|
رحلتي في ميدان تخصصي ورسالة معجبهـ.. السلام عليكم ورحمة الله وبركاتهـ مدخل): سقى الله يوم انا طفلة انام ولااحد قدي ولااحاكي هموم اليوم ولا انطر امل بكره تلاعب يدي الدميه وعندي هالزمن وردي همومي لعبتي ضاعت وعندي هم وش كبره أخباركم؟؟ عساكم بخير. بدخل بالموضوع على طول..<<عسى الباب مفتوح طبعا انا الان في مرحلة تدريب ميداني لتخصصي صعوبات تعلم اكيد بعضكم يجهل هالتخصص.. او يسمع عنه.. http://up.rabe7.com/get-4-2010-f3epnamm.jpg طبعا هالتخصص هو إحدى مسارات التربية الخاصهـ((لذوي الأحتياجات الخاصه)) هو صعوبات اثناء تعلم احدى المواد الثلاثه الأملاء والقراءه والرياضيات قد ترجع لاسباب نمائيه يعني مشكلة عقليه((تذكر انتباه ادراك بصري سمعي)) او اسباب اكاديميه ((طريقة شرح المعلمه الطالبه تحتاج طريقه ثانيه تفهم فيها الدرس وهكذا.. بشرط هالصعوبات مايكون سببها اي اعاقه سواء كانت سمعيه بصريه او عقليه <<احس سمّعت لكم كل اللي درسته.. طبعا الطالبات اللي ندرسهم طالبات ((المرحله الابتدائيه)) عاديات وسليمات مافيهم اي اعاقه وإحالة الطالبات لنا تكون بعد مانجري لها اختبارات نحدد فيها اسباب صعوباتها وفي اي مجال طبعا بعد ملاحظة معلمتها لها ضعف تحصيلها الدراسي في احدى المواد الثلاث المذكوره اعلاه... طبعا يتم تدريسهم في غرفة المصادر: وهي عباره عن فصل خاص يختلف عن الفصل العادي ان لازم ندرس فيه طالبه وحده بس الى طالبتين والافضل طالبه عشان نحدّ من مشكلة تشتت الأنتباه .. وهذا صورة لغرفة المصادر.. http://up.rabe7.com/get-4-2010-937vfvct.jpg http://up.rabe7.com/get-4-2010-d0t7r8wu.jpg أبد مو خطتي<<ترى سببت صعوبة للطالبه في الرياضيات في هالدرس<<انا معلمة فاشله في الرياضيات:cry: http://up.rabe7.com/get-4-2010-9955e21p.jpg التخصص ممتع وفيه مجال للأبتكار والأبداع في تدريس الدروس مثال الطالبه عندها صعوبة في الرياضيات درس الجمع مثلا: نبتكر وسيله او قصه نشرح لها الدرس فيه طبعا هذي لوحه لاحدى الاخوات وودي انزل ابداعي<<تكفين يالابداع.. بس ماينفع انزلها الان حتى ماتسرق افكاري:naughty: لكن مجرد ماانتهي من مرحلة التدريب الميداني راح افيد فيها غيري<<ياكثر الكلام هذي طريقة لوحه للجمع.. وفكرتها واضحه المسئله تكون في العجلات.. والطالبه تعد اللي في العجلات وتطلع الناتج.. الى هنا هذا نبذه عن تخصصي. ((إعجاب عابر)) وانا في الميدان واجهت مواقف كثيره من أهمها في يوم كنت إنتظار على الطالبات ولما كنت متوجهه لغرفتنا الخاصه الا وطالبه تعطيني ظرف وتقولي من فلانه اخذت الظرف وفتحته في غرفتنا الا والقى رساله طبعا الى اليوم عجزت افك الطلاسم اللي فيها http://up.rabe7.com/get-4-2010-iaxii3wo.jpg صورتها بعد ماحطيتها على حوض السمك.. اللي خبير بهاالامور يفكها لي.. المشكله اسمها في وادي والانجلش في وادي تتوقعون ايميلها؟؟