فتحته أمس آخر الليل مافي غير 8 أشخاص بالمجلس

توقعت كل الأعضاء مهاجرين للجمهور

سلامتس من الكتمه توقعتها بسبة الغبـاااار

<<سيم سيم تفكير ماهينور

إقتباس


	مستوعبين إن الإجازة بتخلّص ؟ على انها أطلق إجازة على الإطلاق يمكن قصر المدَّه هو السبب في غلاها ؟! ألاّ أكيد مو يمكن

تكفين لاتذكرينا

مومستوعبه أبــــــــــــــــــــدا

خصوصا انها بتفرقنا مفرقة الجماعات

مجتمعين أحلى جمعه مع الحبايب البعاد

بس يالله متوسمين بالعطله الصيفيه إن شاء الله قريبه

إقتباس


	عاد أنا معزومه في زواج يوم الخميس ادعوا لي أحضره أبي دعوات قلبيّه صادقه الله لا يهينكم

يالله إن شاء الله تحضرين الزواج على خير
عـاد زواج وبنهاية عطله

تحسين كل طاقتس ودتس تفضفضينهابالتنكس

بالنهايه ألف ألف مبرووك للكل الخماسيه الزرقـــــــــــــــــــاء

وعقبال الإيـــــــــــــــــــــــاب وتصيرعشره بعين العدو

سمانا هلاليه · #13 22/04/2010, 08:03 AM

وانااااااااااا كماااااااااااان مافتح معااااااااااااااي ورحت وكبرت المخده

بالنسسبه للزواجااااااااااااات مااحب احضرررهااااااااااا بس اذا كنتي تحبين تحضري

زواجاااات احضررري بالنسسسسبه للاجاااااازاهـ الله يعينكم على الدوامااااااات وخاصه

اول يووووووووووم ثقيــــل

متآبعه بصمت · #14 22/04/2010, 04:15 PM

مَاهِينُورْ / شوق الكويت / maistro2t / هلاليه سنعه / عقـل الهلال / قرقاص / فَيْلَـسُــ زَمَانَهُ ـــوفْ / ḾŎĤǍṀẠḊ / سيناتور هلالي / الشيهـانه / سمانا هلاليه

أهلاً بكم فرداً فرداً حللتم أهلاً ووطأتم سهلاً ولا يكثر يا متآبعه

جد عاد تكفيني شوفة هاليوزرات الطيبه في موضوعي السامج

وأبشركم المتوقع هو اني أحضر العرس

إذا جات الساعه 11 ويوزري أخضر فهذا دليل على اني أقبع في غرفتي المظلمه

أما إذا كان يوزري طافي وذلك ما أتمنى

وقتها يا لبى المكان اللي بأكون فيه

لا هنتوا