#1  
قديم 17/04/2010, 01:49 AM
زعيــم نشيــط
تاريخ التسجيل: 09/10/2002
المكان: على سطح القمر
مشاركات: 535
صة عريس ليلة عرسة

قصة عريس ليلة عرسة


بصراحة ما أدري درجة لاصدق في القصة .. لكن اتوقع سهل تحدث في وقتنا هذا .. لكثر من الشباب

اليوم راح أحكي لكم الي صار معي ليلة العرس و حسب شهود عيان
( لأن فية أشياء ما اتذكرها بسبب هبوط الضغط اللي صار لي يومها)

طبعاً الليلة الي تسبقها ماقدرت أنام زين خصوصاً اني تزوجت بالحلم يمكن 4 مرات !!
أتزوج ثم اصحى وراجع انام وأتزوج ثم اصحى ثم ارجع أنام واتزوج ..
المهم صحيت الظهر وقمت وصليت ورجعت للبيت أجهز أغراضي و أتروش
(تقول الوالدة من الربشة مفرش أسنانك بمعجون حلاقة)
لما صار العصر طلعت للحلاق وحلقت ورجعت قريب من المغرب ,, ثم رحت اتروش لكن ها المرة غير
تروشت بدورة ميارة الرجال من العجلة أكرمكم الله والي تفتقد لابسط الاشياء وهو شامبو
بيبي جوي “لادموع بعد اليوم” :