:cry: طبعا انا موقصدي استهزء بمشاعر الطالبه ((حاشا لله))<<واضح بس اللي خلاني انزل الموضوع ان هالرساله ذكرتني لما كنا بعمرها طبعا ماكنا نسترجي ونرسل رساله للمعلمه ونعبر لها عن حبنا البريء:smilie47: لانهم ماينحبون اساسا.. اللي اذكره كنت في صف ثاني ابتدائي احب ارسل لصديقتي ومره اذكر كنت اكتب لصديقتي رساله وكان بيدي ريال وحطيت لها الريال<<زمن كان الريال اغلى ماأملك كان له قيمه يجيب بيبسي:to: كنت في قمة البراءه وبدال لاأوطد العلاقه بينا اثاريني جبت العيد فيها وزعلت البنت علي وقالت انا مو طراره ورجعت الرساله لي ممزعه على الاقل رجعتيها مثل مااعطيتك اياها واهم شي رجع الريال.. وانا كنت اقول وانا شسويت:cry: الله يرحم ايامنا..من 14 سنه مااعرف اي خبر عن البنت الله يرحمها ان ماتت والله يوفقها ان كانت على قيد الحياه.. حبيت انكم تشاركوني رحلتي وعقبال ماتعدي هالشهور على خير وأتخرج:yes: دعواتكم لي اتخرج بمعدل حلو واخذ +A ((برايفت)): كم مره قلت كلمة طبعاً؟؟ دمتم بكل الود والأحترام :rose::smilie47::rose: مخرج): كبرت وزادت همومي واحس ان الزمن ضدي كبرت ونظرة الطفلة تعيش بداخلي فطرة كبرت وعشت هالدنيا كبرت ولاهو بيدي كبرت بشكلي ورسمي وقلبي باقي بصغره |
بتوفيق لك اخوي ان شاء الله تنجح الدورة الراعه اتمنالك التوفيق |
ماشاء الله عليك مدرسة رائعة من طراز نادر.. والله استفدت من كلامك وعرفت بعض الأشياء عن تخصصك .. أعجبني حرصك على الرقي بالطالبات ومحاولة الابتكار والتجديد ..وإن شاء الله تستمرين عليها وأنا أخوك << مو بعد التخرج تنسين أبو التجديد ههههه:s3s: أهم شيئ انتبهي لعواطف البنات وتوجيهها التوجيه السليم .. شوفي بالنسبة لرسالة البنت المعجبة أمممممم أنا قريت منها أشياء بسيطة مثل : - ياليتني أنا أحزن ولا إنتي.. -جمال الصبح نظرة عيونك ومرسوم بجفونك.. - يسألوني الأحباب عن وضعي وقلبي مايدرون إن البال والقلب مشغول.. - ثلج قلبي وهو يدور لقاك.. - أحبك أكثر من حب نفسي.. - أحبك مووووووت.. هذا الي قدرت أترجمه بعد ماكبرت الصفحة..<< صارت لغة ثانية :s5s: ......................... باختصار يالأستاذه هالبنت طبت ومحد سمى عليها هههههههه :d أهم شيئ انتبهي لمشاعرها وعاطفتها..يبدو إنها حساسة ومرهفة جدا جدا..وجهيها التوجيه السليم وأنا أخوك.. الله يوفقك ويسعدك ..وترى المدخل والمخرج مرة رايقة.. وإن شاء الله تبشريننا بالتخرج.. شكرا لك.. ..عبدالعزيز.. |
اختي الغالية .. هنيئا لك هذا التخصص .. الحقيقة تخصصك نبيل وفيه من النبالة وشرف المهنة الشيء الكثير .. وايضا ضعف التحصيل الدراسي يكون ربما .. لأسباب اجتماعية او تعتيقات عقلية بنيت .. في الطالبة .. او تم شحنها بشحنات سلبية .. كأن تطلب المساعدة من اخواتها ويقلون لها الا تفهمين .. هذي صعبة ما نعرف لها .. هذي ما تقدرين تحلينها .. اعطيتك نماذج للهدم النفسي والمعنوي لدى