العنف الاسري<<ماألعب موضوع جامد - صفحة رقم 2 - نادي الهلال السعودي - شبكة الزعيم

الضحى · #1 20/04/2010, 03:47 PM

حياك ربي أم متعب وموضوعك المهم .

والله يعين الطفلة وأمها ,ياليت يا أم متعب تطلبي من البنت تدعي ربي يهدي أبوها

ويشفيه مما فيه ...وفيه طريقة تكسبه بها ..عليها أن تغير طريقتها معه

تكسب ثقته تقرأ عليه مواضيع عن مراقبة الله وعن الأخلاق حتى يطمئن

أن إبنته وزوجته فيهما خوف من الله ومراقبته أكثر من الخوف منه .

يا أم متعب مرت على حالات معلمات يجدن القسوة من الأزواج والضرب وأخذ الراتب

ولكن وللحقيقة العدد قليل الذي مر علي ..يمكن 4فقط ..

والله يعينهن ...وعدما طلبت من إحداهن أن تشتري حريتها وجعله

يولي ..قالت لي: لا ..هو حنون وطيب ولكن لما يحصل أمر يغضبه وأكون أنا في حالة

العناد معه يتم ضربي بهذه الوحشية ..قلت لها :صدق المثل القط يحب خناقه .

ام متعب التميمي · #2 20/04/2010, 11:29 PM

^العنــود^...!!
الله يديم عليك عقلية اهلك....صحيح انا اخصائيه اجتماعيه والبنت سالفتها قديمه السنه الي راحت^^ بس حبيت اذكرها لكم حياك حبيبتي

ماجــد...!!
شاكره لك تواجدك

شمــوخ الهــلال..!!
كلام جدا سليم ..اسعدني بعض ماوضعتي لنا من فكرك الذهبي
شكرا عزيزتي

قــرقــاص...!!
ودك اصير اكبر منك يا الشايب^^
اعجني حرفك وفكرك ..فماذكرته صحيح ويجب علينا احترامه كأنسان قبل ان نحترمه كأبن
تواجدك زاد موضوعي اشراق

دلـع الامارات..!!
يشرفني مرورك عزيزتي ...ويــارب نقضي على هالحالات ..

بنـوته هاديه..!!!
اسمك هاديه ورده فعلك عنيفه....احمدي ربك حبيبتي على اهلك بجد انا شيب راسي وانا اسمع هالبنات وربي مساكين...والكلام الي ذكرتيه جدا واقعي وسليم وانا كمان شوفت بالمول ..وليش ابعد بعيد اختي لما ضاع ولدها وحصلته تحسبينها ضمته لا امسكيه ياجلد والله ياخذ عمرك

قلتلها اجل ليش تو مزعجتنا بكي وصراخ ولما حصلتيه لعنتي خامسه الضعيف <<حب عنيف

حياكي حبيبتي

رونــي.10..!!

الضحـى..!!
بدايتن اهني المعلمة الي معاك واعترفت انه مايطقها الا بسببها هي من تقوم باعمال تغضبه
فلذلك هي تستطيع ان تكسب وده لو ابتعدت عن مايغضبه وتقربت له بكل عطف وحنان
ولكن ........اشتري كرامتي اولا واخير الا الضرب!!!!
اسعدني تواجدك

عقـل الهلال · #3 21/04/2010, 11:40 AM

جد جد أم متعب والا تمزحين ؟

<< جد والا جده

ياخي ماني مصدق احاول ادور شيء باللون الابيض ماحصلت غريبة الموضوع الجدي << الجدي والا الزهرة

شايف مقطع منزلته متابعه

شوفي سلمك الله هذولا الله لا يبلانا ويرفع عنهم مابلاهم مرضى نفسيين وتجيهم تهيؤآت تمطرس حياتهم مطرسه .
يعني شخص مثل كذا يسوي بحشاشة جوفه فلذة كبده كذا أعتقد انه خااالص ومفروض ينسحب من الاسواق

.

شسمه ايه صح تذكرت حالة بنات الله يعوضهم بالخير ان شاء الله هاللحين مابقى الا وحده وعسى الله يعجل بنصيبها وتتزوج وترتاح من هالاب الظالم .
هذا واحد اتزوج على زوجته بعد 20 سنة زواج ومن بعد هالزواج وهو كلشش مو طبيعي يعني زوجتها الاولانيه ماخذها عن قصة حب وحركات بس بعد هالزواج قلب ام الحب لهواش وضرب وتسحيب ع البلاط همن طلقها , ما اكتفى بطلاقها بس امتد التعذيب النفسي لبناته حرمان من ابسط حقوق الحياة وهي ذرة حنان ابويه . تخيلوا بنات يدعون على ابوهم انه يموووت

اييييه بسس

الله يشرح قلوبنا بالايمان ويبعد عننا وعنكم وساوس الشيطان

لا تتعودينها وتنزلين موضوع جدي < جدي والا جدك ههههههههاي

فوتكم بعافيه

A B A D Y · #4 21/04/2010, 12:56 PM

هلا ام متعب من زمان ننتظر موضوع منك

بالنسبه البنت اتوقع البنت ماجات تشتكيلك وتدعي على نفسها بالموت الا ان الاب مزودها بقوه

وبعدين اتوقع انه كان يعاني من عقد في الصغر فحب يطلعها الحين على زوجته وبناته

والا وش تسمي يجيبلها جوال ولابتوب وياخذهم بعدها

وبعدين ما خلص من بناته وامهم راح يسب في خالاتها ويتكلم عن شرفهم

هذا يدل يا انه مختل عقلي او مريض نفسي يشوف الناس كلهم ناقصين والكمال له

بعدين اذا كان صار معه موقف في الماضي مع احدد من افراد عائلته او حتى احد غريب مو شرط انه يعمم على باقي الناس

ما اقول الا الله ياخذه ويفرج هم بناته وزوجته

ام متعب التميمي · #5 23/04/2010, 02:45 AM

عقل الهــلال..!!

ياملاغــه ياانت

لوسمحت لاتنكت في مواضيعي ثاني اطلع من راسي انت وجهك

تشوف موضوعي جدا تجلست تنكت سامحك الله تبغى تخرب علي

((ماجد مقبل او كلاسيكي))<<احذفو رده يحاول يخرب موضوعي

الله يهدي كل رجال جاف مع اقرب الناس له لحمه ودمه والله يعجل بزواج البنت الي تحكي عنها وربي مسكينه

حياك

عبــادري..!!

بالتأكيد هو مريض نفسي ...ولا مافيه احد طبيعي يعامل من هم من صلبه بهذه الطريقه
لكن الله وحده الهادي وليس بيدنا الا الدعاء له بالهدايه
تشرفت بمرورك

كل الشكر لكم...فأنتم من يزيد الموضوع اثراء بأرائكم