وبمساعدة الوالدة تم بحمد الله نقل أغراضي إلى دورة مياة الرجال .
صلينا المغرب ورجعت البس طبعاً بعد العشاء أحنا عندنا عادة وهي أنو بعض اهل وأقارب
العريس يتجمعون في بيت العريس
عشان يطلعون معاه للقصر ,,
وأنا جالس البس عشان انزلهم و اسلم عليهم أكتشفت أن المشلح اقصر مني بشبر
طبعا السبب عرفته بعد أسبوع
( وهو اني غسلتة غسيل عادي موبخار عشان كذا كمش قماش المشلح )
طبعا صرت احوس بالغرفة وش اسوي وش اوسوي ورحت للوالدة الله يحفظها
وخبرتها .. هدتني وقالت بسيطة ..
حاول قد ماتقدر تكون جالس طول الوقت ولما تمشيء سو نفسك رافع المشلح شوي
ومدخلة تحت يدك زي الناس الآكابر
المهم صلينا العشاء ثم نزلت وسلمت على الحظور بعدين جلست واقاربي يناظروني ويتبسمون
لين صار وجهي علبة الوان
بعدها جاء ابوي وقال يالله نطلع للقصر وركبنا السيارة .. أنا ورا.. وابوي قدام ..
وعمي يسوق السيارة ورحنا للقصر والناس ورانا
لما قربنا من القصر عندنا عادة الناس تبداء تدق بواري ( طاط طيطييط طوووط طط طط )
من هنا أنا بدأت افقد السيطرة على نفسي
وصلنا القصر ونزلت ولما نزلت لقيت العالم متجمعين عند الباب عشان يسلمون علي ويباركون لي
طبعاً ابوي حاس بوضعي عشان كذا كان قد مايقدر يحاول يكون جنبي .. واول واحد سلم
علي كان ابو البنت سلمت علية وبوست راسة
وانا أنتفض ثم سلموا علي أعمامها ثم خوالها .. الخ لين دخت
وكان مرة زحمة وخنقة و كان كل واحد يسحبني من جهة عشان يسلم علي لين وصل دور عيال خالتي
طبعاً اول واحد منهم سلم علي وقال : ماشاء الله الف مبروك وكل عام وانت بخير
رديت علية وقلت : الله يبارك فيك يارب
جاء الثاني وعرف اني مرتبك ومهبب لاني ما أستغربت من كلمة كل “عام وانت بخير”
فقام قالي : عيدك مبارك وكل عام وانت بخير
انا رديت علية وبكل برائة وقلت: تسلم .. من العايدين الفايزين يارب
جاء الثالث وخربها و قال : تقبل الله
رديت علية وقلت : من الجميع يارب .. جزاك الله خير
طبعاً العالم فطست من الضحك
لما شافني أبوي كذا قام سحبني ودخلني جوات القاعة وجلست أكمل باقي السلام على الحظور .
طبعاً كنت من الخبة اقوم وأقعد أقوم واقعد والسبب هو اني من الارتباك ماكنت
أدري مين الي سلمت علية و مين الي ما سلمت علية
فكان بمجرد مايمر من جنبي أحد أقوم أحسبة جاي يبغى يسلم علي ثم أكتشف انة جاي
يسلم على الشياب الي جالسين جنبي
المهم فجأة وانا بمعمة أفكاري قام جميع الحظور مرة وحدة وأتجهو نحوي مباشرة …
طبعاً أنا ما ادري وش السالفة …!
قمت واقف أحسبهم يبغون يودعوني دفعة وحدة !!
طلع ابو البنت منادي عليهم للعشاء
ولسوء الحظ كان باب صالة الطعام خلفي .. حسبي الله علية الي مصمم القاعة فجعني
المهم جلست شوي ثم قمت ورحت للقسم الي مخصص للعرسان وطقيت الباب
أنا : طق طق
حارسة الباب : مين ؟
انا من الربكة الي عايش فيها قلت : بيت الفلان (الي هو اسم عائلة زوجتي)
الحارسة : لا عرس الفلان قصدك
أنا : ايوة نسيت .. أنا العريس
الحارسة وهي تضحك : ايوة مبين خلاص الحين بنادي لك امك
جت امي ودخلتني وعرفت أني مرتبك لدرجة الأرتجاج ,, قامت وسمت علي بالرحمن الرحيم
وباركت لي ودعت لي
وقالت حبيبي ترا فيه خالاتك وبعض خالات البنت “متغطيات” وعروستك وأمها بس
وعطتني وردة عشان اعطيها العروسة
طبعاً أول مادخلت خالاتي صارو يزغردون والي تصور وأعمتني بالفلاشات مبروك مبروك ياعريس
منك المال ومنها العيال وبرفاه والبنين ان شاء الله ,,
ولما خلصت سلام على خالاتي رحت عشان اسلم على العروسة بالكوشة ,, طبعاً كنت
مرة مستحي ومرتبك وما اعرف كيف اسلم عليها
و كنت جالس أفكر كيف ؟؟ و خلال غمضة عين اكتشفت أني فوق الكوشة :
( شكلي كنت أركض )
ومن الربكة عطيت الوردة ام العروسه وسلمت على العروسة سلام زملاء عمل
(يعني مصافحة باليد ثم حطيت خدي على خدها من الجهتين )
تقول العروسةأنك قلت لي وشلونكم عساكم طيبين وكيف الأهل والأولاد !!
طبعاً خلال ثواني حسيت ان السلام غلط فحاولت اتدارك الموقف وأصححه فاقمت
وبوست راسها (قلت يمكن كذا الصح )
قام شماغي ومسك في التاج الي فوق راسها
: وخذ تخبيص وكنت شوي وأطيح عليها ,, وبطلعت الروح فكيتة من راسها
المهم جلست جنبها عشان التصوير بعد ماخربت تسريحتها وبعد ماخصلوا تصوير
قمت وانا بقمة الربكة وحطيت يدي على جبينها عشان أقول الدعاء ..
طبعا الدعاء الصحيح هو
((اللهم إني أسألك من خيرها وخير ما جبلتها عليه , وأعوذ بك من شرها وشر ما جبلتها عليه ))
أنا قلت (( اللهم أني أسئلك من خيرها في الدنيا والآخرة واعوذبك من شرها في الدنيا والآخرة ))
طبعا امي ماقدرت تمسك ضحكتها فسوت نفسها انها تبغى تروح تجيب سجادة الصلاة
وهي ميتة ضحك عشان أصلي ..
بعدها جابت لي السجادة ,, اخذتها منها وفرشتها على الأرض ومن الارتباك صليت
ركعة وحدة بس !!
طبعاً القبلة كانت لاشعورياً العروسة ,, حتى التلسيم الي في نهاية الصلاة وحدة كنت
وأنا جالس والثانية وانا واقف ,,

