بسم الله الرحمن الرحيم

والصلاة والسلام على اشرف الانبياء والمسلين سيدنا محمد وعلى آله وصحبه الغر الميامين ومن تبعهم باحسان الى يوم الدين

السلام عليكم ورحمة الله وبركاته

منذ مدة كنت استمتع بخدمات شركة الاتصالات كعميل مميز يدفع فواتيره بانتظام ، يحصل على قطافه مشترك في قنوات الزعيم ( التابعة لقناة الشات للزعيم الله يجعلني اسمع خبر تسكيرها قريبا ان شاء الله ) المهم ما علي خلاف الين دبت في راسي فكرة ليه ما احول رقمي لموبايلي فيها خدمة للنادي الذي اعشقه و ما في فرق ( لاحظوا كلمة ما في فرق )

وكان الذي كان

كلمنا الاتصالات ومررنا بالمراحل هذي ارجو ان يتسع صدر الاعضاء لقراءتها ( وانا داري موبايلي والمشرفين هنا ما رح تعجبهم الحقائق ويمكن يقفل الموضوع بل اكاد اجزم بذلك )

1- اتصلنا بالاتصالات وبلغناهم الرجال في الخدمات بغى يبكي وهو ينصح وانا معطيه طناش مصمم
2- صار الي صار وحولنا على موبايلي ( على اساس باقة الزعيم ) اتفاجئ بانها باقة نجمه !!!!
3- اتصالات وبهدله مع الدعم الفني ، ياناس ما ابغى نجمه ابغى الزعيم وما في فايده يكلمك الواحد كانك بتاخذ من جيبه ما تطلب حق من حقوقك
4- قلنا ياولد ، اشترك في جوال الهلال على الاقل تجيك اخباره ، الين تنحل المشكله واشتركت في الباقات 1،2،3،4،5و 6 وكل واحده بـ 12 ريال بينما في الاتصالات مواضيعها تغطى في 3 قنوات بس ، قلنا معليه لعيون الهلال
4- استمرت المعاناه وكان عندي رصيد 200 ريال وبعدها غذيته ( خط مفوتر) يمكن بـ 200 ريال كمان ، تجيني الفاتورة بـ 400 ريال ( يعني في دورة اكثر من 800 ريال ) قلنا معليه يمكن لاني استخدمت النت ودفعناها
5- لازالت معاناة تحويل الباقه مستمره ولا زال موظفي موبايلي يعاملك باقل احترام ممكن خاصة اذا علموا انك ترغب في التحويل لباقة الهلال
6- قبل اسبوع انقطعت الرسائل ، وكانت تصل اصلا غير مكتمله ( لا تقولوا الجوال يمكن يقطعها لا ، فقد جربت اكثر من رساله طويله جدا تصلني عادي ) ومن يوم ما انقطعت رسائلهم ارسلت اتاكد انا مشترك الى الآن يرد علي انت مشترك .
7- نكلم موظفين موبايلي يقلك الرسائل للاشتراك والغاء الاشتراك عن طريق ارسال رساله طيب والدعم يقلك ما في دعم
8- كتبنا هنا في المنتدى ، وارسلنا للاخ موبايلي الهلال الي كاتب ان اي مشكلة تصير نراسله وارسلنا الرقم كمان وما في فايده


وما زالت المعاناة مستمره

واود طرح بعض الاسئلة ليتنا نجد اجابه

1-ماذا يعني هذا ؟ هل من اجل حبنا للهلال نعامل بهذه الطريقه ؟
2- هل ادارة النادي مطلعه على معناتنا ؟ ومن هي الجهه الرقابية عليهم ؟ لاننا اشتركنا لحب الهلال وليس لعيون موبايلي ! اذا لا بد للنادي من مراقبة عليهم لان زبائنهم الان معظمهم يشتركون حبا في الهلال
3- هذا المنتدى وضع لحل مشاكل المشتركين ام ماذا ؟ واذا كان كذلك ، اين المشرفين ليردوا على استفساراتنا ؟! ام انهم هنا لتقفيل المواضيع التي لا يرغبون فيها وقراءة المواضيع الاخرى ؟؟؟؟؟
4- وهذا الاهم ، هل جرب احدكم العودة للاتصالات ؟ وهل يمكن ذلك ؟
5- هل العنوان مناسب للموضوع ؟

اسف للاطاله

لكني بالفعل احس اني مغفل تم الضحك عليه وهو يبتسم