خاص : لشيبان و عجايز المنتدى ! - نادي الهلال السعودي - شبكة الزعيم

ابو ريّان · #1 10/04/2010, 06:30 PM

بسم الله الرحمن الرحيم

السلام عليكم ورحمة الله وبركاته،

يا الله تحييهم وتبقيهم .. كلن باسمه .. أبسولف أنا وياكم شوي ..

هذه القصة قرأتها قبل شهر أو شهرين .. لا أذكر ! وحكى هذه القصة الصحفي دباس الدوسري ومثل هذه القصص الكثير لكن احببت أن أشارككم بها وسأكتبها من الذاكرة.

يقول دباس الدوسري : يوجد شيخٌ جليلٌ في "حارتنا" وقد عُرف عنه الصلاح والتقوى تكتسيه الحكمة والوقار وقد زيّنت وجهه المُضيء لحية بيضآء زادته وقاراً وهيبة !

وقد عرفت "الحارة" هذا الشيخ بمحافظته على الخير والبر وقبل ذلك كلّه الصلاة فكان يأتي قبل المؤذن وأصبحت "الروضة" بيته الأول وليس الثاني.

يقول دباس : وأنا خارج من المسجد ذلك اليوم وإذا بهذا الشيخ الجليل يلحق بي .. ثم قال : يا دباس، قد ابتعت حاسوباً و "أبغاك تسنّعه لي" فقال دباس : ابشر على العين والراس .. فذهبنا لمنزل هذا الشيخ وقمت "بالتسنيع" ودربته كيفية العمل عليه ثم قمت .. لكنه أمسك بجلبابي وثيابي وقال وين رايح ؟!

قلت : خلاص انتهينا .. قال الشيخ : لا .. لا الله يصلحك ضعه على موقع الزعيم وأضفه إلى المفضلّة !

إنّها فتنة العصر !

ولكم مني أجمل تحيّة.

...

وجدت الرابط لهذه المقالة :
http://www.al-jazirah.com/2485276/sp23d.htm

#2 10/04/2010, 07:11 PM

ههههههههههههههههههههههه حلوه تشكرات

عـز الهلال · #3 10/04/2010, 07:12 PM

و المطلوب ؟!

معليش بس مافهمت وش المطلوب من الموضوع
ولا فهمت المغزا من كلامك ..

ع العمووم شاكر لك توقيعك
كسبنآ فيه اجر ان شآء الله ..

@P-ALZAEEM-d@ · #4 10/04/2010, 11:43 PM

من جدك انت؟؟؟؟
اتوقع الخبر مفبرك مدري ليه

ابو ريّان · #5 11/04/2010, 04:31 AM

أهلاّ بالزعيم وبقيّة الزعمآء،

القصّة حقيقية كما هو واضح في الرابط، ولا أدري ما وجه الغرابة فيها ؟!

الكثير من كبار السن رجالاً كانوا أو نسآءً يظنون أن في مثل هذه الامر "فتنة" كما قال حمد الدوسري، وبعضهم قد يصل إلى الخجل من تشجيع نادي فيكتفي بذلك على نفسه .. وبعيداً عن هذا وذاك حقيقةً لا أرى ما يدعو إلى الخجل أو إطلاق مصطلح "فتنة" فالحمدلله أبعد ما تصل إليه هي "تعصّب" والتعصب في بعض الأحايين ليس عيباً !

أحببت أن "أداعب" بهذه القصة بعض شيباننا وعجايزنا فلعلهم يستأنسون به و "تستاسع" صدورهم، مع أن الكثير هنا وهناك ممن نعرفهم من قادة الهلال أو حتى من أقاربنا قد بلغوا من العمر عتياً ودمهم أزرق .. ولعل في هذا توضيح لاستفسار الأخ عز الهلال.

الصلاة على وشك الإقامة فلي لقآء مع شيخٌ جليلٌ هو كذلك دمه أزرق !

سمانا هلاليه · #6 11/04/2010, 06:01 AM

ههههههههههههههههههه >>>> ودي اسأل جدتي وش تشجع؟؟؟

اما لو تشجع غير الهلال >>>> ماراح اسوي شي خخخخخخخخخخخ

وليد القحطاني · #7 11/04/2010, 06:09 AM

إقتباس

الرسالة الأصلية كتبت بواسطة عـز الهلال


	و المطلوب ؟! معليش بس مافهمت وش المطلوب من الموضوع ولا فهمت المغزا من كلامك .. ع العمووم شاكر لك توقيعك كسبنآ فيه اجر ان شآء الله ..

وش تحس فيه انت ؟

انا ضحكت انت وش دخلك

بس توقيعك قوي

كونتراتاك · #8 11/04/2010, 06:14 AM

والله شعور حلو إنك تكون شايب وتتابع الرياضة
أصلا ً اللي حولك بيأدونك بهذا الشيء

الهلالي دائماً · #9 11/04/2010, 10:50 AM

اهلا اخي ابو ريان

قصة جميلة ومعبره

وكما ان الهلال فتنة العصر فان شبكة الزعيم فتنة الانترنت

شكرا لك ابو ريان .

عذروب خلي · #10 11/04/2010, 01:29 PM

هههههههههههههههه حلوة تخيل شايب ونت بعد

سيناتور هلالي · #11 11/04/2010, 01:38 PM

أهلا بأبي ريان..

وأنا أقول وش فيني مفتون ..؟!!

ياحبيل هالفتنة ياعالم..

بالتوفيق للهلال وللشيبان المنسمين..ههههه

..عبدالعزيز..

