قال لي صديق لأحد أصدقائي في حديثه عن تعلمه للقيادة يقول...................>>>>>>>>>>> ( سيب الفصحى )

طيب

المهم يقول انه ماتعلم القيادة الا وهو طاق الثلاثين يقول كل مابغيت شي دقيت على اخواني وربعي وودوني .. حتى بنتي اذا سخنت ولاشي ادق على اخوي .. لكن لابد من قدر وموقف محرج يجعلك تعي أهمية تعلم أمر ضروري كقيادة السيارة إن لم تكن تملك سواق

الرجال بنته تعبت آخر الليل وكل مادق على واحد ياجواله مقفول يامايرد

يقول حسيت بنتي بتروح من يدي والسبه إني ماعرف اسوق

من بعد هالموقف يقول دعتني حاجتي لتعلم السيارة وشريت سيارة كل يوم اصكبها بحاجه الين تعلمت ..

قلت زين انك تعلمت في واحد ( يقصد نفسه ) له سنين وهو يسوق بس كل مايرجع ريوس يصك بسيارة أتعب الناس من كثر مايقول معليش مانتبهت والله يسقي أول ماتعلمت بقريتنا كانت الجدران حقت العالم مكتوب عليك ذكريات ابو فلان وابو علان وجدارن جيراني عليها شخابيط صدام الوانيت حقتنا لدرجة ان اخوي يقول تدري افكر اسوي محل بويات عند الباب قلت ليش ..

قال شوف الجدران وتعرف

إنتهى الموقف


في الحياة كثير من المواقف لاتتعلمها إلا بعد موقف محرج رغم انك تعي أهميتها قبل ذاك الموقف خذ لديك أنا تعلمت كيف اسوي اندومي لأني بيوم بغى ينقص بطني من الجوع ولاعندي سيارة والوقت متأخر وساكن بحي الخروج فيه خطر بتوقيت متأخر وماكان عندي غير إني اشرب الماء واتحلف ببطانيتي لين يجي الصبح

أو أتعلم بالمطبخ واسوي اندومي رغم ان الأندومي سهل التحضير ولو كان صعب كان أكلته بدون ماطبخه وانا اسويها مع الجوع لدرجة إني صرت طباخ اندومي ماهر واللي مو مصدق ماعليه إلا زيارتي وتوديعكم قبل أن يأتي


هل لديكم مواقف محرجة علمتكم أمراً مهما بحياتكم بإنتظار مشاركاتكم