طبعا البنت كان وجهها محمر من الضحك !! وصار عندها مغص حاد يومها بسبب كثرة الضحك !!
اضافة رد مع اقتباس
  #2  
قديم 17/04/2010, 02:55 AM
الصورة الرمزية الخاصة بـ بدر _ 10
زعيــم مميــز
تاريخ التسجيل: 24/10/2008
المكان: 리야드, 사우디 아라비아
مشاركات: 4,836
احوول كل هذا الارتباك عشان عرس ..

مافيه مشكلة شي طبيعي الارتباك

بس ارتبك على قدر المعقول موب لـ هدرجة !

الف شكر لك اخوي : الوافي الهلالي


اضافة رد مع اقتباس
  #3  
قديم 17/04/2010, 03:01 AM
الصورة الرمزية الخاصة بـ ḾŎĤǍṀẠḊ
زعيــم مميــز
تاريخ التسجيل: 15/11/2007
المكان: هنآك ^_^ !
مشاركات: 4,403
اح .. اح .. اح

معد نبي نعرســ


مشكووووووووووووووور خيو بس ما توصل لها الدرجه
اضافة رد مع اقتباس
  #4  
قديم 17/04/2010, 03:56 AM
زعيــم مميــز
تاريخ التسجيل: 07/08/2009
المكان: بـــيتـــنا
مشاركات: 2,806
ههههههههههههههه كل عااااام وانت بخير>> هاااذي شي ثاااني

وانت ترد عليه ولما تسلم عليهاا كيفكم كيف الاهل والاولاد هههههههههههه

والله احسه موقف صعب اكيد الواحد يتلخبط ويرتبك >> لو انك مادخلت عند الحريم

كاااان احسن لك لانهاااا ربكه بربكه >>> انا مااؤيد العريس يدخل قاعه الحريم لانه

اول شي يرتبك وحوسه ويحس الحريم كلهم يناظرونه ويخاااف اي غلطه احد يضحك عليه
اضافة رد مع اقتباس
  #5  
قديم 17/04/2010, 03:11 PM
الصورة الرمزية الخاصة بـ ZIDANA_10
زعيــم مميــز
تاريخ التسجيل: 26/07/2007
المكان: القصيـM //
مشاركات: 1,737
إقتباس
الرسالة الأصلية كتبت بواسطة الوافي الهلالي

قمت وانا بقمة الربكة وحطيت يدي على جبينها عشان أقول الدعاء ..
طبعا الدعاء الصحيح هو
((اللهم إني أسألك من خيرها وخير ما جبلتها عليه , وأعوذ بك من شرها وشر ما جبلتها عليه ))
أنا قلت (( اللهم أني أسئلك من خيرها في الدنيا والآخرة واعوذبك من شرها في الدنيا والآخرة ))





ههههههههههآآآآآي ,,
والله يأني فاطس ظحك
والله ما ظنيت أتزوج

اضافة رد مع اقتباس
  #6  
قديم 17/04/2010, 04:14 PM
الصورة الرمزية الخاصة بـ |~ ولـد عنـيزة ~|
زعيــم متألــق
تاريخ التسجيل: 09/05/2008
المكان: ..’’عـنـد دوآآر السـآآعـه’’..
مشاركات: 1,362
والله حت انا ماحب الارتباك خاصتن اذا كل الناس يناظرون فيك

