|
يوم من إجازتي بالصور ..وإنتو وش يومكم ؟ السلام عليكم ورحمه الله وبركاته مساكم /صباحكم .. مسكـ :smilie47: أشلونكم مع الإجازه إن شاء الله مستانسين << جعل أيامكم كلها وناسه الله يطول بعمر أبو متعب ويكثر لنا من هالإجازات على أنها أسبوع بس نبيها لو أنها يوم اليـوم جايبه لكم أول يوم في إجازتي وين قضيته هذآ طال عمركم رحت لدار الأيتام كانو محتاجين متطوعات عشان مسوين حفل للأيتام قلت خل نروح لأن خبركم قاعدين بجده لاسفر ولا غيره منها نغير جو وأسوي شيء جديد بحياتي كل متطوعه تختار لها ركن وأنا قمت أخترت ركن الرسم على الوجه ما اطول عليكم شوفو الصور هذا ركني http:///Apr10/DWu40039.jpg وهذي العـده اللي شريتها عشان أخربط في البزارين :naughty: http:///Apr10/yzt40039.jpg وذي بعض ابداعاتي وهـ لو شفتو أول بنت مسكتها قسم أني تفشلت وشعرت بالإحباط حتى البنت تطالع فيني ودها تبكي وأنا أقول لها واو يجنن :to: http:///Apr10/zUw41402.jpg ركن المزارع الصغير http:///Apr10/6jN40433.jpg http:///Apr10/wLQ40433.jpg وذي الشتله اللي غرستها إن شاء الله بس يسقونها كل يوم مو تموت :ap: http:///Apr10/z5D40433.jpg ركن الرسم على التيشيرتات عاد كنت أبي أصور لكم تيشيرت وحده كاتبه عليه الإتي فوووق الإتي ماحد يطولـه بغيت آخذه وأقطه بالشارع بس مسكت نفسي وقلت عيب يابنت الناس أذواق :ranting: http:///Apr10/s7Z40656.jpg ركن السلاسل http:///Apr10/4Gy40656.jpg http:///Apr10/WNM40656.jpg هذا الركن كان مره روعـه يحطون الجبس على اليد أو الوجه وإذا نشف ينزلونه http:///Apr10/rMp41097.jpg فيه أركان كثيـرة بس كانت مزحومـه حيل وماقدرت أصور هذا هو يومي وأنتو وش يومكم؟ إن شاء الله الأسبوع الجاي موعودين بـ استراحه اذا رحنا نزلت الصور أختكم مشاعل :smilie47: |
انا محجور على بالدوام الشباب اخذو اجازات وانااللي قعدت فيها يسلمو ع عملك وزين ماسويتي بالتوفيق لك |
يعطيك العافيه ويلا منها طلعه وناسه ومنها اجر ان شاءالله عجبني ركن الرسم على التيشيرتات نسيت اقولك اوما ياعليك رسمه مدري ذي فراشه ولا قمله^^ ((امزح معاك ولا بيكاسو مشاءالله^^)) تحياتي |
الله يجزاتس خير يا خيّه أنا ألاحظ فيه كثير من الأعمال التطوعية للبنات لكن ما عمري سمعت بالأعمال التطوعية للشباب وأنا متأكد بوجود الأعمال التطوعية للشباب ، لكن ما أحد يدري عنها لأنه ما فيه إعلان للأعمال التطوعية لأني أسمع عن الأعمال التطوعية للبنات وبدون إعلانات صدقيني لو تم الإعلان عن الأعمال التطوعية راح تشوفين آلاف من الشباب يشاركون بهذي الأعمال وأنا جد صار لي فترة طويلة أفكر بعمل تطوعي بس ما أدري وش أسوي :d العمل سهل جداً جداً هو دفن جميع الحفر الموجوده بالرياض يمكن تشوفين الموضوع صعب لكن لو طرح بإعلانات بمواقع إلكترونية بتسجيل أعضاء وكل إنسان يدفن الحفر الموجودة بالحي اللي ساكن فيه راح تنتهي المشكلة بوقت قصير جداً يمكن لو أحد يبلغ القطاع الخاص بدفن الحفريات ( جاه عيال ما دفنوها ) :d |
ماشاء الله عليك .. الله يجزاك خير ويسعدك على هالعمل التطوعي.. ما أجمل أن يكون مجتمعنا مجتمعا متراحما مترابطا .. ما أجمل العمل التطوعي إن كان عن قناعة شخصية.. شكلك راعية إبداعت .. الله يكثر أمثالك وأنا أخوك.. - أنا يومي ماكل تبن بالكاتشاب في الدوام..هههههه مديري عيا يعطيني إجازة لأن فيه موظفين كثير طلعوا إجازة مع عوايلهم ..وقال لنا : إنتم يالعزابيه اقعدوا وتاخذون الاجازة بعدهم.. أهم شيئ إذا رحتي للاستراحة نبي صور إبداعية يامشاعل وأنا أخوك.. تحياتي.. بالتوفيق .. ..عبدالعزيز.. |