الطالبة .. وارى تخصصك سهل ولكنه يحتاج لطول بال .. وعقل يستطيع السيطرة على تصرفاته .. لأنها قد تواجه الفتاة بعض الصعوبات .. وتبدأ الأستاذة بالتهيج والغضب .. فعند اذن بدل ان تكون معالجة تكون .. هدامة وتتسبب .. في مشكلات نفسية .. قد تقع بها الفتاة ضحية .. والسبب انت ايها المعلمة في لحظة غضب .. اما بخصوص ورقة الطالبة .. لم اكن ولا للحظة اتوقع هذا الرد منك .. فما اجمل البرائة حينما تخالطها .. اعجاب وفرض ذات .. افرضي انك بمكان تلك الفتاة .. وكنت تتوقعين ان المعلمة ستسعد بها وانها تبادلك الشعور .. وكذلك .. ولكنها لو رأت كلماتك .. لتسيطر عليها الحقد والبغض لك .. فقد مررت في مرحلة الأبتدائية بهذه الحالة .. وقضيت حبيس الغرفة 4 ايام كاملات .. حتى انتقلت من المدرسة .. فأنا اكتب هذه الكلمات .. واتذكر .. ذلك الموقف .. ويشتمه عقلي .. لأنه تسيطر علي احساس حقد وكره لذلك الأستاذ والذي ان رأيته اليوم لفعلت به .. ما فعلت .. ولرددت له بضع ما كان يعطيني اياه .. من مبدأي ان ذلك يدل على نجاحك .. وطريقة المتميزة في كسب الود .. وصدقيني لا يوجد اجمل .. من ان تعشق طفلة .. فحينها ستشعرين بأحساس الأمومة .. اعذريني فبجعبتي الكثير .. ولكن لدي احساس بأني اطلت .. واكتفي بهذا الرد .. |
لي عوده ياعسل :wub:,, --------------------- |
إقتباس:
أولاً الله يوفقك وتتخرجين بالنسبة التي تسر خاطرك . وذكرتيني بالرسائل أول ما بدأنا التدريس وفيها حبة حلاوة عود مصاص وكلمات أحياناً لا نستطيع فك رموزها ...وكما قال عبد العزيز أستغلي مشاعر الطالبات في التوجيه السليم بما أنهن أحببنك فقد سهل عليك الدخول لعقولهن كما دخلت قلوبهن .. ما شاء الله عليك أكيد أسلوبك لطيف ودمك خفيف وأخلاقك عالية .. ماشاء الله عليك يا عبد العزيز فكيت الرموز حاولت ولم أستطع !! |
إقتباس:
موضوع مميز ماشاء الله ، ومدعم بالصور والمعلومات القيمة وفقك الله ، وأعانك وسهل أمرك مشكلة الإعجاب لدى الفتيات الصغار والمراهقات ، أعتقد أنها تبدأ بريئة وتنتهي خبيثة في أغلب الأحيان أتمنى منك أن تحتوي مثل هذه الطالبة ، بشكل إيجابي ، وتستثمري إعجابها في تطوير مستواها الدراسي ، وتجعلي التفوق الدراسي مقروناً برضاك عنها ومبادلتها التلطف والتودد التدريس مسئولية عظيمة ورسالة سامية ، أعانكم الله على حسن إحتمالها وتأديتها ، بما يرضي الله حفظك الله ، ووفقك لما فيه صلاح أمرك |
الله يوفقك يارب وتجيبين معدل يسعدك يارب اول شي بالنسبه للجمع على السياره الصراحه غبي ^^ عجزت افهم شي اول شي قلت عدد الركاب 3 قدام و2 ورى لكن قلتي نجمع بالكفرات تراكم تلخبطون البنات الي مثلي^^ وبالنسبه لاعجاب الابتدائي ياملحه شغل اوراق وشي انا العام اطبق ع ثانوي ماعندهم ورق تجيك البنت تقول تخاوين بنات انتي^_*<<تجيك الصيحه من الخوف؟؟!! ولا تقولك تراي اريح مو مثل غيري<<يوماااااا البنات الحين يخوفون الله يستر عليهم بس تبين الصدق على ذمه سيناتور الهلالي البنت من كلامها واضح انها تافلتن العافيه رايحه معك للاخر ^^ تحياتي |