صـالح الحربي · #12 11/04/2010, 01:53 PM

اي والله صدقت يا ماجد مقبل شبكة الزعيـــــــــــــــــــــم فتنة الانترنت

ḾŎĤǍṀẠḊ · #13 11/04/2010, 02:03 PM

يالبى الشيبان المنسمين

اذا طحت لكـ بواحد بالملعب ويعطيك تاريخه كله

والمباريات الي يذكرها

ويسب بالنصراويه ههههههههههههههه الله من التنسيم بســـ
وتعال شفهم اذا قربت المباره تنتهي والهلال فايز

انواع الذبات السامجه

بســ لازم تسلكــ

وشسمه احس اني شطحت وتفلسفت بســ عاد وشسمهـ ذا

إقتباس


	فان شبكة الزعيم فتنة الانترنت

ابو مقبل

من شفت توقيعك وانا داري انكــ اليوم رومنسي

عوااافي ابو ريان

ابو ريّان · #14 11/04/2010, 04:20 PM

إقتباس

الرسالة الأصلية كتبت بواسطة سمانا هلاليه


	ههههههههههههههههههه >>>> ودي اسأل جدتي وش تشجع؟؟؟ اما لو تشجع غير الهلال >>>> ماراح اسوي شي خخخخخخخخخخخ

أهلاً .. جدتي لأمي تشجع النصر لأن ابنها القعده "خالي" يشجع النصر مع أن بقية أبناءها هلاليين فلعلها تتعاطف معه .. المشكلة كل ما قلتلها هزمناكم سوّت زي صحفيين الغفله وتقول ما فوزكم إلا الحمر العطر !

إقتباس

الرسالة الأصلية كتبت بواسطة وليد القحطاني


	وش تحس فيه انت ؟ انا ضحكت انت وش دخلك بس توقيعك قوي

هلا بوليد .. موضوعي قد يكون مُبهم والناس تختلف في مداركها، فلنحسن الظن فهو يبقى زعيماً .. شكراً لك على جميل دفاعك ودفاعك الجميل .. الله لا يحرمنا !

إقتباس

الرسالة الأصلية كتبت بواسطة الازرق المتعصب


	والله شعور حلو إنك تكون شايب وتتابع الرياضة أصلا ً اللي حولك بيأدونك بهذا الشيء

أهلاً .. والله هذا اللي أقوله بس فيه كثير من الشيبان ما يحبون يظهرون هذا الشي .. حيآءً وكأنهم يقومون بفعل منكر !

إقتباس

الرسالة الأصلية كتبت بواسطة ماجد مقبل


	اهلا اخي ابو ريان قصة جميلة ومعبره وكما ان الهلال فتنة العصر فان شبكة الزعيم فتنة الانترنت شكرا لك ابو ريان .

يا هلا وغلا بماجد .. صدقت، ولا اخفيك سراً .. اخوك ابو ريّان هاليومين مفتون في الشبكة وعسى ربّك يسهل ولعل تواجدي في مدينة الغبار سبب في ذلك !

إقتباس

الرسالة الأصلية كتبت بواسطة عذروب خلي


	هههههههههههههههه حلوة تخيل شايب ونت بعد

أهلاً .. وليه تروح بعيد، عندي "شخص" في البيت كحال هذا الشيخ الجليل .. الفرق أن هذا الشخص ما يخليك ترتاح .. كل شوي يناديك !

إقتباس

الرسالة الأصلية كتبت بواسطة سيناتور هلالي


	أهلا بأبي ريان.. وأنا أقول وش فيني مفتون ..؟!! ياحبيل هالفتنة ياعالم.. بالتوفيق للهلال وللشيبان المنسمين..ههههه ..عبدالعزيز..

يا هلا وغلا بعبدالعزيز .. وأنا شرحك ! لكن الفرق أخشى أن تكون فتنتي مثل "شوط بقره" يجي كله وبعدين ماتشوف شي ! اي والله يا حبيلناها من فتنة ! الله يوسّع صدرك يا بو سعود !

إقتباس

الرسالة الأصلية كتبت بواسطة ḾŎĤǍṀẠḊ


	يالبى الشيبان المنسمين اذا طحت لكـ بواحد بالملعب ويعطيك تاريخه كله والمباريات الي يذكرها ويسب بالنصراويه ههههههههههههههه الله من التنسيم بســـ وتعال شفهم اذا قربت المباره تنتهي والهلال فايز انواع الذبات السامجه بســ لازم تسلكــ وشسمه احس اني شطحت وتفلسفت بســ عاد وشسمهـ ذا ابو مقبل من شفت توقيعك وانا داري انكــ اليوم رومنسي عوااافي ابو ريان

يارجّال عندي واحد في البيت الله وكيلك لا أحد يجلس بجنبه .. أصلاً هو ما يناظر أغلب المباريات يا يطلع يدور أو يروح يبهذل السواق .. أما إذا جلس جنبك عز الله إنك توهقت لا أنت اللي بتشوف المباراة ولا هو يبي يخليك تشوف .. وهات وخذ وشل وحط، وكل شوي يقوم ويروح ياخذ لفه على البيت ويرجع وكل دقيقتين : وشلون اللعب ومن اللي ضاغط !

بس خل عنك الإسم الجديد حركه ودلع ! زين ما اخترت يا أنا أكره شكسبير .. ذاك الحشره فيه كره للإسلام والعرب لو وزعته على الأرض كفاها .. كفو !

...

إلاّ وش ابقول .. يا زين منتدى الجمهور الهلالي تحط موضوعك وتحط رجلك ولا احد يقولك وين رايح وين جاي .. هنا! لازم ترد على كل واحد