^ هذا هو حال العزاب بالوظايف :D اشوف الي عندي اكلين تبن :( يبون العزاب بعد العطلهـ يسافرون مع انفسهم تقل خبول ض1 .. مشاعل :smilie47: أهنيكـ على هالرحلهـ :smilie47: يكفيكـ تشوفين فرحة الاطفال بهالحفلهـ :smilie47: فما بالكـ وهم ايتام :( :smilie47: مرررررهـ خاطري اني اسوي شي بحياتي لو بسيط للايتام او المعاقين :smilie47: الله يقدرني يارب .. وانتي الله يجزاكـ خير ويجعلها في حسناتكـ :smilie47: |
ماشاء الله عليك بصراحه عندك موهبه الرسم حتى الرسمه على وجهه البنت رسمه حلوووووه مو مجامله والرسم على تي شيرت اعجبني كثير |
جاني برود كاست عن دار الايتام بس مارحت ,, كويس انك بجده عندي قروب تتطوعي ,, توه مخلص من مهرجان ,, المره الجايه تتطوعين معي ان شاء الله ,, مواصل بالعكس الشباب الاعمال التتطوعيه حقتهم اكثر من البنات ,, ادخل الفيس بوك وبتحصل ,, شباب جده مسوين عمل تتطوعي وهو تنظيف شوارع جده ,, دامك تبي عمل تتطوعي ابشري برسل لك اذا حصلت ,, بس مشكله بالرياض قليل مررره ,, |
إقتباس:
في عمل اعرف كثيرا من الشباب الغير ملتزم يقومون فيه.. و واحد اعرفه له 5 سنين متواصله وهو يقوم فيه ... العمل هو المشاركة مع ما يسمى (بالمستودع الخيري) هذا اسمه بجدة يعطونك بيوت محددة لعوائلة فقيرة عفيفة و يعطونك كل شهر سيارة ممتلئة بالمعيشة وما عليك الا ان تذهب و توصلها لهم منها اجر ومنها تسمع دعوة لك ترد الروح ... :rose: |
الله يجزاك خير والله نحسدك ع عملك هذا وسعتي صدور الايتام واستانسو معاكم رسمتك حلوووه الله يوفقك ويقويك بالتوفيق للجميع |
ماشاءالله تبارك الله .. عمل رائع وحلو أنك شاركتي الأيتام فرحتهم وأدخلتي البهجة على قلوبهم المكسورة .. الله يسعدك دنيا وآخرة .. بالنسبة لي إجازتي دراسة :( لا تسأليني كيف ... :D شكرا عزيزتي :rose: |
* * مآشِشِآإء الله مبدعه آلله بوفقك...! بسسٍ وآلله فآضيه ترسسٍميينْ وتلونْيينْ :d وآلله حنْإآ مآنصدقٌ على آلله تجي آلإجآازه وآلله مآنمسٍسٍك آلقلم :s5s::s5s: ~<< ننسٍى آصلآآ كيف ينْمسسكٌ :naughty: آلله يوفقك ويجزآآك خيير وسٍسٍعتي صدور آلأإيتآأم :yes::smilie47: آلله يسسعدكً دنيآأ وآخره :smilie47::smilie47: وجعله بموآزينْ حسٍسٍنآأتك :smilie47::smilie47::rose:..! آمـآ أنأآ و آلله صآأر 4 آأيآم بآلششرقييه :smilie47::smilie47:..! ~>> وه بٍس يآلريآآض وربي آشتقتَ لكً :s2::smilie47: آلله يعيينْ بسٍ ..! . . |
في شوارع الرياض :D تشـــــــــــــــــاو |
مساء الورد ياقمر ,, إقتباس:
ههههههههههههههههههههههههههههههههههههههههههههه :s2: إقتباس:
نفس الحالة :cry: بس ماراح احرم نفسي من الوناسة :naughty: لأن الشهور الجاية ( :s3s: ) فخليني انبسط إلحين أفضل لي :d:ba1:,, ** أما يومي ,, أي يومي تبغين اتكلم عنه :d؟--> مسوية نفسها منوعة كل يوم غير :s2: والله في كذا شغلة حاطة ببالي بسويها هالإجازة إن شاء الله بعضها لها علاقة بالدراسة :s3s:,, وبعضها لا لنفسي ترفيه ,, موضوعك حلو ماشاء الله يعطيك العافية :rose:,, الله يجزاك خير عـ اللي سويتيه ,, شكر لك بطلة |
ما شاء الله تبارك الله عندنا دار ايتام توه جديد فاتحينه رحت اقدم على ظيفه عندهم طبعاً كالعاده كرشوني لكن أحس روحي تعلقت بذاك المكان لما شفت البنيات الصغار , صحيح مو مقصرين عليهم الدوله بشي بل انهم احسن حال من الناس العاديين بس اكثر شي لفت نظري البنوتات الصغار انا من زمان ودي اسوي شي بس للاسف مدري وش !! أهنيك من كل قلبي على عملك الرائع و مأجوره بأذن الله أما وش سويت بأجازتي فأنا ما عندي إجازه لأني من الاساس لا وظيفه و لا دراسه و لا سنع |
| الوقت المعتمد في المنتدى بتوقيت جرينتش +3.
الوقت الان » 08:16 AM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd