السلام عليكم ورحمه الله وبركاته مساكم /صباحكم .. مسكـ أشلونكم مع الإجازه إن شاء الله مستانسين << جعل أيامكم كلها وناسه
الله يطول بعمر أبو متعب ويكثر لنا من هالإجازات على أنها أسبوع بس نبيها لو أنها يوم
اليـوم جايبه لكم أول يوم في إجازتي وين قضيته هذآ طال عمركم رحت لدار الأيتام كانو محتاجين متطوعات عشان مسوين حفل للأيتام قلت خل نروح لأن خبركم قاعدين بجده لاسفر ولا غيره منها نغير جو وأسوي شيء جديد بحياتي كل متطوعه تختار لها ركن وأنا قمت أخترت ركن الرسم على الوجه ما اطول عليكم شوفو الصور هذا ركني
وهذي العـده اللي شريتها عشان أخربط في البزارين
وذي بعض ابداعاتي وهـ لو شفتو أول بنت مسكتها قسم
أني تفشلت وشعرت بالإحباط حتى البنت تطالع فيني ودها تبكي وأنا أقول لها واو يجنن
ركن المزارع الصغير
وذي الشتله اللي غرستها إن شاء الله بس يسقونها كل يوم مو تموت :ap:
ركن الرسم على التيشيرتات عاد كنت أبي
أصور لكم تيشيرت وحده كاتبه عليه الإتي فوووق الإتي ماحد يطولـه بغيت آخذه وأقطه بالشارع
بس مسكت نفسي وقلت عيب يابنت الناس أذواق
ركن السلاسل
هذا الركن كان مره روعـه يحطون الجبس على اليد أو الوجه وإذا نشف ينزلونه
فيه أركان كثيـرة بس كانت مزحومـه حيل وماقدرت أصور
هذا هو يومي وأنتو وش يومكم؟
إن شاء الله الأسبوع الجاي موعودين بـ استراحه اذا رحنا نزلت الصور
الله يجزاتس خير يا خيّه أنا ألاحظ فيه كثير من الأعمال التطوعية للبنات لكن ما عمري سمعت بالأعمال التطوعية للشباب وأنا متأكد بوجود الأعمال التطوعية للشباب ، لكن ما أحد يدري عنها لأنه ما فيه إعلان للأعمال التطوعية لأني أسمع عن الأعمال التطوعية للبنات وبدون إعلانات صدقيني لو تم الإعلان عن الأعمال التطوعية راح تشوفين آلاف من الشباب يشاركون بهذي الأعمال وأنا جد صار لي فترة طويلة أفكر بعمل تطوعي بس ما أدري وش أسوي العمل سهل جداً جداً هو دفن جميع الحفر الموجوده بالرياض يمكن تشوفين الموضوع صعب لكن لو طرح بإعلانات بمواقع إلكترونية بتسجيل أعضاء وكل إنسان يدفن الحفر الموجودة بالحي اللي ساكن فيه راح تنتهي المشكلة بوقت قصير جداً يمكن لو أحد يبلغ القطاع الخاص بدفن الحفريات ( جاه عيال ما دفنوها )
أنا ألاحظ فيه كثير من الأعمال التطوعية للبنات لكن ما عمري سمعت بالأعمال التطوعية للشباب وأنا متأكد بوجود الأعمال التطوعية للشباب ، لكن ما أحد يدري عنها لأنه ما فيه إعلان للأعمال التطوعية لأني أسمع عن الأعمال التطوعية للبنات وبدون إعلانات صدقيني لو تم الإعلان عن الأعمال التطوعية راح تشوفين آلاف من الشباب يشاركون بهذي الأعمال وأنا جد صار لي فترة طويلة أفكر بعمل تطوعي بس ما أدري وش أسوي العمل سهل جداً جداً هو دفن جميع الحفر الموجوده بالرياض يمكن تشوفين الموضوع صعب لكن لو طرح بإعلانات بمواقع إلكترونية بتسجيل أعضاء وكل إنسان يدفن الحفر الموجودة بالحي اللي ساكن فيه راح تنتهي المشكلة بوقت قصير جداً يمكن لو أحد يبلغ القطاع الخاص بدفن الحفريات ( جاه عيال ما دفنوها )
في عمل اعرف كثيرا من الشباب الغير ملتزم يقومون فيه.. و واحد اعرفه له 5 سنين متواصله وهو يقوم فيه ...
العمل هو المشاركة مع ما يسمى (بالمستودع الخيري) هذا اسمه بجدة يعطونك بيوت محددة لعوائلة فقيرة عفيفة و يعطونك كل شهر سيارة ممتلئة بالمعيشة وما عليك الا ان تذهب و توصلها لهم منها اجر ومنها تسمع دعوة لك ترد الروح ...
ما شاء الله تبارك الله
عندنا دار ايتام توه جديد فاتحينه رحت اقدم على ظيفه عندهم طبعاً كالعاده كرشوني لكن أحس روحي تعلقت بذاك المكان لما شفت البنيات الصغار , صحيح مو مقصرين عليهم الدوله بشي بل انهم احسن حال من الناس العاديين بس اكثر شي لفت نظري البنوتات الصغار
انا من زمان ودي اسوي شي بس للاسف مدري وش !!
أهنيك من كل قلبي على عملك الرائع و مأجوره بأذن الله
أما وش سويت بأجازتي فأنا ما عندي إجازه لأني من الاساس لا وظيفه و لا دراسه و لا سنع
بس ماراح احرم نفسي من الوناسة 
) فخليني انبسط إلحين أفضل لي 
,,
الوضع العادي