عدل عنوان الموضوع لان كاتب ( صة ) المفروض ( قصة )
اضافة رد مع اقتباس
  #7  
قديم 17/04/2010, 04:50 PM
الصورة الرمزية الخاصة بـ سواليف ليل
زعيــم فعــال
تاريخ التسجيل: 29/08/2009
المكان: البيت الابيض وحاط رجل على رجل
مشاركات: 265
ههههههههههههههههههههههه ياولد وش نظامك انت

قصم بالله فاااطس ضحك عليك الله يرجك صدق


انا بتزوج في بعد خمس شهور


قصم جالس افكر وخفت يارجال

بس والله قصتك خنفشاريه حييل


بس الله يستر علي انا ليله العرس بس
اضافة رد مع اقتباس
  #8  
قديم 18/04/2010, 06:50 AM
الصورة الرمزية الخاصة بـ موج الخليج الأزرق
زعيــم مميــز
تاريخ التسجيل: 02/10/2005
المكان: في وطن الهلال
مشاركات: 2,922
هههههههههههههههههههههه
احسها قصة خيالية لأن فيها مبالغة

بس سلام عيال خاله شي ثاني ^_^
اضافة رد مع اقتباس
  #9  
قديم 24/04/2010, 12:40 PM
زعيــم متواصــل
تاريخ التسجيل: 25/01/2009
المكان: بين السماء والسحاب
مشاركات: 79
هههههههههههههههههههههههههههههههههههههههههههههه


والله ضحكت من قلب يامنكووووووووووووووووووووووووووب
اضافة رد مع اقتباس
  #10  
قديم 25/04/2010, 05:05 AM
الصورة الرمزية الخاصة بـ ام متعب التميمي
زعيــم مميــز
تاريخ التسجيل: 18/10/2007
المكان: في ــ♥ــه
مشاركات: 2,247
هههههههههههههههههههههههههههههههههههههههه

اجل الله كفيني شرها فالدنيا والاخره

سلملي عليه الضعيف

ههههههههههههههههههههههههههههههههههه


من جد يرحم
اضافة رد مع اقتباس
  #11  
قديم 25/04/2010, 05:19 AM
زعيــم متألــق
تاريخ التسجيل: 20/08/2009
المكان: البكيرية
مشاركات: 1,371
إقتباس
طبعاً اول واحد منهم سلم علي وقال : ماشاء الله الف مبروك وكل عام وانت بخير
رديت علية وقلت : الله يبارك فيك يارب
جاء الثاني وعرف اني مرتبك ومهبب لاني ما أستغربت من كلمة كل “عام وانت بخير”
فقام قالي : عيدك مبارك وكل عام وانت بخير
انا رديت علية وبكل برائة وقلت: تسلم .. من العايدين الفايزين يارب
جاء الثالث وخربها و قال : تقبل الله
رديت علية وقلت : من الجميع يارب .. جزاك الله خير


وقسم انها فضيعه هذي هههههههههههههههههههههه
اضافة رد مع اقتباس
   


إضافة رد

أدوات الموضوع
طريقة عرض الموضوع

قوانين المشاركة
غير مصرّح لك بنشر موضوع جديد
غير مصرّح لك بنشر ردود
غير مصرّح لك برفع مرفقات
غير مصرّح لك بتعديل مشاركاتك

وسوم vB : مسموح
[IMG] كود الـ مسموح
كود الـ HTML غير مسموح
Trackbacks are مسموح
Pingbacks are مسموح
Refbacks are مسموح



الوقت المعتمد في المنتدى بتوقيت جرينتش +3.
الوقت الان » 10:27 AM.

جميع الآراء و المشاركات المنشورة تمثل وجهة نظر كاتبها فقط , و لا تمثل بأي حال من الأحوال وجهة نظر النادي و مسؤوليه ولا إدارة الموقع و مسؤوليه.


Powered by: vBulletin Version 3.8.7
Copyright ©2000 - 2024, Jelsoft Enterprises Ltd

Google Plus   Facebook  twitter  youtube