هههههههههههه الله خلق وفرق انتي ما شاء الله عليك مبدعه وما قصرتي لكن اتمنى ان لا يتوقف الابداع عندك ابدا وان تختلقي وسائل جديده وان تكون من اختراعك الله خلق وفرق ان لي اصحاب في صعوبا ت التعلم لكن الله يهديهم داجين وقت التطبيق في احد المدارس الابتادئيه جابو العيد تخيلي مره راحو حديقه الحييوان وهم راجعين نسو طالب رجعو يجيبونه بسيارتهم الخاصه ولقو الولد عند شايب قاعد يتقهوى معه واخويانا وهم راجعين مشغلين اغاني والبزر الصغير قاعد يرقص :D تشـــــــــــــاو |
وعليكم السلام ورحمة الله وبركاته اهلاً وسهلاً فيك .. اولاً اسال الله لك التوفيق والتخرج .. بالمعدل الطيب .. هذا التخصص كنت مفكر فيه .. ولاخر لحظه غيرت الرأي .. زوج اختي متخرج من الملك سعود من سنوات بتخصص تربيه خاصه .. والآن معلم باحدى المدارس لصعوبات التعلم .. وكل مازرته اشوف عنده مربعات تركيب والعاب ذكاء والوان تتركب وشنط مليانه العاب الذكاء :d .. وصار يعطيها ولده يطقطق عليها .. والتخصص ممتع .. لاني قرات بعض الكتب اللي عنده .. وفيه كثير من الكتب بتخصص علم النفس .. والاجتماع .. والقراءه في مثل هذه الكتب ممتعه جداً .. وحسب كلامه التخصص لازال فيه نقص .. ويحتاجون خريجين .. لان اكثر معلمي التربيه الخاصه الآن اجانب .. ربي يسهل امورك .. اتمنى لك التوفيق .. وتقبلي احترامي .. دمتي بخير |
تخصص قوي وممتع واتمنى لك التوفيق والتخرج ان شاء الله بمعدل ممتاز |
تخصص رائع بصراحه واشوف انه مهضوم حقه بكل امانه والله يوفقك ان شاء الله:d |
وعليكم السلام ورحمة الله وبركاته بخير بشوفتك // .. بالنسبه للمدخل مره روعه ( اعجبها :smilie47: :s2: ) . طبعاً مو اول مره اسمع فيه هنا / سبق لك ان شرحتيه لي < تبغى تبين انها تعرفك :s2: :naughty: افكار الوسائل مره رووعه / عقبال ما اشوف افكارك يالغلا . وياااارب الاي بلس :yes: عوافي طفله . |
إقتباس:
شكرا لك على تواجدك الرائع..:rose::rose: |
إقتباس:
شكرا لك على الأطراء الرائع ومن ناحية مشاعر البنات لاتوصي حريصه دائما احرص ارضائهن والدخول الى قلبهن على الرغم من ان ممنوع ناخذ الرسائل وسبق اني رديت رسالة بنت قبلها ومع كذا ماحبيت اكسر بخاطرها لاني في الأول والأخير انا معلمة مؤقته عندهم فاأحب خلال الفترة المؤقته ازرع مكانه لي في قلبهن وذكرى كل ماهو خير لي ولهن.. وماشاء الله عليك ترجمت كلمات الرساله اللي من خلالها ترجمت مشاعر البنت اتجاهي بالنسبة للمدخل والمخرج الحمدلله انهم عجبوك شكرا لأناملك وحروفك لمكوثها في صفحتي دام تواجدك في صفحاتي.. :rose::rose::rose: |
| الوقت المعتمد في المنتدى بتوقيت جرينتش +3.
الوقت الان » 06:40 AM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd